الموضوع: نريد تقييم أصحاب الجين 2 فقط

انا شايف ان العيوب بتاعتها مقابل المزايا و السعر يخليها عربية كويسة
لكن برضة شايف ان التوكيل شكلة مش كفاءة و دة يقلق
خصوصا ان اغلب العيوب عند الناس متكررة ، و كمان فى حاجات صغيرة تضايق يعنى على رأي الاستاذ مزجنجى مش معقولة اشترى عربية جديدة اجنس و اخرج اغسلها هو انا بجيب من توكيل محترم و لا من مخزن جمعية تعاونية ؟؟؟

انا العربية بتعتى عاملة 51800 الف و بقالها سنه و شوية و مظهرش منها اى عيوب غير حاجة واحدة بس لمبة check engine نورت و وديتها التوكيل و ظبطوها بالاجهزة و كان فى missfire و طفت بعد كدة و مكنش فيها حاجة يعنى العربية بصراحة عاملة معايا احلى شغل من حيث الشكل و السرعة و السحب و الثبااااااات و ملهاش حل فى الغرز بتاخد احلى غرز بثابات عالى جداااااااا

انا كنت بقارنها بالسيفيك 2008 اوتوماتك السيفك مبتجبهاش و انا بجرى مع السيفيك كان فيه لفه جامده و الناحية اللى على الواسع فيها تراب بيزحلق و انا كنت على 170 و هديت لحد 150 و خدت اللفة على الواسع و العربية اتزحلقت فى التراب و لفت بس مش بزاويا قائمة و عدلت نفسها عادى و كملت يعنى ثبات ملوش حل بصراحة عربية جامدة جداااااااااا

معلش طولت عليكم شكراااا

انا عربيتي موديل 2008 كان نفسي اقول انها ممتازة وهي فعلا ممتازة لو اتكلمنا عن العفشة وده اكبر شيئ بستمتع بيه وانا بسوقها وهي ممتازة لمحرها القوي اللي فعلا ديما مش بيخذلني لكن الانسان ديما طماع فمثلا كان نفسي ان (السي دي بتاعها يكون بيقرأ ملفات mp3 ) وكان نفسي شنطتها يكون ليها مفتاح خارجي و كان نفسي جنوط العربية تكون 16 انش زي بعض موديلات الواجا بس طبعا انا راضي عنها كل الرضا وخصوصا استخدامي ليها بنسبة 80 % سفر ... يجد تحياتي لشركة بروتون على العربية الجميلة دي

يا جماعة محتاج مساعدتكم
انا معايا فيرنا 2005 وناوى ابيعها ومحتار بس الجين 2 عجبانى وباشكر المنتدى وكل المشاركين الى بيعرفونا كل المعلومات عن العربية دى
بس عندى مشكلة
انا دكتور وبشتغل مندوب دعاية طبية
يعنى من الاخر محتاج عربية اعطالها قليلة(طبعا مع مراعاة الصيانة )انا بعمل فى الشهر حوالى 3000 ك
وبتستحمل الطرق العجيبة الى بنمشى عليها علما بانى من سكان الاقاليم-الشرقية وما ادركم بطرق الشرقية
محتاج نصيحة من نادى جين 2 هل فيها هذة المواصفات-اتمنى وشكرا