لو عايز تعمل صيانه عربيتك البولو بنفسك تعالى

**RAMY 2L 23RAG** · 06-03-2013 01:27 PM

الله ينور عليك

**M.Mostafa80** · 07-11-2013 09:12 PM

سلامو عليكم حبيت امسى عليكم بس بعد طول غياب

**eraser** · 08-12-2013 05:21 AM

وعليكم السلام يا محمد باشا

**emad_elsarrag** · 25-08-2014 10:28 AM

مشكووووور يا باشا
لو سمحت لو تعرف حد بتاع تكيفات بولو ...
معايا بولو 1997 1400 سيسي

**مروه الجنجيهي** · 08-09-2014 02:03 AM

المشاركة الأصلية كتبت بواسطة emad_elsarrag

مشكووووور يا باشا
لو سمحت لو تعرف حد بتاع تكيفات بولو ...
معايا بولو 1997 1400 سيسي

مساء الخير
لو حضرتك من سكان مصر الجديده او مدينه نصر فيه حد ممتاز في ش قنا متفرع من ش بيروت بميدان الجامع اسمعه الهواري او المطراوي ودا اشهر وافضل واحد بتاع تكييفات في مصر الجديده كلها وعن تجربه في اكثر من سياره ومايضحكش عليك ويجيبلك من الاخر

انا بقه عندي سؤال لو سمحت انا برضه عندي بولو 2001 بس الفوانيس الاماميه بتاعتها مشبره ومغيمه خالص فهل ينفع انها تتفك وتتنضف وللا لازم تتغير وياترى لو غيرتها ممكن تكون في حدود كام ؟

**windofchange** · 08-09-2014 03:51 AM

المشاركة الأصلية كتبت بواسطة مروه الجنجيهي

انا بقه عندي سؤال لو سمحت انا برضه عندي بولو 2001 بس الفوانيس الاماميه بتاعتها مشبره ومغيمه خالص فهل ينفع انها تتفك وتتنضف وللا لازم تتغير وياترى لو غيرتها ممكن تكون في حدود كام ؟

اعتقد ينفع تتفك وفيه محلات متخصصة في تنظيف الفوانيس وفي فيدوهات عالنت لو حبيتي تنظفيها بنفسك وتفكيها كمان وتنظفيها من جوه وتقفليها تاني

**emad_elsarrag** · 10-09-2014 06:19 PM

[الناس الجدعة اللي ردت كتر خيركوا كلكوا و شكرا علي المساعدة و جزاكم الله خيرا ....
هو فعلا طلع العيب إن المروحة مش بتشتغل علي السرعة السريعة لما بشغل التكيف و طلع حاجة إسمها المقاومة بايظة و هي قطعة جنب البطارية هي اللي بايظة غيرتها . والحمد لله التكيف بتعها تلاجة و 100%...
والله أنا كان معايا جولف 5 قبل ما أشتري البولو تكيفها ما كان في حلاوة و برودة تكييف البولو و الحمد لله و كتر خيركم علي المساعدة .
و علي فكرة المقاومة ديه ثمنها 150 جنيه....

بس بإمانة العربية البولو ديه عربية إختراع و تحفة ......

**emad_elsarrag** · 10-09-2014 06:33 PM

والله انا سمعت إن في ناس في شارع أحمد سعيد بالعباسية بيلمعوا وينضفوا الفوانيس و يخلوها زيرو حتي و هي راكبة في العربية من غير ما تتفك....
ده سواق تاكس اللي قالي الكلام ده بس عن نفسي أنا مش جربتها قبل كده .........
لو سألتي و رحتي و لقيتي الدنيا تمام ياريت تقولي لنا عملتي أيه ....

**مروه الجنجيهي** · 10-09-2014 11:22 PM

ميرسي جدا يا استاذ عماد ومبروك على تظبيط التكييف وربنا يباركلك فيها هيا البولو فعلا عربيه ممتازه
انا سألت عن موضوع تنظيف الفوانيس في ش دمشق وبيروت بمصر الجديده وقالولي برضه انه ينفع تتنضف وفيه كذا واحد هناك واعتقد انهم ممكن يكونوا افضل من اللي في العباسيه وعموما انا ان ان شاء الله هاروح قريب واظبطهم وهارجع اقولكم عن النتيجه

معلش هتقل عليكم بقه واسأل على حاجه تانيه .. موتور المساحات الاماميه عندي محتاج يتغير وموش عارفه اجيبه منين بقالي زياده عن سنه وكنت من فتره طويله سألت في الشهابي عنه ( ودا اكتر حد متخصص في قطع غيار البولو الاصليه في مصر الجديده ) قاللي ان مفيش الاصلي وان الموجود عموما في السوق يا اما الصيني ودا موش حلو يا اما الاستيراد ونصحني بحد اسمه امير الدهشان خلف حديقة بدر بجسر السويس
الفكرة اني موش عارفه هل لو جبت الاستيراد يكون مضمون وللا لأ وهل فيه حد تاني ممكن يكون مضمون او بيبيع الاصلي وللا بعد الشهابي مفيش امل