الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

السلام عليكم .. ازيك يا باشمهندس احمد .. لو سمحت عايز اعرف طريقة خلع الكراسي الاماميه للفيليشيا عشان عايز اخلع الكسوه بتاعتهم واغسل الكراسي برة العربيه .. انا خلعت الكنبه الي ورا ومعرفتش اخلع الكراسي الامامية

المشاركة الأصلية كتبت بواسطة المنسي

بعد اذن البشمهندس احمد هارد بالنيابة عنك
الكرسى مربوط باربع مسامير اتنين قدام واتنين ورا وخلى بالك ان المسمار راسه بيتفك بمفتاح الانكيه تقريبا 6 او 8 وبالتوفيق

فعلا يا استاذ منسي الكرسي مربوط باربع مسامير الانكيه بس عشان مش عندي المفتاح الالنكيه كنت عايز افكه بطريقه تانيه اني افصل الكرسي عن القضبان او المجاري الي متثبته في الدواسه والطريقه دي كنت بعملها في ال28 بس الظاهر الفيليشيا لها نظام تاني لاني حاولت اخرج الكرسي عن القضبان منفعش .. كده مضطر اني اشتري مفتاح واهو يكون عندي للظروف ..... متشكر جدا ياكبيييييييير

السلام عليكم ... العربيه بقالها فتره الشكمان بيعطس وانا ماشي واستهلاك البنزين عالي مع اني مغير البوجيهات من شهر والعربيه بتكون مخنوقه اول ما ادوس ع الدواسه وبعد كدا بتفتح.. امبارح قولت افك البوجيهات لقيتها معرقه زيت خفيف جدا وبالذات الشمعه رقم 4 ورقم 1 وعليها هباب اسود .. نضفتهم ببنزين وصنفرتهم وركبتهم تاني الموتور اضبط مبقاش يعطس .. عايز اعرف ايه السبب ان البوجيهات بتبوظ بسرعه كده انا غيرتهم 3 مرات في حوالي 4 شهور اخر مره كانت من شهر .. وبجيب بوجيهات من النضيفه الفرنساوي ايه السبب في كده انا خايف يكون دي بدايه اهلاك الموتور .. ربنا يستر

المشاركة الأصلية كتبت بواسطة shahed133

السلام عليكم ... العربيه بقالها فتره الشكمان بيعطس وانا ماشي واستهلاك البنزين عالي مع اني مغير البوجيهات من شهر والعربيه بتكون مخنوقه اول ما ادوس ع الدواسه وبعد كدا بتفتح..
ظبط نسبه الهوا مع البنزين وظبط كهربا الاسبراتير .
امبارح قولت افك البوجيهات لقيتها معرقه زيت خفيف جدا وبالذات الشمعه رقم 4 ورقم 1 وعليها هباب اسود ..
التعريق ده على سن البوجيه ولا على القلاووظ؟؟؟
لو على السن ممكن يكون جلد الصباب عايز يتغير وجه برضه سبب من اسباب استهلاك البنزين العالى .
لو التعريق على القلاووظ يبقى من جوان غطا التاكيهات محتاج يتربط عليه كويس او يتغير وشوف كمان خرطوم الفايظ وانت مدور العربيه بيطلع بخر ولا ايه ؟؟ والزيت اخباره ايه ؟؟
نضفتهم ببنزين وصنفرتهم وركبتهم تاني الموتور اضبط مبقاش يعطس .. عايز اعرف ايه السبب ان البوجيهات بتبوظ بسرعه كده انا غيرتهم 3 مرات في حوالي 4 شهور اخر مره كانت من شهر .. وبجيب بوجيهات من النضيفه الفرنساوي ايه السبب في كده انا خايف يكون دي بدايه اهلاك الموتور .. ربنا يستر

ان شاء الله خير

[QUOTE=adhmmaamon;3875622375][/QUOT
تعريق الزيت بيكون على القلاوز بتاعة الشمعه الحمد لله وانا فتحت الهوا شويه لاني كنت رابط مسمار الهوا للاخر وفعلا لما فتحته شويه العربيه ظبطت في سحبها وبالنسبه لغطاء التاكيهات انا كنت ظابط التكيهات من فتره بس مفيش جوان للغطاء .. الميكانيكي كان حاطط ماده تحت الغطاء اسمها جومالكه تقريبا ماده بني كده وقالي دي بتقفل احسن من السيلكون او الجوان .. وسألته على الشمعات فعلا قالي قفلة الهوا بتخلي الحرق قليل والبوجيهات بترطب بسرعه ... وبعد ما فتحت الهوا شويه العربيه تمام لحد الوقتي