الموضوع: أمتى بتقول دى كانت غلطة عمرى ؟

المشاركة الأصلية كتبت بواسطة abou_ruqi

شداد بيه مع احترامي ,
أنت حاسس انك ضيعت أيام حلوة اللي هي الخطوبة علشان افتقدتها , طيب أنت ايش عرفك أنها أيام حلوة طالما معشتهاش , أنت تعلم الغيب ؟؟؟

رأيي الشخصي , الجواز أحلى من الخطوبة بكتــــــــــــــــــــــ ــــــــير , الخطوبة واجبات بدون حقوق , انما الجواز هات وخد

يعني في الخطوبة أنت بتصرف بجنون بعكس الجواز , بينما مالكش عندهم حقوق , ده أنت بتشوفها لما أبوها يسمح
لا ليك عليها طاعة ولا من حقك الأشياء المرغوب الجواز علشانها ولا حتى التعبير عن المشاعر من حقك تطلبه ولا تديه

الجواز هو أحلى فترة ممكن يعيشها الإنسان , لحد ما يجي أول عيل

بعدها بتبقى أنت ومراتك خدامين عند الأفندية المفاعيص دول ,ومحدش حيبقى فاضي لحد

وعلى رأي واحد صحبي , شهر العسل لحد أول حمل , وبعد كده ربنا يتولاك ,أو اتجوز واحدة تانية مش ناوية تخلف بقه لو غاوي

ياباشا انا بتكلم علي الفترة اللي كنت كاتب كتابي فيها يعني شرعا مراتي ومع ذلك كنت مصبر نفسي واقول بعد الجواز الدنيا هتتغير بس مفيش حاجه اتغيرت وزي ماقلت دخلت في حمل بعد تاني شهر وولاده وحمل تاني ومتاهات وشكرا علي كده

اما بقي بخصوص فترة الخطوبه فدي فعلا افتقدتها عشان معشتهاش وكانت كلها مشاكل وقرف ولما بفتكر دلوقتي الأيام دي بقول انا مش عارف الجوازه دي تمت ازاي وبجد ببقي مستغرب نفسي من اللي كان بيحصلي وبرده كنت بكمل عادي مع ان في ناس كتير ومنهم برده مع اول موقف حصلهم من اهلي زوجتي او من اخواتها التانيين خدو موقف جامد معاهم وبعد كده عاشو حياتهم ومشو كل حاجه علي مذاجهم

اكيد المفروض فترة الخطوبه بيبقي فيها الحلو والوحش بس لازم يبقي فيها حبه حلوين لازم الواحد يفتكرهم ودوول بقي انا مشفتهمش

مش عايز اقولك انا دلوقتي حالتي النفسيه عاملة ازي لاننا تقريبا متخانقين ومش عارف ليه اليومين دوول ممكن اصحي الصبح نبقي بايتين سمن علي عسل واصحي الصبح الاقي نفسي مش طايقها وممكن اي كلمة تقولها ندب عليها خناقه وابقي خلاص
يكفي ان اقول ان العيد ده كان اسوأ عيد عدي علينا وكنت خلاص هطلقها والبارح بالليل لما رحت عند اهلها عشان والدها جي من العمره روحت وانا في نفسي الحالة الزفت برده

مش عارف ده ليه بيحصل بس بجد انا اتخنقت من التمثيل في اي حاجه سواء التدين او الاحترام او اي شيء واتخنقت اكتر من اللي بيبقي عارف نظري بس
متدين بس بيعمل حاجه بدينه
مدرس شاطر ومش بيشرح
دكتور ممتاز بس فاشل

المشاركة الأصلية كتبت بواسطة husseinsalah

للى مستغرب من ان غلطة عمرة الجواز هوضح باختصار لية غلطة...


7-زوجتك متدينة وحافظة قرآن وما بتفوتش فرض ومع ذلك انت اخر حاجة تفكر فيها (رغم انك انت اول مدخل ليها لرضا ربنا عليها) وتصبر على كدة ......وبرضة مش عاجب
8-بيبقى ادمها نماذج سيئة جدا لازواج قرايب ليها بسبب مشاكل هايفة ولما تحاول تلفت نظرها انها احسن حال بكتير لو حصلت مشكلة .... برضة مش عاجب
10 -اى خطأ بتعملة تفضل شغالة انتقاض ليك ولو عملت زية بالظبط او اسوأ بيبقى عادى جدا.....وبرضة مش عاجب

اخيرا اسوأ احساس انك تحس ان مهما عملت مفيش فايدة فى التغيير

اصبت كبد الحقيقه وقلت اللي مش قادر اقوله
مش عارف دي بقي صفه في المتدينات الجداد اللي ملقوش اللي يعلمهم دينهم كويس ولا ايه بالظبط

عارف يعني ايه تقول لمراتك انك مش هتشوفي الجنه الا برضايا وبرده عادي
عارف يعني ايه تبقي مراتك نايمه وانت غضبان عليها وعارفه ان طول ماهي نايمه الملايكه بتلعن فيها وبرده عادي
عارف يعني ايه تعرف مراتك ازاي تقولك كلمه حلوه وبرده متقولهاش وبرده عادي
عارف يعني ايه تبقي مخنوق ومضايق وتبقي عادي ولما حد من اهلها يبقي رايح مشوار بس ولا عنده صداع تلاقيها متنكده طول النهار والليل وتعيط وبرده عاااااااااااااادي

حرااااااااااااااااااااااا اااام
حد يعملنا مدرسة تاهيل ستات البيوت الي زوجات

المشاركة الأصلية كتبت بواسطة shaddadfalcon1

اصبت كبد الحقيقه وقلت اللي مش قادر اقوله
مش عارف دي بقي صفه في المتدينات الجداد اللي ملقوش اللي يعلمهم دينهم كويس ولا ايه بالظبط

عارف يعني ايه تقول لمراتك انك مش هتشوفي الجنه الا برضايا وبرده عادي
عارف يعني ايه تبقي مراتك نايمه وانت غضبان عليها وعارفه ان طول ماهي نايمه الملايكه بتلعن فيها وبرده عادي
عارف يعني ايه تعرف مراتك ازاي تقولك كلمه حلوه وبرده متقولهاش وبرده عادي
عارف يعني ايه تبقي مخنوق ومضايق وتبقي عادي ولما حد من اهلها يبقي رايح مشوار بس ولا عنده صداع تلاقيها متنكده طول النهار والليل وتعيط وبرده عاااااااااااااادي

حرااااااااااااااااااااااا اااام
حد يعملنا مدرسة تاهيل ستات البيوت الي زوجات

اعوذ بالله !!!

هتبقي غلطه عمري لو اتجوزت
على الوضع اللي موجود في البلد دلوقتي بنات دماغها راكبه شمال
لو الواحد يلاقي حاجه كدا من بتوع زمان زي امهاتنا كدا يااااااااااااااه كنت اتجوزت وانا عندي 18 سنه

من اللي الواحد قراه هنا و اللي بيسمعه واضح ان الجواز ما هو الا عن 5% سعاده و الباقي قرف