الموضوع: الخوف من السواقة بقى حالة مزمنة .. ايه الحل ؟؟

المشاركة الأصلية كتبت بواسطة frozen_pain

ده مش خوف من السواقة

ممكن تكون فى حاجة تانية خايفة منها او مخلياكى متوترة وجات نتيجتها بالخوف من السواقة. او شوفتى حادثة قدامك او افتركتى موقف،، او حتى شوفتى فيلم فى التليفزيون. اى حاجة ممكن تعمل انعكاس على الخوف من السواقة

ممكن زى ما سارة قالت وانتى بتسوقى طبعا قولى دعاء ركوب الدابة،، واقعدى فترة حد يركب معاكى العربية

طبعا احنا مش دكاترة او محللين نفسيين بس بنحاول اننا نعرف ايه اللى مخليكى قلقانة كده وخايفة

وان شاء الله ربنا يكفيكى شر العربية وشر الطريق وشر نفسك

مش من النوع الخواف للدرجة دي انا فامعتقدش ان الموضوع فيه حاجة تانية و انعكست على السواقة و الله اعلم برضو كل شىء جايز

المشاركة الأصلية كتبت بواسطة pro_samir

ان الواحد يستودع نفسه والعربيه عند ربنا بيريح نفسيا جدا

بعد دعاء الركوب "اللهم إني أستودعك نفسي وديني وسيارتي"

ساعات بيبقي عندي احساس زي ده و حامل هم السواقه بتبقي عامله زي وساوس كده لكن الدعاء ده بيفرق بالاضافه لكده مهم جدا الواحد ميركزش علي الحاجه اللي خايف منها ويفضل يفكر فيها طول الوقت

طبيعي مينفعش الواحد يشغل نفسه بحاجه عن السواقه بس ميبقاش كل تفكيرك وانتي سايقه في انك خايفه تخبطي متفكريش في السواقه نفسها يعني سوقي كإنك بتاكلي أو بتشربي بتعملي حاجه انتي بتعرفي تعمليها من غير تفكير في انك بتعملي كده ..

زي ما مثلا يجيلك تليفون وتتكلمي وتلاقي نفسك سايقه من غير تفكير متبقيش عارفه ايه اللي حصل ولا فاكره عديتي من ايه وكده .. ممكن تشغلي تفكيرك بحاجه تانيه بشكل جزئي بدون ما يأثر علي التركيز في السواقه

انا هاكتب كل الادعية دي و هاخليها معايا في العربية و كل ما اركب هاقراهم ان شاء الله
و فعلا لما بيكون في حد معايا في العربية و بتكلم معاه او بيجيلي تليفون و اقعد ارغي و انا سايقة الوقت بيعدي اسرع و اريح كتير ما اكون لوحدي بس اكيد مش هافضل كل ما اجي اركب العربية اتصل باي حد عشان اقعد ارغي او اجيب مرافق معايا

لازم انا اللي اتغلب عالموضوع دا بنفسي ان شاء الله