الموضوع: و كما قلتها يوم 27 مايو , اليوم اقولها

المشاركة الأصلية كتبت بواسطة زينة الله

مع أحترامى يا باشمهندس تامر :) كل اللى حصل كان متوقع
بس بما إنك نزلت النهاردة وكنت شاهد عيان وأنا واحدة من الزملاء اللى بيثقوا فى أمانتك فى نقل الأحداث
يا ريت تحكى لنا عن مطالب الجمعة 29 يوليو وما ركزت عليه من تحقيق لأهداف الثورة وتحقيق العدل والقصاص لدماء الشهداء
واجراء المحاكمات بنزاهة وتطهير البلاد من الفساد ورد الأموال المسروقة وتعويض المضارين وما إلى ذلك من تحقيق للعدل وإحقاق للحق
وكله بشرع الله بالفعل والتنفيذ والمتابعة الواعية :) مستنينك تحكى لنا مليونية الجمعة دى ركزت على أى مطالب من مطالب الثورة ...

و الله يا فندم انا ما نزلتش النهارده لسه, الصبح اتصلت بصديق ليا على طول بنروح مع بعض و هو غالبا بيروح من بدري و سألته , نقل لي صورة سيئة جدا و قال لي انه مروح , لما لقى كده مشي (هو كمان كان رايح على اساس انها جمعة لم الشمل) , فقررت عدم النزول , لكن نازل في خلال ساعة كده ان شاء الله, اللي الجزيرة عارضاه هو اللي اتحكى لي عموما , و زيادة

عايز اقول , انا مش ضد المطالب خاااااااااالص , بالعكس انا باقنع الناس بوجوب تطبيق الشريعة من سنين و اللي يعرف يجيب اي مواضيع قديمة ليا فيها مشاركات بتتكلم في الموضوع ده هايلاقي كده , لكن نقض العهد ما ينفعش ييجي من المسلمين ولا من الاسلاميين و ده اعتراضي الاساسي , ازاي اطالب بشرع الله و في نفس الوقت انقض عهدي زي اليهود ؟

المشاركة الأصلية كتبت بواسطة amahmed

البيان الذي صدر من الميدان يؤكد علي هذه المطالب و لم يختلف عنها
المشكلة في الهتافات الدينية .. الناس هتفت لشهور مدنية مدنية بكل ما يحوي هذا الشعار من مخالفات شرعية و محدش اشتكي و لا فتح بقه ..و اول ما اتقال اسلامية .. الدنيا قامت .. امال لو مكنش المسلمين حوالي 94% كان ايه اللي حصل

اسلامية الدولة و تحكيم الشرعية ليست مطلب .. هي واقع يتوجب تحقيقه باجتماع جميع المسلمين علي اختلاف انتماءاتهم

تيجي منك انت يا راجل يا طيب ؟ :(
هو الواحد قال انه ضد الهتافات ولا ضد نقض العهد ؟
يا فرحتي بالبيان , انا لا استبعد ان البيان يوم 27/5 ما كانش فيه الدستور اولا اصلا , لكنه تواجد في الميدان بكثرة
الهتافات و التصريحات لا تتجزأ


رجاء للجميع قراءة رأيي في اول مشاركة بعناية عشان انا شايف ان فيه ردود انا متكلم عليها فعلا

لو سمحت يا باشمهندس تامر انا عندى لحضرتك سؤال او استفسار علشان عايزة افهم بجد .
مين اللى قال موضوع لم الشمل او وحدة الصف انا ما سمعتوش الا فى الفضائيات وقناة الجزيرة واون تى فى .
لكن على حد علمى اللى سمعنه ان الجماعات الاسلامية والسلفيين نازلين ميدان التحرير ومسمينها جمعة التطهير .والهوية .وحاجة تالتة مش فاكراها .
انا ليس لى اى انتماء سياسى نهائى بس اعتقد ان القنوات الفضائية والاعلام الخاص هو اللى وهم الناس بكده وقال جمعة لم الشمل ووحدة الصف بالاضافة الى التيارات الاخرى اللى كان املها فى كده .
لكن اعتقد هما ما نقضوش العهد ولا حاجة الناس اللى وهمت نفسها بحاجة هما اصلا ما اتفقوش عليها .
وليا تعليق بسيط معلش سامحنى فيه لا احب تشبيه اى مسلم ايا كان باليهود ونقض عهدهم .
لما نتاْكد الاول انهم فعلا اتفقوا على كده نبقى نتهمهم براحتنا .
بس انا كل اللى سمعته انهم نازلين للتطهير والمحافظة على الهوية الاسلامية .وحتى ناس كتير كانوا قلقانين منهم علشان ما يدعون اليه واعتقد انهم ما طالبوش اى تيار اخر من الانضمام اليهم .هما من زمان بيدعوا لكده .
وعلى العموم كلنا مصريين ومن الحق كل التيارات باختلاف مبادئها وافكارها الاشتراك فى المظاهرات والتعبير بحرية عن رايها فى الموافقة او الاختلاف .
والله اعلم بكل حاجة بس ده رايى .
واحب اقول تانى انا لست من الاخوان او سلفية او اتبع اى تيار اخر .انا بس مصرية مسلمة .