الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

المشاركة الأصلية كتبت بواسطة mr_megahed

بشمهندس احمد ازيك انا شاكر لردودك اللى مبتبخلش بيها على حد
العربية عملت معايا حركة مش ظريفة كنت فى ظروف والحمد لله على كل حال وكنت رايح اودى اخويا يعمل تحاليل لابنه والعربية قامت بطلت منى ادور تدور وامشى شوية اقف تبطل عرفن ان الكربراتير الهوا مش مظبوط المهم رحت للميكانيكي الاسطى ايمن اللى فى بين السرايات قلتله عايز اظبط الكربراتير والتاكيهات قالى سيبها تبرد المهم استغليت بتاع درياتيرات وقلتله عايز انظف واظبط الردياتير لان المية عندى كلها صدا المهم عمو فك القربة والردياتير واغسل وفتح الرادياتير وسلك سيبته ورحت عند ابو الحسن قلت اجيب فلتر هوا وبنزين المهم جابلى فلتر هوا بكام ده قالى 15 جنيه بصيت عليه لقيته مصرى معفن اسف فى التعبير المهم قلتله انا عايز حاجة نظيفة قالى الاصلى ب 50 جنيه قلتله هاته المهم جبت الحاجة (فلتر الهوا والبنزين ) ورجعت للراجل اللى بيسلك الردياتير لقيت خلص وركب قالى ادور العربية وزود ميه عادية وخرطوم الراجع مفكوك وطلع المية اللى كانت متخزنة جوة الموتور المهم فضى تانى المية خالص وقالى احطلك مية خضرا انا بصراحة المية العادية كانت بتنقص كتير ومش عارف لها سبب مع العلم ان مفيش اى تسريب خالص خالص قلتله ماشي جاب جركن مية خضرا مكتوب عليه تركيز 40 % المهم حط المية الخضرا دور وراقب مؤشر الحرارة 90 المروحة اشتغلت وفصلت على النص بين 70 و 90 بطلت كام ياعم قالى 60 جنيه (المية الخضرا 20 - مصنعية 40) المهم يمين شمال قالى والله دا انا كده جاى من الاخر المهم دلخت للاسطى ايمن الميكانيكي قالى هات العربية من غير ماتسخن انا عايزها تكون باردة عشان اظبط التاكيهات المهم فتح التاكيهات لقى اتنين محملين ظبطهم وبعد كده فك عمة الهوا وطلع تقريبا الابرة ونظفها وظبط هوا الكربراتير وجاب مسدس مش عارف هو جاز ولا هوا المهم ظبط ودورت العربية لغاية ماظبطت وركب الفلتر الهوا الجديد وفلتر البنزين كمان كده تمام واخد مصنعية 20 جنيه مشيت من عنده العربية دايرة واكنها مش دايرة مش سامع لها اى صوت اكنى راكب عربية جديدة بس بعد كام يوم لاحظت ان المية بتنقص برده وكمان العربية الصبح بتغيب عقبال ماتسخن انا عارف ان انا طولت بس اقلت اشرح بالتفصيل عشان لو حد حصل معاه نفس الموقف يبقى فاهم الموضوع ماشي ازاى ملحوظة العربية قبل كده كانت زى مايكون مكتومة بعد اللى اتعمل حسيت انها فاقت شوية بس برده مش اوى وكمان المروحة مش بتفصل الا نادرا وبتفصل لما المؤشر يكون بعد 70 بشرطة او اتنين (الحساس الكوعة واطى 82-68) هلى اى حد عنده اى اقتراح واسف للاطالة مرة اخرى

طبعا اولا بعد اذن كبيرنا الحاج احمد ممكن ارد؟؟؟؟

اولا: شوف عزيزي مشكلة نقصان المية ممكن يكون من غطاء القربة....

ثانيا: مشكلة السخونة وعدم انتظام مروحة التبريد طيب ياريت تغيير حساس الحرارة حتقلى مال السخونة وحساس الحرارة انا حقلك ودى مشكلة كلفتنى كتير كدت القى بالعربية فى الترعة من ايهههههههههه حساس الحرارة كان مهيس بيدى اشارات غلط لعداد الحرارة طبعا حاجة اتخض المؤشر على طول على الأحمر اقف فى مكانى وبعد دوخة لقيت العداد على الآحمر وموتور العربة بارد واللى كشف دة ميكانيكى قالى لو العداد صحيح كان لازم العربية اتولع والميه فى القربة تغلى....

فااااااااا ممكن يكون حساس الحرارة مهيس ودة مش عيب البنى آدم نفسة بيهيس....*

وطبعا الفضل كلة لله اولا وللباش مهندس احمد جزاة الله خير الجزاااااااء....