وانتا طيب يا حبيبى و ان شاء الله العيد قلى جى تكون احسن واحسن
وربنا يوفقك يا صديقى
كل سنة و انتا طيب
وعيد سعيد عليك وعلى الامة الاسلامية بخير
الموضوع قلى حصل انومسمار 13 قلى وقع ده بيمسك على عمود عصاية الفتيس وبيجمعها مع جلبة الضفدعة لووقع يبقى العصاية كدة اتحررت خالص ومبتقدرش تتحكم فى الفتيس
حالها اية هى سهلة جداااااا
هتاخد دواسة العربية وتزوقها تحت العربية وتنزل تحت الباب بتاع السوق وتروح للحد الفتيس منتحت هتلاقى المجموعة دى كلها قدامك هى شرحهانفسها واتعامل
لوالعصاية فيها بوش جامد والغيارات مش بتيجى بسلاسة يبقى غير على طول الضفدعة هتحس بالفرق
و فى الغالب مش هتلاقى الالمانى هتلاقى التركى والصينى هات التركى هتعمل من 80ج الى 85
وربك المستعان
وانتا طيب يا صديقى
وعيد سعيد عليك
عارفة انى هى اسمها الضفدعة يا بيسووووووووووووووووو
اى خدمة يا بيسووووووووووووو
دةانتا حبيبى
ايوووووووووووة بقى مع انى ماجبتهاااااااااش بس يلا هى كويسة
انا شاكر جداللباشمهندس احمد و bisoolover على الرد والاهتمام ... انا عندي بس استفسار يعني اية بوش في عصاية الفتيس؟ ولو غيرت الضفدعة دية فعلا حتفرق في النقلات وتبقى ناعمة؟
وكل عام وانتم بخير وعيد سعيد عليكم
لا شكر على واجب ياصديقى احنا هنا اخوات فى الخير
حضرتك معنى كلمة بووووش فى عصاية الفتيس يعنى العصاية سايبة و ملخلخة كدة و مفيهاش سوستة
دة معنى الكلمة
موضوع الضفدعة
دة طبعا قلى بيبقى مسئول عن البوش فى العصاية مع انتهاء عمرها الافتراضى طبعا الحشو قلى جو بيتاكل فى بتيبقى مبوشة و فعلا لو غيرت الضفدعة دى هتفرق معاك الغيارات هتيبقى سلسة جدااااااااا
والفتيس يادوبك بصباعك تحركة علشان السوستة قلى فى لانى اول ما تزوقة على حارة الغيار هيكمل هو الباقى
وانتا طيب ياصديقى
جرب كدة و هتدعيلى لوعصاية الفتيس عندك مش مظبوطة و مزهقاك غيرة هتحس بالفرق
ياكبيير طلع مش غيرها طلع ربطها من تحت بس وظبطها وبقت جامده بس بعد فترة بتفووك تانى
كل سنة وانتوا طيبين وعيد سعيد على كل اعضاء المنتدى الكرام
افهم من كده ياباشمهندس احمد ان ضفدعة الفتيس برضه بتبقى السبب في صعوبة الغيار عشان انا ساعات الغيارات تبقى تقيلة جداً وخصوصا لو هسقط غيار اقل مع اني معلي الدبرياج اووي عشان الموضوع ده وبحس اني لازم برضه اوصل لاخر الدواسة ساعات عشان الغيار ييجي غير ان فيه نشوفيه في الغيارات تحس ان العصاية مصدية من تحت عاوزة تتزيت مثلا وللعلم انا نزلت زيت الفتيس كله وغيرته وحطيت زيت جديد واظن اخد 2.5 لتر ومش عارف المشكلة بقى في ايه وصديق ليا نصحنى اغير سلك الدبرياج يمكن يكون بقى ناعم مع الاستعمال ومش بيفصل الدبرياج كويس خصوصاً ان بيزيق جامده برضه رجاء النصيحة خصوصا ان موضوع الفتيس فعلا مقرف جدا لما يبقى مش مظبوط
وانتا طيب يا صديقى وعيد سعيد عليك
اولا
الضفدعة تتغير لما تكون عصاية الفتيس سايبة وملخلخة علشان تقدر تحدد الحارات صح بتاعة الفتيس وتعشق متقعدش تقرفك فى التعشيق لانى الضفدعةهى الدليل بتاع الغيارات
انتا عندك العصاية ملخلخة و سايبة و فيهاش سوستة يبقى غيرة
دة بخصوص الغيارات التقيلة و عدم التعشيق بسلاسة التعشيق
ثانيا
موضوع الدبرياج انا من راى الشخصى تعيد على سلك الدبرياج وتعملة الريجلاش بتاعة المظبوط من على الذراع الموجود على الفتيس فى حالة لو انى السلك دبرياج كويس لو بقالو كتيير قوى يبقى غيرة وعلى مااعتقد التركى بتاعة عامل 65 جنية اخر مرة سالت علية لانى انا عاوز اغيرة علشان الدواسة عندى تقيلة شوية
موضوع الريجلاش يبقى ظبطتةازاى
مشوار الدواسة هنقسمة على اربع تربع هتنزل فى الربع الاول فاضى الربع التانى بتاع الغيارالتالت والرابع والخامس الربع التالت بتاع الاول والتانى وبعدين اخر ربع دة بيبقى فاضى يعنى متنزلش للحد الارضية المقصود اية هتظبط الدوسة و الريجلاش وتدى غيارات هدوس مثلا للحد الربع التانى
جرب علية الغيار التالت والرابع والخامس وعشق الفتيس وجرب كانك سايق بالظبط والربع التالت جرب علية الاول وانتا واقف بالعربية كانك هتطلع بالظبط والتانى شرحة
المقصود اية دى ظبطة سلك الدبرياج
وله تعلى وله توطى الدبرياج والكلام الفاضى دة هتلاقى العملية سلاسة
طيب هتيجى تسالنى وتقولى اية الكلام دة انا مش فاهم حاجة منه اية المقصود من القصة دى لية اظبط مشوار الدوسة الربع التانى على الغيار التالت والرابع والخامس
انا مش فاهم حاجة والربع التالت اول وتانى ايةالمقصود
المقصود انى الترس الخاص بالغيار الاول بيكون حجمة كبير فا محتاج مشوار وصل الحركة لمسافةاطول
علشان يعشق الترسين مع بعض
والترس التانى اقل منه حجما فابيكون على نفس الريجلاش
اما التالت والرابع والخامس بيكون مش محتاج مشوار طويل يعنى مش محتاج تدوس لحد اخر الدواسة للارض علشان تعشق اكيد خد بالك من الموضوع دة لما بتسوق عربيتك يعنى لما بتنقل من الرابع للخامس انتا بتريح رجلك بس على دواسة الدبرياج تلاقى الغيار نقل بسهولة مدستش بالدواسة للاخر
اما الاول و التانى بتيجى تدوس للاخر
جرب اول احتمالين وراجع كدة و شوف
علشان لو مش من الاحتمالين دول هيبقى ............ بلاش جرب بس الاول
هو الموضوع عندك شوية ظبط و تغير الحاجتين دول الضفدعة لو محتاجة و سلك الدبرياج لو محتاج
و انتا قلى تقدر تقررر
ربك المستعان
و متابع معاك باهمية للحين باذن الله الانتهاء من المشكلة
ان شاء الله
جزاك الله كل خير يا باشمهندس احمد على التوضيح.... بس في استفسار انت بتقول عايز تغير سلك الدبرياج لان الدواسة تقلت... اصل انا حسيت ان دواسة الدبراج تقلت وشكيت في نفسي وقولت اكيد انا بيتهئلي يعني حل المشكلة دية في تغير سلك الدبرياج؟؟ عيد سعيد وكل عام وانتم بخير
الله يخليك
على دعوتك الجميلة
موضوع تغيير سلك الدبرياج فعلا لما الدواسة تيبقى تقيلة تحت رجليك غير السلك
بخلاف مجموعة الجر وبخصوص الديسك لو فى مشكلة مش هيبقى من سلك الدبرياج
يارب اكون قدرت اوضح الاستفسار
وربك المستعان
و كل سنة و انتا طيب
و عيد سعيد عليك و على الامة الاسلامية بخير
كل عام وانت بخير يا باشمهندس احمد وعيد سعيد ..
انا عندى مشكلة فى العفشة فى تخبيط شديد فى المطبات الصغيرة وصوت عالى فى الطرق الغير ممهدة والعربية بتتهز ومش مستقرة رغم ان الكاوتش جديد
الصنايعى قالى فى حاجة معوجة اسمها الشداد تقريبا او جاجة تانية ايه ؟؟ مش فاكر لكن انا كبرت وقلقت
وغيرت الاسكاترا بواحدة صينى وباظت ورجعت تانى للقديمة الاصلية مع تغير الحشوة عند خراط
لكن انا حساس ان المشكلة من مش اسكاترا لكن من المساعدين لانى اشتريت العربية من 3 سنين وما غيرتش فيهم حاجة و كمان من الكبالن اللى بتطقطق فى الملفات رغم انى غيرت الكاوتش بتاعهم مرتين السنة دى
الخلاصة عايز اغير الاربع مساعدين و الجوز كبالن واى حاجة تخص العفشة لان العربية اختلفت عن ما كنت مشتريها من 3 سنين وبقت مش مريحة ومش عارف التكلفة كام يا ريت لو تفيدنى حضرتك باحسن الانواع والاسعار وايه تانى محتاج اغيره لعفشة سليمة وجزاك الله خير ا
انا كنت سئلت على المساعدين الامامي ولقيت مايلي الماني 450 جنية،،، وساكس الماني 480 جنية والكلام دة من اسبوعين
وانتا طيب يا صديقى وعيد سعيد عليك وعلى جميع الاخوة فى المنتدى
وان شاء الله بسيطة
الموضوع انى عفشة سكودا فلشيا بسيطة جداااااااا مش معقدة
عاوزين نعرف المشكلة منين
انتا عندك تلات حاجات بتشتكى منهم
اسكترا ( علبةالدركسيون )
المساعدين
الكبالن
الاول
عاوزين نعرف الاسكترا فيهامشكلة و لة لا
هتعمل اية
هتوقف العربية عادى جدا وتخلى الدركسيون يوسجر بالقفل تمام انزل وامسك فردةالكوتش باديك الاتنين وهاتها يمين وشمال يعنى بايدك اليمين تزوق لجوة وايدك الشمال لبرة واعكس وشوف العجلة بتروح معاك وبتيجى وفيها كدة تكة او سنة بوش و جرب على العجلة التانية لو راحة وجة معاك يبقى الاسكترا عاوزة تتغير لومشكدة يبقى تمام
نصحيتى ليك ابعد عن الصينى لانها كاخامة تعبانةجدااا لانى العربية تقيلة من قدام لازم تجيب قلى خاماتها نظيفة وهى الالمانى بتاعتها هتقولى الجديدة غالية فعلا 950 ج على ما اعتقد هقولك هات واحدة استيراد المانى هتكون عاملة من 225 الى 250 جنية
وهقولك تفحصهاازاى عند بتاع الاستيراد هتلاقى العلبة فى النص و طالع منها البارتين امسك البارة زوقها على جوة و برة انا مش عاوزك تمشيها جوة العلبة الدركسيون لا انتا هتزوق بس فى سنة كتة اوتكة يبقى لالالالالا وجرب على البارة التانية
ثانيا
المساعدين
الاول هتبص عليهم ازاى تعالى بص من عند المساعد من تحت وارفع الكوتشة وبص فى ترشيح زيت على العمود بتاع المساعد لو فى غير على طول مع تكرار المراجعة على الاربع مساعدين
ثانيا هدوس على المساعد ولازم تكون انتا حاسس الموضوع ده هدوس وسيب هتلاقى المساعد بيرجع لفوق ويهدى وميردش تانى لتحت لو قعد يرد لتحت ولفوق يبقى عامل زى السوستة يبقى تعبان او ضرب زيت وعاوز يتغير
ثالثا وانتا بدوس وبيرجع لفوق هتلاق بيعمل صوت زى هس هسهس ولما يجى يرد لفوق اول مرة بيعمل صوت شخرة الاصوات دى بدل على انى المساعد كويس لومش موجودة يبقى بردك شكرا غيرة
وانا افضل نوالمساعد قلى هو الساكس اللمانى هتلاقى الجوز الامامى من 480 الى 500 جنية و الجوز الخلفى من 380 الى 400 جنية يعنى فى الرنج دة
ثالثا
الكبالن
انتا بتقول انى هى بتطقطق فى الملفات فا مش محتاجة على طول تتغير
و ياحبيبى انتا بتقولى انا غيرةالكوتش مرتيين فى السنة الكوتش ملوش علاقة بطقطقةالكبالن
الكوتش دة حماية على الكوبلن من دخول والتراب و تسقط الشحم من الكوبلن
يعنى الكوتش دة عامل زى معجون الاسنان بيحمى من التسوس مش بيعلج التسوس
سعرهم الالمانى انا كنت جايبهم مش فاكر 380 او 420 ج حاجةزىكدة
ولما جيبهم هات معاهم كوتشات جديدة و الشحم بتاعهم والقفيز وخلى الباشا الميكانيكى يكبسهم شحم صح للحدما يبوظو شحم من المجارى
راجاء تركز على الاسكترا وجوز المساعدين الامامى وبعد ماتركب الحاجات دى كلها اطلع على طول اظبط زاويا و رجاء و انتا رايح من عند الميكانيكى لبتاع ظبط الزاويا امشى بالراحة قوووووى علشان ممكن تكون عجلة مخلوفةلجوة او لبرة ربنا يستر
وان شاء الله المشكلة تتحل
اناحبيت اشرحلك علشان لو حاجة محتاجة تتغير غيرة لو مش محتاجة يبقى حرام تغيرة قطع الغيار اما الميكانيكى او العفشجى مش فرقة غير يابية ويقعد يعد مصنعية ماهو مش هيدفع حاجةمن جيبة
يارب اكون قدرت اوفق فى الشرح
ربك المستعان
بجد عاجز عن الشكر يا باشمهندس احمد اولا على سرعة الرد وثانيا على الشرح الوافى الجميل
وان شاء الله هاعمل الاختبارات اللى حضرتك شرحتها لى واشوف العيب فين قبل ما اروح للصنايعى
على الاقل اكون على بينة والعلم نور هههههههه
وفكرة الاسكاترا الاستيراد دى كنت مستبعدها وقلت اجيب الصينى وكانت بحوالى 190 يعنى سعرها
قريب من الاستراد وباظت بعد شهور بسيطة لكن دلوقتى اكيد هاجرب الاستيراد موجودة كتير فى
شارع صلاح الدين عندنا فى الاسكندرية والفيليشيا عندنا اكتر من 128 فى القاهرة وحاجتها كتير
ومتوفرة وجزاك الله خير
لا شكر على واجب ياصديقى
وهو دة الهدف من الموضوع انى انتا تيبقى عارف القصة اية والدنيا عندك اية
وهات الاسكترا الاستيراد وهتضمن انى خاماتها هتكون نظيفة والاصلية
بس متنساش تخلى الميكانيكى يغسلها بالجاز و ينظفها كويس وبعدين يكبسها شحم كويس ويظبط البارات بتاعتها
متنساش النصايح دى
انتا من الاسكندرية البلاد دى عشقى الاول بخصوصا فى الشتا ملهاش حل
هات رقمك موبيلك علشان اماانزلا بقى اكلمك لانى بعد العيد باسبوع عندىشغل هناك و اقبلك
ربك المستعان
انا كنت سائلت على الاسكترا عند الصياد قالي الصيني فيكا 280 وفي الماني ماركة مايلي 600 جنية فاية الافضل ولا الاستيراد احسن؟
و الله خايف لاتكون الاسكترا الالمانى دى مضروبة وتطلع صينى ولة تركى خليك فى الاسكترا الاستيراد وعن تجربة واللة انا قلى مركبها عندى استيراد وهتعمل من 225 الى 250 جنية وانتا وشطارتك بس افحصها كويس و دى طريقة فحصها عند بتاع الاستيراد هتلاقى العلبة فى النص و طالع منها البارتين امسك البارة زوقها على جوة و برة انا مش عاوزك تمشيها جوة العلبة الدركسيون لا انتا هتزوق بس فى سنة كتة اوتكة يبقى لالالالالا وجرب على البارة التانية لازم من اول ماتزوق الاكس قلى طالع من العلبة يلف معاك سنةبسنة قلى هوبتركب عليهاعصاية الدركسيون بس متنساش تخلى الميكانيكى يغسلها بالجاز و ينظفها كويس وبعدين يكبسها شحم كويس ويظبط البارات بتاعتها
متنساش النصايح دى ومتنساش تظبط زاويا
ربك المستعان
لو سمحت يا باشمهندس،،
أنا بسأل على قطعة فى التابلوه بتاع الفليشيا 97 وهو الجزء اللى تحت الكاسيت على طول... حاجة كده بيتحط فيها الموبايل أو فلوس أو أى حاجة.... هل ياترى الجزء ده بيتباع فى حته ولو كده فين وسعره أد إيه
متشكر جداً مقدماً
الله ينور علييييييييك
انت أكيد قصدك على الجزء اللى بالأحمر اللى فى الصورة، أنا كنت بدور على الجزء ده برده، ومعنديش مانع أشتريه منك
بس أنا كنت بسأل بقى على الجزء اللى بالأزرق؟ موجود ده؟
http://dc129.4shared.com/img/3_ftWQ7..._a_Felicia.jpg
حضرتك
الكونصولة قلى انتا جايبة دى مش بتاعةفلشيا 1997 دى بتاعة سكودا فلشيا وش اوكتافيا على مااعتقد 1998 قلى هو الموتور نزلا انجكش حاجة زى كدة بس مش عارف تركب عندك و لة لا قلى انا اعرفة كونصولة فلشيا 1995لحد 1997 كلها واحد وبتركب
وانا تحت امرك
انت ياحج انت انا رضييييييييت على الرسااالة وانت ماتصلتش :d :d اتصل انا طب بقولك صححيح الكونصلة بتاعتك لسة موجودة ؟؟؟
معلش يا باشا اتأخرت عليك فى الرد
تمام هاخد منك الكونصولة، ممكن تبعت رساله عشان نتفق؟
السلام عليكم ورحمة الله
بعد اذنك انا عندي الصندوق الاسود في العربية (انا قصدي على البوكس الى بيبقى تحت هواية الكبوت ) المفروض انه بيدخل هوا من بره للتابلوة او يدخل هوا سخن وده المفروض شفته في عربيات كتير بيبقى فيه زرار بيفتح او يقفل المسار بتاع الهوا من برا عشان يجيب هوا بارد من بره يا اما هوا سخن من الماتور والمفروض انه بيبقى فيه مروحة عشان الهوا برضه وانا مش عندي اي حاجة من ديه شغالة هو انا كده بقى المفروض اروح لمين واعمل ايه عشان اصلحها خصوصاً اني كلمت الكهربائي عليها وتنح وقالى ما تشغلهاش ومش عارف اساساً لو صلحتها هتبقى مفيدة ولا لاء
انا اسف انا لسه شايف رد حضرتك دلوقتي
شرحك جميل جزاك الله خيراً
بس انا عندي ما فيش فيوزات ضربه الحمد لله
وغالباً المروحة بتاعة البلاور ده بايظة مش بتشتغل وكنت قبل كده لعبت فى الزرار بتاعه فضرب فيوز والكهربائي قالي الموتور قافش عشان كده ضرب الفيوز وقالى ما تلعبش فيها وما بصش عليها خالص وانا عربيت موديل 95 ومش عارف بقى لو هجيب موتور او اجيب البلاور ده كامل استيراد واكيد هيبقى بكل حاجته شغاله؟؟؟ ايه راي حضرتك ايه ؟؟؟
انا عاايز اسقط العربية من قداام شوية اقدر اعمل ايه وتكوون صح ؟؟؟
انا بس علشاان عندى مسقطها من وراااا فعملة زاى اكنها راافعة حصاان ههههههه انا عاايز انزلها سيكا كده بس هتبقى شكلها فاااااااااااااجر وبردو ثباات حلو طوول ماهى قريبة من الارض بس دى فكرتها ؟؟ وهتيجى معايا الطلعة اللى جاية ولا ايه ؟؟ وعملت ايه فى الساوند صحييح ؟؟