الموضوع: لانسر شارك 2011

المشاركة الأصلية كتبت بواسطة raedegypt

ماكينه 1500 سى سى و 109 ح ضعيف عليها مع جسم سيارة كبير وتكييف وكمان اتوماتيك . القديمه البومه اقوى وشكل احلى من دة الصراحه وهى ازواق حتى هنا فى الخليج الشكل الحالى مش لاقى ترويج قوى بالرغم انه 1800 سى سى لعلمك

البومه المكنه بتاعتها 1600 سي سي وبتطلع 107 حصان يعني الشارك أقوى منها وأقل في استهلاك البنزين ودي تكنولوجيا المواتير المايفك Mivec

المشاركة الأصلية كتبت بواسطة bassem_sams

العربيه حلوة لكن سعرها مش هيناقس الا لو نزل قى سعر شويه حلوين او يخلوه بس ينزلوا كماليات بسيطه زياده كده المشترى ممكن تزغلل فى عنيه لأن فى مغريات كتير الأن زى كماليات تكون كاسيت هما زودوا فيه ال usb يبقى ناقص بلوتوث بالمايك فى سقف هل فيه مرايا تعتيم اتوماتيك لو مش فيه تنزل ايه المانع و كمان مرايات ضم كهرباء مش بقت اختراع و طبعا محتاجه سنسور باركنج لركن لأن معظم عربيات شنطه عاليه فبتصعب رؤيابالنسبه لكمبيوتر عربيه حلو و امكانياته كويسه بس مش فاكر فيها ترومتر لقياس حرارة جو بالخارج ام لا و طبعا مثبت سرعه فى ظل ظروف وردادارت هيبفى مفيد و طبعا فى ناس مطلعه ان سحب عربيه بطىء سنه خفيفه ففمكن نلغى اشاعه دى بتنزيل فتيس استب ترونيك ست سرعات هيحل مشكله دى و كمان هيريح صوت موتور لأن صوته عالى و ينزلوا غطاء عازل فى كابوت يبقى كده حلنا مشكله صوت عالى و ياريت يبطل موضوع موكيب اللى فى باب العربيه لأنه بيتوسخ و يتنحل بسرعه و يغيروا بحاجات تانيه جلد مثلا او قماش يبقى مش بيتنحل و لما يتوسخ سهل تنظيفه بالنسبه لتوكيل جديد هو فى خلال شهور جايه هيحس ان بومه شغاله بس شارك بردوا مش شغاله كويس لأنه زى ما قلت فى غراءات كتيرة فى سوق و سعرها غالى فيرخصها او يزود كماليات كتير و كمان مفروض يبتدى ينزل دعايه فى جرايد عن عربيات و كماليات كل اللى شايفه بنزل اعلان ان ديمزند موتورز و هما شراكه مع مين و ان يهمه عملاء اولا و هيضخوا استثمارات ب 100 مليون دولار حلو اوى بس ناقص الاهم عرض عربيات و امكانياتها و كمان فين عروض شهر رمضان وعيد انا عارف انه لسه جديد و فاتح ومع الوقت ممكن يأخذ باله لأنه مشغول فى فتح مركز خدمات اتمنى دراسه اللى انا عملتها تعجبكم انا عملتها بانى عملت نفسى مشترى و عايز انزل اجيب عربيه و نزلت و شوفت سوق عامل ازاى و لاقت اللى بتنافس بقوة قى رنج ال160 الف رينو فلونسو النترا جديده و طبعا سيراتو سعرها اقلفى حدود ال132 الف و فيها كمايات و لا يعيبها سوى عفشه و طبعا كمال لله وحده و فى انتظار رودكم و تعليقاتكم و يارب توكيل يوصله كلامى و ينفذة لأنى بصراحه رغم عربيات تانيه انا بحب لانسر اكتر و خصوصا شارك رغم انى لا امتلكها و لكن امتلك شقيتها بومه العسوله شقيه ههههههههههههههههههههههههه هه

بصراحه معاك حق لازم الكماليات دي تزيد فيها لان المنافسين كتير زي الفلونس والميجان الهاتش باك الجديده والكورولا ده لو بنتكلم في نفس فئة الاداء والثبات

ومتفق معاك ان السيراتو والهيونداي فيهم نفس الكماليات بس السيراتو حتة العفشه فيها مميته بصراحه يعني لو الواحد هايختار في بين الاداء والثبات والكماليات اكيد هايختار الاداء الالنترا الجديده بصراحه مجربتهاش ومعرفش حد جربها بس اكيد مع الوقت هاتبان اذا كانت فعلا تستاهل تمنها ولا لأ......

المشاركة الأصلية كتبت بواسطة kholio

اولا يا باشا الشارك اقوي من البومة الشارك 109 البومة 105 و المايفيك عموما بيطلع عزمه واحصنته كلها على لفات ار بي ام قليلة و مش هيحس بقوة موتور الشارك الا اللي ساقها

ثانيا بالنسبة للشكل ازواق بس انا مشفتش حد قال على شكل البومة احسن من شكل الشارك الا انت تقريبا

ثالثا الشارك اللي بينزل في الخليج مفيش فيه 1800 سي سي دي خالص
المواتير اللي بتنزل في الخليج 1500 سي سي
و 2000 سي سي و دي بيسموها لانسر جي تي وبتنزل بفتيس سي في تي ستيب ترونيك

وبالنسبة للشارك سمعتها ممتازة في العالم كله الا مصر علشان سياسة سوقنا الفاشلة اللي مبدأها اللي نعرفه احسن من اللي منعرفوش وبصفة عامة مفيش حد في مصر عنده استعداد يشتري العربية اللي عاجباه لاكن لما يجي يشتري بيفكر في سعر اعادة البيع و سعر قطع الغيار وبيعقد يفتكس في حاجات عجيبة ودي سياسة عجيبة المفروض اللي بيشتري عربية ميفكرش في الكلام ده ويجيب عربيته عن اقتناع بيها مش يقعد يسمع كلام اي حد بيفتي ويمشي وراه نفسي كلام الناس يبقى مبني عن تجارب مش من واقع خيالهم

الله ينور عليك يا خالد

اولا يا باشا الشارك اقوي من البومة الشارك 109 البومة 105 و المايفيك عموما بيطلع عزمه واحصنته كلها على لفات ار بي ام قليلة و مش هيحس بقوة موتور الشارك الا اللي ساقها

تصحيح بسيط المايفك بيطلع عزمو و احصنته علي ار بي ام عالي

علشان كده الشارك مش هيحس بقوتها ال بيمشي بيها تحت ال 3 ار بي ام

هتبقي بطه معاه

بس لما بتعدي ال 3000 ار بي ام البطه دي بتتحول لطياره

المشاركة الأصلية كتبت بواسطة mzeid

شكرا يا باسم على التقرير

بس لي شوية ملاحظات بسيطة

بالنسبة للموتورو فقدرته لوحده هي ال 109 زيها زي ال 145 اللي كنت بتقول عليهم
لأن الشركات كلها بتعلن قدرة المحرك مش القدرة على العجل

بالنسبة للفرش هو كان بيج و فيها نظام زينون و afs من الموديل السابق لأن خالي معاه واحدة موديل 2008 فيها الحاجات دي بس هي خليجي مش مصري

الشكر لله
متشكر لذوقك

بالنسبة للملاحظات

مع احترامي لحضرتك و لرد حضرتك,,انا بش معاك في كلامك في النقطة الأولى

انا اعرف عربيات شركاتها(بدوت ذكر أسماء) بتعلن قدرة الماتور شامل الات الجر و غيره و دي بتبقى قوة اجمالية
بس اللي متأكد منه هو قوة ماتور الشارك اللي هو 109 حصان دي قوة صافية بش اجمالية و فيه عربيات شركاتها بتعلن عن قوة الماتور بالصافي

بالنسبة للنقطة الثانية,,ما اخدش بالي من لون الفرش , بس كان لون الصالون من تحت بدل الأسود بيج اوبني فاتح كده
و الزينون و نظام ال afs انا ذكرته الحمد لله

متشكر جداا لعرض ملاحظاتك و حضرتك نورت الموضوع

المشاركة الأصلية كتبت بواسطة turch

معلش انا عايز اوضح حاجه مهمه للناس :
انا رحت المعرض في ابو رواش يوم السبت اللي فات وشفت العربيات واتكلمت مع الاستاذ محمود مندوب المبيعات وبصراحه الراجل كان في منتهى الذوق .

اولا مفيش حاجه اسمها العربيه التوكيل جايبها خليجي كويتي الفكره ان المواصفه المصري الجديده بقت نفس المواصفه الكويتي وزي ما كلنا عارفين ان الملا هو نفس الوكيل للعربيه في الكويت وبالتالي طلب نفس المواصفات للسوق المصري والملا بيجيب اعلى مواصفه في العربيه وده من حسن حظنا طبعا فبالتاليه المواصفه المصري الجديده هي اعلى كماليات بتنزل في الشرق الاوسط والعربيات وارد مصر يعني خارجه من مصنعها في اليابان على مصر مش زي الخليجي بتروح الكويت وبعدين ترجع تتباع لمصر لما يتزنقوا فيها .

النقطه التانيه كل العربيات الشارك فيها ابنوس في التابلوه نفس لون الابنوس بتاع البومه ما عدا الهايلاين الابنوس اللي فيها تحفه ولونه بني غامق وكميته في الصالون اكتر من الفئات التانيه

النقطه التالته : احتمال كبير 2012 تنزل بالباركينج سينسور والكروز كنترول الكلام ده مش اكيد ومش على مسؤولية حد بس الاستاذ محمود قالي انه احتمال كبير جدا على الاقل بالباركينج سينسور

النقطه الرابعه انا حجزت صيانه يوم السبت الجاي وان شاء الله هاجيبلكم كام صوره كويسه ......

الخط الساخن للتوكيل 16606 عشان اللي عايز يسأل عن حاجه او يحجز صيانه .....الصيانات بالحجز معدش زي المصريه تروح وانت وحظك

فعلا الاستاذ محمود منودب المبيعات هو اللي اتكلمت معاه المرة اللي رجتفيها هناك
و انسان محترم و ذوق

بالنسبة للنقطة الاولى,,فعلا العربيات اللي جايبها التوكيل نازلة بمواصفات خليجي كويتي
و ده اللي ذكرته في الموضوع

بالنسبة للنقطة الثانية,,انا فعلا ما اخدش بالي من الابانوس اللي موجود في الفئات التانية,,لان الابانوس الي في الهاي لاين كان شكله حلو و شدني فعلا

بالنسبة للنقطة الثالثة,,هو قالي نفس الكلام ان العربية احتمال تنزل بباركينج سينسور في الموديل الجديد

ان شاء الله الصيانة تتم على خير و في انتظار التقرير
و متشكر جداا لاضافتك للموضوع