حاول كدة تروح لواحد تانى
و ابعد عن الفتاوى و الاختراعات لانى للاسف انا مشوفتيش واحد بيعرف و بيعدل صح
وربك المستعان
الحمد لله
على كل شىء
حضرتك انتا هتحير نفسك لية فى الاستيراد والقصة دى
انتا تروح عند اى واحد بتاع قطع غيار سكودا و قولو عاوز عقربة الفتيس و خلاص
واديها للدكتور الميكانيكى خليها يركبهالك وهتلاقى منها تركى فى السوق وشغالة
وان شاء الله المشكلة تتحل
وربك المستعان
شكرا ليك كتير بجد انت راجل محترم وافدتنى كتير انا فجاة لقيت موضوع لمبة الزيت مش بتنور خلاص لوحدها بصيت على مقياس الزيت لقيته مظبوط على max فغالبا ساعة الزيت كانت مهيسة منى شوية فالحمد لله على كل حال عايز اقولك ان العربية مفحوتة مشاوير واللمبة منورتش تانى الحمد لله بس انا كده كده رايح اغسل الموتور بالجازى زى ماقلتلك وكمان هغير الزيت والفلتر بالمرة
الزميل العزيز م. أحمد سيد
كيف الحال
عندي سؤالين يدوران حول السخونة وهما :-
- مروجة التبريد .......... انا قريت انها سرعتين ؟؟؟؟ السؤال كيف لي ان أعرف أن المروحة بتاعتي ( فليشا 97 كومبي ) بتشتغل علي السرعتين ؟؟؟ لان انا لاحظات مهما كانت درجة الحرارة 90 أو 100 أو 110 درجة المروحة سرعة واحدة ؟؟؟؟؟ ولكن بسرعة كويسة ؟؟؟؟.
- طرمبة المياه .... كيف اختبارها ؟؟؟؟؟؟ لاني عرضتها علي الميكانيكي + بتاع راديتر ... قال لي شغاله ........... انا قمت بغلق الخرطوم الذي طالع من الراديتر لم اجد مقاومة تذكر ؟؟
سؤال يا باشامهندس احمد
انت قلت ان فيه موتور اسكودا فليشا 1600 ؟؟؟؟؟ فين ده وبكام .
بقولك ايه يا احمد فى صوت غريب عند سير الدينامو
كلمت الباشمهندس أحمد علي الموبيل ..........والراجل شرح لي الاتي :-
- بالنسبة للمروحة الكهرباء بتاعت اسكودا ..... المروحة سرعة واحدة لو العربية نازلة من غير تكييف + المروحة بتبقي سرعتين لو نازلة بالتكيف الاصلي .
- طرمبة المياه ......... لزم بالفحص العملي ........... تبان أعطالها .
شكرا ليك يا بشمهندس أحمد جزيل الشكر .
فى صوت غريب انا مش مصدق نفسى ياعم اتعملة وخلصة خلاص والعربية تحت البيت انتا لسة فاكر
هههههههههههههههه
اه منا عارف انا كنت عند الميكانيكى و بسال علية فقلولى دة راح يجيب عربية زبون طيب اتصلات بية انتا فين
بيقولى بجيب عربية صحبك صحبى مين محمد صلاح والله هو معاك فرصة نتقابل قلى لا طيب المهم جاب العربية دور و غير السير تمام دورت العربية لما بتيجى تدوس ستة بنزين فى صوت نحرررررررررررررر
قولتالو قعدنا بصينا عارفنا انى هى بلية الدينمو وعمالك سرفيس كدة و نظافة وجاب الكهربائى فك الدينمو
وانا بقى استاذنة علشان كان ورايا مشوار
بس سالت الميكانيكى قلى كلو تمام والشحن بتاعه تمام طيب كويس
اى خدمة يا عم محمد
والف سلامة عليك صحابك طالع عينة من غير العربية انا تعبت والله
اهو المفروض البوهيجى هستلمة منه بعد اسبوع من النهاردة يارب يخلصه بقى علشان انا تعبت
الف سلامة عليك يا حبيبى مرة تانية
ربك المستعان
تنبيه هام جداااااااااااااااا
بخصوص موضوعنا
اولا وش السليندر ياجماعه وش السليندر ميتفكش قلى فى ثلاث حالات وهم دول حالات قلى تستدعى فك وش السليندر و ده الشائع
الحالة الاولى خلط الماءبالزيت اوالعكس خلط الزيت بالماء يعنى ( طحينة ) جوان وش السليندر ضرب
الحالة الثانية فى حالة وجود دخانة بيضاء او دخانة رمادى يبقى تغير طقم شمايز او طقم شنبر اوشمايز وشنبر على حسب الحالة الموجود علية
الحالة الثالثة لو جوان وش السليندر بينفس ودة بيعمل سخونة ودة احتمال ضعيف والاحتمال دة بنلجأ لية فى اخراحتمالتنا يعنى دة بيبقى اخر حاجة بنوصلها واوجب تغير الجوان ياجماعة دة اخر احتمال
ملحوظة هامة
لوفى دخانةسوداء هباب اسود يعنى دة ملوش علاقة بوش السليندر دة عاوز ظبط كربرتير ( هواء + بنزين ) او تغيير بيكات الكربرتير و ظبط كهرباء سرفيس صيانة( ملوش علاقة بوش السليندر )
ملحوظة هامة
موتور سكودا مبيتعملش فى عمرة و الكلام الفاضى دة و له يروح عند خراط والقصة دى لا لا لا لا لا لا لا لا لا لالالالالالا
دة حضرتك عبارة عن اية العمرة فى موتور سكودا المقصود بيها اية
هو تغيير طقم الشنبر
تغير طقم البساتم ( دة احتمال ضعيف )
تغير طقم الشمايز
كدة الموتور يرجع فبريقة تانى من الداخل لانى انتا هتشيل و تركب بس يعنى شغل استندارد شغل مصنع مش شغل خراط
شرح فكرة الشمايز اية
طبعا الموضوع دة جميل جداااااا و بيعتبر مكلف جداااااا لشركات تصنيع السيارات فبداء الشركات تستغنى عن موضوع الشمايز للتوفير ماعدا الشركات المحترمةاوفى اغلبية الصناعةالالمانية والصناعةالفرنسية و الصناعةالروسية على سبيل المثال مرسيدس و بى ام وبيجوو و منهم طبعا عربيتنا المفضلة سـكـــــــــــودا
انتا عند حضرتك غرفة الحريق دى بتشمل اية اسطوانة بداخلها بستم حركته للاعلى وللاسفل وزراع
انا هنا هتكلم عن جزئيين البستم و الاسطوانة فى العربيات الحديثة مثلا الهيونداى و الهوندا على سبيل المثال الاسطوانةعلى جسم البلوك يعنى الاسطوانة متفرغةمن جسم البلوك والبستم بيتحرك بداخلها مسمعتيش بيقولك البستم خرج من بلوك الموتور وطلع من الجنب دى حقيقة هههههههه
فا بيحدث تاكل والموتور بيدخن هنا بقى الحل اية بيتم خرط بستم بقطر اكبر سنة علشان اعوض فقد التاكل قلى تم فى الاسطوانة دى بقى تسمى العمرة و بعد كذا مرة من العمرة بفك الموتور وبغيرة بموتور تانى لانى خلاص مبقاش فى لحمية فى معدن البلوك كلها اتاكلة
اما لو شميز بفك الشميز بايدى زى الكوبية كدة بشيلو و برمية وبركب واحد تانى لانى الشميز هوقلى بيتاكل فا كدة برجع الموتور فبريقة تانى يا جماعة انتو مبتستغربوش انى فى عربيات مرسيدي و بى ام و بيجووو قلى مالى الشوارع بالتاكسى وعربيات بيجووو 7 راكب بتاعة السفر ماشى لحد دلوقتى والموتور بحالتة مسالتوش نفسيكم لية الموتور بحالتة وبيجرى وبيفتح وبيجيب سرعة كمان
هى دى الاجابة موتور شمايز مش نظام بلوك يجى يجددة يفكو يغير الشمايز و الشنبر يرجع تانى زى الفل
حبيت بس اعرفكم موتور عربيتكم عامل ازاى موتور محترم جداااا
عاوز المحافظة
يارب اكون قدرة اوفق فى الشرح
وابسطة يارب
وربك المستعان
الله عليك ياكبير المهندسين العرب شرحك فعلا حببنا فى اسكود وبافكر نجمع نفسنا كده ونعمل مليونية من عشاق اسكودة لتكون السيارة الأولى فى مصر*
على فكرة انا كتبت رد ولم يتم نشرة ولأن دائما ما تحدث من قلبى فلن اتمكن من استرجاع ما كتبتة لأنكم تعريفون القلب ينطق مرة واحد ولا يحتفظ كما العقل فلا املك الا ان اقول لك ياحاج احمد الله يبارك لك وفيك وفى ذريتك وجزاك الله عنا خير الجزااااااااء*
الله يكرم اصلك والله انا متابع بس حضرتك غيبت اكتير عن الصفحة لذا غادرنا لعدم وجود احباب....
ياريت طيب ما تنسانيش فى لمبة البطارية اللى فى الطابلون ما بتنورش ليه بدل ما الغوص فى الكهربة وتكوم العاقبة وخيمة والسبب التاخر فى الرد ....
انا لغوصت من بعيد لبعيد فكيت الطابلون كشفت على اللمبة سليمة كشفت على الخط اللى على بوردة الطابلون سليمة السوكت تمام يبقى اى المشكلة!!!!!!!!!!!!!؟؟؟؟؟؟؟؟؟؟؟ ؟؟؟؟؟
شاكرين لك جهودك ومعلوماتك الجميلة والوفيرة .
سؤال يا باشمهندس
لما بغير طقم شمبر ............ هل العربية حتجتاج تلين .............. ؟
واذا كانت محتاجة تلين ............ ازى وكم من الوقت او كم المسافات وكم السرعة ؟
عايز اجيب طقم بوجيهات للفليشيا ياريت حد يفيدنى بنوع كويس ولو يعرف بكام الطقم عشان عايز اغير اللى عندى فى العربية
ngk جامد جدا
وياريت كللنا ندعى لعربيه مهندس احمد علشان بتتسمكر وتترش وانا شوفتها يا عينى قلبى اتقطع والسمكرى شغال فيها ربنا يقومهالك بالسلامه
ربنا معاك ياحج احمد نشهد يالله ان عبدك هذا كثيرا مع شارك الناس همومهم ومشاكلهم فكن له عواننا فى ما هو فيه وربنا يقوملك لوزتك بكل صحة وسلامة ويبعد عنها شرور السماكرة والميكانيكية والكهربائى آآآآآآآآآآمين يارب العالمين....
انا بعتذر عن التاخير لسبب
مشغول بلوزة طبعا زى منتو عارفين بتعمل عملية تجميل
هى عند البوهيجى دلوقتى وزى منتو عارفين لازم الواحد يتابع كل حاجة بنفسه
المفروض بكرة ان شاء الله هستلمها منو بكرة الساعة 5 و السمكرى يركب الاكصدمات ويركب الكرتيرات
بتاعة العجل علشان الطينة دى مش عارف قصتها اية بس بكرة هعرفها و قولكم عليها وبعدين نقفل بقيت الحاجة زى المساحات والمقابض والكوتشات وبكرة هغير البربيز الامامى وبعدين بقا تجيلى على البيت علشان اقفل الصالون بايدى قلى انا فكيته وغسلته قلى كان السرجوية عايزين 500 جنية علشان الفك والتركيب والغسيل ليـــــــــــــــــــــــ ـة اعملها انا يعنى باذن الله على اليوم الاثنين اوالثلاثاء هخلصها بأذن الله
وان شاء الله ناوى اعمل فيها شوية تغيير فى الشكل ان شاء الله
يــــــــــــــــارب
و الله موضوع لمبة البطارية دى انا مش عارف سببها اية ومشكلتها اية لانى المفروض الموضوع on : of يعنى لو مشتغلتيش يعنى يا اللمبة محروقة يا سلك فى قطع انتا بتقول كل دة تمام دى عاوزة كشف عند كهربائى ويكشف بالافوميتر علشان ميبهدلش الدنيا و انا من راى راجع كدة على الريلهات اوبيسموةالكتاوت الموجودة فى علبةالفيوزات حاول فكها ورجعها تانى
جرب كدة
وربك المستعان
طبعا عند تغيير طقم الشنبر يجب ان تعمل عملية تليين للموتور ويكون على السلانسية
يعنى تخلى الموتور يحرق صفيحة ونص بنزين يعنى 30 لتر بنزين على السلانسية وبعدين غير زيت وغير فلتر الزيت و امشى بيها عادى جداااا بدون احمال فى فترة التليين ومتخليش الاربى ام يعدى 2500 وتحاول تغيير فى السرعات وتبعد عن القيادة العنيفة دى فى الفترة الاولى وهتكون فى خلال اسبوع بصفةمتتالية
ويفضل لو تخدها كدة فى مشوار طويل يعنى مشوار سفر هتلين معاك زى الحلوة لانى هتكون خط سيرك طويل بدون توقف بس ما تثبتش على سرعة واحده يعنى الاربى ام مرة على 2000 ومرة 2500 ومرة على 3000 ومرة من 3000 الى 2000 تنوع يعنى فى سرعة الموتور وعدد دورانه مش الغيارات
يارب اكون قدرت اوفق فى الشرح
وربك المستعان
مش عارف هل الموضوع ده ازعل منه ولة مزعلش
انتو رايكم اية
الكلام دة من حاولى اسبوعين لقيت الموبيل بتاعى بيرن فرديت فا لقييت صديق بيرد عليان و بيقولى انا من منتدى نايل موتورز اهلا وسهلا خير قلى انا عارف انوالموضوع ده مش من اختصاصك بس حبيت اكلمك علشان انتا راجل امين ومحترم الله يخليك قالى انا معايا عربية ميتسويشى لانسر 2007 بومة اة قالى عاملت بيهاحادثة على الطريق اول حاجةعارضها عليه قولى المكان علشان اجيلك واساعدك قلى لا انا سليم طيب الحمد لله قلى متعرفش مكان اعمل فى تصليح الحادثة دى قولتالو اعرف قلى بس يكونو ناس فاهمه وميكونوش طماعين قوالتالو انا مش هضرك انا هدلك على الصح قلى خلاص اديتو العنوان و اديتو رقم تيلفون الراجل وقولتالو قلى هيقصر منهم معاك قولى وانا هتصرف معاهم
قلى هيشتغل فيها المهم كانت بتتسمكر مع عربيتى ودة قلى اخر عربيتى وكنت كل ماروح اوصى عليها واشوفها مع عربيتى وكدة لا مش هينفع كدة والحاجة تتفك براحة و شرط اساسى ترجع زى ما كانت فالناس هنا كانت بتسال هى انى واحده عربيت البشمهندس فكنت برد عليهم بقولهم الاتنين بتوعى سكودا والميتسوبيشى فى مشكلة يقولولى لالالالالالا المهم راحت بردك اترشة عند نفس الراجل قلى هيرش عربيتى واوصيتة وشديت علية لدرجةانو هو مكانش بيخلى حد يقرب منها و قلى بيشتغل فيها حاسب هدومك العربية مرشوشة ابعد و عنها والله دة حصل وكان بيزعق لا انا مش هركب حاجة دلوقتى قلى لماتنشف وشد مع الناس كلها كل عاوز يقفل و يخلص وانا كنت واقف معاه المهم العربية خلصت وراجعة زى الاول واية بنص الثمن لو كانت هتتصلح فى اى مركز برة وكانى مفيش حاجة فيهاحصلت طبعا هى قعدت اسبوع روحت فى يوم بسال هى فين العربية قلى صحابة جاه استلمة و مشى سالت اهم حاجة كان اية راية قالك كان فرحان العربية راجعت زى ما كانت و كل حاجة فيها شغاله وجرابها وكان فرحان مش دى كانت تستحق كلمة شكر على الموبيل على تعبى وواقفتى معاه بدليل انو كل حاجة تمام متصلش بيه علشان مفيش مشاكل لو كان فى مشكلة كان اكيد اتصل بية و قلى وانا كنت روحت معاه
لية حق ازعل ولة مزعلش
يهمنى رايكم
ربك المستعان
طبعا تزعل دى قلت زوق والموضوع ده منتشر اوى الايام دى جزأك عند الله
يا باش مهندس احمد طبيعي الانسان يزعل بس انت نيتك خير وبتعمل كدة ابتغاء مرضاة الله فمتفكرش في عدم اتصالة بيك ومتخليش دة مدخل للشيطان انة يخليك متقفش جنب حد تاني وتاكد ان ربنا مش حيضيع تعبك ووقفتك معاة وانشاء الله تاخذ الاجر في يوم الحساب. بكرر تاني متزعلش وانا عن نفسي بشكرك على سعة صدرك وشرحك وعدم تاخيرك على اي زميل هنا في المنتدى وربنا يكرمك دنيا واخرة
متزعلش يا باشمهندس أحمد ................. علي أي خير عمالته مع أي واحد ........................................ يمكن ...........يمكن .............. يمكن عنده عذر ...... مقبول ؟
وانا بالنيابة عن جميع الزملاء بنشكرك جزيل الشكر .
اما عن حالي وحال عربيتي ؟؟؟؟؟؟؟؟؟؟؟؟؟؟ فانا غارقان مع الميكانيكى .... المصيبة اللي ربنا ابتالني بيه .............. ؟
أخر حاجة السبت 22/10/2011 عندي 2مشكلة لسه حنحلهم اليوم ...
مشكلة في أمبير الحرارة ........... الفيشة بتاعة الموتور واحد طرف والفيشة اللي جايه من العداد 4 طرف ؟؟؟؟ مش عارفين نحلها ... وربنا يسهل اليوم ؟
مشكلة في سلك الاكسيلتير .. بتاع البنزين ....من ناحية الكاربرتير ... في اختلاف في النوع .. او في حاجة ناقصة ؟؟؟؟؟؟؟؟؟؟؟؟؟ ؟
وبنا معانا النهاردة ... دعواتك لينا ؟؟؟؟
طبعا ليك حق تزعل والله المفروض كان سأل عليك ولا يستلمها الا بوجودك ويشكرك ....
بس اقولك انتا عملت الخير واجرك على الله وحده سيبك من العباد ادخر هذا الخير ليوم الحساب سيجزيك الله خير الجزاااااااااااااء....
السلام عليكم ورحمة الله وبركاتة
شكر الله لك يابش مهندس احمد متابعتك لموضوعى وجزاك الله خير الجزاء....
طبعا انا مؤمن بان الحاجة ام الاختراع طبعا اليوم السبت نويت اتتبع العطل وفكيت الطابلو وتابعت سلك المؤدى الى لمبة البطارية ووجدت لون ازرق وبالآفو تتبعت السلك وبعد مجهود مضنى ومعاناه توصلت بان السلك اللى فى السوكت والتى يؤدى الى لمبة البطارية فى الطابلو نهاية فيييييييييييين فى الدينمو بيتوصل تحت اه اللى عرفنى وجدت سلك ازرق نهايتة لقمة توصيل فكرت قلت لازم يكون بوصل فى مكان ما وبالبحث وجدة مكانة اسفل الدينمو مستخبى خلف خرطوم المياه وقمت بتوصيلة واللمبة عادة تعمل 100%
طبعا كل ده يرجع لأنى اصلاا كنت اعمل بتصليح التلفيزيون وعندى آفو وعدة وده اللى ساعدنى....
ولكل من عنده مثل المشكله فقط عليه مراجعة الأسلاك فى الدينموا....
بصراحة من حقك تزعل يابشمهندس انا عارف ان الحركة مش ظريفة ده على الاقل كان اول ما استلم العربية كان كلمك على التليفون وهو عند الراجل وكان قالك متشكرين على العموم انا هقولك حاجة كويسة انت بتعمل ده اكيد لوجه الله فمتزعلش لو مقالش شكرا ومن ترك شيئا لله عوضه الله خيرا منه
الف شكر يا صديقى العزيز و الله انا بشفق عليك من الدكتور قلى انتا بتتعامل معاه و شكله كده بتاع كفتة انا من راى سيبك منه و خد عربيتك منه بدل ما يعد عليك وقت و فلوس و اهلاك فى العربية دى راى الشخصى مقولتليش عاملت اية فى موضوع مسمارين وش السليندر قلى الباشاش قطمهم جوة الوش
ربك المستعان
انا بكرر شكرى ليك
و بقولك ربنا يعانيك
شكر يا صديقى على ردك الجميل
الحمد لله و الله العظيم يا صديقى انا كنت شايل هم مشكلتك يا صديقى بس كل قلى انا قدرت اقولوهلك انى تتعامل بالافو ميتر علشان تقيس بية احسن ما تفك و تجرب الافو ميتر دة لا استغنى عنه فى شغلى و عملى و الحمد لله انك قدرت تحل مشكلتك
و كويس انى انتا شرحتها بشرح وافى و جميل و مكبرتش دماغك و استخسرة تشرح زى بقيت ناس
الحمد لله
وربك المستعان