الموضوع: نصيحه لاصحاب الاتوماتك ارجو انها تفيدكم لانها بتحافط علي الجير

المشاركة الأصلية كتبت بواسطة sara2001

كنت في الأول بعمل كده
لكن من فتره طويله بعمل الآتي :
1- فرامل والجير بيكون في الوضع d او r
2- بسحب فرامل اليد
3- بحرك الجير للوضع p
4- بشيل رجلي من على الفرامل وأطفي العربيه
ياترى كده حمل على الجير برضه ؟

طيب ايه رأيكم في الطريقه دي

كويسة برضه، بس هو أحسن حاجة في طريقة tatamor هي الخطوة دي:

تشيل رجلك من علي الفرامل (كده العربيه محمله وزنها كله علي فرامل اليد)

لأنك لما تشيلي رجلك من علي الفرامل، فرامل اليد حتاخد أي بوش في العربية قبل ماتجيبي P، وخصوصا لو في مطلع أو منزل

شكرا يا رجاله على المعلومات دي بصراحه إستفدت منها كتير جدا
بس ليا سؤال بالنسبه للفتيس التبتورونيك هل ينفع تغير من مانيوال لأوتوماتيك أو العكس و إنت ماشي و هل ده له تأثير على العربيه.

المشاركة الأصلية كتبت بواسطة sara2001

يعني ايه تاخد بوش في العربيه ؟
انا مش بشيل رجلي من على الفرامل غير بعد ما أنقل الجير على p

صحيح يعنى ايه تاخد البوش الى فى العربيه؟
ياريت تجاوب عشان الموضوع فيه معلومات مغلوطه كتير

الموضوع باختصار
.... مينفعش اعمل نقله هتغير من اتجاه حركه العربيه الا لما العربيه تقف عن الحركه تماما
يعنى مينفعش انقل r و العربيه لسه بتتحرك للامام, او العكس, بالضبط زى المانيوال
....و لو فى نفس الاتجاه يجب مراعاه الليمت بتاع ال اربى ام بتاع النقله الى انا رايح ليها و سرعه العربيه لو هاعمل نقله عكسيه بالضبط زى الفتيس المانيوال مينفعش العربيه واخده سرعه الرابع و انقل على الثانى
....لازم نشد فرامل اليد كويس قبل النقل على ال p
و ده عشان تحميل الاجهاد اللازم للمحافظه على العربيه فى وضع الوقوف يكون على التيل و الطنابير بدل ما يكون التحميل على اللوك الى بيقفل على ترس البارك, الى بيعمل لوك للفتيس و يتكسر لو العربيه لسه بتتحرك لان التحميل هيكون عليه, فى حاله لو العربيه واقفه على منحدر ممكن اللوك يقفش و نحتاج عربيه تانيه تسند العربيه لفوق حاجه بسيطه عشان اللوك القافش يفك و نعرف ندور العربيه.
....موضوع انى اجيب على ال n قبل ال p و الافلام دى مالهوش لازمه لانك ببساطه مش هتعرف تنقل على ال p قبل ما تعدى على ال r
.... فيه عربيات مستحيل تعرف تنقل لاى نقله من على ال p بدون ما تدوس على دواسه الفرامل للاخر و تدوس على الزرار الى فى عصايه الفتيس
.... طيب امتى انقل على ال p ؟
لما اكون بركن العربيه (يعنى مش هاستعملها) او هاطفى او هاشغل الموتور
يعنى لو واقف فى اشاره كفايه انى ادوس فرامل و بعد ما العربيه تقف اشد فرامل اليد و انقل على ال n وملوش لازمع خالص انى انقل على ال p
.... ازاى انقل على ال p ؟
ادوس فرامل و اتاكد ان العربيه وقفت ومش بتتحرك
اشد فرامل اليد للاخر
انقل على ال p و فى نفس الوقت اكون دايس على الزرار الى فى عصايه الفتيس
اشيل رجلى من على الفرامل
.... فيه عربيات مستحيل انها تدور الا على ال n او ال p مع فرامل الرجل
............مهم جدا موضوع فرامل اليد عند التوقف (سواء مده قليله او طويله او فى الركن) فى العربيات الاوتو

طيب ليه كل المناول بتقول مننقلش و العربيه بتتحرك؟
عشان كذا نقطه
اولا ينفع انقل من ايى نقله لل n
ثانيا موضوع حد ال ار بى ام بتاع النقله الى انا رايح لها و السرعه بتاعه العربيه بالضبط زى الفتيس المانيوال يعنى مانقلش من الرابع للتانى و العربيه على سرعه اعلى من اقصى سرعه للتانى
ثالثا عشان مانقلش بطريق الخطا للp و العربيه لسه بتتحرك و ابوظ اللوك بتاع الفتيس
رابعا عشان مانقلش من ال d لل r و العكس و العربيه بتتحرك و ابوظ الهيدروليك كونترول (البلوف...) و تروس الجير لان اتجاه الزيت و ضغطه فى الهيدروليك كونترول سيستم بيعتمد على اتجاه حركه العربيه و سرعتها

المشاركة الأصلية كتبت بواسطة sara2001

تمام يعني كده كويس على الفتيس مفيش مشكله من شد فرامل اليد والوضع r او d
ومش شرط اكون على ال n قبل ما اشد فرامل اليد ؟

لو الفتيس واخد نقله, طالما انى مش دايس بنزين مع الفرامل (سواء فرامل الهاند او الرجل) و ال ار بى ام فى المعدل الطبيعى بتاع السلانسيه مفيش مشكله على الفتيس و مش شرط اكون على ال n قبل ما اشد فرامل اليد فى الحالات الطبيعيه المهم انى اكون وقفت العربيه تماما عن الحركه بفرامل الرجل
و انى اكون دايس على الزرار فى عصايه الفتيس و انا بانقل من و الى ال p