الموضوع: سؤال واحد بس لأي حد بينكر ان الجيش حمى الثور

المشاركة الأصلية كتبت بواسطة hamada_amg

بسم الله الرحمن الرحيم

هو طبعا الكلام ده هيزعل ناس كتيره اوي و يضايق ناس اكتر لكن خلونا نتكلم بموضوعيه و نقاش هادي من غير تعصب

و على فكره انا مش بدافع عن حد و لا بقول كلام شعر فى حد لكن العقل اللى ربنا ميزنا بيه يخلينا نحكم بالراحه و بالهدوء و من غير ما نسب و نشتم فى حد

و المهم بعد ازن الجميع يعني اللى يقول حاجه يبقى فى دليل عليها او شافها بعينه او سمعها بودانه مش مجرد ميديا و لا كلام من الهوا

اولا هو المجلس العسكرى ده بقى ماسك السلطه ليه ؟

ما تيجوا كده نبص على ليبيا و لا سوريا و لا اي بلد هنلاقى ان الجيش بتاعها و لا عامل اى بتنجان مجرد انهم بيضربوا بعض و السلام
طب و انت جيشك عملك ايه ؟
اولا شالك الريس اللى مش عاجبك و ده محدش كان يحلم بيه
اوعى حد يفتكر ان الشعب بمطالبه هو اللى شال الريس و الا كانت المظاهرات قبل كده شالته لكن الجيش هو اللى شاله

حد كده يفتكر يوم اعلان التنحي مين اللى قال التنحي و بحمايه مين ؟

هل كان الريس نفسه قال انا مشيت و لا حد من الحركات اللى فى التحرير قالت احنا نحينا الريس

و لا عمر سليمان هو اللى طلع ووراه الحرس الجمهورى و الجيش

فكروا فيها بالعقل كده و بهدوء

ثانيا نيجي بقى للناس اللى بتقارن الجيش المصري باي جيش تاني فى العالم العربي

لو جيشك زي جيش باقى الدول مكنش وزاره الدفاع هى الوزاره الغنيه الوحيده فى البلد اللى بتنتج و بتسلف الحكومه السابقه كمان فلوس
حد يقولى كده تعداد الجيش المصري اد ايه ؟
و قبل ما يقولى العدد يقولى كام جندى مجند شغال فى المصانع الحربيه و المشاغل و باقى مشاريع الجيش ؟
و قبلها يعدلى كام واحد على الاحتياط

حد يقولى كده لما جيش انه شعب اتدخل فى المظاهرات اسرائيل اتكلمت و قالت احنا خايفين على حدودنا ؟

حد شاف اى حد من امريكا و لا اسرائيل عمل حساب لاى جيش فى العالم العربي غير الجيش المصري ؟

اللى انا اعرفه ان لما حد يعمل اعتبار لحد يبقى اكيد خايف منه و لا ايه ؟

نمسك بقى افراد الجيش نفسهم ؟

ما تشوفوا كده الظباط و العساكر اللى موجوده فى الشوارع ده عامله ازاى و بتتعامل مع الناس ازاى

و يقولك الجيش ضربهم مش عارف امتى و امتى و هو ضربهم ليه ؟
تخيل حضرتك مواطن عادي و مديرك قايلك متكلمش حد و لا تتدخل مع حد و جه اى حد بيشتمك و يسبك بالفاظ منيله و انت بتقوله شكرا و كمال بيحدفك بالطوب و انت بتقوله شكرا
لو انت بقى اترفع عليك سلاح هتسيبه و لا اصلا انت هتستحمل كل ده

تخيل كده كم الغضب اللى انت فيه من الناس ده كلها و انت فى ايدك سلاح و متضرب و كفاءه تقوم بيهم كلهم و مع ذلك بتضبط النفس و هادي و ساكت

حد يقولى ليييييييييييييييييييييييي ييييييييييييييييييييييييه ؟

عشان يا اساتذه لو الجيش ضرب بجد و استخدم السلاح بجد هتبقى مجزره مش هزار
هتبقى مذبحه المصريين فعلا و للعلم ضتبط الجيش ده متدرب انه يقوم بكتيبه كامله مش شويه ناس مدنيه مش فاهمه الحرب كويس

اه نسيت اقولكم ان الجيش اللى ماسك فى القاهره الكبرى ده الجزء بتاع الشرطه العسكريه بس
و الشرطه العسكريه ده متدربه انها تتعامل مع ظباط الجيش اللى هو متدرب انه يتعامل مع كتيبه متدربه و مسلحه
تخيلوا بقى ايه اللى هيحصل لو الناس ده فقدت اعصابها من التهريج اللى بيحصل زي اللى حصل فى العباسيه كده

عايزين بس نخلى الناس تاخد بالها من النقط الصغيره ده اللى هتفرق بعد كده كتير فى التدخلات لو لقدر الله حصل تدخل


طب المشكله بقى دلوقتى لو الجيش صبره نفد ايه اللى هيحصل حد يقولى ؟

تمرد عسكرى على الشعب يعني حرب بين الجيش و الشعب
تخيثل بقى حضرتك الجيش اللى متدرب انه يتعامل مع افراد اكبر منك قوه و تسليح بيتعامل مع الشعب النتيجه ايه ؟

و حتى لو طلع من الشعب ناس قويه و متدربه ووووووو و هزم الشعب الجيش بعد اد ايه بقى من الضحايا لان الخصم ساعتها خصم عنيف اقوى بلاد العالم عملاله حساب

ساعتها مين اللى هيحمى البلد بره و على الحدود ؟

و مين اللى هيمسك البلد اصلا ده ان اتبقى فيها حد يصلح انه يمسكها ساعتها ؟

و لو فرضنا العكس و الجيش انتصر اخبار الحرب الاهليه ايه بقى ؟

و اخبار الدول اللى حوالينا ايه بقى ؟

و الاحكام العرفيه ايه نظامها ؟

علمونا زمان فى المدرسه اننا نقدر اللى قدامنا صح و نحسب مصادر ضعفه و قوته و منخدهاش كده بالبلدي و يقولك الشعب اللى مش عارف عمل ايه هيعمل ايه

اللى يعرف يجاوب على كل الاسئله ده هيفهم الدنيا ماشيه ازاى صح و فى النهايه انا بحط النقط على الحروف قدام الناس اللى مش واخده بالها بس و اسف على الاطاله

ودي و تقديري و احترامى للجميع و ده مجرد راي و كلام مش اكتر

السلام عليكم

كلامك مسترسل و خيالي بعض الشيء

القاهرة لوحدها 18 مليون مصري نقول المعارضين فيهم 5% يعني مليون نفر

مش حتكلم في اعداد

انتى حسستني ان افراد الجيش جايين من كوالالمبور

الشيج توزيعه الجغرافي بيبقى اقليمي يعني لو انت من القاهرة بتروح للمنطقة العسكرية التابعة للقاهرة

يعني لما حتنزل الشارع و انت لابس ميري حتلاقي قرايبك و اخواتك و صحابك و معارفك

ايام الثورة جت تعليمات مباشرة من مبارك باخلاء الميدان لقوات الجيش المحيطة بالميدان و تم تجاهل الاوامر المباشرة من الفائد الاعلى للقوات المسلحة

و ده اللي خلى المجلس العسكري ينعقد و يلم الدور لانه عرف ان 90% من القوات الميدانية حتتمرد على الاوامر لو صدرت اوامر غير منطقية زي اطلاق نار على مدنيين

المشاركة الأصلية كتبت بواسطة hamada_amg

طب المشكله بقى دلوقتى لو الجيش صبره نفد ايه اللى هيحصل حد يقولى ؟

تمرد عسكرى على الشعب يعني حرب بين الجيش و الشعب

و هزم الشعب الجيش بعد اد ايه بقى من الضحايا

ساعتها مين اللى هيحمى البلد بره و على الحدود ؟

كلام مظبوط الله ينور

مع اختلافي معاك في هدفهم من استفزاز المجلس العسكري

لأن الجيش المصري ما ضربش الشعب .. ومستحيل هيضربهم ليوم الدين

الجيش لو ضرب هيضربهم هما .. 6 ابريل ومن والاهم .. واكاد اجزم ان الشعب كله .. الاصيل مش العميل .. هيحي الجيش لو قضى عليهم في خمس دقايق.

بس ده لو حصل هيصبح زريعة للتدخل الاجنبي في مصر .. زي ليبيا بالظبط .. وخاصة ولي نعمتهم امريكا

عشان كده هما مستقويين بكده

والسبب التاني انهم اساسا بيشتغلو على نظرية الضحية والفداء .. بأنهم يبكون ويتاباكون على الضحيه لكسب تعاطف الناس .. والكلام باين من اول "كلنا خالد سعيد" .. و"وائل غنيم اللي بكى عالشاشة" .. "البرادعي اللي انضرب" .. و"الشهداء" مع اننا اولى منهم بشهدائنا .. و"اللي حصلهم في العباسه" .. وهكدا ..

فكانوا عايزين يخلقوا ضحية جديده في العباسية عشان تكمل النظرية


واطمنك ده مش هيحصل نهائي .. لانهم قبل ما يستفزوا الجيش تاني .. هيكون الشعب قضى عليهم .. وقضى عليهم بمعنى الكلمة .. واللي حصل في العباسية خير دليل .. والمليونية الجايه هتثبت الدليل ده .. فخطتهم مسيرها الفشل لا محالة.

انا باتكلم بس وعملت الموضوع ده حتى لا يتم خداع اي شخص طاهر ويشدوه ليهم .. لو ماكنش بالدولارات .. يبقى بالكلام المضلل ونظرية الضحية اللي متعلمينهم على ايد الامريكان .. لكن انا واثق انهم الى زوال. وعن قريب.

القاهرة- وكالات:
أكد القائد العام رئيس المجلس الأعلى للقوات المسلحة المشير محمد حسين طنطاوى أن مهمة القوات المسلحة فى هذه المرحلة هى تسليم البلاد إلى سلطة مدنية شرعية تتولى البلاد فى انتخابات حرة نزيهة بإرداة الشعب. وأضاف: “لم نكن نتخيل أن ينقلب الوضع فى أن نكون فى ناحية - فى إشارة إلى القوات المسلحة - وغيرنا فى ناحية أخرى“. وأردف ”الشعب فى صف القوات المسلحة وخطواتها للعبور بالبلاد إلى بر الأمان “، محذرا من أن “هناك أناس من الخارج تغذى وتعمل مشروعات محددة ينفذها بعض الأفراد من الداخل غير فاهمين ومعنيون بأشياء غير حقيقية لا تخدم مصر“.
وأشار إلى عدم تدخل القوات المسلحة مع معتصمى ميدان التحرير فى ميدان العباسية، وقال إن الشعب هو الذى تدخل وتصدى لذلك. وأضاف ” من المحتمل أن يكون عدم فهم.. وجهات خارجية تدفع الناس فى جهات غير مضبوطة.. “، وأكد المشير مجددا على أن القوات المسلحة لم ولن تطلق طلقة واحدة على المواطنين، وقال ” الشعب هو أولاد وأبناء وأهل القوات المسلحة.. إلا أن جهات معينة لا تريد الاستقرار لمصر “.
وأوضح، فى لقائه مع قادة وضباط الجيش الثالث الميدانى ودارسى الكليات والمعاهد العسكرية، أن القوات المسلحة حددت مهاما وتوقيتات محددة لتنفيذ هذه المهمة، مشيرا إلى أن ذلك لم يكن للقوات المسلحة أى اختيار فيه، وأضاف: “اضطررنا إلى تولى هذه المهمة فى هذه المرحلة من أجل مصر “.
وجدد التأكيد على أن القوات المسلحة هى التى حمت الثورة وأنه لولاها - أى القوات المسلحة ما كانت نجحت فهى ثورة شعب ونحن جزء من هذا الشعب، وإن القوات المسلحة قادرة على حماية الشعب فى جميع الأوقات.
وأضاف المشير طنطاوى فى استكمال رده على التساؤل: ” طالما ارتضينا بالمهمة نترك الأمر لكل من يريد أن يقول رأيه وأن ما يحدث غير مؤثر.. ورأينا فى الفترة الأخيرة رأى الشعب؛ فى إشارة الى تأييد الشعب للقوات المسلحة والمجلس العسكرى.
وردا على سؤال خلال اللقاء عن “التطاول” على رجال وأفراد القوات المسلحة وإمكانية وجود قناة للرد قال المشير طنطاوى: ” لن نقوم بعمل ذلك؛ فقنوات مصر وطنية.. إلا أنه فى فترة من الفترات وبعضها حتى الآن توجهاتها ليست سليمة وغير مقبولة ”
وقال المشير طنطاوى:” تخرجت منذ عام 1956 وحاربت كقائد فصيلة مع القوات الفلسطينية فى خان يونس ومن يومها وأنا فى رباط.. واليوم يوجد وضع آخر يؤثر على مصر.. وما يهمنا مصر، وإنه لو نحج الأعداء فى إخراجنا من السياق سيكون ذلك مصيبة على مصر ولن نسمح به..
وأنا كوزير كانت المسئولية منصبة على القوات المسلحة ولم أدخل فى المناورات الملتوية من أجل مصر وسنتحمل الصعاب، وأنه حينما تصل الأمور إلى ما يؤثر على مصر بالسلب فلن نسمح به.. “.
واستطرد قائلا ” شاركت فى حرب الاستنزاف وقيادة القوات فى حرب الخليج ولم نتعرض لما تعرضنا له الآن.. “.
وأضاف ” القوات المسلحة تمتلك القوة مثل امتلاكها للصبر والإيمان والروح المعنوية.. وإنه لن يؤثر أحد على هذه الروح “. وأكد ” سننفذ مهمتنا لآخر نفس.. والشعب كله وراءنا، والذى يهمنا ما بداخل القوات المسلحة ولا يهمنا أحد وسنستمر فى اتجاهنا حتى ننجح فى ذلك مهما كانت الصعاب.. ” .
وقال المشير طنطاوى إن التطاول على القوات المسلحة نأخذه بسعة صدر، وأنه يكفى أن الشعب مقتنع بالقوات المسلحة بنسبة 100 %. وأضاف مخاطبا قادة وضباط الجيش الثالث الميدانى والشعب ” نحن أبناؤكم كتفنا فى كتفكم وأولادكم.. فالمرحلة تضطرنا إلى أن نتحمل “.
وأكد أن الكفاءة القتالية لم ولن تتأثر فى الفترة المقبلة وقال ” نحن فى مهمة خاصة سنعود بعدها إلى ثكناتنا وحماية مصر ضد أى اعتداء..” وأضاف ” نحن عازمون على السير فى اتجاه واحد وسنتعامل مع الأمور بالعقل والمنطق؛ فمصر هى الهدف “.

المشاركة الأصلية كتبت بواسطة hobiko

كلامك كله ..... حيقضي عليهم ..... الشعب حيفرح لو قضى عليهم ...... مش عارف إيه الدموية و السادية دي


ولا عجبك خالد سعيد ولا عجبك وائل غنيم ولا البرادعي ولا 6 ابريل ...... امال مين إلي عجب حضرتك و ميستهلش يموت و الجيش يقضي عليه ؟؟؟؟؟

اولا انا ما قلتش انهم مش عاجبني مش ده الهدف .. صندوق الانتخابات هيحدد الغالبية عاجبها مين.. انما انا قلت ان 6 ابريل بتاخدهم ضحية عشان تستدل تعاطف الناس زيهم زي الشهداء. طريقتهم معروفه متدربين عليها من الامريكان.


اجابة سؤالك

ان الجيش مصري .. مكلف بحماية الوطن .. والشعب .. والتصدي لاي خطر علي مصر سواء داخلي او خارجي

واعتقد لو قرأت تصريحات المشير فوق هتلاقيه موضح هيحمي مين وهيقضى علي مين قال:



إن القوات المسلحة قادرة على حماية الشعب فى جميع الأوقات



القوات المسلحة تمتلك القوة مثل امتلاكها للصبر والإيمان والروح المعنوية



نحج الأعداء فى إخراجنا من السياق سيكون ذلك مصيبة على مصر ولن نسمح به

حينما تصل الأمور إلى ما يؤثر على مصر بالسلب فلن نسمح به.. “


ولو للاسف وصلت الامور انه يتدخل ضد الخونه ... هتلاقي 80 مليون مصري نازلين عليهم قبل ما تطلع طلقه واحده من الجيش وبالتالي يتورط ويحصل التدخل الاجنبي اللي العملاء عايزينه .. او الفوضى الخلاقة زي ما علمتهم كونداليزا.

ضد الخونه والعملا ويقضى عليهم وامريكان وكونداليزا ولن نسمح وتدخل اجنبى
عرفتكم يا بتوع الكاميرا الخفيه
انتوا من قناه الفراعين صح