اللي عايز تقسيط غير ربوي يروح المعرض ده( خلاصه الكلام)

**عمرو عمارة** · 22-06-2008 05:33 PM

المشاركة الأصلية كتبت بواسطة mhoss

انا ممكن أطلع بنتيجة من الموضوع ده؟
أنه مفيش تقسيط سيارة فى مصر شرعى الا فى حالة:
1- انك يكون معالك 50% من ثمن السيارة
2- يكون عندك وديعة فى بنك فيصل بتمن السيارة!!!
أرجوا التصحيح لو انا غلطان و جزاكم الله خيراً

3-تكون مضطر زي ما الشيخ قال....واعتقد ان مافيش اضطرار ان انت تشتري عربية جديدة

والله يا جماعة الموضوع انا حاسس انه كل مدى بيوسع مننا......الجديد دلوقتي ان انت حتى لو لقيت المعاملة الشرعية يبقى فاضل هل انت مضطر ولا لأ؟؟؟...ودخلت سكة مدى جواز التقسيط من الأول

هي دي بقى مشكلة ان انت تسأل كذة شيخ.....

اللهم أخرجنا من هذه الدنيا على خير

عمرو عمارة

**P407** · 22-06-2008 05:43 PM

المشاركة الأصلية كتبت بواسطة Renamr

3-تكون مضطر زي ما الشيخ قال....واعتقد ان مافيش اضطرار ان انت تشتري عربية جديدة

والله يا جماعة الموضوع انا حاسس انه كل مدى بيوسع مننا......الجديد دلوقتي ان انت حتى لو لقيت المعاملة الشرعية يبقى فاضل هل انت مضطر ولا لأ؟؟؟...ودخلت سكة مدى جواز التقسيط من الأول

هي دي بقى مشكلة ان انت تسأل كذة شيخ.....

اللهم أخرجنا من هذه الدنيا على خير

عمرو عمارة

يعنى التقسيط مع عبد اللطيف جميل شرعى يعنى الباقى ان احدد اذا كنت محتاجلها ضرورى ولا لأ صح كدة

**Dr.A.Nabil** · 22-06-2008 06:42 PM

اللي فهمته ان التقسيط مش حرام
بس مذموم
لأنه بيجعلك مديون

**أبومعاذ** · 22-06-2008 06:59 PM

يا جماعة الشيخ حسين اللي الاخ جاب الفتوى منه قال إن العقد بتاع الشركة العالمية (عبد اللطيف جميل) فيه مخالفات شرعية و دا نفس كلام الشيخ على السالوس مفيهوش جديد و لكن الشيخ حسين قال إن ممكن الواحد يشتري من عندهم في حالة الإضطرار (ونا مختلف معاه في دي)
بس لو سلمنا بكلام الشيخ حسين - حالة الإضطرار زي ما انا وضحت مينفعش إن كل واحد يقول على نفسه ان هو مضطر و انما اللي يحدد حالتك إذا كنت مضطر او لا يكون شيخ من اهل العلم الثقات وإلا كل واحد هيقول على نفسه مضطر و يروح يشتري من اي حتة

المشاركة الأصلية كتبت بواسطة ahmodium

اللي فهمته ان التقسيط مش حرام
بس مذموم
لأنه بيجعلك مديون

فعلا الدين عموما مذموم و الإنسان لا يجب أن يستدين إلا للضرورة لحديث النبي صلى الله عليه و سلم:

أن رسول الله صلى الله عليه وسلم كان يدعو في الصلاة ، ويقول : ( اللهم إني أعوذ بك من المأثموالمغرم ) . فقال له قائل : ما أكثر ما تستعيذ يا رسول الله من المغرم ؟ قال : ( إن الرجل إذا غرم حدث فكذب ، ووعد فأخلف ) .
و المغرم هو الدين

**mhoss** · 23-06-2008 09:13 AM

المشاركة الأصلية كتبت بواسطة P407

يعنى انا لو مش فى حالة اضطرار تبقى حرام

تبقى تبعد عن الشبهات أحسن لأن "من يرعى حول الحمى أوشك ان يرتع فيه" بمعنى من اقترب من الشبهات اوشك ان يقع فيها و العياذ بالله و من يتق الله يجعل له مخرجاً و يرزقه من حيث لا يحتسب

**cladonell** · 28-06-2008 05:35 AM

هل معنى الكلام ده ان حتى لو معايا أكتر من نص المبلغ مفيش مكان ممكن يقسط الباقى بطريقة اسلامية؟.

**hashour** · 29-06-2008 10:38 AM

شباب
السلام عليكم
أنا ادرت أدبر ١/٢ مبلغ العربيه اللي أنا عيزها
حد يقدر يقول على معرض تقسط معه مباشرةً على أربع أو خمس سنن مثلاً

هيثم عاشور

**ows212** · 29-06-2008 12:12 PM

المشاركة الأصلية كتبت بواسطة hashour

شباب
السلام عليكم
أنا ادرت أدبر ١/٢ مبلغ العربيه اللي أنا عيزها
حد يقدر يقول على معرض تقسط معه مباشرةً على أربع أو خمس سنن مثلاً

هيثم عاشور

الشركة العالمية ... عبد اللطيف جميل ... هم الأقرب الى المعاملة الشرعية
وانا بعد كل ماقيل فى هذا الموضوع لا زلت ارى انهم الأفضل فى موضوع التقسيط المباشر الاسلامى

**ahmedae** · 30-06-2008 05:47 PM

شكرا ليك , بس المفروض حضرتك تسأل كويس في المواضيع اللي زي دي قبل ما تقدم نصيحة
( ومش هقول تكون صريح عشان انا فرضت حسن النية من حضرتك )
المشكلة الرئيسية في المعرض ده واللي مش موجودة عند معظم الناس التانية ان لازم يكون معاك ضامن والضامن دة هيمضي معاك علي العقد وكمان هيمضي معاك علي ايصالات امانة بنصف المبلغ المتبقي والمقسط من قيمة العربية وكمان هتمضي علي المبلغ مرتين مرة انت فقط في صورة كمبيالات ومرة تانية علي اتنين وصل امانة وكمان مش هيسلموك وصولات الامانة دي الا بعد ما تخلص كل الاقساط بالكامل