الموضوع: أنا أسف .. استطعتم خداعي .. و لكن هل اعود لصوابي؟

المشاركة الأصلية كتبت بواسطة ahmedesmat1987

[gdwl]اسف اذا كنت صدقت كلامكم ان الهيونداي ناعمة و مريحة و خدعني .. الا ان رأيت ( قيء ) الاطفال في المقاعد الخلفية من سيارة مراجيحي ![/gdwl]


اولا انا بعتزر لو كان كلامى جرح حد .........نظرا لانى كنت بتكلم بنرفزة شويه من كام نقطه قريتهم فى الموضوع ........وانا معلم على بعضهم فوق....لانو كلام مش حقيقى والناس داخله بتقول صح ..
ومن خلال معرفتى لبعض الاشخاص وحديثى معهم لاقيتهم بيفتو فى كلام غريب اول مره اسمع عنه.......فدا اللى خلانى اتذكر الكلام دا واخلط بينو وبين بعض النقط فى الموضوع......واوصل للحاله او درجه الفظاظه اللى كنت فيها.......بس خلينا نتفق على حاجه (معظم تقيمات السيارات فى مصر بتبقى مستندا على اشاعات او حاله عاطفيه) يعنى عربيه شكلها مش عاجبنى اقول دى زباله عربيه شكلها عجبنى اقول ممتازه..........الاخ صاحب الموضوع زوق ... الاخ (syd) قمه فى الزوق.......

حصل خير
مفيش حاجة

انا معاك في النقطة الأخيرة
بمجرد ما السيراتو نزلت الناس تدافعت عليها بشكل غير طبيعي لمجرد شكلها وانا بقول كلام عن ثقة من قبل حتي لما ينزل باقي الفئات بتاعتها الناس حجزت بارقام خيالية والدليل علي كلامي ان العربية مرة واحدة ملت البلد كأن السما كانت بتمطر سيراتو ، يعني الناس حجزت العربية لمجرد شكلها وبعد كدة بدأوا يجربوها ويحكموا عليها - كانت فين شركة كيا من المبيعات دي كلها قبل النيو سيراتو ماتنزل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

كمان لو كنت قريت اللينك الي بعتهولك كنت هتلاقي كلام عن العربيات المظلومة ومقارنتها بعربيات اقل منها بكتير لمجرد انهم في نفس الشريحة السعرية


واخيرا

انا الي بقولك ماتزعلش مني لأني بصراحة عملت تعليق علي الخاص مع صاحب الموضوع علي مكان الأقامة بتاعك

خد بالك

والله المستعان
،
،

المشاركة الأصلية كتبت بواسطة tutankhamoun

بالنسبة بقى لموضوع العربيات الكوري
أنا غير متفق عليه بالمرة .

أولا
الكوري فيه منه الدايو اللانوس ........ و الفيرنا ........ و دول عربيات متوسطة و أسعار قطع غيار شعبية (و أنا شايفهم عربيات ممتازة للي يفهم العربية -- مش يشتريها و فاكرها فيراري )

والله المفروض الواحد مايشتريش العربيات دي لعدة اسباب
الدايو سر نجاحها انها ضمن مجموعة او عائلة GM وبالتالي هي بتاخد من اوبل (اوروبي) وتحط في الدايو (كوري) ودة عموما كان زمان - زاد الطين بلة انها بقت تجميع مصري
نفس الشئ في الفيرنا - تجميع مصري - وحتي الي مش تجميع مصري زي الماتريكس تلاقي الوكيل بيطلبها بمواصفات معينة - مواصفات مصري
تعال شوف العربيات المواصفات الأوروبي تلاقي فيها ايرباج وفرامل abs واحزمة امان خلفية وانوار شبورة ومواصفات تانية كتير اوي مش بتنزل عندنا

وتعال قارن اللانوس والفيرنا (عائلية صغيرة) بالعربيات الأوروبي نفس الفئة والسعة اللترية
انسب عربية في الفئة دي مش هقولك رينو لوجان 1600 لا الرينو كليو 1400 سي سي
ايهما تفضل ؟؟؟ الفيرنا ولا الكليو ؟؟؟؟
انا معاك ان قطع الغيار غالية شوية في الفرنساوي بس مقابل العمر الأفتراضي والنعومة والثبات والأمان

و في أيضا الألنترا و السيراتو ....... و دي عربيات فوق المتوسط في الفئة و أنا شايفهم عربيات ممتازة و كل حاجة لها مميزات و عيوب .

انا شايف ان الألنترا والسيراتو والكروز عربيات اوك ماشي الحال شوية ولكن بردو لا تقارن بالأوروبي الي في نفس مستواهم
يعني هما في فئة العائلية المتوسطة ذات السعة اللترية بين 1600 - 2000
يجي معاهم فولكس جيتا - بي ام الفئة الثالثة - رينو ميجان وفلوانس - بيجو 406 او 407 - اودي A4 - سيات ليون - اوكتافيا - فيات تمبرا - اوبل فيكترا - الخ....

بردو لما تقارن مش هتلاقي اوجه مقارنة اساسا
يعني لا يمكن تقارن سيراتو ب الجيتا
او الالنترا ب 316

و فيه العربيات العالية في الفئة زي العربية الهيونداي اللي جمهعا غبور و مش فاكر أسمها و كانت 2000 و 2400 سي سي
و دول أعلى شوية في الفئة ...

تعال قارن الهيونداي سوناتا قصدك ؟؟؟ ذات السعة اللترية 2000 وكمان في منها 3000
ومعاها الدايو ليجانزا 2000
والكيا اوبتيما 2000 و 2400

هتقارنها بأيه في الأوروبي
فولكس باسات - اودي a6 و a8 - مرسيدس E- بي ام الفئة الخامسة

المشكلة أن الخدعة بتيجي في موضوع قطع الغيار أنها رخيصة
مع أن قطع الغيار الأصلية مش رخيصة تماما خالص
هي بس الدايو و الفيرنا عاملين سمعة حلوة لأسعار قطع الغيار للكوري .

أؤيدك في هذا الرأي


طيب الناس قالت أوروبي
ما هو برضه ما ينفعش نعمم كل الأوروبي و يبقى في سلة واحدة
زي البولو مثلا ما هي أوروبي و لكن الألنترا أحسن منها مليون مرة كعربية و كسعر و كموتور و قطع غيار هو حضرتك بتقارن ايه بأيه ؟؟؟؟
قارن البولو 1000 بال i10 في نفس الفئة

و البونتو مثلا
طيب دول من فئة أصغر ... لو أتكلمنا على فئات أكبر زي الألنترا في المقاس معانا عربيات زي الفيات اللينيا .... الألنترا أحسن منها (أنا بتكلم على اللينيا العادية اللي من غير توربو ) ده مثال بس .



مينفعش نعمم الكلام
أنا شايف أن العربيات الكوري أغلبها يتميز بالنعومة في الركوب ......... و ضياع الثبات .
و ده حاجة على حساب حاجة و محدش ييجي يقولي ده عيب
لأن ممكن ببساطة واحدة تاني بيدور على الثبات و مش بيدور على النعومة و بالتالي الكوري أغلبه مش هايكون متوافق معاه .

الفيات عربيات أوروبي و من شركة من أعرق شركات العالم و أوروبا و مع ذلك بتعمل بلاوي
عربيات بتسخن ......... أو حساسة زيادة للسخونة ..... و قطع غيار عمرها مش كبير قوي مقارنة مع ألمانيا مثلا

هو حضرتك بتتكلم عن ال125 ؟؟ ولا 124 ؟؟؟؟
كانت فين هيونداي لما عملوا فيات 100 ولا 128 ولا كيا انا معاك الدايو قديمة

و كمان فرنسا و عربياتها اللي بتكح تراب لو شمت ريحة التراب و تلاقي الحساسات بتاعتها ضربت و العربية حلفت مين يمين أنها مش هاتدور .


كلامي مش تعميم
و لكن مقصدي
أن أحنا بنعمم الكلام و خلاص ........... و اللي يتطبق على شئ نعممه و نطبقه على كافة الأشياء من نفس النوع .

و ياريت نبقى 1÷ 100 ........... من كوريا الجنوبية .

موضوع الأمان
عربيات هيونداي أصبحت من أعلى العربيات امانا في العالم و بتأخد 5 نجوم في أختبارات أمريكا و أوروبا على سرعة 64 كم - س
محدش بقى يعملي حادثة على سرعة 180 و ييجي يقولي العربية مش أمان

أنا شايف بعيني على الدائري حادثة لعربية بي أم دبليو و العربية أتفعصت بمعنى الكلمة أتفعصت .
و دوروا على حوادث الأوتوبان في المانيا و أتفرجوا على علب السردين الألماني في الحوادث .
و برضه مش معنى كلامي أن الألماني أي كلام بل بالعكس الألماني خصوصا بي أم و مرسيدس و أودي و الفئات العليا من فولكس بيحاولوا يعملوا عربيات متينة و قوية و تقلل الخسائر في الحوادث
و هو ده اللي هيونداي بتعمله برضه مع أختلاف المدارس .

مشكلتنا التوكيل اللي بينفض العربية من وسائل الأمان و بيضع عليها سعر عالي .
و أنا غير موافق بالمرة على أسعار العربيات في السوق المصري خصوصا العربيات اللي سوقها ماشي و فيها أستغلال من الوكلاء