الموضوع: لانسر شارك 2011

المشاركة الأصلية كتبت بواسطة dentoman2006

تسلم يا باسم على التقرير الممتاز بس كنت عاوز اعرف الفئة الثالثة فيها اعتاب جانبية و امامية و تبريد فى صندوق القفازات او درج التابلوه لانك لم تذكرهم و أشكرا جزيلا......

متشكر لذوقك

اه الفئة الثالثة و الرابعة فيهم أعتاب جانبية و أمامية
انما التبريد في صندوق القفازات بش متأكد منه الصراحة
بس تقريبا موجود لانها هي هي نفس الموديلات السابقة مع اختلافات بسيطة جداا في الكماليات

و اسف اني نسيت اذكر الكلام ده في أول التقرير

المشاركة الأصلية كتبت بواسطة ahmed_fahmy

هايل ومجهود مميز

متشكر يا احمد لذوقك
و انت نورت الموضوع

المشاركة الأصلية كتبت بواسطة bassem_sams

القتيس اتوماتيك عادى 4 سرعات

+11111111

المشاركة الأصلية كتبت بواسطة dentoman2006

معلش يا باسم انا اتصلت بالتوكيل و قالولى ان العربية بدون زينون فى الهاى لين ممكن لو حضرتك تتاكدلى من المعلومة دى و كمان الصب ووفر.انا محتار بين فئة ال 155 و 160 ممكن اعرف الفرق بينهم بالظبط و شكرا على تعبك

مفيهاش زينون؟؟؟؟!!!!
انا لما كنت هناك,,الراجل بتاع المبيعات,,قالي ان العربية فيها زينون و نظام ال afs
و كمان انا شوفت فوانيس العربية بنفسي و كمان فيها عدسات من جوه و كمان شوفت نظام ال afs و كمان انا شوفت الصب وفر بنفسي و زي ما في الصورة اللي حاططها بالضبط
و معلومة كمان,,انهم منزلين العربيات اللي عندهم خليجي كويتي,,اللي بتنزل بكل الاوبشن و مواصفات أعلى

و الفرق ما بين ال 155 و ال 160 حاجات بسيطة بش جامدة يعني

زي مثلا عندك التابلوه مطعم بالابانوس و زجاج عازل امامي
و الراجل بتاع المبيعات نفسه,,قالي لو انت حتشتري,,حقولك اشتري اللي ب 155

عموما انا حكلمك التوكيل برده و اشوفلك الموضوع فيه ايه

لان ممكن يكونوا نزلوا اول دفعة خليجي كويتي بس و الباقي حينزلوه عادي زي الرواس
عموما حشوفلك ان شاء الله و ارد عليك

شكرا يا باسم على التقرير

بس لي شوية ملاحظات بسيطة

بالنسبة للموتورو فقدرته لوحده هي ال 109 زيها زي ال 145 اللي كنت بتقول عليهم
لأن الشركات كلها بتعلن قدرة المحرك مش القدرة على العجل

بالنسبة للفرش هو كان بيج و فيها نظام زينون و afs من الموديل السابق لأن خالي معاه واحدة موديل 2008 فيها الحاجات دي بس هي خليجي مش مصري

معلش انا عايز اوضح حاجه مهمه للناس :
انا رحت المعرض في ابو رواش يوم السبت اللي فات وشفت العربيات واتكلمت مع الاستاذ محمود مندوب المبيعات وبصراحه الراجل كان في منتهى الذوق .

اولا مفيش حاجه اسمها العربيه التوكيل جايبها خليجي كويتي الفكره ان المواصفه المصري الجديده بقت نفس المواصفه الكويتي وزي ما كلنا عارفين ان الملا هو نفس الوكيل للعربيه في الكويت وبالتالي طلب نفس المواصفات للسوق المصري والملا بيجيب اعلى مواصفه في العربيه وده من حسن حظنا طبعا فبالتاليه المواصفه المصري الجديده هي اعلى كماليات بتنزل في الشرق الاوسط والعربيات وارد مصر يعني خارجه من مصنعها في اليابان على مصر مش زي الخليجي بتروح الكويت وبعدين ترجع تتباع لمصر لما يتزنقوا فيها .

النقطه التانيه كل العربيات الشارك فيها ابنوس في التابلوه نفس لون الابنوس بتاع البومه ما عدا الهايلاين الابنوس اللي فيها تحفه ولونه بني غامق وكميته في الصالون اكتر من الفئات التانيه

النقطه التالته : احتمال كبير 2012 تنزل بالباركينج سينسور والكروز كنترول الكلام ده مش اكيد ومش على مسؤولية حد بس الاستاذ محمود قالي انه احتمال كبير جدا على الاقل بالباركينج سينسور

النقطه الرابعه انا حجزت صيانه يوم السبت الجاي وان شاء الله هاجيبلكم كام صوره كويسه ......

الخط الساخن للتوكيل 16606 عشان اللي عايز يسأل عن حاجه او يحجز صيانه .....الصيانات بالحجز معدش زي المصريه تروح وانت وحظك