الموضوع: و كما قلتها يوم 27 مايو , اليوم اقولها

المشاركة الأصلية كتبت بواسطة nevozaky

لو سمحت يا باشمهندس تامر انا عندى لحضرتك سؤال او استفسار علشان عايزة افهم بجد .
مين اللى قال موضوع لم الشمل او وحدة الصف انا ما سمعتوش الا فى الفضائيات وقناة الجزيرة واون تى فى .
لكن على حد علمى اللى سمعنه ان الجماعات الاسلامية والسلفيين نازلين ميدان التحرير ومسمينها جمعة التطهير .والهوية .وحاجة تالتة مش فاكراها .
انا ليس لى اى انتماء سياسى نهائى بس اعتقد ان القنوات الفضائية والاعلام الخاص هو اللى وهم الناس بكده وقال جمعة لم الشمل ووحدة الصف بالاضافة الى التيارات الاخرى اللى كان املها فى كده .
لكن اعتقد هما ما نقضوش العهد ولا حاجة الناس اللى وهمت نفسها بحاجة هما اصلا ما اتفقوش عليها .
وليا تعليق بسيط معلش سامحنى فيه لا احب تشبيه اى مسلم ايا كان باليهود ونقض عهدهم .
لما نتاْكد الاول انهم فعلا اتفقوا على كده نبقى نتهمهم براحتنا .
بس انا كل اللى سمعته انهم نازلين للتطهير والمحافظة على الهوية الاسلامية .وحتى ناس كتير كانوا قلقانين منهم علشان ما يدعون اليه واعتقد انهم ما طالبوش اى تيار اخر من الانضمام اليهم .هما من زمان بيدعوا لكده .
والله اعلم بكل حاجة بس ده رايى .
واحب اقول تانى انا لست من الاخوان او سلفية او اتبع اى تيار اخر .انا بس مصرية مسلمة .

+11111111
انا فعلا بقالى اسبوع اللى اعرفه انه الأخوان والسلفيين نازلين عشان كدا فعلا وفجأة وبدون مقدمات من يومين لقيت كل الأحزاب والتيارات الأخرى قلبتها جمعة وحدة الصف ولم الشمل انا مش ضد كدا لكن اعتقد انهم نزلوا فعلا عشان ما يبانش انه الأخوان والسلفيين اعدادهم اكبر من باقى التيارات وبالعكس دا الأخوان والسلفيين لما لقوا الناس كلها نازلة هتفوا بنفس المطالب المتفق عليها من كل التيارات والأحزاب وزودوا عليها الشرعية والهوية الإسلامية ...

مش عارف ليه الجهة الوحيدة اللى الناس بتقف ضدها لما تيجى تتكلم هى الأخوان والسلفيين يعنى دا هما تقريبا الجهة الوحيدة اللى كانت بتتكلم وتتعذب طول ال 30 سنة والناس كلها ساكتة يوم ما تحصل ثورة ويشاركو فيها نقولهم لأ خليكو ساكتين وفى نفس الوقت لما الأحزاب والتيارات التانية ترفع مطالب غير متفق عليها وكمان يحاولوا يلتفوا على الشرعية نقول اه حقهم ما احنا فى ثورة !

احرام على بلابله الدوح حلال للطير من كل جنس !

انا عايز استاذ تامر يقولى مين اتفق مع مين ؟ انا عايز حضرتك تقولى كده فين الاتفاق وكان بين مين ومين وايه بنود الاتفاق ؟

ملحوظة : حضرتك الصقت تهمة باخوانك المسلمين وهى بهتان ... و عليك أن تأتى ببينة ان كل من نزل الى التحرير من الاسلاميين اتفقوا على ما تقوله انت ؟؟

ملحوظة : القاعدة تقول (( البينة على من ادعى , واليمين على من أنكر ))

وانا انكر كل كلامك ... والله الذى لا اله الا هو ما اتفقت مع احد ولا علمت من اى شيخ من مشايخى الذى اثق بهم او من أصحابى ان هناك اتفاقا مع اى من القوى السياسية على اننا لن نزل التحرير ونهتف بتطبيق الشريعة وما الى ذلك ...

المشاركة الأصلية كتبت بواسطة تامر.محمد

تيجي منك انت يا راجل يا طيب ؟ :(
هو الواحد قال انه ضد الهتافات ولا ضد نقض العهد ؟
يا فرحتي بالبيان , انا لا استبعد ان البيان يوم 27/5 ما كانش فيه الدستور اولا اصلا , لكنه تواجد في الميدان بكثرة
الهتافات و التصريحات لا تتجزأ


رجاء للجميع قراءة رأيي في اول مشاركة بعناية عشان انا شايف ان فيه ردود انا متكلم عليها فعلا

المشاركة الأصلية كتبت بواسطة زينة الله

ممكن أطلب من حضرتك تنسخ لنا البيان الصادر من الميدان أو رابط له :) أو حتى تقول لنا مضمونه بإختصار

ولك جزيل الشكر

مطالب جمعة ارادة الشعب 29 7 2011 اهمها رفض المبادئ الفوق دستورية

‫ظ…ط·ط§ظ„ط¨ ط¬ظ…ط¹ط© ط§ط±ط§ط¯ط© ط§ظ„ط´ط¹ط¨ 29 7 2011 ط§ظ‡ظ…ظ‡ط§ ط±ظپط¶ ط§ظ„ظ…ط¨ط§ط¯ط¦ ط§ظ„ظپظˆظ‚ ط¯ط³طھظˆط±ظٹط©‬‎ - YouTube

المشاركة الأصلية كتبت بواسطة airforces

+11111111
انا فعلا بقالى اسبوع اللى اعرفه انه الأخوان والسلفيين نازلين عشان كدا فعلا وفجأة وبدون مقدمات من يومين لقيت كل الأحزاب والتيارات الأخرى قلبتها جمعة وحدة الصف ولم الشمل انا مش ضد كدا لكن اعتقد انهم نزلوا فعلا عشان ما يبانش انه الأخوان والسلفيين اعدادهم اكبر من باقى التيارات وبالعكس دا الأخوان والسلفيين لما لقوا الناس كلها نازلة هتفوا بنفس المطالب المتفق عليها من كل التيارات والأحزاب وزودوا عليها الشرعية والهوية الإسلامية ...

مش عارف ليه الجهة الوحيدة اللى الناس بتقف ضدها لما تيجى تتكلم هى الأخوان والسلفيين يعنى دا هما تقريبا الجهة الوحيدة اللى كانت بتتكلم وتتعذب طول ال 30 سنة والناس كلها ساكتة يوم ما تحصل ثورة ويشاركو فيها نقولهم لأ خليكو ساكتين وفى نفس الوقت لما الأحزاب والتيارات التانية ترفع مطالب غير متفق عليها وكمان يحاولوا يلتفوا على الشرعية نقول اه حقهم ما احنا فى ثورة !

احرام على بلابله الدوح حلال للطير من كل جنس !

المشاركة الأصلية كتبت بواسطة nevozaky

انا فعلا حضرتك والله ده اللى كنت باسمعه الاسبوع اللى فات كله لحد يوم الاتنين او الثلاثاء تقريبا وصيغة الكلام اختلف فى الاعلام وانها جمعة لم الشمل وتوحيد الصفوف لكن قبل كده ما سمعتش الكلام ده خالص حتى فى الفضائيات .
على العموم رايى دائما ان الاتحاد قوة بين قوى الشعب المصرى كله .
ومش هنختلف على هوية مصر الاسلامية لانها فعلا كده .
تقبلوا تحياتى

ده اللي اعرفه برضه من أصدقائي وزملائي ، مش عارف جات منين الاتفاقات والعهود والمواثيق دي؟
اللي سمعته من أصدقائي إنها جمعة الهوية

المشاركة الأصلية كتبت بواسطة تامر.محمد

لن اقول انني بريء مما بالتحرير فلا يجروء لساني ولا يدي على قول انني بريء من الشريعة , و لولا انهم ينادون بالشريعة لقلتها و رغم اتفاقي معهم في كل ما ينادون به
لكني بريء من نقضهم لعهدهم كما يفعل بني اسرائيل, و كما يخالف شريعة الاسلام الغراء
هؤلاء اتفقوا في الأيام الماضية على النزول بالمطالب التوافقية فقط , و توسمنا خيرا و قلنا ستكون جمعة عودة الروح الى الثورة و لم الشمل و عودة التوافق الوطني , فإذا في الميدان نزلوا بمطالب أخرى ,
يا مسلمين , لقد كان رسول الله قرآنا يمشي على الأرض , فكيف نكون قرآنا يتلى بالأفواه فقط, كان المسلمون قدوة للجميع منذ الأزل , فكيف بمن ينادون بتطبيق شريعة الله ان يتبعوا الميكيافيللية و يتبعوا اساليب بني اسرائيل و ينقضون عهدهم ؟

حين ينزل مسيحيا معكم الى الميدان على وعد انه نازل الى مطالب وطنية و يجد نفسه في وسط حشد ينادي بأشياء اخرى (و قد عشت هذا الموقف بنفسي يوم 27/5) , كيف يثق فيكم و انتم تقولون له ان الشريعة الاسلامية تحفظ له حقه و هو يراكم كذبتم عليه اليوم ؟؟؟

حين يراكم من هو ليس منكم و من هو ليس من العلمانيين , هو يرى ان العلمانيين قلة تريد القفز على ارادة الشعب , (و بالطبع هذا الخلط في نظره يحوي كل الثوار و ليس العلمانيين فقط ) , و يرى ان الاسلاميين ناقضين لعهودهم و كاذبين , هل يبقى لديه سوى العسكر ليلجأ لهم , و لنكرر سيناريو 54 بحذافيره ؟ و لنقول وداعا للديمقراطية ؟

ألم يكن رسول الله صلى الله عليه و سلم الصادق الامين حتى من قبل البعثة ؟

لست ادرى من المسئول , هل هم الاخوان ام بعض الجماعات السلفية ام الجماعة الاسلامية ام جميعهم , و في النهاية فمن لم يعلن رفضه و استياؤه لما حدث فهو مشارك فيه

امضاء , واحد بيحب شرع ربنا , و بيحب بلده و بيحب الناس اللي فيها................. و بيحب الحق

ههههههههههه انت زعلان من الشعارات الاسلامية اللى خرجت بدون اتفاق !!!!!!!!!!!!

و مش زعلان من اعتصام شباب ماسبيرو فى التحرير و لا من شعارات دستور اولا و لا اسقاط المجلس العسكرى

دلوقتى انا فهمت حاجات كتير ماكنتش فاهمها

قيادات من جماعة الاخوان المسلمين و بعض الجماعات السلفية اجتمعوا مع قيادات مع 6 ابريل الجمعية الوطنية للتغيير و غيرها من الحركات و الاحزاب الليبرالية و الشيوعية و العلمانية و كان الاجتماع يوم امس في مقر حزب الوسط اليميني المعتدل و تم الاتفاق على سلوجان مشتركة بين الجميع لتسمى جمعة الوحدة و هي تعجيل المحاكمات - حق اهالي الشهداء - سرعة نقل السلطة و غيرها بعيدا عن الدستور اولا او الانتخابات اولا او دولة اسلامية واللا مدنية

لكن كانت في دعاية شغالة قبل الاجتماع ده باسبوعين للترويج للجمعة على انها جمعة التيارات الاسلامية و جمعة الشريعة و دعم المجلس العسكري!!! اسبوعين بحالهم
فاستحالة طبعا باي شكل من الاشكال ان الجميع (الملايين اللي حضرت ) كلهم يكونوا عرفوا بنتيجة الاجتماع و الاتفاق اللي حصل امبارح و خصوصا اننا شفنا ناس من الصعيد و ناس من الفلاحين و ناس من السويس
فكان في كتير جايين من الاقاليم و مجهزين نفسهم على السلوجان القديم و مش واخدين بالهم!!

المفروض ان يبقى في قوات امن في الميدان اللي يرفع شعار اسلامي يعتقلوه يعني؟؟؟

حصل اللي حصل و ما حدش انضر و الحمد لله محصلش اي مشاكل و اذا كانت الهتافات زعلت حد يبقى حقكوا علينا بس و الله خطأ غير مقصود او متعمد بالمرة من المنظمين لكن معروف 100% ان المظاهرات الحاشدة بيبقى صعب السيطرة عليها بالكامل

لما يبقى الهتاف ارفع راسك فوق انت مسلم يبقى منتظرين ايه من اللى مش مسلمين فى البلد ؟؟؟؟؟؟