الموضوع: لانسر شارك 2011

المشاركة الأصلية كتبت بواسطة khaledmekawy2008

احب ازود معلومة علي المايفيك الموتور ال 2000 سي سي مفيش عربية 2000 سي سي تطلع منه العربية معايا بتجيب من 0 ل 100 في 7 ثواني ونص من غير ما اظبط باقي العربية واغير زيت والبي ام ال 320i اللي معايا مبتاكلش معاه عيش خالص بيعدي بفرق كبيييير جدا متخيلتش ابدا ان تكون البي ام كده قصاد اللانسر محدش يقولي فرق في الوزن لا خالص الجي تي بالجنوط 18 والموتور ال 2000 وزنها يوازي تقريبا وزن البي ام وكمان لو مش متاكد خلي سرعة العربيتين علي 100 مثلا وشد وشوف البهدلة الي هتحصل:m_yes[1]: مش عايز حد يفهم من كلامي ان الشارك الجي تي احسن من البي لا اطلاقا بس بتكلم في نقطة الموتور فقط
المايفيك حلاوتة في ان نص الدواسة كيك داون وده بيخليه يفرق مع عدد لفات موتور قليلة واستهلاكه حلو جدا جدا فالبنزين

شكرااا على المعلومات يا خالد
و الف مبروك على الماتور و ربنا يباركلك فيه و في العربية
و يكفيك شرها

المشاركة الأصلية كتبت بواسطة kholio

هي اللانسر الجي تي السوداء اللي في الزقازيق دي هي عربيتك يا خالد؟

ايوة هي وهتلاقي كلمة Mekawy عليها من ورا بس في واحدة تانية متركبلها جنط بس 18 ومتفيمه دي مش بتاعتي

المشاركة الأصلية كتبت بواسطة kholio

بص يا باشا الجي تي السودة الاورريجينال بالجنط ال 18 دي صاحبها جايبها من امريكا ودي 2000 سي سي اصلية لكن عربية استاذ خالد مكاوي لانسر شارك 1500 سي سي اصلا وبتهيألي مسقط موتور 2000 سي سي

لو انت تعرفه معرفه شخصية ياريت تقولي يا خالد محتاج اعرف منه شوية حاجات عشان الزينون العالي اللي مش شغال عندي بسبب الضفيره هو وال afs

المشاركة الأصلية كتبت بواسطة kholio

انت لو خدت بالك عربيته امريكي مفيهاش لينسس وبالتالي مفيهاش نظام ايه اف اس
لو عايز تشغل نظام الايه اف اس عندك اشتري الضفيرة من الكويت لان الشارك الجي تي اللي بتنزل الكويت بيكون فيها زينون

المشكلة مش في ال ايه اف اس بس المشكلة ان الزينون مبيشتغلش الا واطي بس مفيش عالي ...تصدق انا اتسرعت وجبت فوانيس عادية عشان الموضوع ده وبدلت الفوانيس بتاعتي بفوانيس عادية واخدت فرق الف جنيه عشان اعرف اقلب نور بسبب موضوع الضفيره دي واتضحك عليا فالموضوع ده لان الفوانيس لما سالت عليها ملقتهاش خالص وقالولي بتبقي غالية جدا فرجعت الفوانيس تاني ودفعت الفرق تاني وقلت لازم اجيبلها الضفيرة.وكان موال ملوش اخر رايح جي عالحرفيين لما الواحد زهق بجد
الجديد بقه ان في كهربائي من السويس طلع عارف المشكلة دي وقال لواحد صحبي انه بيعمل حاجة فالضفيره يشغل كل حاجة فربنا يسهل ونشوف اذا كان هيعرف او لا...
العربية فعلا معقدة جدا فالكهرباء بتاعتها ومش اي حد يعرف يشتغل فيها

تعرف فيه عربية كويتي جي تي لونها احمر جمرك ملهاش نمر ورا بس موجوده فههيا لو تعرفها وصاحبها اعرفه بس مش معرفة شخصية شديت معاه في يوم وطلعت منه واكشتفت ان مواتير اللي بتنزل لامريكا بتبقي اعلي 10 حصان من المواتير اللي بتنزل للخليج وبالنسبة للنافيجاشن كنت هركبه بس مكنش هيشتغل معاك الا ديفيدي وسي دي بس لان متحمل عليه خرايط امريكا بس فكنسلته وبالنسبة للاكصدامات ملقتهاش موجودة واحتمال اعدل عليها عند واحد بتاع فايبر واظبطها كويس
وبعد ده كله طقم جلد كاربون محترم للبودي كله وفاميه وعييييييش يبقي كده العربية مش ناقصها حاجة بس مستني لما اخلص موضوع الكهرباء لما الاقي واحد فاهملها كويس وبيعرف يقفل صح لان التقفيل اهم من التركيب...فلو تعرف كهربائي فاهم للعربية دي بالذات فالزقازيق قولي عليه عشان انا بجد تعبت من كتر السفر

يا جماعه طيب لو حبيت اروح التوكيل الجديد ده هل هلاقي اختلاق او فرق في العروض مثلا او اسعار الصيانه او كده ؟ ثانيا هو مكانه فين ولو امكن رقم التليفون لو حد معاه الرقم واذا حد راح يا ريت يقولنا ويحكلنا تفاصيل زيارته للتوكيل الجديد " دايموند "