حاجة تفطر !!

**mohkhattab** · 02-08-2011 10:22 AM

يا عزيزى احنا فى مصر :b4_384:

**Mahmoud Mosaad** · 03-08-2011 01:02 PM

المشاركة الأصلية كتبت بواسطة rompo10

بحاول علي قد مااقدر اتجنب الناس والحمد الله ان الواحد اجازه من الشغل في رمضان كله خلينا في بتنا احسن

يا باشا داري على شمعتك تزيد

**SYD** · 03-08-2011 05:58 PM

من ضمن اكتر حاجات بتجنني وانا سايق انك تبقي ماشي في نص الطريق (الحارة الوسطي) وواحد عايز يعدي من علي الشمال، يعني أقل مسافة بينك وبينه هتكون متر او متر ونص ومع ذلك تلاقيه بيضرب كلاكس

المهم حصل كدة معايا النهاردة وكالعادة لقيته راجل كبير في السن نوعا ما (حدود 55) وراكب النترا جديدة نوفي (موديل 2010) بس ماشاء الله جديدة نوفي

ماحطش في دماغي وقولت انه من النوعيه الي متخيلة ان الكلاكس هو المنجي من كل سوء

بعدها بشوية انا مسكت يمين الطريق (بالظبط عند باب تجارة وانت متجه ناحية شارع الدقي) وغرزة في الدنيا عايز الحق شغلي انا لحد دلوقتي متأخر ربع ساعة امال علي ما اوصل الدقي هتأخر قد ايه ؟

المهم لقيت صاحبك دة ظهر تاني وبيبصلي وبيعملي بأيده حركة كدة علي الدماغ اني مجنووووون

طلعت الجنونة بجد علي الصبح

حرق علي الأول 6 ار بي ام وهجيبه يعني هجيبه مين دة الي مجنون يا حاج

جيت فعلا جمبه وبقوله انا مجنون يا حاج ؟؟؟

الحاج قافل الزجاج ومشغل التكييف (قال يعني انا معنديش تكييف) وتقريبا الي فهمته كدة انه مش عايز يفتح الزجاج اليمين عشان يكلمني وبيتكلم من وراه فطبعا انا مش سامع حاجة بس شايفه بيشاورلي بصباعه (السبابة) هه محدش يجي في دماغه حاجة تانية كأنه عايز يقولي انا بعمل كدة عشانك وخايف عليك انت وكلام الأبهات الي بالك فيه، هو تقريبا قالك اما ادخل عليه بدور الأب الحنين واجر ناعم بعد ما غلطت فيه

المهم انا شاورتله بأيدي (تحية)

وقولت بردو هوريلك الجنون

وجيت قدامه وكلت بتاع اربع خمس غرز في شارع ثروت ثم شارع الدقي نظام عناد معاه

دي رحلتي النهاردة

بزمتك الي بيحصل لينا واحنا في حالنا ومستعجلين علي اكل عيشنا مش حاجة تفطر

كل سنة وانتم طيبين

والله المستعان
،
،

**Bonanza** · 04-08-2011 01:17 PM

السلام عليكم
واضح يا باشا انك بتاخد المواضيع علي صدرك جامد
يا عم فوت و طنش و حاول تهدي نفسك
العصبية دي مش هاتنفع بحاجة
الناس مش هاتتغير لما تتعصب عليها
انت اللي هاتتعب
ماتاخدش الموضوع علي صدرك اوي كده و انت تلاقي بالك مرتاح نوعا ما
و بخصوص الناس الكبيرة اللي بتسوق
حاول تلتمسلهم العذر
ادراكهم مش زي ادراك شاب و رد فعلهم ابطء

كل سنة و انت طيب
والله المستعان :)

**SYD** · 04-08-2011 02:49 PM

النهاردة كان في حادثة علي الدائري بتاع ميدان لبنان

انا طبعا طريقي اني باخد المريوطية وبطلع الدائري وبنزل محور صفط ثم جامعة القاهرة والدقي وشكرا

قبل مطلع الدائري لقيت صف من العربيات داخل عليا عكسي، اتاريهم دوول كانوا طلعوا ولما لقوا الطريق زحمة راحوا مدينها حتة لف وارجع تاني (معرفش رايحين علي فين)

المهم

بنطلع الطلعة بصعوبة بسبب العربيات الي بتلف وبترجع عكسي

العربية الي قدامي (بولو 98) فيراني غامق فضل يريح يريح يريح لحد لما خبطني
طلع راجل عجيب جدا

انا واقف في مكاني وهو بيريح وبعد لما خبطني واديتله كلاكس بيبصلي في المراية وبيعملي بأيده اني اصبر شوية

اتجننت

انت الي خابطني وعايزيني اصبر

والله حرقة الدم الي الواحد بيشوفها كل يوم دي تجنن وبتخلي الواحد يفكر الف مرة انه يبطل سواقة

بزمتك دي مش حاجة تفطر

والله المستعان
،
،

**SYD** · 04-08-2011 02:56 PM

المشاركة الأصلية كتبت بواسطة mailo

يعني إنت عمال تقولنا اخلاقيات القيادة واسلوب القيادة السليم والكلام ده وعاملك بتاع 10 مواضيع
وتطلع فالاخر منهم ومقضيها غرز وحرق واشتغلات فالناس

راجع مواضيعك :)

ياباشا كلنا هذا الرجل

مش معني اني بتكلم عن اخلاقيات القيادة اني ابقي لابس نظارة (انا فعلا لابس نظارة) وبقفل زرار القميص الأخير وجايب شعري علي جمب وبنطلوني قصير ومطلع القميص برة البنطلون وبتكلم بالفصحي

لا ياباشا

انا من النوع الي بيجري بالعقل مش بالغشم وبدي كل الطريق وكل السلوكيات وكل الأخلاقيات الأولوية واخر حاجة ممكن اعملها اني اجري شوية او اكلي كام غرزة للشهرة ليس اكثر

يعني لو لقيت قدامي شاب بيتنطنط بعلم عليه وبعلمه الأدب

لكن كل دة في أطار السلوكيات السليمة

يعني اجمد بولة شد عملتها في السنة الأخيرة كانت بعربيتي اللادا علي دائري المنيب من الجيزة لكارفور ومع ذلك لم اتعدي سرعة 100 كم/ ساعة وغرز من اقصي اليمين لأقصي الشمال لكن ماكسرتش علي حد ولا حد طلع دراعه ولا حد ضرب كلاكس ولا رعش نور حتي

ربك هو الستار

والله المستعان
،
،

**SYD** · 04-08-2011 03:02 PM

المشاركة الأصلية كتبت بواسطة bonanza

السلام عليكم
واضح يا باشا انك بتاخد المواضيع علي صدرك جامد
يا عم فوت و طنش و حاول تهدي نفسك
العصبية دي مش هاتنفع بحاجة
الناس مش هاتتغير لما تتعصب عليها
انت اللي هاتتعب
ماتاخدش الموضوع علي صدرك اوي كده و انت تلاقي بالك مرتاح نوعا ما
و بخصوص الناس الكبيرة اللي بتسوق
حاول تلتمسلهم العذر
ادراكهم مش زي ادراك شاب و رد فعلهم ابطء

كل سنة و انت طيب
والله المستعان :)

والله انت معاك حق

انا النهاردة مثلا واحد قدامي بيريح عليا لحد لما خبطني
يبدو انه مش واخد باله انه بيريح

لأني لما اديتله كلاكس لقيته بيبصلي في المراية وبيقولي اصبر

أصبر ايه ياعم خبطتني والوش مش مستحمل خبطة اساسا

نزلت متنرفز ورزعت الباب لدرجة كنت هتني العتب بتاع العربية والي غاظني وكان هيفطرني انه سابني وطلع بالعربية (بردو لأنه تقريبا مش واخد باله انه خبطني اساسا) فضلت اهلل وازعق ولكن لا حياة لمن تنادي ولما ركبت العربية رزعت الباب حتة رزعة كنت هتني القايم بتاع العربية فيها

انا فعلا اعصابي مش مستحملة خالص وبتنرفز لأتفه الأسباب ودايما حاسس اني تنشن وروحي في مناخيري

الله المستعان
،
،

**shaddadfalcon1** · 04-08-2011 03:23 PM

النهارده جي علي الزراعي رايح علي شغلي بعد كوبري ابيس وفي مطبين هناك من اسبوع الثوره عشان يعني الناس اللي بتعدي الشارع ومش عارفمين اللي عامليهم وانا كنت الساعه 8 يعني لسه مفيش اي زحمه زي كل يوم والنهارده كان زحمه جدا وفي الاخر لقيت ان المطب عشان من المطبات اللي هي بتبقي متثبته بمسامير وواطيه بس ناشفه قامو شوية ناس معرفش مين بانيين المطب باسمنت وطبعا سايبنه ينشف وكتر خيرهم عاملين بنص الطريق بس وحاطين قابله حجر وكوتش عربيات
يعني الناس كلها تيجي عنده وتاخد يمين عشان تعدي والطريق واقف اكتر من كيلو وفي مكان مقطوع عشان يجي واحد بالليل يلبس فيه ويقلب العربيه عشان يعدو الطريق وهما نايمين

-

الموضوع: حاجة تفطر !!

LinkBack

أدوات الموضوع

عرض

-

-

-

-

-

-

-

المواضيع المتشابهه

هوا نقل الملكية حاجة والرخصة حاجة والفحص حاجة ولا ايه بظبط

حد يعرف حاجة عن الفولكس فاجن إلى كانت فى فيلم بلبل حيران حاجة ؟

نفسك تفطر ايه النهارده ؟؟!

قسما بالله كلمات تفطر القلب عن حالنا-رسالة هامة من الشيخ حازم أبو إسماعيل

موبايل فيه كل حاجة تتخيلها ومتتخيلهاش (كلللللل حاجة أيوة كللللللل حاجة)

الكلمات الدلالية لهذا الموضوع

المفضلات

المفضلات

ضوابط المشاركة