الموضوع: مميزات التوكتوك

اختراع زبالة ولا يصلح سوى للقري والمناطق الغير معبدة وحرام جدا في المناطق الشعبية المكدسة بالسكان

كنت في مشوار لمنطقة شعبية شوية عند طريق مصر اسماعيلية وعشان اركب الدائري تاني
ماشي بجوار ترعة الاسماعيلية عربية كارو شايلة برسيم ماشية على جنب بالراحة وسايبة حارة واحدة بس
توكتوك ماشي فيها ومسلطن دماغة جدا ومشغل مزيكا الحلل بتاعتهم دي وبيتكلم مع سواق الكارو وبيعزمو على بعض بسجاير
وانا وراه وكلاكسات ومفيش فايدة
سواق الكارو يبصلي ويقلي عديهم وهو منفض
انا كلاكس العربيةعندي عالي ورخم وده مفيش فايدة
قولت مش فارقة كتير الاكصدام مجرح والورشة موجودة يا دوب هادفع حق البوية
قمت مقرررب من مديلة بوسة في الاكصدام
ماكنتش متخيل ان الشيئ ده مالوش اتزان خالص كدة
قعد يرقص يمين وشمال وبعد كدة قرص وعدى الكارو ومشي قدامة
وانا جيت جنبة وفتحت الازاز
سايقة عيل سيس بالفانلة الحمالات بصة ولا تعرف تعمل حاجة
قولتلة المرة دي بوسة خفيفة المرة الجاية هاقلبك في الترعة (ترعة الاسماعيلية) والعربية متامن عليها ومش هادفع حاجة
الكلمتين دول وانا برمي علية وبنزله في التراب
وجيت قدام حرقت غيار في الارض ونص العجلة عالتراب ردمته تراب ومشيت
عالم مايعترفوش غير بمنطق القوة فقط للاسف
وطبعا ماكنتش هاعملة حاجة لو معاه زباين لاني انا اللي هاخاف عليهم