انا كنت سئلت في شهر رمضان في الصياد فرع الدقي البنت اللي هناك قالتلي في صيني ب 250 جنية وانا سئلتها على حاجة احسن قالتلي في مايلي الماني ب 600 جنية بس مش عندي دلوقتي وانا متبعتش تاني بصراحة
انا كنت سئلت في شهر رمضان في الصياد فرع الدقي البنت اللي هناك قالتلي في صيني ب 250 جنية وانا سئلتها على حاجة احسن قالتلي في مايلي الماني ب 600 جنية بس مش عندي دلوقتي وانا متبعتش تاني بصراحة
لا هى المفروض تكون الارتفاع من قدام زى من ورا دة المفروض
متحاولش تسقط من قدام ويبقى من ورا مرفوع دة راى يا بيسو بس دى حاجة ترجعلك بس انتا عارف انا عاوز المصلحة ان شاء الله بس اخلص الترخيص و الفحص و القصة دى وان شاء الله هكون معاك اخلص بس من شهر 11 والساوند انا بحضرلو يابيسو وانتا هتروح منى فين
شكرا يا بيسو على متابعتك معايا
مؤشر البنزين جننى عمال طالع نازل ونفسى ف حل
تنك البنزين مش الار بى ام يعنى
اشكرك جدا يا باش مهندس احمد بس انا قدامي لسة حوالي عشر ايام عقبال مابتدي شغل في العربية وانشاء الله حبقى اعدي علية واقولة من طرفك وجزاكم الله كل خير
وهجننك لية انتا على طول بدون تفكيير غير
العوامة التنك البنزين و هتظبط معاك
على طول والعوامة هتكون عاملة تقريبا 50 جنية
عارف مكانها فى العربية ولة اوصفهولك
هتلاقى مكان الغطاء بتاع التانك من فوق تحت الكانبة قلى ورا هترفع القعدة هتلاقى الغطاء تحتية وهتفك زى غطا الجركن بلاستيك كدة سهلة مش محتاجة تروح عند حد وتدفع
اى خدمة
السلام عليكم
طب لو العوامه مش بايظه اعمل ايه ده كهربائى هل الذى قال ذلك جاب عوامه المؤشر بايظ اغيرها وخلاص ولا ايه
بشهمهندس احمد انا العربية اسكودا كومبى 1997 عاملة 186000 لسه مغير جوان وش السلندر بجوانين مصرى الميكانيكي قالى متغيرش زيت الا بعد يومين المهم انا مغيرتش الزيت بس فيه رشح زيت على الموتور وكمان سحب العربية مش زى الاول ووش الموتور لما فكه ليته منقر من الصدا قالى مفيش مشكلة منه هاعمهولك يشتغل معاك شوية انا بصراحة قلقان منه معلش ليا كذا سؤال :
1-وش السلندر ممكن يقعد اد ايه معايا واغيره بعد كده
2-سحب العربية بطىء ليه
3-رشح الزيت سببه ايه
4-لو حبيت بعد الموتور مايكون جاب اخره اعمره ولا اسقط موتور استيراد عشان بصراحة عايز اركب تكييف فى العربية وبتاع التكييف قبل كده قاللى ماينفعش
5-موتور ايه اللى ينفع يتسقط عليها
معلش اسئلتى كتير بس بصراحة العربية استعمال اول يد ومش عارف اعمل ايه
طبعا بعد اذن البشمهندس احمد ممكن ان ارد المره دى \
1 -لو وش السلندر اتقشط صح يقعد معاك وقت طويل طالما العربيه مش بتسخن ودروره التبريد سليمه
2-سحب العربيه دا ليه اسباب كتير تاكيهات او كهربا او نوع البنزين او نوع الزيت او الجوان وطبعا انت لسه عامل الجوان
3 - لازم تعرف مكان رشح الزيت الاول من انهى خته علشان نقدر نقولك بس ممكن يكون الراجل مقرطش على وش السلندر كويس
4-عمره لو عند ميكانيكى كويس انما لو هتسقط ممكن تسقط المكنه بتاعها ال 1600 او البولو
5- ولو حابب اقابلك انا وبش مهندس احمد نشوفها انا مش عندى مشكله واهى فرصه اشوف ابوحميد لانى بقالى فتره يا يابوحميد ما شوفتكش
طيب معلش انا عندى استفسار تانى يعني اروح للميكانيكي تانى يقرط على وش السلندر واغير زيت واغير المية لمية خضرا
وكمان الشكمان قبل موضوع جوان وش السلندر كان بيطلع منه مية وزيت لازم يتغير ولا ايه موقفه وتنصحنى بايه استني شوية واسقط موتور ولا ايه معلش انا عارف انى تقلت عليك بس الواحد بيدور على حد فاهم فى الاسكودا
وكمان مشكلة السخونة سالت الميكانيكي عليها قالى ده العادى بتاعها فمتتعبش نفسك اهم حاجة المروحة بتشتغل وتفصل انا عندى المروحة بتشتغل على 92 مع انى مركب ترموستات واطى 82/68 بتاع 128 ايه راي حضرتك فى الكلام ده
بص يا باشا كلمنى 0107378393
يا حبيبى اسال برحتك وارفع نفسك من اى حرج وربنا يبركلك فيها و يكفيك شرها
هام جداااااا
لابد من عمل الاتى
اولا : تنظيف دورة التبريد مع تغيير سائل التبريد
ثانيا : تنظيف دورة التزييت مع تغيير الزيت
ثالثا : تغيير فلتر الزيت
رابعا : تغيير البوجيهات
خامسا : اغسل الموتور غسلةحلوة كدة بالجاز علشان لو فى حاجة تانى تبان
سادسا : بعد تلات ايام اواربع ايام على حسب استخدام العربية هتروح تانى عند الميكانيكى هتقولو عيد تانى رباط على وش السليندر لانى خلى بالك وش السليندر بيريح فا لازم اجيب التريحة دى تانى
ومتنساش يقرط علية بنظام صلايب اوكروس اكسات يعنى
يارب اكون وفقة فى الشرح
ربك المستعان
اعمل بس الكلام قلى انا قولتلك علية وبعدين نشوف الموضوع هيوصل لاية بعد اذنك متعملش حاجة تانى علشان الموضوع مايفتحش منك لانى الميكانيكى دة مش فاهم مش فى سكودا بس دة فى اى عربية لانى الكلام دة بيتعمل فى اى عربية ياريت تقولى على التطورات وياريت تسالنا وانتا تقولو اعمل كذا وكذا و متخدش براية خد النصيحة ونفذها مننا يعنى انتا قلى تشغلة
انامتابع معاك با هتمام جداااااااااااااااااااااا
ربك المستعان
السلام عليكم ورحمة الله
بشمهندس احمد ازي حضرتك
ليا استفسار انا عندي كهربه الماتور مش مظبوطة وروحت من يومين لحد بتاعات كربراتير وفكه ونضفه وغير بيك السلانسية وصيانة عادية وبرضه ما اتظبطتش قالى الكهربا فيها حاجة مش مظبوطة غير بوجيهات وظبط التاكيهات عشان محملة المهم روحت غيرت البوجيهات وبرضه العربية مش مظبوطة تفتكر حضرتك العيب يكون في ايه ؟؟؟
ثانيا وانا واقف عند بتاع الكربراتير خليت كهربائي فك البطارية وزودها ميه 30 عشان انا مش بزودها من زمااان وغير الميه وشحنها بس دلوقتى لما بركن العربية فترة لازم ادورها زق المارش ما بيشتغلش سالت الكهربائي الى بتعامل معاه قالي غير البطارية
ثالثا : والبطارية نايمه كنت بلعب في المارش عشان يشتغل لو معلق وخبط في السلك بتاع المارشدير الى بيبقى في الفتيس من تحت عشان لمبة المارشدير واتقطم السوكت بتاعه والكهربائي قالى احنا هنضف مكانه ونلحمه وهيشتغل عادي هو ما يتفعش اركب السوكت الاصلي بتاعه تاني ولا لازم لحام ؟؟
كهربه الماتور مش مظبوطه لاني مش عارف اظبطها ولو المكيكانيكي ظبطها دايماً فيه حاجة غلط ياعني صوت الماتور عالي والعربية بتقطع وانا ماشي بتزوق كده وانا دايس بنزين اكنها بتنتش وما بعرفش امشي على التاني في السلانسية خالص مع اني كنت بعرف اعمل كده ياعني لو هديت خالص ونزلت للتاني ما اعرفش امشي بالتاني على سرعة قليلة اوي احس ان العربية عالية ولازم اسند دبرياج والعربية الصبح بتدور بعد ما اكارك ليها اكتر من مرة وادورها ورجلي مزوده بنزين عشان تلقط ده بالنسبة للكهربا
بالنسبة للبطارية لو ركنتها لغاية 8 ساعات عادي تدور لو عديت ال 12 ساعة ما تدورش الا زق وانا قولت ده يمكن عشان غير الميه بتاعتها ولسه الشحن مش تمام وكنت قريت قبل كده موضوع حد عمل الصيانة ديه وقال ان الاعراض ديه ممكن تفضل اسبوع وبعد كده تتظبط فهل ده حقيقي ولا لاء
بالنسبة للمبة المارشدير انا كنت بخبط على المارش بمفتاح وبشيك على الوصلات الكهربا وشديت السلك ده او اتخبط مني ففصل وجيت اركبه اكتشفت انه اتقطم وطبعاً لازم لحام زي ما قال الكهربائي وحضرتك
اخيراً انا بحب اسال على العام عشان الفايدة تكون عامة وانا اتشرف بمعرفة حضرتك طبعاً وليا الشرف اني اكلمك في اقرب فرصة وجزاك الله خير وان شاء الله هبقى اسال حضرتك على كهربائي اعمل عنده حاجات كتير مع بعض لان عندي شوية شغل كهربا بس مش دلوقتي هعمله ابقى اعمله بعد فترة ان شاء الله ولا ممكن ابيعلك العربية تظبطها وابقى اشتريها منك تاني مظبوطة لان الواحد بجد زي الزفت في التعامل مع الصنايعية ربنا يستر
ايمن سعد
هقولك يا استاذ ايمن الموضوع يتلخص فى 6 حاجات دى بقى كهربة العربية
1- الموبينة
2- الاسبرتير
3- المشط الالكترونى
4- البطارية
5- الدينمو
6- المارش
انتا من كلامك كدة يا موبينة يا اسبرتير
هتقولى اية الحيرة يعنى الاتنين هقولك لا حرام
الموبينة
الاول هنكشف على الموبينة علشان نعرف هى كويسة و لة لا
سياتك تحضر مفك رافيع وتفك الكبل قلى واصل ما بين الاسبرتير و الموبينة هتفك من على الاسبرتير
وتحط المفك فى الكبل بدل ماتحطة فى البوجية وتقربة من جسم الموتور يكون ما بينة وما بين الجسم بتاع 2 مم وهتخلى حد يدورلك ( تحذير اوعى ايدك تلمس المفك من المعدن امسك المفك من الطرف المعزول علشان صدمة الموبينة الكهربائية وحشة جدااااااااا لا قدر الله )
الموتور مش هيدور بس هتلاقى شرارة خارجة من طرف المفك و بتلزق على جسم الموتور
الشرارة بقى شرارة كبيرة ولونها اصفر و تحس الشرارة طلعةزى نقطة للهب ولة طلعة نقطة لهب ضعيفة وصغيرة ولونها مش اصفر وكبيرة
يبقى الموبينةتغيرها على طول علشان ضعيفة كدة انتا عارفة انى هى كويسة ولة واحشة
وعلى ما اعتقد هتكون الاسبانى عاملة 100 الى 110 وكويسة
لو كويسة خليها ننقل على المرحلة التانية
الاسبرتير
فك الغطاء وبص عليها شوف كدة مشربن عامل كربون عامل رايش طيب وهو الموتور شغال على السلانسية عامل خرواشة عالية ولما بتمشى على غيار وبتحرق بتحس تحت رجلك فى نحررررررر
فى الموتور يبقى الاسبرتير غيرووووو
الاسبرتير الالمانى هيبقى مش هيزيد عن 650 جنية
والصينى هيبقى 250 جنية وشغال
البوجيهات
بقى ممكن تكون العربية معاك متلتة يعنى شغالة بثلاث اسطونات بدل اربعة هنعرف منين
هتفتح الكبوت هتلاقى الاربع وصلات بتوع البوجيهات
شيل الكابل الاول ها صوت الموتور اتغيير وبدء يترج كويس البوجية شغال
شيل الكابل الثانى والثالث والرابع
مثلا جيت شيلت كابل البوجية التالت الموتور متغيرش صوتو لة اى حاجة يبقى البوجية دة مات غيرووووو
البطارية
بقالها قد اية مردتش عليا
لو عدى عليها السنة غيرها وريح دماغك انتا داخل على الشتا
بس هاتها جافة زى منا قولتالك
كل دة بيؤدى الى الاعراض قلى انا شرحتة بتشخيص العيب بالطرق قلى انا قولتالك علية
ظبط و هتدعيلى
كدة على ما اعتقد خد كورس كهربةعربية تمام
ربك المستعان
ويارب اكون قدرت اوفق فى الشرح
يابش مهندس عندى مشكلة ظهرت فجأة عند تشغيل السيارة لمبة البطارية اللى فى الطابلوم مبتنورش لمبة الزيت بس هى اللى بتنور ياترى اى المشكلة؟؟؟؟؟؟؟؟؟؟؟
ان شاء اللة خير
اناعاوز اسال سؤال
انتا الكونتاكت عندك تكتين التكة الاولى بالمفتاح لازم تنور عندك للمبتين للمبةالبطارية و للمبة الزييت
فى حالة دوران الموتور لازم يكونو مطفيين
انتا بتقول للمبة البطارية مابتنورش فى الحالة دى يبقى يترجع على للمبةالبيان واتاكد انى هى شغالة
ياتراجع على وصلات الطابلوة و تتاكد انى هى متوصلة
دى الحالتيين المؤدين للعطل
ربك المستعان
بجد انا قريت الموضع كاملا ولا املك الا ان اشكر للباشمهندس العظيم الراجل المحترم الذى ندر وجودة فى هذا الزمان كلمة حق كان يجب ان اقولها(جزاك الله خير الجزاء ) اخى الكريم وبارك الله لك وفيك وجعل عملك الطيب هذا فى ميزان حسناتك يوم الدين ونحن شهود على اخلاصك سلامة نيتك وسريرتك الطيبة اسلوبك يذكرنى بصديق جدا محترم فالله الله عليك بجد استفدت من هذا الموضع اسال الله ان ينير بصيرتك ويتم عليك نعمه وان تكتب يوم القيامة من الفائزين بجد لا ادرى ماذا اقول لك جزاك الله خيرا....
انضم لحضرتك في الكلام الى حضرتك قولته البشمهندس احمد فادني كتيير اوي وبجد انسان قمة في الاحترام والادب وربنا يجازيه خير بجد بعد ما بساله واسال الصنايعية اكتشف اد ايه الواحد بيضحك عليه منهم واد ايه ممكن انسان بيفكر صح وبمنهج علمي يقدر يتفوق عليهم في صنعتهم انا كتير سالته وروحت قولت للصنايعي غيري الجزء الفلاني تحديداً وكنت بشتريهوله كمان وفعلا لا خاب من استشار والبشمهندس احمد هو مستشار قسم الاسكودا ومش عاوز انسي طبعاً اعضاء هنا كتير برضه بيساعدوا على قد ما يقدروا وفي اي فرصة وخصوصاً بيسو الى عاوز يعدل فى الفليشيا وان شاء الله مع افكاره نعمل حاجه حلوة
اولا مشكور كتير علي مجهوداتك الكبيرة ومساهماتك وخبراتك في الاسكودا .
ثانيا انا عندي مشكلة في الاسكودا بتاعتي انها بتسخن الي 110 درجة ؟؟؟؟؟؟؟؟؟؟ أخر حاجة عملتها امس السبت 17-09-2011 :-
1 -المياه كانت بتغلي وتنقص جام في القربة .......... غيرت غطاء القربة لان بلفها كان تالف + غيرت الفبرة الي فيها صباع الحرارة ............ الغليان انتهي ونقص المياه انتهي .... ولكن الحرارة لم تنتهي 110 درجة .
2 - كشفت علي العجل ........ لقيت الفردة اليمين قافشة جدا جدا جدا ......... غيرت تيل الفرامل + خرطوم زيت الباكم والجونات بتعتها ؟؟؟
والحرارة لسة 100 --- 105 درجة ؟؟؟؟؟
أعمل ايه تاني علما بان العربية عمله 335 الف كم 1300 cc ؟؟؟؟؟؟؟؟ وايه أهم التفاصيل الواجب اتبها في حالة تسقيط الموتور؟؟؟؟؟؟
التكلفة ... مكان الشراء ......... ؟؟؟؟؟؟
وشاكرين لك مقدما
اشكر لك اهتماك يابشمهندس احمد وجزاك الله عنا خير الجزاء::: فعلا الكونتاك عندى تكتين وكان فى التكة الأولى بتنور لمبة البطارية ولمبة الزيت ولكن من فترة لمبة البطارية ما تنورش فكت الطابلون واختبرت اللمبة تمام السوكت واصل تمام فى التبلون ومش عراف حل المشكلة....
الف شكريا استاذ ايمن الواحد مبيعملش غير الواجب
والله الواحد بيصعب علية اى حد لما تلاقية دافع دم قلبة فى موضوع ميستهلش
انتا بكلامك دة فكرتينى بموضوع حصل
يعنى على سبيل المثال الكلام دة من 9 شهور تقريبا
لاقية تلفونى بيرن
فا كان زميل من المنتدى بيسالنى وبيقولى بيقولى العربية بتسخن جامد وروحة عند ميكانيكى و شافها و بيقولى العربية دى عاوزة رادتير و عاوزة طلمبة مياة وعاوز ترموستات ونغير وش السليندر وكلة هيبقى تمام
قولتالو الميكانيكى قالك هيغير كل دة قالى اة قولتالو الميكانيكى شاف امبيرالحرارة قلى اة قالتالو بقالة قد اية على كدة قالى بقالها 3 شهور غريبة لو فيها حاجة كان ضرب وش السليندر على طول فى انا شكيت الموضوع ده
قولتالو انتا منين قلى فى اكتوبر قولتالو ماشى انتا هتصرف مبلغ وقدرة صح قلى اة قولتالو مجتش على 20 جنية بنزين وتعالى قابلنى فى شغلى و صفتلو المكان عارفة قلى بكرة اجيلك المهم لقيتو بيرن عليا قلى انا فى بركنج العربيات روحت قوالتالو تعالى هناو سيبنى انا بقى اسوق قلى لما تبرد دة انا امشى شوية واقف شوية ياة دة الموضوع كبير قووووى كدة قالتالو لاتعالى ويالة و هى سخنة كدة المهم قلى هتروح فين قالتالو نقعد على قهوة و نشرب قهوة و نضرب حجرين معسل بس علشان محدش يفهم حاجة غلط المهم و انا ماشى بيقولى بص بسرعة اية ابص علي اية المؤشر مالة اترفع لحد 90 قالتالو هينزل تانى او هيثبت على كدة على حسب حرارة الجووووو والسرعة والحرق قلى احنا ماشيين بى المهم قعد احرق انى يكون فى حاجة فى المكنة مفيش ادوس و احرق مفيش المهم روحت للقهوة بقولو فين بقى المشكلة قلى الحرارة عليت فين يبنى قلى اهوووو قالتالو انتا خبرتك ضعيفة قالى انا مبفهمش حاجةفى الميكانيكا خالص طيب تعالى شرحتلو القصةوالتبريد اية ودرجةالحرارةما بين 85 الى 90 دة الطبيعى بتاعها و القصة دى
قالى يعنى كان هيتنصب عليا وقعد يحضن فيا و قعد يشكر فيا قلى انا كنت هبيع العربية دى باى ثمن
فالواحد ميحطش ثقتة فى حد خالص
دى قصة بسيطة حبيةاشرحلكم علشان تستفيد و منها مش كل كلمة مصدقة يبقى ننفذها على طول
وربك المستعان
معليش طولت عليك يا استاذ ايمن بس دى كانت تجربة حبيت انقلها علشان الاخوة يعرفو
الف مبروك يبش مهندس ودى حاجه جميله وعندى مشكله فى مستر الفرامل و هعمل اللى انت قولت عليه مشكوووووووووووووووووووووو وووووووووور
ياحج احمد بجد انتا راجل محترم واللى زيك نادر جدا فى هذا الزمان ....
الشكر للة يا صديقى
طيب انتا بتقول اللمبة تمام و شغالة جربتها فى سوكت تانى ونورة معاك يبقى كدة دة اول احتمال تمام
يبقى كدة مش واصلها كهرباء اواشارة كهرباء طيب ممكن اراجع على دائرة الكهرباء بتاعةالعربية وان شاء اللة هقولك تعمل اية بالظبط
متابع معاك باهتمام
وشكرا على ردودك الجميلة
وجزاك اللة كل خير
مااسعدنى اليوم كلامك الجميل
ربك المستعان