الموضوع: نصيحه لاصحاب الاتوماتك ارجو انها تفيدكم لانها بتحافط علي الجير

يكارك يعنى يدوس بنزين و يعلى ال ار بى ام و العربيه واقفه زى ما بيحصل عند الميكانيكى
و انا برضه مش فاهم بوش ايه الى بيحصل عشان كده انا طلبت اجابه
و فيه ناس بتدوس بنزين مع فرامل فى اللعب الى بيتعمل بالعربيات

الله ينور عليك

المشاركة الأصلية كتبت بواسطة sara2001

ما هو الحقيقه انا مش عارفه يعني ايه (بيكارك) زي ما انا لغاية دلوقتي ما عرفتش برضه يعني ايه يحصل (بوش في العربيه)
ويمكن علشان كده ما تخيلتش ان حد ممكن يدوس فرامل مع البنزين

خليني أشرح كان قصدي إيه بالبوش......
لما تيجي تركني، بتعملي إيه؟ حاتدوسي فرامل وتجيبي الفتيس لغاية ال P عادي زي كل الناس ما بتعمل، وبعدين حاتسيبي دواسة الفرامل وتبطلي العربية، صح؟

طيب الفكرة بأة إنك لو على منزل أو على مطلع، أول ماتسيبي دواسة الفرامل، العربية حتريح شوية (واحد سنتي أو اتنين سنتي بالكتير حسب ميل المطلع أو المنزل). الترييحة دي هي البوش اللي كان قصدي عليه.

طيب لما تيجي تمشي بالعربية تاني، بيحصل إيه؟ بتلاقي صعوبة شوية إنك تحركي الفتيس من الـ P بسبب الترييحة اللي حصلت بعد ما وقفتي العربية، الحل بيبقى حاجة من تلاتة:

1. تتعافي على الفتيس وتشديه جامد لدرجة إنك ممكن ساعات تحسي إنك حتكسري التروس.

2. تجيبي حد يزقلك العربية قدام شوية لو على مطلع أو ورا شوية لو على منزل، أو ممكن تسنديها بعربية تانية.

3. فيه عربيات بيبقى فيها زرار بيعمل Shift-Lock Override عشان يفتح الـ Lock بتاع الـ P في الحالات دي لتجنب كسره


الطريقة بأة اللي اقترحها الأخ tatomor بتعمل على تجنب حدوث الترييحة دي عن طريق تحميل العربية على فرامل اليد مش على الـ Lock بتاع الـ P.... وهي دي الميزة الكبيرة اللي فيها

أتمنى أكون وضحت قصدي

المشاركة الأصلية كتبت بواسطة romar

خليني أشرح كان قصدي إيه بالبوش......
لما تيجي تركني، بتعملي إيه؟ حاتدوسي فرامل وتجيبي الفتيس لغاية ال P عادي زي كل الناس ما بتعمل، وبعدين حاتسيبي دواسة الفرامل وتبطلي العربية، صح؟
و فين فرامل اليد فى الموضوع هنا؟؟؟؟
ما بنى على غلط فهو غلط
طيب الفكرة بأة إنك لو على منزل أو على مطلع، أول ماتسيبي دواسة الفرامل، العربية حتريح شوية (واحد سنتي أو اتنين سنتي بالكتير حسب ميل المطلع أو المنزل). الترييحة دي هي البوش اللي كان قصدي عليه.

طيب لما تيجي تمشي بالعربية تاني، بيحصل إيه؟ بتلاقي صعوبة شوية إنك تحركي الفتيس من الـ P بسبب الترييحة اللي حصلت بعد ما وقفتي العربية، الحل بيبقى حاجة من تلاتة:

1. تتعافي على الفتيس وتشديه جامد لدرجة إنك ممكن ساعات تحسي إنك حتكسري التروس.

2. تجيبي حد يزقلك العربية قدام شوية لو على مطلع أو ورا شوية لو على منزل، أو ممكن تسنديها بعربية تانية.

3. فيه عربيات بيبقى فيها زرار بيعمل Shift-Lock Override عشان يفتح الـ Lock بتاع الـ P في الحالات دي لتجنب كسره
ده اسمه تحميل على اللوك مش بوش و لو راجعت مشاركتى هتلاقى الكلام ده مكتوب فيها

الطريقة بأة اللي اقترحها الأخ tatomor بتعمل على تجنب حدوث الترييحة دي عن طريق تحميل العربية على فرامل اليد مش على الـ Lock بتاع الـ P.... وهي دي الميزة الكبيرة اللي فيها
الطريقه المقترحه انك بتجيب الفتيس على ال N قبل ما تشد فرامل اليد و دى ليس لها علاقه او اى فايده بالى حضرتك كاتبه فوق, لان مش هتعرف تجيب ال P من غير ما تعدى على ال N يعنى كده كده هتحمل على اللوك بتاع الفتيس بس ساعتها مقدار التحميل هيكون فى الرينج الطبيعى لو ساعتها كان ال ار بى ام بتاع الموتور فى رينج السلانسيه, الموضوع فى الاساس بالترتيب الى انا ذكرته فى مشاركتى بالضبط

أتمنى أكون وضحت قصدي

انا فعلا جربت الموضوع ده والنتيجة مبهرة
فكرة كمان انى اشد الهاند وانا عل N وبعد كدة اشل رجلى من على فرامل الرجل عملى جدا, هسيت بالتريحة الصغيرة اللى بتخلى العربية كلها تتحمل على الهاند بريك وده بيخلى النقل لل P او من ال P لاى حاجة تانية سلس ادرجه مكنتش متخيلها
شكرا جزيلا على الموضوع الهايل