الموضوع: نريد تقييم أصحاب الجين 2 فقط

انا شايف ان الفرق كبير لان الزيادات في السبورت باكيدج اسبولير و اعتاب جانبيه يعني 4000 ممكن الشغل ده يتكلف و يتعمل بره بنفس النضافه ويكون ارخص ولاا صعب

المشاركة الأصلية كتبت بواسطة king_de_egypt

انا ناوى ادفع مقدمه من 55000 ل 60000 واقسط الباقى ان شاء الله و عاوز اجيب العاديه مانيوال ادام الفرق فى الشكل بس ؟؟ فا ايه فكرتك يا استاذ توت

خليك في العادية أوفر و فرق الشكل مش كبير

انا شايف ان الفرق كبير لان الزيادات في السبورت باكيدج اسبولير و اعتاب جانبيه يعني 4000 ممكن الشغل ده يتكلف و يتعمل بره بنفس النضافه ويكون ارخص ولاا صع

مفيش عتب بيتعمل برة ......... مينفعش اساسا

اللي ممكن يركب بره ............. السبويلر و مش هايتكلف كتير

المشاركة الأصلية كتبت بواسطة king_de_egypt

طب يا استاذ توت متعرفش توكيل الجين 2 بيقسط وله لا عشان مش عاوز حوارات البنوك و كدا وانا بقولو اروح ابص فى التوكيل اسال على موديلات 2007 و اكيد هينزل فى السعر عشان 2007 و اعتقد هتبقى هى هى

للآسف لا يوجد تقسيط مباشر مع التوكيل
و لكن هو ممكن يخلصلك كل حاجة مع البنوك اللي بتشتغل معاه
يعني كل حاجة تبقى مع التوكيل و تريح دماغك

و أعتقد أنه معندوش 2007 غير عربية صفرا ............. و دي ممكن يعملك فيها تنزيل
أنا اخر مرة كنت هناك شوفت واحدة صفرا معروضة ........ يمكن تعجبك
بس هي فعلا روعة .......... بس لولا تاكسي العاصمة .....!!!

المشاركة الأصلية كتبت بواسطة amir

الاخ الكريم توت.....
انا متابع اخبار الجن 2 كل يوم تقريبا علي قد ما بقدر نظرا لأنها داخله دماغي, بس ليا تعليق
تقريبا انت الوحيد من الملاك ليها اللي بتتكلم عن العربيه باستحسان علي طول الخط سواء من ناحيه الاداء او استهلاك البنزين(محدش استفاض في موضوع التكييف خصوصا في الحر ده!!) باقي الملاك اللي معانا في المنتدي قالو كلمتين علماشي و فيهم ناس مش مبسوطين زيك كده بأمتلاكها...
احمد صيام جايب الاوتومتك و مش مبسوط من ادائها خالص و مفيش اراء ناس تانيه الواحد يعتمد عليها في تقييم الاوتوماتك في الجين2 فهل ده معناه اللي بيفكر يشتري جن2 ينسي الاوتوماتك نهائي؟!!
و بعدين بالنظر الي مشكله احمد صيام......
هو فعلا ممكن يكون حظه استثنائي بس الواحد مش عايز يغامر بمبلغ كبير كده, خاصه ان موضوعه ده من اسوء علاقه ممكن تكون بين توكيل و عميل و كلام احمد صيام بصراحه كده ميطمنش و الناس هناك شكلها بتستهبل, انا مش بتاع مشاكل و خناقات بس الموضوع اللي حصله ده انا ممكن اتهور جامد لو كنت مكانه و اللي يحصل يحصل و ساعتها بس ابقي هادي و رزين زيه كده و مش فارقه معايا العربيه..
الاخ توت
لو انت فعلا دايب في غرام العربيه دي روح للناس دول مع احمد صيام و ادخل علي المنتدي من هناك خليهم يشوفو اللي الناس بتتكلم فيه و بلغهم ان لو عايزين نسب مبيعات كبيره و انتشار اكبر من الحالي من غير صرف مهول في الدعايه التقليديه يبقي يتعاملو باحترافيه اعلي من كده مع عملائهم خاصه اصحاب الكوارث زي احمد صيام, لأن مش معقوله العربيه لا تزال مجهوله علي المستوي الشعبي و البهوات بيتعاملو و كأنهم مش ملاحقين مبيعات, و يجيبو كومبيوتر بشاشه بألف و لا الف و نص و اشتراك دي اس ال و يقعدو اي بني ادم محترم عندهم بأكونت هنا في قسم البروتون يهتم بالاسئله و استفسارات الناس و يتابع الشكاوي, لأن بجد و من غير اي حساسيات بالمنظر ده يبقي قرار شراء العربيه ده قرار غير صحيح , لو استلمت العربيه و اللي حصله حصلي هبقي اشتريت اغلي عربيه زيرو في مصر مش عشان حاجه سوي انها راشه خوارج و مفككه و متبهدله و التوكيل ارجعله بيها بعيب اروح باتنين و في تاكسي!!!!!!!!!
الكلام ده مش انتقاد ده اقتراحات و انا عارف انك هتفهم انا قصدي ايه لأني زيك معجب بالعربيه لاكن عندي شكوكي

بُص يا باشا ........... كل عربية في الدنيا ليها مميزات و ليها عيوب
بس مميزات الجين 2 كتيرة و تغطي على عيوبها
زي أي منتج تاني ........... مفيش عربية كاملة في الدنيا كلها

مشكلة حبيبنا أبو صيام ......... في اعتقادي مشكلة فردية و فعلا عدم احترافية من الوكيل في التعامل مع المشكلة و حلها

بالنسبة للفرق بين الجين 2 الأوتو و المانوال .......... طبعا فيه فرق زي ما فيه فرق بين أي عربية تانية أوتو و المانوال بتاعها
بس فيه حاجة الفتيس الأوتو بتاع الجين 2 أستجابته ضعيفة على السرعات المنخفضة بس في السريع ........... إنسى

العربية مفيهاش حاجة تخوف و الأستاذ العزيز أحمد صيام مشكلته حصلت كالتالي
العيوب من المصنع
الدهان بيطلع في بعض المناطق
التكييف كان عايز يتغيرله قطعة غيار

و بقية المشاكل جاءت بسبب العمالة
لما فكوا التابلوه علشان موضوع التكييف مرجعش تاني زي ما كان

و المشاكل المعروفة في الجين 2 كلها بسيطة و كانت بتنحصر في مشاكل تقفيل ليس إلا مثل
الذراع الحامل للزجاج الكهربائي كان ضعيف و كان يتم تغيير في التوكيل ( موديلات 2006 و 2005 فقط )
زرار بيعلق

يعني مفيش حد ظهر معاه مشكلة في الميكانيكا أو ماشابه

أغلب مُلاك الجين 2 في مصر و خارجها بيشكروا فيها
المشكلة في تقييم المجلات فقط .......... أما الملاك و الأغلبية منهم بيشكروا في العربية جامد


فيه حاجة تانية

دي عدم أحترافية من الوكيل و الشركة معا
موديل 2008 المفروض أنه بينزل بموتور كامبرو متعدل
علشان يتجاوز الفجوة الموجودة في العزم القليل على سرعات منخفضة
فاللي حصل إن عمو عز العرب عايز ينزل نفس العربية بنفس الكماليات و نفس السعر فيأخد المخزون عند بروتون اللي مش بينزل أسواق تانية ( مخزون 2007 )
و طبعا حصل عدم اهتمام بالعربية القديمة للتركيز على الجديدة
فحصل إن فيه ناس حظهم وحش زي أبو صيام اللي وقع في واحدة مش كويسة

و طبعا الموديل الجديد أغلى علشان تعديل الموتور
فاللي هايحصل
عز العرب هاينزل ...... الموتور الحديث مع تقليل الكماليات للمحافظة على السعر كما هو
و الكماليات التي ستقل هي ( تقريبا )
الفرامل ABS EBD
وسادة هوائية واحدة للسائق
الأحتفاظ بالفرش كما هو و عدم وضع جلد مكانه
تقفيل الصالون كما هو


و كل وكيل ادرى بالسوق بتاعه .......... بس عز العرب توكيل بطئ و لو شد حيله شوية في التسويق و التعريف بالسيارة هاتبيع كويس
دي كتر خيرها اللي بتبيع لوحدها من غير اعلانات

و أنا أتفق معاك في موضوع كسل التوكيل
و بالنسبة لحبي للسيارة هاقولك ليه
1 استهلاك بنزين رائع على موتور 1600 و قوة جبارة
2 ثبات و أتزان رهيب على الطريق على أي سرعة و في أي منحنى
3- الشكل الخرافي الجميل
4- عالية مش بتحك في المطبات خالص حتى و هي محملة
5- لما بحب أشد مع حد أو في موقف بشد و اجري و اطلع من أجدع عربية
6 كماليات محترمة من تكييف قوي و نظام صوتي رائع و تعديل المرايات كهربائيا ............ الخ
7 أداء رياضي جيد جدا لعربية ثمنها مش معدي 100 ألف جنيه
8 شنطة واسعة و تحط فيها اللي أنت عايزه

و أنا و الحمد لله و يارب تديم النعمة
لم تظهر معي أي مشاكل من أي نوع مع هذه السيارة الرائعة
يبقى ليه ما حبهاش ؟؟؟؟؟