الموضوع: عامل في عربيتي ....... , يا تري انت كمان عامل في عربيتك ايـه .... ؟؟؟

المشاركة الأصلية كتبت بواسطة axel

و كمان بتقولي انت متعب اوي صحيح خيرا تعمل شرا تلقي ادي اخرة اني بشرحلك ازاي توصل الاسلاك ههههههههههههههه

دا انت الخير و البركة و منك نستفيد بس نسيت تقول لون و تخانة الاسلاك تكون اية ههههه

خدت الرقم و هبقى اتصل نربط على معاد و وصف للطريق

شغل عالي جداا يا كريم باشا والله ربنا يبارك لك فيها ويكفيك شر عجله
وكاااااااااعادة اليكس عمروو مووزعج ((:
-------
كان لي سؤال عن تثبيت الكاسيت عملته ازي وطريقه يعنى وكلفك كام غير زارير الاضافيه فى فى الابواب
باذن الله عايزلها روقان علشان اضبطها بس تكلفه زاير الابواب وكابوت وشنطه تكلفتهم كم ...

المشاركة الأصلية كتبت بواسطة Axel

مين بيجيب في سيرتي ههههههههههه
حمد الله ع السلامة يا لورد اخيرا جيت قبل اي حاجة ابعت الصور ع الخاص ابعت ههههههههه
و بالنسبة للزراير بفكر لما ننوي ننزل نتفق و نجيب الحاجة معا و نركبها اي ازعاج ...احم قصدي ...اي خدمة

الكبيررر ياولد اللى بجيب فى سيرتك مين يعنى قفشك غيري هنا هههههههههههه
الله يسلمك يا باشا ههههههه وانا مقلتكش الصور هههههههههههههه
اتمسحت مني بالغلط
ههههه لما نشوف هتتكلف كام اصلا لان عندي 3 ابواب حلفوة ما يتفتحو نهاردة ههههههههههه
وفتحت بابي عندي بالعفيه هههههههههه ربنا يستر بقا ومكنش كوالين باظت

المشاركة الأصلية كتبت بواسطة lord.adel

شغل عالي جداا يا كريم باشا والله ربنا يبارك لك فيها ويكفيك شر عجله
وكاااااااااعادة اليكس عمروو مووزعج ((:
-------
كان لي سؤال عن تثبيت الكاسيت عملته ازي وطريقه يعنى وكلفك كام غير زارير الاضافيه فى فى الابواب
باذن الله عايزلها روقان علشان اضبطها بس تكلفه زاير الابواب وكابوت وشنطه تكلفتهم كم ...

تسلم يا غالى لردك الرقيق و عمرو باشا دا انسان محترم جداااا و سعدت بلقائة و تعبتة معايا فعلا انسان جنتل .

يظهر ان المزعج الجديد هوة انت هههههه

شوف يا سيدى - بالنسبة للكاسيت انا اللى عملتة بنفسى لان محدش كان عندة استعداد يعمل اللى ف دماغى و يتحمل المسؤلية هى خدت منى وقت و غلبة لانى اشتغلت براحة و استعملت بوز مكوة لحام و مبرد و كتر و الحمد لله طلعت زى الصورة كانها جاية من الفبريكة كدا ههههه

بالنسبة لزراير الابواب كنت شاريها من سوزوكى سنتر الزر ب 25 ج و طقم ازرار الكبوت و الشنطة ب 15 ج من محلات بيع اجهزة الانذار ف التوفيقية و برضوا انا اللى عملت الشغل و التركيب

حتى التخريم ف القايم عشان ادخل السلوك - سلوك السنتر و سلوك مكن الزجاج- بمظهر حضارى انا اللى عملتة لان اللى ركب الانذار رفض يعملها

عموما اى وقت تحب تخطف رجلك و تيجى زايد نتقابل عند هايبر ف اول زايد لو تحب تشوف الشغل بنفسك اهلا بيك

الاخوة الاعزاء

امس بحمد الله تم تسليح كاوتش الماروتى ضد الاخرام و فى اعتقادى الموضوع يستاهل و هتكبر دماغك من بتوع الكاوتش اللى اصبح معظمهم هبيشة و كفاية انك مش هتقف ف الصحراوى او المحور ف عز شمس الصيف او ف البرد و يسلام لو كانت بتمطر كمان هتقعد ترفع و تفك و تغير - المهم ف الموضوع فرد الكاوتش تكون ف حالة جيدة و يفضل تكون جديدة او شبهة جديدة عشان تقدر تستفاد باكبر وقت ممكن و المفروض العمر الافتراضى للمادة هو عمر الاطار نفسة مالم يحدث بة كسر او خبطة و ميهمش اذا كان معمول فيهم كام خابور ميمنعش التسليح انا عملت الكاوتش و العربية عاملة 17900كم يعنى تعتبر جديدة لسة - و اذا حبيت بس تسلح الفرد الامامى بس براحتك لان الحساب بيكون ع الفردة او عدد الفرد اللى عملتها - تكلفة عمل فردة الماروتى مقاس 12\145\70 للفردة 118.80 ج لو عندك ستيكر نايل موتورز تاخد خصم 10% يبقى 108 ج و يضاف على اجمالى الفاتورة 10% ضريبة مبيعات خدمة النتروجين و الترصيص مجانية و معايا ضمان 30000 كم و يتم اخد قراءة العداد الحالية و رقم السيارة و بتاخد فاتورة بذلك - طبعا فى ناس هتقول السعر مناسب و ناس تقول ياااااااة دا غالى بس بحسبة بسيطة جدا لو فرضت على مدى عمر الاطار عملت فيها مثلا 10 خوابير فى 10ج يعنى 100 ج دا غير ارف الفك و التركيب و العطلة فلقيتها مجزية و مناسبة ف السعر لان الفرق 18ج بس و هتكبر دماغك من الكاوتش زى بالظبط موضوع البطارية السائلة و الجافة انت بتحط الجافة و تنساها عكس السائلة عاوزة صيانة و تزويد ميية - النصيحة يفضل اكيد اخذ معاد و الالتزام بية لانك لو رحت و قدامك عربيتين و محدش حاجز بعديهم يعنى على الاقل هتستنى اكتر من ساعتين لما يخلصوا - مواعيد العمل من العاشرة صباحا و حتى السادسة مساء ما عدا الجمعة اجازة

ماذا تم بالتحديد

ذهبت امس للمقر كما هو موصوف تمام و ازيد ع الوصف حاجة كمان للتسهيل - على ناصية الشارع المطلوب دخولة هتلاقى علامتين على كلا النواصى بسهم احمر لدخول الشارع و مكتوب عليهم نيسان و العنوان موجود ف الرابط اللى حطيتة ف اخر الموضوع فى صفحة 7 مشاركة 65 - المهم وصلت ف المعاد المتفق علية مع استاذ محمد يسرى و بدأ الشغل و تابعت الخطوات بداية من تجليخ فرد الكاوتش من الداخل لاعطاء الخشانة الازمة لتثبيت المادة ثم وضعها على الجهاز بعد اخد المقاسات لقطر العجلة و تتم عملية التسليح على خطوتين - الاولى لتسليح جزء من الجوانب اولا مع دوران العجلة و تركها دقيقة بعد سحب جهاز الحقن و الخطوة الثانية نفس الاولى انما يتم توجيهة الجهاز لمنتصف الكاوتش لتسليح بطن العجلة ثم تترك دقيقة تلف و يتم رفعها من الجهاز ثم تركيب الجنط و ملؤها بالنتروجين ثم تبدأ عملية الترصيص ثم ف النهاية التركيب - الاستاذ وليد القائم بالعمل شخصية محترمة و كذلك العامل الموجود و الشغل عالى و نضيف و لو الاستاذ وليد شاف حاجة لسة عاوزة تتعمل بيعملها فورا - و عملت كمان فرد كاوتش الموتوسيكل و كان كمان تمام و زى الفل - الوقت المستغرق تمت ف ساعة ونص للسيارة بداية من عملية فك العجلة حتى اعادة تركيبها و تقريبا 50 دقيقة لفرد الموتوسيكل

حاليا فى مرحلة الاختبار على سرعة 100 لم الحظ شئ متغير حصل و متابع

اود اولا شكر الاستاذ محمد يسرى مدير المبيعات و التسويق لانهاء موضوعى - كما اشكر جزيل الشكر ايضا الاستاذ الفاضل كريم منير لتسهيل الموضوع مع الاستاذ محمد وعمل خصم 10% لحاملى استيكرات نايل موتورز

رابط الموضوع الاساسى للموضوع : http://www.nilemotors.net/Nile/257880-a.html

و اقرا كل الاستفسارات و ردها من قبل الاستاذ محمد يسرى مدير المبيعات الذى متابع الموقع و يقوم بالرد على اى استفسار و كفاية ان الاخ الفاضل كريم منير قام بعمل التسليح و تجربة سيارتة على سرعة 180كم و لم يلحظ اى تغير او اختلاف حدث