الموضوع: سؤال واحد بس لأي حد بينكر ان الجيش حمى الثور

المشاركة الأصلية كتبت بواسطة mmffor

يا اخي اتقي الله عز و جل


اللهم اجعلنا من المتقين .. ونسأل الله الهدى.


الجيش يغور في ستين داهية يرجع ثكناته ولا ان مصري واحد يموت

اللي يغور في مليون داهية هما العملاء والخونه وليس الجيش ..

ومين يمسكنا الفتره دي لحد ما نعمل الانتخابات البرلمانية والرئاسية ؟؟ مجلس رئاسي غير منتخب ولا عضو من 6 ابريل ولا مندوب سامي امريكي؟؟


لان لو الجيش قتل فرد واحد يبقى معناه انه بيقتل من اجل السلطة
و اذا كانت 6 ابريل او غيرها بتتظاهر علشان السلطة على الاقل هما مبيقتلوش و يبيدوا زي ما انت ما بتقول


ولا ما يبقاش دفاع عن النفس .. مظاهرة مثلا راحت قزفتهم بالطوب عن وزارة الدفاع؟


اتقي الله دم المسلم اشد حرمة من الكعبة!!! يعني عند المولى عز و جل ان تزول الكعبة و تتدمر اقل حرمانية من ان مسلم واحد يموت

في صحيح مسلم وغيره: (المؤمن من أمنه المسلمون على أنفسهم وأموالهم، والمسلم من سلم المسلمون من لسانه ويده).



قال رسول الله "من خرج من الطاعة، وفارق الجماعة، فمات، مات ميتة جاهلية" [مسلم والنسائى]

قال تعالى: {وإن طائفتان من المؤمنين اقتتلوا فأصلحوا بينهما فإن بغت إحداهما علي الأخرى فقاتلوا التي تبغي حتى تفيء إلي أمر الله}[الحجرات: 9].
﴿إِنَّمَا جَزَاءُ الَّذِينَ يُحَارِبُونَ اللهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلاَفٍ أَوْ يُنْفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ﴾


جاء في صحيح مسلم: «من أتاكم وأمركم جميع على رجل واحد يريد أن يشق عصاكم أو يفرق جماعتكم فاقتلوه» وفسره النووي بأن قتله جائز إذا لم ينته عن سلوكه إلا بالقتل.


الحمدلله ان من يفكروا مثلك ليسوا في السلطة


يعني اللي في السلطه معاكم في الرئ؟


و للعلم التيارات الاسلامية و السعبية نازلة الجمعة تأييدا لمطالب الثورة و ده اللي كلهم بيأكدوه و ليس تاييدا للجيش زي ما انت بتحلم

بدون لف ودوران

اللي نازلين يوم الجمعة الجايه اهدافهم واضحه ومافيش داعي لازم التحريف

1- الحفاظ على الهويه الاسلاميه لمصر

2- اعلان التأييد للمجلس العسكري لفتره انتقاليه .. واعلان الرفض لمجلس رئاسي واللي انتم اقترحتوه

3- اعلان رفض الوثيقة فوق الدستوريه - اللي انتم مقترحينها

4- مطالبة المجلس العسكري بالحفاظ على شرعية الاستفتاء اللي تم وعدم الالتفاف علي ارادة الشعب باحكام فوق دستوريه وخلافة

5- شعار المليونيه دى " تطهير .. هوية .. ارادة شعبية"

المشاركة الأصلية كتبت بواسطة nor_eldeen

اللي هم عاوزينه يستفزوا الجيش بمنتهي قله الادب علشان يضربهم فى الاخر فتحدث فوضي هم فقط المستفدين منها

الجيش هوه جميع الخطوط الحمر

اتفق معاك تماما .. الجيش هو مصر .. حتى لو مبارك او غيره موجود فأن الجيش هو اهم كيان للدولة .. الدعوة لاسقاطة والاطلاع على اسراره هي دعوة خبيثه للقضاء على الدولة المصرية .. ولن يحدث ابدا بفضل الله.

المشاركة الأصلية كتبت بواسطة تامر.محمد

همممممممممم , هي الناس اللي لسه شغالة ولا كأنها تعرف اي حاجة عن اتفاق الوفاق بخصوص بكرة دول ايه نظامهم بالظبط
انا شكيت بجد لأول مرة
مش ممكن كل التيارات الاسلامية تتوافق و نلاقي ناس بتتكلم كأنها ما تعرفش ده

ولا فيه ناس قاصدين يخربوا الوفاق الحادث, يخربوه لمصلحة المجلس ؟

ماحدش يكره الوفاق والاتحاد الا عميل او خائن للوطن .. نسأل الله الهداية.

لكن دعنا نري الايام الجايه هتثبت نواياهم وليس قولهم غدا اننا اتفقنا. يعني بالفعال وليس بالاقوال.

يا جماعة انا مش مؤيد ل 6 ابريل و الله العظيم

لكني رافض لسياسة الانبطاح اللي في ناس بتسوق ليها

و لو التيارات الاسلامية توجهت لسياسة الانشكاح و الانبطاح اللي انت بتروج ليها يبقى بيعلقوا حبال المشنقة لنفسهم!!!

و افكركم للمرة الالف ان التعليمات جت للصباط بفض اعتصام التحرير اثناء الثورة و لو بالسلاح و الضباط الميدانيين هما اللي رفضوا تنفيذ الاوامر و كمان توجه العديد من ضباط الجيش الشرفاء للاعتصام مع المعتصمين و ده هز المجلس العسكري و خلاه يراجع حساباته للتعامل مع المرحلة الراهنة

و بعديها قالوا للقادة الميدانيين - طالما مش عايزين تفضوها انتوا متتدخلوش في اللي حيحصل و ده اللي حصل في موقعة الجمل اللي استمرت يومين كاملين كانت فضيحة دولية بكل المقاييس في البث المباشر للجريمة المنظمة بدقة و الجيش وقف موقف مشبوه و محدش يقوللي حيادي لان اكمنة الشرطة المسلحة بالبلطجية التي اوقفت الدعم عن المعتصمين كانت امام قوات الجيش بعيدة كل البعد عن الميدان و كان الجيش بيأمن نقاط تفتيش امن الدولة و البلطجية دول


انا اتخنقت

انا حاسس انكوا كنتوا عايشين في بلد تانية

للعلم انا التحرير بعيد عن بيتي اقل من نص ساعة بالعربية

و لما بتوع الحزب الوطني طلعوا للعشوائيات و العزب و جمعوا البلطجية و البسطاء لحشدهم للاعتداء على التحرير - كانت قوات الجيش بتفتحلهم الطرق برغم وجود سلاح معاهم!!!

و في الاخر القناصة اللي مفيش قوات من الصاعقة راحت المتحف او فندق هيلتون تحرير علشان يقبضوا عليهم برغم ان البث كان مباشر

ايه!!!! حياد بين القناصة و المعتصمين برضه - ما هو حياد بحياد

و بعدين 6 اشهر مبارك بيعمل ايه في شرم و اللا هو اصلا في شرم؟؟؟؟؟ و تسمع ان سيارات رئاسة الجمهورية لسه شغاله لحسابه و حساب نسوان ولادة - و الحرس الجمهوري لسة بيأمنه!!!!!!!

و طنطاوي اللي ولاده هما اللي بيديروا اعمال جمال و علاء في انجلترا هو اللي حيحاكم مبارك؟؟؟ دا كان اتفضح فضيحة المتطاهر

و الله العظيم انتوا ولا داريين باي حاجة - انا كنت في وسط الطبقة دي بعض الشيء بحكم عملي و شفت بلاوي

رجال اعمال و اعضاء حزب وطني يتزاوروا مع ابناء الرئيس و الوزراء

و بزنس بينهم و بين بعض

طنطاوي قصورة و فيلاته تتعمل مجاملات و ببلاش

قيادات الجيش يحصلوا على اراضي بالمجان و احيانا الفاسدين يبنهالهم محبة و مصالح


روحوا ناموا و خللوا طنطاوي ينفعكوا

المشاركة الأصلية كتبت بواسطة mmffor

انا سالتك سؤال قبل كده و مردتش عليا
بشجاعة و بصراحة و امانة - هل كنت عضو حزب وطني قبل الثورة؟؟؟ برجولة و شجاعة رد عليا
و السؤال الثاني - ما هو توجهك السياسي حاليا؟ اخوان - سلفي - ليبرالي - ...

انت ما سألتنيش قبل كده .. انت كنت بطترح تخيلاتك عني .. واني تعليمي متوسط. .. حصل ولا لأ؟


اقتباس
المشاركة الأصلية كتبت بواسطة mmffor




من تعليقاتك و مع احترامي لفكرة اني لا اعرفك شخصيا

لكن من تعليقاتك تكونك عندي قناعة انك من جماعة انا اسف يا ريس
و انا 90% متأكد انك كنت عضو في الحزب الوطني
و قناعاتي انك تعليم متوسط


ما علينا .. لو جاوبتك بكل امانة هتصدق؟ هتصدق ان شاء الله....

انا عمري ما كنت عضو في اي حزب نهائي .. وباكرهه الحزب الوطني اكتر منك بمراااحل .. وكرهت مبارك ومازلت ويشهد الله .. بس بحب مصر.

توجهي السياسي دلوقتي تقدر تقول اقرب حاجه ليا هم الاخوان المسلمين. بس مش كل افكارهم الصراحة. وعمري ما هنضم لاي حزب لاني بفضل يكون فكري ديما مستقل.

سؤال ليك بقى؟ ليه متخيل اني حزب وطني؟ هل انا دافعت عنهم قبل كده؟ ولا انت معتقد ان الحزب الوطني هوا القوات المسلحة؟

الرسائل اللي انت بتروج ليها هي نفسها الرسائل المتبادلة في مجموعة انا اسف يا ريس التي انشأها عناصر الحزب الوطني السابق

المشاركة الأصلية كتبت بواسطة mmffor

الرسائل اللي انت بتروج ليها هي نفسها الرسائل المتبادلة في مجموعة انا اسف يا ريس التي انشأها عناصر الحزب الوطني السابق

أوك .. انا ما قرتش اي رسالة للمجموعة دي .. بس كده يبقى انا متفق معاهم في ارائهم الا حكاية الاسف للديكتاتور.

والهدف من موضوعي كله من اوله الدعوة لاحترام القوات المسلحه .. واللي هما لا حزب وطني .. ولا جماعة اسفين ياريس .. ولا اخوان .. ولا أحمد عز ..

القوات المسلحة هم الشعب .. وهم الدولة .. والدعوة لاسقاطهم او استفزازهم لتوريطهم في العنف ليس لها هدف نهائي غير تدمير اما الجيش لانهم هيتقسموا علي بعض ويتشتت صفهم (سوريا واليمن).. واما الدولة عن طريق التدخل الخارجي (ليبيا) .. ولا تهدف الا لمصالح اعداء مصر في الخارج وعملائهم في الداخل امثال 6 ابريل او اي حد راح يتطاول على الجيش لحد وزارة الدفاع ..

والتأكيد على ان الجيش هو اخر ماتبقى لنا في مصر .. وانه بالفعل خط احمر اللي هيتخطاه مسيره الهلاك على ايد الشعب ودون ان يضطر الجيش لاي اعمال عنف تكون مدعاة للتدخل الاجنبي في مصر.