الخوف من السواقة بقى حالة مزمنة .. ايه الحل ؟؟

**Donzi** · 08-09-2011 03:03 PM

المشاركة الأصلية كتبت بواسطة syd

انا كمان زيكوا وهتلاقي مشاركة ليا هنا في الموضوع
ولما سألت احد المشاركين بدون ذكر اسماء ولا عبرني ولا رد عليا

فالتزمت الصمت وقولت اكيد مش هيرد عليا لأنه مش موضوعي ومش من حقي اتدخل وحتي بطلت اشارك في الموضوع

اعملك موضوع منفصل احسنلك

والله المستعان
،
،

ليه بس يا استاذ سيد ؟؟

دا موضوع لكل اللي في المنتدى مش موضوع حد معين و الكل من حقه يسأل و يستفيد

ماتخدش الموضوع بشكل شخصي دا دكتور احمد عمره ما بخل على اي حد بالرد او النصيحة او الاستشارة

**SYD** · 08-09-2011 05:17 PM

المشاركة الأصلية كتبت بواسطة د.أحمد عبد الرحمن

المهم طريقة كلامك الكوميدية خلتني ارجع ورا اشوف مين قليل الذوق ده اللي مردش عليك

آخر حاجه كنت اتوقعها اني اطلع انا !!!

فعلا مشفتش المشاركة دي خالص, والله ما شفت السؤال حتى

المهم يا باشا

الموضوع فعلا صعب لأنك بتعدي كل يوم !!!
بص يا باشا الحادثة فيها الطرف الاقوى والطرف الاضعف

يعني مثلا انا عملت حادثة, بس معظمها كان الخطأ مش خطأي واليوم اللي العربية القديمة راحت فيه بسبب ميكروباص اهل الحتة الجدعان مسكوا السواق وكلموا البوليس واتعمل محضر واخدت فلوسي منه والعربية اتصلحت في 36 ساعة

لما بفتكر الموضوع ده بفتكره على اني الطرف المنتصر.. وبالتالي بحب افتكره.

انما نيجي لموضوع حضرتك

1. العربية باظت
2. واقفة عند الميكانيكي من اول رمضان
3. مفيش قطع غيار
4. رجعت تركب ميكروباصات
5. حرمت العائلة من السيارة
6. بتعدي على الكوبري كل يوم !!!

لو تأملنا الموضوع هو فعلا صعب, ممكن يكون اجهاد ما بعد الصدمة
وممكن الموضوع يكون شعور بالذنب
وممكن يكون احساس بالضعف انك مخدتش حقك في اللي كان السبب في الحادثة (انا معرفش التفاصيل وبتكلم عام جدا)

وبالتالي جزء من الموضوع مش حيروح الا لو العربية اتصلحت و(اتلمت) ورجعت تمشي ثاني او اتباعت وجت غيرها

وبما إن الموضوع صعب ومش بالسهولة دي

انا بنصحك انك تذهب الى طبيب نفسي او تقوم بالاتصال بي ممكن اوصف لحضرتك الدواء المناسب من مضادات القلق او mood stablizers

وآسف مرة ثانية

يا خبر ابيض يا دكتور، العفو
مفيش حاجة

انا فعلا ساعتها زعلت وكنت ناوي اعمل مشاركة اعاتبك فيها وكنت ناوي مادخلش اقرا اي مشاركة انت كاتبها
بس دلوقتي خلاص مفيش حاجة

الموضوع بأختصار شديد جدا

كنت راجع من الشغل قبل الفطار بحوالي ربع ساعة

طلعت الكوبري علي سرعة عادية ودخلت الملف علي نفس سرعتي
كان في عربية علي يميني في الملف (الملف يمين) اتضريت اخد الملف علي الواسع
العربية عملت ديرفيت وفقدت السيطرة نوعا ما عليها بس كانت بتلم معايا
حظي وانا في نهاية الملف والطريق خلاص هيعدل ان العجل الخلفي شمال لطش في الرصيف وبالتالي الجنط اتني والعجل نام ففقدت السيطرة عليها تماما والعربية عدلت وشها ولفت 180 درجة ودخلت بوشي في السور

الحمد لله بفضل الله نزلت سليم انا وزميلي (مش مجرد زميل عمل دة صديق عمري من حوالي 17 سنة ورفيق الكفاح من اول الثانوية والكلية ولما تخرجنا اشتغلنا سوا في نفس الشركة)

الخسائر

كبوت ورفارف واكصدامين (ورا وقدام) وشبكة وفوانيس و3 جنوط (دة من برة)
فتيس وعفشة كاملة وتكييف وطقم تبريد وخزنة زيت الباور (دة من تحت)
كرسي السائق وحزام الأمان والكونسول وقطمة الدريكسيون والكونتاكت (دة من جوة)

بعد كل دة
اتعملي محضر في القسم واتعرضت علي النيابة تاني يوم الصبح بتهمة اتلاف مال عام ومعمولي قضية

الحمد لله بفضل الله

مش هقولك قد ايه العربية كانت بتخدمني انا شخصيا وكانت بتخدم اسرتي بأكملها فرد فرد

العربية لسة جديدة بقالها حوالي 5 شهور فقط (هي مستعملة بس انا لسة شاريها)

الحمد لله علي كل حال

حالتي النفسية طبعا مش مظبوطة وتأكدت من كدة لما ركبت المواصلات (الميكروباصات) وعديت علي مكان الحادث ولما ركبت مع اخويا واخيرا لما بسوق عربية اخويا

انا اساسا بغض النظر عن الحادث بخاف من الأماكن المرتفعة وطوول عمري بخاف امشي جمب سور اي كوبري (تحديدا كوبري 6 اكتوبر) ولما بسوق وامشي جمب السور عمري ما بفكر ابص تحت لأني بحس اني بدوخ، دايما بمشي ناحية جوة او بمشي وسط العربيات

دة موضوعي بأختصار

والله المستعان
،
،

**SYD** · 08-09-2011 05:20 PM

المشاركة الأصلية كتبت بواسطة donzi

ليه بس يا استاذ سيد ؟؟

دا موضوع لكل اللي في المنتدى مش موضوع حد معين و الكل من حقه يسأل و يستفيد

ماتخدش الموضوع بشكل شخصي دا دكتور احمد عمره ما بخل على اي حد بالرد او النصيحة او الاستشارة

انا اساسا مش بحب اتقل علي حد ومش بحب احشر نفسي في موضوع ماليش فيه

وبختم موضوعاتي ب" الله المستعان" فكيف يكون الله ربي واطلب من حد غيره العون

انا بس كنت داخل اشوف لو في حلول زي تدريبات معينة او حد حصله زيي كدة وقال انه مع الوقت نسي وبقي زي الفل

كدة يعني

والله المستعان
،
،

**Donzi** · 08-09-2011 11:49 PM

المشاركة الأصلية كتبت بواسطة syd

انا اساسا مش بحب اتقل علي حد ومش بحب احشر نفسي في موضوع ماليش فيه

وبختم موضوعاتي ب" الله المستعان" فكيف يكون الله ربي واطلب من حد غيره العون

انا بس كنت داخل اشوف لو في حلول زي تدريبات معينة او حد حصله زيي كدة وقال انه مع الوقت نسي وبقي زي الفل

كدة يعني

والله المستعان
،
،

يا فندم ولا تتقل ولا حاجة ، يعني هوا انا هاخد الموضوع معايا و انا ماشية ؟؟

كل المواضيع دي عشان كلنا نفيد و نستفيد

نورت الموضوع

**aboharb** · 11-09-2011 10:06 PM

مشكلة مش عارف اعالجها فى السواقه انى لما كون ماشى فى شارع طوالى والاقى حد جه من اى شارع جانبى ولسه مكسرش على الطوالى بلاقى نفسى لا ارادى بهدى جامد من سرعتى حتى لو الطريق فاتح وده بيخلى الكل يشغل الكلاكاسات وابقى متبرجل لحد يخبطنى من ورائى او اخبط انا اللى طالع من الجانبى وبعد ما يعدى الموضوع اكتشف انى انا الغلطان لانى ممكن اديله كلاكس او نور وامش على نفس السرعه من غير ما اكعبل الشارع كله لكن مفيش فايده كل مره بعمل كده لا ارادى والحاجه التانيه انى بحب امسك الشمال مع انى بسوق هادى ولسه جديد فى السواقه وده بردك بيخلى اللى ورائى يدى كلاكسات وياسلام لو سايب مثلا 10 متر بينى وبين اللى ادامى تلاقى عربيه حديثه طارت ورمع نفسه فى المسافه ده

**Donzi** · 23-09-2011 05:46 PM

المشاركة الأصلية كتبت بواسطة poussi

معاكى حق

انتى عارفه انا مسميه السواقه رحلت العذاب

3 مرات ابقى ماشيه فى حالى والاقى واحد ابن حلال يطيرلى الاكصدام ويجرى واتبهدل انا عند السمكريه

واللى يكسر عليكى واللى يرمى عربيته قدامك بغباء من غير لا اشاره ولا كلاكس حتى
واللى يتنح فى العربيه بتاعتك وتعلقيات من اسخف ما يكون
فعلا انا بقيت بكره السواقه مش بس خوف
السواقه ف حد ذاتها بحبها جدا وممتعه الى اقصى درجه لكن مع الغباء اللى بلاقيه على الطريق كرهتها
ولو فيه مشوار حتى لو نص ساعه مشى رايح جاى بروح مشى ولا انى اطلع العربيه
وكتير من صحابى اتخنقوا منى بس مش مهم انا فعلا مبقتش قادره اسوق اعصابى تعبت اوى
بس غالبا فتره وهتعدى متهيالى مش هنفضل كده على طول
الموضوع عايز شويه جرأه وتصمييم انك تعدى المرحله دى وترجعى تستمتعى بالسواقه من تانى

والله انا ساعات كتير حتى من قبل الحادثة لما كان يبقى مشوار صغير كنت بسيب العربية و اتمشى او اركب مواصلات عشان الواحد يتحرك شوية و خصوصا لما بتكون والدتي مش معايا لان السواقة في مصر مرهقة ذهنيا و موترة جدا فما بالك بعد الحادثة بقى

**Donzi** · 23-09-2011 05:50 PM

المشاركة الأصلية كتبت بواسطة falcon191

أنا حكايتي مشابهة كتير لحكاية الأخ syd وتتلخص في الآتي:
التاريخ: شهر يوليو 2011
أنا من دمياط وكنت مسافر لدكتور في القاهرة وكانت زوجتي وابني جنبي وفي الخلف كان والدي وحمايا وكان فيه سيارة تانية قدامنا فيها أخويا وصاحبه وكان السفر الساعة 2 صباحا، كانت سرعتنا طول الطريق 100ك/س وتصل إلى 130 وعند وصولنا إلى حدائق الأزهر فيه هناك ملف بس ملف بمعنى الكلمة وأنا من عادتي إن سرعتي مش بتعدي الـ100 وفي الملفات باكون بطئ على الآخر ولكن أنا متابع العربية اللي قدامي...
شكل الملف
ملف حاد جدا شمال ، على شمالي مرتفع وعلى يميني منخفض شديد وتوجد به مقابر ويفصلنا عن المنخفض سور صخري.
وفي الملف تخيلت وجود قطع صخرية في وسط الطريق وكانت في الحقيقة عبارة عن قمامة فقمت بلف الدريكسيون إلى اليمين فجأة فاتزحلقت العربية بقوة الطرد المركزي وفقدت التحكم في العربية إلى أن اصطدمت العربية من الخلف الأيمن للعربية بالسور الصخري ثم برد الفعل للصدمة اصطدم الجزء الأمامي الأيمن وبرد الفعل تاني اصطدم الخلف الأيمن.
طبعا كل ده كان في لحظات ،وشافني صاحب أخي في مراية عربيته وقال لأخي إلحق العربية بتقلب..أما في العربية عندي مش قادر أحكي عن الانفعالات اللي كانت موجودة لأني كل ماافتكرها بحس إن الحادثة لسه بتحصل دلوقتي.
كانت نتيجة الحادثة تغيير العفشة والجنوط والكاوتش(فردتين) والحمدلله مفيش إصابات لكن بعض الآلام لكل الموجودين ماعدا ابني لأن مامته كانت ماسكاه جامد وأنا لأني كنت رابط الحزام.
لكن الجانب النفسي صعب شوية لأني باكون قلقان قبل ماافكر اركب العربية علشان اروح أي مكان وبحاول دايما أني أأجل مشواري أو اركب مع أي حد ، لكن بمجرد أني باركب العربية باتناسى المشكلة دي لأني لو فكرت أثناء القيادة مش هاعرف أسوق، غير كده بحس بندم كتير بخصوص كل اللي كانوا معايا في العربية.
عموما أنا باشكركم جميعا وبقول ربنا يحمينا جميعا من المصائب

[size="4"]الف حمدالله على سلامتك و سلامة الاسرة و الحمد لله ان مفيش اصابات لاي حد

بس على فكرة انا من بعد ما عملت الموضوع دا و تشاركت فيه مع الناس و عملت بشوية نصائح من اللي اتقالتلي والله فرقت معايا جدا لدرجة ان في يوم خرجت بالعربية مشوار طويل و بعد ما رجعت و انا بركن قلت لنفسي ايه دا ؟؟؟ انا ماجاش في دماغي انهاردة ولا فكرة وحشة و انا سايقة ولا خفت من اي حاجة كما لو كان الموضوع اتنسى من دماغي اصلا

و الحمد لله الادعية اللي الزملاء قالو عليها جميلة جدا و بتطمن القلب جدا ياريت حضرتك كمان تجربها و ان شاء الله مرحلة و هاتعدي [/size]

-

-

الموضوع: الخوف من السواقة بقى حالة مزمنة .. ايه الحل ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة مزمنة في دورة التبريد

الخوف الشديد من السواقة اعمل فية اية

مشكلة مزمنة فى تيل الفرامل

الكبالن مشكلة مزمنة

فى حالة رغبتك بتقديم شكواك لجهاز حماية المستهلك تعمل ايه؟ هنا الحل

الكلمات الدلالية لهذا الموضوع

المفضلات

المفضلات

ضوابط المشاركة