ايه اللى بيتحكم فى مقدار استهلاك البنزين عند تشغيل التكييف

**MOUSTAFA_SAAD** · 29-07-2011 12:56 PM

انا مش مختلف معاكم
انا عارف ان التكييف بيزود الاستهلاك طبعا وده مش سؤالى
انا عاوز اعرف اوفر حل ليه
بس يعنى افهم من كده ان لو شغلت التكييف على طريق سريع مش حاستهلك بنزين زياده او بنسبه قليله علشان العربيه ماشيه بسرعه اساسا

**gade2** · 29-07-2011 02:22 PM

سيظل نايل موتورز نهر المعرفه بالنسبه الى
شكرا لكم

**ahmedhawas** · 29-07-2011 02:50 PM

المشاركة الأصلية كتبت بواسطة m_elkhishin

العامل الأساسي هو مدة شغل الكمبريسور عشان بيبقى حمل زيادة على الموتور
طبعا اللي بيحدد الكمبريسور حيشتغل قد ايه ويفصل قد ايه درجة التبريد اللي انت ضابطها(الثيرموستات)، يعني كل ماعليت درجة التبريد الكمبريسور يشتغل مده أكبر عشان يوصل للدرجة اللي انت عاوزها.

111111111+
فعلا درجة التبريد (الثرموستات) ، لان كلما قللتها كلما قللت مدة شغل الكومبريسور وبالتالي يقل التحميل عالموتور فيقل الإستهلاك.

**M.Alaa92** · 29-07-2011 05:42 PM

طب الدايو الكوميرسور مش بيفصل اصلا الا لو قرصت ع الموتور هل فى حل لية؟

و عندى اما اشغل التكيف الار بى ام بيقل مش بيزيد و العربية دايرة عادى و مش بياثر ع السحب هل ده طبيعى ولا العربية فيها حاجة؟؟

**Ahmed A Rahman** · 29-07-2011 05:59 PM

المشاركة الأصلية كتبت بواسطة moustafa_saad

اصل انا ساعات بشغله بلليل وخصوصا لما اكون مسافر علشان اترحم من دوشة الطريق
يعنى افهم من كده ان لو الجو كان كويس بلليل مثلا وعملته على اول درجة تبريد ده حيخفف الاستهلاك عن تانى درجه وتالت درجه حتى لو المروحه سرعتها زادت

صح الكلام

عايز اقولك ان ممكن يكون تشغيل التكييف اوفر في البنزين !!!

لان على طرق السفر الهوا اللي داخل من الشباك بيكون عامل للعربية Parachuting

يعني الزجاج الخلفي بيكون باراشوت بيفرمل العربية وكذا مرة اجرب على كمبيوتر العربية فوق ال100 التكييف استهلاكه للبنزين اقل مع التكييف

**saadelden** · 29-07-2011 06:51 PM

المشاركة الأصلية كتبت بواسطة m.alaa92

طب الدايو الكوميرسور مش بيفصل اصلا الا لو قرصت ع الموتور هل فى حل لية؟

و عندى اما اشغل التكيف الار بى ام بيقل مش بيزيد و العربية دايرة عادى و مش بياثر ع السحب هل ده طبيعى ولا العربية فيها حاجة؟؟

الاول اكشف علي الفريون شوفه مظبوط ولا ناقص
لو مظبوط يبقى اكشف ع الكمبريسور سليم ولا بيسرب

لو الصنايعي بيفهم هيقولك العيب علي طول من غير ما يفك

**M.Alaa92** · 30-07-2011 03:54 AM

المشاركة الأصلية كتبت بواسطة saadelden

الاول اكشف علي الفريون شوفه مظبوط ولا ناقص
لو مظبوط يبقى اكشف ع الكمبريسور سليم ولا بيسرب

لو الصنايعي بيفهم هيقولك العيب علي طول من غير ما يفك

لا يا باشا الدايو ده الطبيعى بتاعو ان التكيف م يفصلش انا اقصد هل فى حل انى اخلية يفصل اما يوصل لدرجة الحرارة المطلوبة

**M.Alaa92** · 30-07-2011 03:58 AM

المشاركة الأصلية كتبت بواسطة moustafa_saad

موضوع ان الاربى ام يقل دى غريبه بصراحه
المفروض يزيد علشان العربيه ماتبطلشى واضح ان الحساس او القطعه المسئوله عن زيادة الار بى ام فيها مشكله عندك

انا عارف اللى انت بتقولو يا مصطفى بس الحساس عندى سليم و ال ecu سليم بكشف الكمبيوتر م ومش ف اى حتة ده ف التوكيل و انا اصلا مستغرب

**heshamzaky** · 30-07-2011 04:12 AM

المشاركة الأصلية كتبت بواسطة m.alaa92

لا يا باشا الدايو ده الطبيعى بتاعو ان التكيف م يفصلش انا اقصد هل فى حل انى اخلية يفصل اما يوصل لدرجة الحرارة المطلوبة

كان فية موضوع و أتكلمنا فية عن كباس التكيف بتاع الدايو .
الكباس بيفصل يا باشا مش شغال على طول
المسؤل عن الموضوع دة داخل الكباس حاجة اسمها ((( فالف كنترول )))
الكباس بيفصل من الكلاتش لكن السير بيفضل يلف أمامك

-

الموضوع: ايه اللى بيتحكم فى مقدار استهلاك البنزين عند تشغيل التكييف

LinkBack

أدوات الموضوع

عرض

-

-

-

-

-

-

-

المواضيع المتشابهه

تشغيل التكييف واثره علي استهلاك البنزين

استفسار عن استهلاك البنزين مع التكييف

استهلاك البنزين مع التكييف

مقدار استهلاك البنزين............!!

العلاقة بين التكييف و استهلاك البنزين

الكلمات الدلالية لهذا الموضوع

المفضلات

المفضلات

ضوابط المشاركة