الموضوع: نصيحه لاصحاب الاتوماتك ارجو انها تفيدكم لانها بتحافط علي الجير

الاحساس الى الاعضاء بيحسوا بيه ده ما هو الا التورك الداخلى للفتيس لان بيكون لسه فيه ضغط زيت شغال داخل الفتيس و لوا صبروا 3 ثوانى و هما دايسين فرامل (رجل) مش هيحسوا بالكلام ده
و برضه لازم لما تنقل تصبر ثانيتين تلاته عشان تسمح للزيت جو الفتيس انه ينضغط و ياخد مساره الطبيعى مش اول ما انقل ادوس بنزين و افترض ان العربيه هتتحرك علطول زى الفتيس المانيوال

بالنسبه للاشاره او لو الوقفه هتطول
فرامل رجل لحد ما العربيه تقف
هاند بريك
انقل على ال n
ارفع رجلى من على الفرامل
طبعا لو الكلام ده اتعمل بالطريقه دى هياخد على الاقل ال3 ثوانى الى اتكلمنا عليهم الى خلالهم هيكون ال ار بى ام بتاع الموتور نزل للمعدل الطبيعى بتاعه و ضغط الزيت فى الفتيس نزل للطبيعى بتاعه و التورك داخل الفتيس تقريبا اختفى و مش هاتحسوا بالنطره او الترييحه الى بتتكلموا عليها

عشان ابتدى اتحرك فرامل اليد كانت مرفوعه من ساعه ما وقفنا اول مره
هادوس فرامل رجل
هانقل من الn الى p
هارفع رجلى من على الفرامل طبيعى (مش فجاه) و انقلها على البنزين و مادوسش بنزين
هانزل فرامل يد و ابتدى ادوس بنزين