تعديل على دورة التبريد

**yascro** · 23-07-2011 04:51 PM

السى بى ار 1000 2008
13000 لفه

**sanseemoon** · 23-07-2011 04:54 PM

شوفت بقى يعنى مافيش سى بى ار 12000 زى ما انت كاتب

**m3_dolphen** · 23-07-2011 11:04 PM

على فكرة انا مش قصدى اغلطتك او اطلع نفسى صح مش ده الهدف خالص بس فى بايكات 12000 انا شفتها بس مش فاكر فين

**m3_dolphen** · 23-07-2011 11:41 PM

10500 الريد لاين 12000 اند لاين

**sanseemoon** · 23-07-2011 11:42 PM

انا بتكلم على الريس cbr

**m3_dolphen** · 24-07-2011 12:03 AM

**tito29** · 25-07-2011 12:38 PM

المشاركة الأصلية كتبت بواسطة me5emr

حرااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا م
ده اسمه افتره حوار الترموستات ال 128
لييييييييييييييييييه
ابسط مثال
لو بتلعب كوره و بتنشن علي العرضه كتييير
مره في مره الكوره بتبوظ
وبعديها بشويه الكوره بتفرقع
اهو هو ده اللي الناس بتعملوه
يعين المروحه مثلا القدره بتاعتها تشتغل كل مثلا مثلا
كل ساعه 10 دقائق
انت بتظبطها انها تشتغل 20 دقيقه كل ساعه
و لو انتوا كنتوا بتدوروا علي حل
الحل يمون so easy
زي العربيه
الليله كا التاتي
بقي لما العربيه بيقي فيها turpo or super charger
بيبقي في over heat علي المكنه
الحل ان احنا بنشيل الريداتير العادي ونركب
حاجه اسمها
inter cooler
و ده بيبرد المكنه اسرع و ابرد و افضل من الريداتير العادي
و ده في منه مقاسات عديده احسن حاجه للعربيات 3 و4
و ده احسن مركاته ال hks
ودول الشركه اللي بتنتج الturbo
و ده صوره للinter cooler
راكب في gsx600

و ده و هو راكب في المكنه(الموتور)

بس اللي في الصوره ده 3 core و الراجل قصه خلهsingle core
علشان المكان
بس هو في للبايك بس غاليي حابتيييين
هوا حل مكلف و موجود بس مش اي حد هيعرف يعمله
و الinter cooler و الturbo kit كامل
هتلاقيه عند عادل وجدي في الحرفييين
لاني سمعت امه واخد توكيل hks
و الناس اللي مركبهturbo
في البايك بتاعها هيظبطوك في الاماكن

يلا سلامووووووووووز ولو في اي استفسار العبد لله في الخدمه
وليد مخيمر

لو تسمح لي بالتعليق
معلومات حضرتك عن التربو و الأنتركولر كلها غلط في غلط
بص يا باشا و خد مني الصح (ده كلام مش نظري ده أنا نفذته بأيدي)
الأنتركولر مش الغرض منه تبريد الموتور خالص و أنما تبريد الهواء أللي داخل علي شاحن التيربو و بالتالي الهواء أللي داخل علي المانافولد يكون بارد بقدر الأمكان علشان يشيل معاه كمية أكبر من البنزين و بالتالي زيادة في القوة
طبعا مع الأشياء الأخري زي نظام أشعال عالي الكفاءة و طرمبة بنزين قوية و شكمان أكبر من العادي للتخلص من العادم بكفاءة أكبر
قصدي أن التيربو ده لوحده مدرسة و أقل غلطة فيه ممكن تفجر الموتور كله
لذا يجب الأول دراسة الموضوع كويس و تحديد الضغط أللي عايز توصله (كل ما الضغط زاد كل ما القوة زادت و التكلفة أرتفعت للسماء)
و من توابع التيربو زيادة الحرارة المتولدة من الموتور عن الحرارة الطبيعية لذلك يتم تعديل نظام التبريد كالأتي:
أولا أستعمال رادياتير أكبر و من مواد قادرة علي تبديد الحرارة أفضل
ثانيا أستعمال مراوح تبريد أكبر و ذات لفات أسرع
ثالثا توسيع مجر المياه داخل وش السلندر و حوالين الشمايز
رابعا أستعمال طرمبة مياه أفضل و ذات كفاءة أعلي
خامسا تركيب مبرد زيت للموتور و دي عملية مش سهلة و ليها حسابات كتير

يارب أكون أفدت حضرتك بمعلومة ولو صغيرة

نيجي للموضوع الرئيسي و هو القضاء علي سخونة المحرك و بالذات أثناء الوقوف في الأشارات و الزحمة
موضوع الترموستات أكيد حيفيد بس أستفادة بسيطة
أعتقد أن أفضل الحلول كالأتي:
أولا تأكد من سلامة الرادياتير و أنه خالي من الصدأ
ثانيا أستعمل مبرد مياه جودة عالية و بلاش مياه الحنفية
ثالثا أول تعديل تعمله هو تغيير المروحة بأخري أكبر حجما و تكون مناسبة للمكان خلف الرادياتير
رابعا أقوي طريقة هي تغيير الرادياتير بأخر أكبر حجما بس ده حل شبه مستحيل علشان مكان التركيب لا يسمح
خامسا تغيير قميص الرادياتير و ده عبارة عن الصاج (أو الفيبر) أللي حوالين المروحة و خلف الرادياتير و فائدته منع الهواء الساخن من الوصول ألي وش السلندر
و غالبا الموتوسيكلات لا يوجد بها هذه الصفيحة (يطلق عليها قميص الرادياتير) و ممكن تفصيلها بسهولة بهدف صد الهواء الساخن عن وش السلندر

عن تجربة شخصية: أنا عندي ياماها 850 تي دي أم و الحرارة عندي مستقرة طول ما أنا ماشي بس لما الأشارة تطول شوية المؤشر يعلي تدريجيا حتي قرب الأحمر
بس أول ما أتحرك ترجع تنزل تاني للمعدل الطبيعي لذا أبسط حل هو أني بأطفي المحرك لو الأشارة شكلها حاتطول بس كده
حل في منتهي البساطة

**yascro** · 25-07-2011 02:48 PM

معلومات قيمه عن التريبو يل تيتو
وحلول اقيم لحل مشكله التبريد

**tito29** · 25-07-2011 03:02 PM

المشاركة الأصلية كتبت بواسطة yascro

معلومات قيمه عن التريبو يل تيتو
وحلول اقيم لحل مشكله التبريد

نورت الدنيا يا عمدة
شاكر علي تعليق سيادتك الكريم

بس أنا مش من أنصار التيربو خالص في البايكس لأنها ببساطة مش محتاجة الكلام ده
يمكن في الدراج ريس و في السي سي العالي زي الهايابوسا يكون له فائدة أنما ماعدا ذلك فكفاية فلتر هواء رياضي (K&N) و ياسلام مع شكمان (Two Brothers) و فردة خلفية 200 و لو تكمل بنيتروس سيستم يبقي كده فل قوي

**yascro** · 25-07-2011 03:12 PM

المشاركة الأصلية كتبت بواسطة tito29

نورت الدنيا يا عمدة
شاكر علي تعليق سيادتك الكريم

بس أنا مش من أنصار التيربو خالص في البايكس لأنها ببساطة مش محتاجة الكلام ده
يمكن في الدراج ريس و في السي سي العالي زي الهايابوسا يكون له فائدة أنما ماعدا ذلك فكفاية فلتر هواء رياضي (k&n) و ياسلام مع شكمان (two brothers) و فردة خلفية 200 و لو تكمل بنيتروس سيستم يبقي كده فل قوي

ب ايه رايك ف طقم فلاتير(هوا وزيت ) كى اند ان
و جكمان ام فور جى بى اديشن
وفرده 200 خلفيه
على البايك 2008 سى بى ار