اليد اللى بفتح بيها الشنطه من قدم انكسرت هل موجود منها جديد ولا استراد
اليد اللى بفتح بيها الشنطه من قدم انكسرت هل موجود منها جديد ولا استراد
اولا شكرا علي سرع الرد وفيما يلي اجابة عن الاسئلة :-الاجابة الاولي :- لا الصبح الدنيا ربيع والجو ربيع والحرارة 90 درجة ، ابيتدأمن الظهر او بعد 6 كم -- 10 كم تقريبا الحرارة تبدأ .السؤال الاول " هل الحرارة بتوصل عند 110 وبتثبت على كدة فى طول الوقت يعنى بالنهار باليل فى الصبح الدنيا حر الجو حلو "
الاجابة الثانية :- المروحة شغالة كويس ؟
التقصير فى دورة التبريد ودى اسبابها
الاول المروحة - ثانيا مؤشر الحرارة و الترموستات - ثالثا طلمبةالمياة - رابعاالرداتير
السؤال الثاني "" هل المروحة شغاله كويس يعنى لما بدور بيكون من ورا قوة هوا جامدة ولة الهوا قلى خارج منها ضعيف حط ايدك وراه وشوف بس خلى بالك من ايدك لوالهوا ضعيف غيرها على طول .""
السؤال الثالث هل مؤشر الحرارة و الترموستات مظبوطة ولاة مش مظبوطة
طيب انا عاوز اتاكد اتاكد من اية حضرتك مع لماالمؤشر يوصل 90 درجة لازم المروحة تقوم على طول لو قامت المروحة على 90 درجة من المؤشر يبقى كدة الاتنين مظبوطين .
الاجابة الثالثة :- الموشر والترموستات شغالة كويس ؟
السؤال الرابع "" طلمبةالمياة ضعيفة ولة ضخة كويس هتعمل اية هتيجى على الخرطوم قلى بيدخل المياة لردتير و تخنقة بايدك هتحس فى سريان مياة جوة ولة مفيش - ايدك تقيلة ومبتحسش كويس خلى حد يزودلك بنزين هتحس بالضغط بقى زيادة مفيش ضغط يبقى الطلمبة ضعيفة ولازم تتغير
الاجابة الرابعة :- حشوف واجرب ........ وانا شاكك في الطرمبة + الطريقة اللي قيلها حجربها وحقولك 0
السؤال الخامس "" االرداتير اية اخبارة بتغسلة كويس ولة مبتغسلوش وانتا بتغسل العربية بتكتفى من برة و جوة بس العربية نظفة ياة بقة نظيفة لالالالالالالالالا
وانتا بتغسل الموتور وانا افضل كل شهرين ونص او ثلاث شهور طبعا الموتور بتخلية اخرحاجة بعد نظافة الصالون وبعد غسيلها من تحت ومن فوق خلى الموتور للاخر هتقولى لية
هقولك علشان يبرد علشان غلط انو تجيب علية مياة من برة وهو سخن هيقصر من عمره جامد
خلى بتاع المغسلة يضرب مسدس الميه فى الرداتير من برة و من جوة علشان تفتح مسام الرداتير قلى اتسدد من الشوارع و العفرة و التراب دى مهمة .
الاجابة الخامسة :- الراديتر جديد من شهرين تقريبا - والراديتر القديم كويس 0
شاكرين مهللين علي شرحك الوافي الكافي ، وفي انتظار اجابة باقي السؤال بشأن تسقيط موتور استيراد ؟
طيب كدة تمام كل قلى انتا قولتة كدة زى الفل
وكويس احنا ماسكين الموضوع واحدة واحدة
انتا كدة فاضلك نقطتين
اولا الكشف عن وجود هوا بالطريقة قلى انا شرحتها بس رجاء خلى بالك و لو مش هتعرف مش عيب قول و حدد معايا ميعاد وانا اشوفهالك وبالمرة اسحبلك الهوا ودة فى الغالب انامتاكد منه و دى المفروض تشوفها قبل ما تشوف الطلمبة لانى لو فى فجوة مش هتخلى المياة تروح وتيجى هتيبقى مكتومة استاذنك شوفلى القربة الاول دىمهمة
ثانيا طلمبةالمياة
وربك المستعان
اليد اللى بفتح بيها الشنطه من قدم انكسرت هل موجود منها جديد ولا استراد شكرااا على الرد بس انا عندى اليد تقيله فى الفتح اعمل ايه على شان تكون سهله و عندى مشكله لمه اجى اخد مطب العربيه من الشنط بيحصل كدة رجه من الجز اللى فيه السماعات بيتهز جامد وانا نفسى لمه اخد مطب احس بهدو لكن اللى بيحصل معايا ان العربيه بتترج مع العلم انى غيرت عافشه من مساعد وبيض مقصات واسكترا وكوبلن
""طيب كدة تمام كل قلى انتا قولتة كدة زى الفل_________
وكويس احنا ماسكين الموضوع واحدة واحدة
انتا كدة فاضلك نقطتين
اولا الكشف عن وجود هوا بالطريقة قلى انا شرحتها بس رجاء خلى بالك و لو مش هتعرف مش عيب قول و حدد معايا ميعاد وانا اشوفهالك وبالمرة اسحبلك الهوا ودة فى الغالب انامتاكد منه و دى المفروض تشوفها قبل ما تشوف الطلمبة لانى لو فى فجوة مش هتخلى المياة تروح وتيجى هتيبقى مكتومة استاذنك شوفلى القربة الاول دىمهمة
ثانيا طلمبةالمياة
وربك المستعان ""
شكرا لك علي الشرح المفصل وسرعة الرد ،والباقي هو :-
1 - سحب الهواء.
2 - الكشف علي طرمبة المياه .
هو حضرتك ساكن فين ؟؟؟؟؟؟؟؟؟؟ انا ساكن في اكتوبر ؟؟؟؟؟؟؟؟؟ فا ازى ممكن نتقابل .
......... غيرت تيل الفرامل + خرطوم زيت الباكم والجونات بتعتها ؟؟؟
""اية اخبار المستر بتاع الفردة غيرته ""ده اللي هو ايه او فين بالظبط ... الحديد الزهر قصدك وله البتاعة اللي بتزق التيل ؟؟؟ وهل في منها جديد ولا استيراد ؟ وعلي فكرة ديه 4 مرة القي تيل الفرد اليمين الامامي قافش ومخلص التيل تماما تماما ؟؟؟؟
والحرارة لسة 100 --- 105 درجة ؟؟؟؟؟
و اية علاقة قفشان العجل بالحرارة ممكن تقولى انتا تقصد دة ممكن يكون راجع بقوة عكسية على الموتور فا دة بيسخنه جامد.
اعتقد ان لما تكون هناك عجلة قافشة ده بيعمل حمل علي الموتور وبالتالي بيكون سبب من اسباب السخونة ؟
أعمل ايه تاني علما بان العربية عمله 335 الف كم 1300 cc ؟؟؟؟؟؟؟؟
عادى جدا مدام انتا مواظب على اعمال الصيانة بتاعتها مفيش مشكلة حتى تكون عاملة مليون كيلوووو.
والله انت لما تشوف موتور العربية بتاعتي وتشوف اى موتور تاني ..... موتور عربيتى يفرح ؟؟؟؟؟؟؟؟؟؟؟؟؟؟؟؟؟؟؟ هاهاههاه هههههههههههه.
نستنى يحاج احمد فى موضوع لمبة البطارية....*
ممكن سؤال :: ازاى اخد الهواء من دورة المياة معلش سؤال يمكن الكل عارف الاجابة بس انا عاوز اسمع من حضرتك بالتفصيل* وجزاك الله خير الجزاء حبيبى فى الله....*
مقدرش انساك بس بدور على دايرة الكهرباء علشان اقدر اديلك المعلومة صح وله اية انا هنا بشتغل على اسس علمية مش تجارب وتخمين واى واحده يالة يبقى هى لالالالالالا يا صديقى
وموضوع شرح سحب الهوا هشروحلك باليل بالتفصيل الممل جدااااا علشان تاخدالمعلومة صح
وربك المستعان يا صديقى
وانا مش نسيك
[QUOTE=engahmedsayed;3873814398]مقدرش انساك بس بدور على دايرة الكهرباء علشان اقدر اديلك المعلومة صح وله اية انا هنا بشتغل على اسس علمية مش تجارب وتخمين واى واحده يالة يبقى هى لالالالالالا يا صديقىبارك الله فيك ياحج أحمد وانا متابع مع حضرتك تلميذ فى مدرستك....
وموضوع شرح سحب الهوا هشروحلك باليل بالتفصيل الممل جدااااا علشان تاخدالمعلومة صح
وربك المستعان يا صديقى
وانا مش نسيك
على فكرة ياحج احمد انا بعانى معناة كبيرة جدا وفى كرب ادعوا الله ان يفرج عنى ما انا فية عن امة محمد آآآآىمين ....*
الموضوع انى فكرت اشترى عربية ولما فكرت اشترى فكرت فى سيارة صناعة متقدمة فوقع اختيارى على السكودا ولقيت حاجة كده على قد فلوسى فيفوريت موديل 1994 فبريكة جوة رشة اجزاء خارجية ....
المشكلة انا مش حطول على حضرتك من شهرين قبل رمضان بالظبط باسبوع السيارة خلطت مية على الزيت الدكتورقالى هات العربية علشان اكشف طبعا كشف وقال جونات وش السلندر والكتينة وقواعد الموتور وقاعدة الفتيس وطلع شوية حاجات المهم التكلفة الاجمالية 650 جنية يدوبك خدت العربية وروحت لقيت الزيت بقى طحينة تانى اتصلت بيه قالى تعالى الصبح رحت الصبح قال حنفك تانى ودوخينى يالمونة المهم فك لقى ثقب فى وش السلندر لحمة بمادى مش عارف ايه وركب جونات تانى وقال التكلفة 120 جنية دفعت طبعا ....
الوضع استمر حوالى شهر وبعدها جابت تانى مية على الزيت قال ليا صديق دكتور حميات للسيارات قلت اروح يمكن يدى للعربية حاجة بسيطة كبسولة احطها فى الشكمان تشد الحرار ولاكن مشكلة تانى جوانات وش السلند قلتلو فك وغير والتكلفة 130 جنية اسبوع ونفس المشكلة رحت علشان يحرك على مسامير الوش قال المسامير مظبوطة طيب المية بتدخل على الزيت من فين لا اجابة!!!!شوية كلام من بتاع الدكاترة اللى مش مفهوم يلف بيه دماغك علشان تنزاح بعيد عنه المهم انا دلوقت انزحت بعيد عنة ورحت لدكتور تالت قال لالالالالالالالالالالا ما دام غير جوانات مرتين فى شهرين تقريبا يبقى لازم تغيير وش السلندر نفسة تشترية استعمال....
ياترى اشترى وش سلندر استعمال ولا فية منه جديد؟؟؟
طيب ممكن اعرف سعره بالتقريب؟؟؟
طيب ممكن تنصحنى نصيحة لوجه الله فى الموضوع دة انا تايه ياولاد الحلال حد يدلنى على الطريق وله الأجر والثواب عند الله....*
اعانك الله ووفقك للخير
وجزاك الله خيرا
مهندس احمد اولا السلام عليكم ورحمة الله ثانيا انا قريت الموضوع بتاعك وما شاء الله عليك ربنا يحفظك ويجعله في ميزان حسناتك امين
من موضوعك انا شايف ان حضرتك دايس في الاسكودا طيب
انا ناوي والنيه لله اني اشتري سكودا فابيا 1400 سي سي 2001 او 2002 او 2003 هوه لسه مافيش حاجة قدامي بس قولت اخد رايك الاول
ايه رايك في الفابيا عيوبها ومميزتها لان محدش عارف عنها حاجة وتنصحني بيها ولا بلاش ورنج سعرها لو تعرف ولو حضرتك ماعندكش المعلومة هبقى شاكر لو تسالي حد يعرف وتقولي
انا عارف ان السؤال ده مش مكانه هنا بس انا طمعان في كرمك ومعرفتك وخبرتك في الاسكودا
مستني رد حضرتك
لعل المانع خير يابش مهندس احمد احنا والله عاوزين نطمن عليك مش اكتر....
امبارح روحت اتفرج على فيليشيا 98 لقيتها عامله 130 الف كيلو
وفى فى الماتور صوت تسقيف مش عارف بقه هل ممكن ابص بعد اما اخدها الاقينى دخلت فى قصه ماتور ولا الموضوع محتاج ميكانيكى يشوفها الاول
والعربيه بدون تكييف
فهل لو لقيت واحده فيها تكييف هيبقى التكييف فيها فعال ولا زى قلته وهقول لا هبطل التكييف عشان العربيه تمشى
ياريت يا جماعه حد يرد عليا من الناس اللى معاها فيليشيا بتكييف ليه فايده ولا زى قلته
بشمهندس احمد هو ليه العربية بتاخد منى وقت كبير لما بسخنها الصبح وكمان المية بتنقص من القربة فى خلال اسبوع بما يعادل 2/1 لتر يعني بزود 2/1 لتر كل اسبوع هل ده معدل طبيعي وكمان موضوع تسخين العربية بتاخد وقت كبير جدا يعني ممكن 5 او 7 دقائق
يا جماعة اموضوع ده بجد عظيم جدا ونرجو من الادارة تثبيت الموضوع.
لانه فيه فنيات عالية جدا جدا جدا.
ونشكر المهندس احمد سيد علي مجهوداته الكبيرة .
السلام عليكم ورحمة الله وبركاتة
يجماعة اخيرا بعد عناء استمر لأربع اشهر وتكلفة تقارب 3000 جنية او اكثر من الحمى التى تصيب السيارات والتى تؤدى الى ارتفاع فى درجة الحرارة مزمن.... اخيرا ربنا عطرنا على العفريت الصغير اللى صورة اسفل المشاركة طبعا عارفينوا حساس الحرارة طبعا كان دايما امبير الحرارة على الأحمر على طول اروح اغير جوانات ما تنفعش خرطة وش الاجرام اقصدى وش السلندر برضة الحمى شغالة فقررت اغير حساس الحرارة فوجئت بان عداد الحرارة لا يتجاوز النصف وترمستات الحرار فى الريداتير يعطى الأمر للمروحة بالعمل تنزل عن النصف وهاكذا المهم عداد الحرارة لا يتجاوز باى حال من الأحوال عن النصف ودلوقتى ممكن امشى عشرة كيلو دون انقطاع او استراحة بل يمكن ان اجول بها محافظات الجمهورية وممكن اروح السعودية الحال عال العال والحمد الله....
فقط اردت ان اعرض عليكم هذا الحل الذى يبدوا ان يكون بعيدا عن فكر اى احد والتى يحسم مشكلة الحراة ....والحمد الله رب العالمين....
جبت الضفدعة وركبتها السعر 60 جنيه بلد الصنع تركى وتم التركييب والحمدلله الفتييس ظبط جدا جدا جدا ماشااء الله وشكرا للمشهندس احمد علشاان هوا اللى اقترح عليا الكلام ده
انا متاسف جدااااااااا
على التاخير فى الردود على حضرتك
للاسباب خارجة عن ارداتى
بعيد اعتذارى تانى لجميع الاعضاء المحترمين
ونبداء على بركة الله هرد على كل استفسار
ربك المستعان
الف حمد الله على السلامة ياحج اجمد وإن شاء الله تحج بيت الله الحرام ان تستحق هذا واكثر....*
المهم انا رحت للميكانيكى ولقى برومة فى وش السلندر واخدته انا بنفسى ورحت على المخرطة وهناك قالولى احنا ممكن نزود الوش المونيوم فى الاماكن التى بها برومة وبعدين نقشط الوش على ماهو وافقت وعملت اللازم والميكانيكى خلص الشغل تمام طبعا يدوبك مشيت من عند الميكانيكى مؤشر الحرا فوق قريب من الشرطة الحمراء و تانى يوم سفرت مشوار 20 كيليو ريحت 3 مرات مؤشر الحرارة يرتفع الضغط عندى يرتفع اقف مكانى المهم رحت للميكانيكى قال لو الؤشر فعلا صحيح يبقى العربية لازم تولع ممكن يكون العدا مهيس طبعا انا كنت كاشف عليه سابقا قال يبقى مافيش الا حساس الحرارة رحت تانى يوم اشتريت واحد جديد وركبته الساعة الثانية ظهرا روحت مشوار 25 كيلو المؤشر لن يتعدى النص بكده عرفت ان حساس الحرارة مهيس طبعا انا لسة ماشى بالمية المخلوطة الميكانيكى قالى المية حتتبخر لأنى كنت مغير الزيت قبل فك الماكنة بيومين وسحب العربة ممتاز والموتور مظبوط 100% والحمد الله....
بس فى حاجة لاحظتها الميه فى القربة بتنقص بسرعة يعنى لازم ازودها كل يوم عاملت حركة خبيثة علشان اختبر غطاء القربة رحت ملبس غطا القربة كيس بلاستيت محكم جدا ومشيت بالعربية ولما روحت فقيت الكيس وجدت الكيس مبلل بالماء فاكتشفت انة يجب تغيير غطاء القربة وطبعا انا فلست ومستنى الفرج علشان اشترى غطا القربة ....
بخصوص العربية سكودا فابيا عربية جميلة جداااااا
والعربية متكلفة وليس عليها اى غبار و العربية حدث ولة حرج
مميزاتها
ثبات يعنى كلمة ثبات
اعتمادية فى شوارع المحروسة تستحملك
صاج العربية حدث و لة حرج
يعنى العربية جميلة و صالونها جميل جدااااا ورافاهية وقوة ومتانة
العيوب بقى
اسال عن قطع الغيار بتاعتها وتاكد من الموضوع ده كويس والاسعار كمان
متوافرة و لا ( لانى دى مشكلتها )
هام جداااااااااا
خلى بالك مش اى ميكانيكى بيشتغل فيها
العربية فى اعادةالبيع صعبة جدااااا
وفى كمان موضوع متثبت هنا فى القسم انا من راى تشوفه هيفدك جداااااا
ودةاللينك بتاعه
http://www.nilemotors.net/Nile/36911-a.html
وربنا يوفقك
وربك المستعان
انتا حضرتك بتقصد تسخين على السلانسية ولة تسخين حرق و القصة دى يفضل على السلانسية
لو 5 دقايق دة الطبيعى او7دقايق فى حالة عدم عمل الاجزاء قلى انا هشرحها لحضرتك
لو عاوز تظبط الموضوع ده ظبطة فى الشتا الفلشيا اصلا فيها ترومستات تسخين وهى موجودة على الكربرتير ازاى بتشتغل او طريقةعملها
اولا الكربرتير هتلاقى داخل فى ماسورة مياة و خارجة منه لما بتيجى تدور العربية الصبح بدرى
الموتور هيشتغل طلمبة المياة هتبداء بضخ المياة المياة بتدخل على الكربرتير الترومستات بتحس بيها انى هى بردة فا بتأمرالكربرتير يعلى شوية هتلاقى عداد الار بى ام بقى عالى شوية على السلانسية
علشان يسخن العربية بسرعة مع مساعدة ترومستات الكوعة قلى هى بتيبقى قفلة المياة عن الموتور
فالموتور بيسخن بسرعة احنا هنا فى مصر بنلغى ترومستات الكوعة لانى الدرجات الحرارة فى الشتا مبتبقاش زى الدول الاوربية ظبط ترومستات الكربرتير بتاعةالحرارة وراجع عليها و لما العربية بتسخن الترومستات بتوطى العربية تانى و ترجع على وضعهاتانى وتلاقى الار بى ام نزل ورجع لسلانسية العادى بتاعها دى القصة يا صديقى
اى خدمة يا صديقى
وربك المستعان
مش عارف لية يا بيسوووووو ما بتسمعش الكلام من الاول انتا عارف انا عاوز مصلحتك
والف مبروك على ظبط الفتيس ياعم
دلوقتى بتاخد الغيار بايدك و لة بصباع واحد
انا عن نفسى باخد الغيار بصباع واحد وبكل سلاسة وسهولة
والشكر لله يا حبيبى
يا بيسوووووووووووووو
دة انتاحبيبى
ربك المستعان
بارك الله لك وفيك ياحااااااااااااااج أحمد شرحك جميل ومفهوم جدا مش زى شغل الدكاترة الميكانيكية كلام معقد ماتفهمش منه حاجة جزاك الله خير الجزاء ....سانفذ كافة تعليمات حضرتك بس انتا نسيت حاجة طلبت سابقا شرح احذ الهواء ياريت تشرحلى تفتكر دة كان آخر طلب قبل انقطاعك المزعج لنا هنا........
الشكر لله
وربك يوفق
وطلباتك لية اوامر يا صديقى
هشرحلك ازاى تسحب الهوا والطريقة سهلةجدااااا
ومحتاجة حاجتين
ايه هما
الحرص و الصبر
شرح سحب الهواء من دورةالتبريد
اولا
ازاى اعرف انى الموتور واخدهوااااااااا
ازاى هى طريقة خطررررررررررررر جداااااااا بس لو عاملت قلى انا هقولك علية واحدة واحدة هتيبقى تمام العربية لما درجةحرارتها بتعدى 90 درجة و بتثبت على درجةحرارة معينة هتعمل اية هتفتح الكبوت وهتيجى على القربةو يكون معاك فوطة وفك غطاء القربة بالفوطة سنة بسيطة انا مقولتيش هنفتحها مرة واحدة انا بقولك سنة بسيطة فى تنفيس صوت فس فس فس لا لسة سنة كمان لسة سنة كمان بقى فى صوت فس فس فس سنة كمان واصبر بقى للحد ما صوت التنفيس دة يروح خالص القربة تطلع ضغط البخار و الهوا السخن من جوها و لم ينتهى فك الغطاء بحرص بردك مش مرة واحدة سنة سنة وانتا بتفكة فى ضغط بيزوق الغطاء لفوق ولة لا لو مفيش ضغط يبقى انتا كدة خرجة الضغط وبص بعينك فى القربة المياة بتتقلب و لة ثبته مكانها لو بتتقلب يبقى كدة الموتور مفيهوش هوا كدة تمام
لو ثبته وركدة وثبتة مكانها يبقى كدة فى هوا هتقولى ما هو بدل المخطرة دى وممكن ايدى تتحرق ما افك الغطا بتاع القربة و هى بردة هقولك مش هينفع لية لانى الموتور مش هيبان انى واخد هوااا قلى لما بيكون الموتور سخن لانى هتكون المياة سخنت وخلة الهوا يتمدد بالداخل الموتور وهيعمل كدة فجوة هوائية عارفة يا صديقى الموضوع جى ازاى الهوا لما بيعمل فجوة هوائية بيسد مسارات المياة مبتخليش المياة تروح وتيجى فى دورة التبريد الطريقة سهله جدااااا بس خطر جدااااا خالى بالك واحفظ الكلام دة كويس علشان لاقدر الله مايحصلش حاجة
ثانيا
ازاى تسحب الهوا و بنفسك من غير ماتروح عند ميكانيكى و لة حد
الطريقة سهله جدااااا
هنا بقى هتكون العربية بردة جداااااا علشان جوان وش السليندر والوش السليندر نفسة
اولا هتفك الخرطوم الراجع على القربة قلى بيبقى فوق ودور الموتور على السلانسية هتلاقى الخرطوم بيفضى مياة خلية يفضى وبعدين لما المياة بتقطع والقربة تفضى فاضى المياة فى القربة واديها سنة سنة متواصل للحد ماخرطوم الراجع بتاع القربة ينزل مياة شغال زى منتا اديها مياة للحد ما تلاقى المياة نازلة بغزارة من الخرطوم مش سرسوب ضعيف ركب الخرطوم الراجع بالقفيز وزود و ظبط مقاس المياة على شرطة الماكس بالظبط علشان هنحتاج المقاس دة بعدين ومتقفلش غضاءالقربة لسةمخلصناش
خلصنا لالالالالالالالالالالالال الالالا لسة احنا مسحبناش الهوا كله
هنعمل اية بقى تانى و عاوزك تكون صبور جدااااااااااااااا
هتلاقى فى خرطوم تخين قلى بيبقى رابط ما بين الكوعة قلى فوق ورابط ما بين الرداتير كل دة و العربية دايرة على السلانسية ويفضل تكون مخلى صحابك بيراقب معاك مؤشر الحرارة للحرص
هتعمل اية هتخنق الخرطوم دة بايدك ويفضل تاتنية علشان تحبس المياة ولمدة دقيقة وسيب مرة واحدة وعينك فى القربة هتلاقى فققيع مياه او برقيع مياة فى القربة اخنق تانى و تالت ورابع وشوية وسيب
وطول الخنقة يعنى دقتين وبعدين زود الخنقة 3 دقايق بس مش تخنق لربع ساعة لالالالالالا واخنق و سيب هتقولى طيب هخلص امتا هقولك للحد لما تيجى تخنق وتسيب و متلقيش برقيع خالص او فققيع
هتلاقى بقى اية المياة ناقصة من القربة يبقى احنا كدة شغالين صح لية بقة ناقصة علشان المياة حلة محل الهواء زودها وظبط على الماكس تانى هتقعدلك بتاع خمس ايام مراقبها كل يوم الصبح قبل ما تطلع بيها كدة هتلاقى المياة بتنقص منك بتاع كوبيةمياة كل يوم كدة تقريبا عادى جدااااا متقلقش علشان احنا طردنا الهواء والمياة بتحل محلة سنة سنة يعنى بنسيسها خالص
للحدما تلاقى المياة اتظبط لوحدها وبتنقص حاجات بسيطة جدااااا
وبكل صبر وحرص
فكرة الهواء دى اية او فكرة الخنقة دى اية
انى انا بضغط على طلمبةالمية والمياة بتنضغط فى اماكن تجويف الهوا الموجودة فى البلوك فى وش السليندر اى مكان ما ويحل محالها وبخليها تكبس على الهوا وتطرده برة امتا لما بسيب الخنقة دى الفكرة
هتقولى انا مش متخيلها او انا مش فاهم الكلام قلى انتا بتقوله موضوع الهوا دة و المياة مش عارف
هقولك نعمل مع بعض تجربة عملية هات طبق مياة كبير شوية او حلة مياة بلاش طبق هات حلة كبيرة وهات كوبية ازاز شفافه و اقلبة وخلى كعب الكوبية لفوق و بوق الكوبية لتحت وحطها فى المياه واكبسها و غطسها للاخر وخلى المياة تيبقى مغطيها هتلاقى المياة مش مليةالكوبية كلها من جوة كلها هتلاقى تقريبا ربعها او نصها مفيهوش مياة مع العلم انتا مغطس الكوبية كلها فى المياة طيب الباقى دة ليةمدخلش فيها المياة علشان موجود هواء فى الكوبية وبينضغط فالكوبية مقابل المياة مبتقدرش المياة تحل محالة لانه انضغط و شكل قوة فى مقابل المياة جرب عملى و هتفهم القصة اية
يارب اكون قدرت اوفق فى الشرح و تبسطة يارب
ربك المستعان
اى خدمة يا صديقى
بسم الله مشاء الله شرحك جميل وبسيط جدا يباش مهندس احمد بجد انتا رجل لم يخب نظرى فيك جزاك الله خير الجزاء وجعل نصحك هذا حسنات تلقاها فى سجلاتك يوم الحساب بارك الله لك وفيك....
انا فهمت الدرس جيدا ولسوف اقوم بالتطبيق العملى باكر حيث ان السيارة بالجراش وحضرتك قلت لمغرفة ماكان هناك هواء من عدمة يجب ان تكون السيارة سخنة فغدا بعد مشوار سفر ساراقب الموقف كما شرحت....
على فكرة اود ان انوه للسادة المترددين على هذا المنتدى الجميل الزاخر بمعلومات هامة ياريت الكل ينسخ المعلومات التى يجدها هنا ويحتفظ بها على صفحات الوورد وعمل فايل ليكون مرجع لا احد يعرف ماذا سيحدث غدا النت دة اصلو عنده شعرة ساعة تروح وساعة تيجى ههههههههههههههه............
بس خلى بالك يا صديقى اهم حاجة انتا ولو انتا مش هتعرف تعملها انا فى الخدمة
انتا فكرتينى انا كنت بتصفح اقسام المنتدى و بالاخص لقيت موضوع فى قسم الدايو موضوع جميل جداااااا
علشان بردك الواحد مياخدش فكرة حد و ينسبها لنفسة
الموضوع ده عبارة عن كل عضو فى القسم يدخل يشارك ويقول كان عنده عطل اية واتصلح ازاى ويشرح التجربةحتى لو كانت فشلة ويشرح اتصلحةازاى وجاب قطع الغيار واسعارها اية بس انا عاوز اقول لازم المشاركةتكون جادة وهتكون خاصة بالفلشيا موديلات من 1994 الى 1997 لانى الموتور واحد والعفشة واحدة هو بس البودى قلى مختلفه والتابلوة
انا هبداء فيها دلوقتى وبشكل منظم ومرتب
ربك المستعان