سؤال واحد بس لأي حد بينكر ان الجيش حمى الثور

**heshamzaky** · 27-07-2011 09:41 PM

المشاركة الأصلية كتبت بواسطة elrasy

يعنى الشعب اللى قدر على امن مركزى مليون فرد مكنش هيقدر على جيش 400 الف

ردا على هذا السؤال تحديدا .
لا طبعا الشعب مش حا يقدر على الجيش لو حصل مواجهة و صدام حقيقى بين الطرفين .
الامن المركزى دول نسبيا ذو تسليح متوسط و بسيط و لكن الجيش تسليح أخر و نوعية أخرى
النوعية الى الناس بتشوفها فى الشوارع مش هو دة الجيش الحقيقى دول عساكر نسبيا مرفهين و مفيش أى أوامر بالاشتباك مع المدنين
مش عاوزين القصة تدخل فى المنحنى دة بس أجابة لسؤالك لآ مفيش أى تكافىء بين الطرفين و مش عاوزين الفكر يروح لامكانية المصادمات بين الطرفين

**ashraf_msd** · 27-07-2011 09:52 PM

المشاركة الأصلية كتبت بواسطة chato_eg

لا يمكن لأحد أن يتخيل مدى سعادتى بوجود أفاضل من أمثال
aly_hosny
blazer
misoalex
mmffor
akramlail
skybird
تامر محمد
hobiko
أنا كنت بدأت أحس إن خلاص مفيش أمل

بما ان الشباب الثورجي اللي ضد الجيش كتير قوي كده - حسب احصائك دلوقتي - لدرجه خلتك سعيد وبما انها بالعدد

اذن:

لو تم يوم الجمعة الجايه نزول عدد من الناس يساوي 1000 ضعف عددكم على الاقل (او عدد ثورجية التحرير او عدد 6 ابريل او عدد الناس اللي راحت للمجلس العسكري - سميهم زي ما انت عايز) واعلنوا تأيديهم للمجلس العسكري - هل هتفضل سعيد؟؟

وهل يحق لكم بعد زلك انكم تتكلمو باسم الثورة؟؟

والاهم هل هتستجيبوا لاراده الاغلبية الساحقة؟

ولا هترجعوا تعملوا مظاهرات تاني وتحرشات بالجيش؟

**mmffor** · 28-07-2011 12:29 AM

احنا نموت الكام الف بتوع سته ابريل و الكام الف المتعاطفين معاهم

الجيش يسحقهم يمحقهم و احنا نشكره

طيب قدر لو اخويا كان في الميدان ساعة السحق و المحق و مات مع انه مش مع ابريل!!!

قدر لو اخوك انت كان في التحرير بيتفرج او بيضيع وقت نقول لما سحقوا و محقوا؟؟؟

يا اخي اتقي الله عز و جل

الجيش يغور في ستين داهية يرجع ثكناته ولا ان مصري واحد يموت

لان لو الجيش قتل فرد واحد يبقى معناه انه بيقتل من اجل السلطة
و اذا كانت 6 ابريل او غيرها بتتظاهر علشان السلطة على الاقل هما مبيقتلوش و يبيدوا زي ما انت ما بتقول

اتقي الله دم المسلم اشد حرمة من الكعبة!!! يعني عند المولى عز و جل ان تزول الكعبة و تتدمر اقل حرمانية من ان مسلم واحد يموت

الحمدلله ان من يفكروا مثلك ليسوا في السلطة

و للعلم التيارات الاسلامية و السعبية نازلة الجمعة تأييدا لمطالب الثورة و ده اللي كلهم بيأكدوه و ليس تاييدا للجيش زي ما انت بتحلم

**A.Saad** · 28-07-2011 12:59 AM

الجيش مش هيقتل حباً فى السلطة
لكن البعض هيصور لنا ان الجيش عمل كدة للاصطدام معاه

**SkyBird** · 28-07-2011 04:13 AM

المشاركة الأصلية كتبت بواسطة ashraf_msd

بما ان الشباب الثورجي اللي ضد الجيش كتير قوي كده - حسب احصائك دلوقتي - لدرجه خلتك سعيد وبما انها بالعدد

اذن:

لو تم يوم الجمعة الجايه نزول عدد من الناس يساوي 1000 ضعف عددكم على الاقل (او عدد ثورجية التحرير او عدد 6 ابريل او عدد الناس اللي راحت للمجلس العسكري - سميهم زي ما انت عايز) واعلنوا تأيديهم للمجلس العسكري - هل هتفضل سعيد؟؟

وهل يحق لكم بعد زلك انكم تتكلمو باسم الثورة؟؟

والاهم هل هتستجيبوا لاراده الاغلبية الساحقة؟

ولا هترجعوا تعملوا مظاهرات تاني وتحرشات بالجيش؟

الاغلبية رقم متغير يا صديقي وليست كتلة اسمنتية
مرة معك ومرة ضدك ولهذا اخترعوا الانتخابات الدورية كل فترة من الزمن
ومن يظن انه يحتكر الاغلبية على طول الخط فسوف يسقط في اول اختبار لانة لم يعلم مبادئ السياسة

**ashraf_msd** · 28-07-2011 07:22 PM

المشاركة الأصلية كتبت بواسطة skybird

الاغلبية رقم متغير يا صديقي وليست كتلة اسمنتية
مرة معك ومرة ضدك ولهذا اخترعوا الانتخابات الدورية كل فترة من الزمن
ومن يظن انه يحتكر الاغلبية على طول الخط فسوف يسقط في اول اختبار لانة لم يعلم مبادئ السياسة

مش معترض .. بس احنا بنتكلم عن الوقت الحالي اللي احنا فيه.

اللي اقصدة اننا لازم نعترف ان الديمقراطية مستحيل هترضي الناس كلها .. ولا القرارات ولا حتى القوانين .. مافيش حاجه ممكن ترضي الناس كلها .. بس اعتراض الاقليه على رئ الاغلبية مش صح .. تصادمات وصراعات مش هيكون من ورائها طائل غير حاجة من اتنين .. اما الاقليه تتحكم في الاغلبيه .. او فوضى واعتداء من الاقليه .. وفي الحالتين هيكون الضرر لينا وللوطن. الحق بيقول ان الاقليه لابد وان تتنازل لرئ الاغلبية .. وتبدي المصلحة العليا للوطن عن المصالح الشخصية . وده اللي ماعملهوش 6 ابريل واشياعهم.

ولك عليا عهد .. لو حصل في يوم انكم بقيتم اغلبية ... اني انزل على ارائكم وما اعترضش .. لكني اعتقد ان ده احتمال بعيد جدا ان لم يكن مستحيل في بلد زي مصر.

**ashraf_msd** · 28-07-2011 07:31 PM

المشاركة الأصلية كتبت بواسطة aly_hosny

يعني ايه تايدهم للمجلس العسكري
انا مش مع المجلس الرئاسي بس ضد سياسات المجلس العسكري و شاكك في توجهاته
و مش معنى كدا اني اقعد انفخ في المجلس العسكري
و نكرر كلامهم ال عايزنا نحفظه و نسمعه و خلاص
بس زي ما قولت قبل كدا و هفضل اقول
هنجبلهم محمد علي :d

لا يجب عليك نهائي انك تنفخ في المجلس العسكري لان ده اللي انت شايفه وانت حر في رئيك طبعا .. لكن اللي يجب عليك انك ماتعتديش عليه. لان الاعتداء ليس مجالا للتعبير عن الرئ نهائي.

الامر بالمعروف بالمعروف .. والنهي عن المنكر وليس بمنكر.

صح ولا ايه؟

**mmffor** · 28-07-2011 08:03 PM

انا سالتك سؤال قبل كده و مردتش عليا
بشجاعة و بصراحة و امانة - هل كنت عضو حزب وطني قبل الثورة؟؟؟ برجولة و شجاعة رد عليا
و السؤال الثاني - ما هو توجهك السياسي حاليا؟ اخوان - سلفي - ليبرالي - ...

**Nor_Eldeen** · 28-07-2011 08:09 PM

_ ما هدف حركة 6 ابليس من اسقاط المجلس العسكرى الان بعد تفيذه كثير من المطالب ؟؟
طبعا الهدف مجلس رئاسى مدنى يتحكموا هم فيه و قد اعلنوا ذلك بكل صراحة فى الميدان و حددوا اسماء معينة دون الرجوع للشعب !!
_ هل الاغلبية التى قالت نعم فى الاستفتاء الماضى راضية عن اسقاط الجيش ؟؟
طبعا لا
_ هل الاغلبية التى قالت نعم راضية عن مجلس رئاسى مدنى ؟؟؟
طبعا لا
_ هل الاغلبية التى قالت نعم راضية عن رغبة 6 ابليس فى الالتفاف عليهم و عمل دستور اولا ؟؟
طبعا لا
_ ماذا يعنى اشتراك حركة 6 ابليس مع شباب ماسبيرو الذى لم يكن لهم علاقة بثورة يناير اصلا و الذى يقودهم القمص فلوباتير و مايكل منير و مجدى خليل من امريكا ؟؟
اكيد يعنى الكثير من المال و التمويل و الرضاء الخارجى عن 6 ابليس .
_ حركة 6 ابليس توهم الناس الان ان المجلس العسكرى شىء و الجيش شىء اخر و اذا سقط المجلس لن تحدث مشاكل !! فهل ما يروجون له صحيح ؟؟؟
طبعا لا ... و لا يوجد ما يؤكد هذا و كله كلام مرسل بل ان هناك محللين عسكريين وصفوا كلامهم بأنه يشبه ما فعلته امريكا بجيش العراق .
- عندما يقول المتحدث الاعلامى لحركة 6 ابليس انهم ذهبوا العباسية كى يقدموا مطالبهم للمجلس العسكرى فهل هو صادق فى هذا ؟؟؟
طبعا اكبر كذاب لان مطالب كثيرة وصلت المجلس العسكرى بدون ان يتحركوا من التحرير ثم انهم تحركوا اول مرة يوم الجمعة الساعة 12 ليلا
فأى مجلس عسكرى هذا الذى يقبل الطلبات بعد منتصف الليل ؟؟ لا شك انهم كذابين و يخدعوا الناس.
_ و اخيرا الا يعد انقلابهم على الجيش الذى ساندهم طول ايام الثورة خيانة له و خروج على قواعد اللعبة التى اشترك معهم فيها ؟؟؟
طبعا خيانة و من حق المجلس ان يتهمهم بالخيانة الان لانه شريك فعلا فى الثورة و لولا مساندة الجيش لهم و رفضه قمعهم ما كانت اكتملت هذه الثورة اصلا .
فلابد يقدروا له ذلك جيدا لا ان يقصوه فجأة و يقولوا له مش لاعبين و عايزين نلعب بالبلد لوحدنا !!!!
فمن يقبل ذلك ؟؟؟؟؟؟

الموضوع: سؤال واحد بس لأي حد بينكر ان الجيش حمى الثور

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تجربة قيادة لامبورجيني جالاردو (هل حاولت ترويض الثور الهائج؟)

تجربة قيادة لامبورجيني جالاردو (هل حاولت ترويض الثور الهائج؟)

انسينى انا صبرى انتهى ......(بفكر اتطوع فى الجيش ) دعوة لنقاش مع واحد مجنون

واحد ... اتنين ... الجيش العربى فين ...؟

الكلمات الدلالية لهذا الموضوع

المفضلات

المفضلات

ضوابط المشاركة