رجااااءساعدوني انا خلاص اتخنقت ومش عارف اختار ..

**ravenous258** · 10-09-2011 12:51 PM

بسم الله الرحمن الرحيم
السلام عليكم
اخواني الكرام
بعد حيره استمرت شهر بعد ما بعت سيارتي كيا سيراتوا بسبب عيوب مصنعيه فيها هيا كانت كيا سيراتو خليجي 2011 بعتها وخسرت فيها كتير بس لما حسيت اني هشوف الموت بعيني بسبب موقف عملته معايه على الطريق المهم الحمد لله وجت خير
انا بقالي شهر عايز اجيب عربيه ومش عارف اجيب ايه بس عايز اجيب حاجه عاليه ومش عايز اي سيدان لاني كرهته
شوفت الكرينز وسمعت فيه عيوب كتيره وانه نفس عفشه السيراتو وشوفت التيريوس وناس تقولي بتقلب وشوفت عربيه عجبتني جدا وكنت هشتريها وهي نيسان قاشقاي بس اصحابي قالولي عربيه تحفه بس ملهاش سوق لو حبيت تبيعها وهتخسر فيها كتير
في نهايه المطاف انا جيت هنا واتمنى بجد تنصحوني اشتري ايه ومن واقع تجربتكم اتمنى تنصحوني والسعر ميكونش يتعدى ال 150 وانا مش بحب العربيه تكون عفشتها ناشفه وعايزها مريحه في السفر و واسعه

تحياتي لكل القائمين على المنتدى الاكثر من رائع والاعضاء الكرام

**M.Alaa92** · 10-09-2011 02:05 PM

بص ف الرينج ده لو جديد و عالى يبقى الكارينز و القشقاى هى عربية تحفة بكل المقايس
لو سيدان يبقى عندك فلوانس

او تدفع 150 مقدم و تقسط فانتازيا اوتو اول فئة ع سنة مثلا و دى انسى بقى لا سيراتو ولا اى دبان ازرق

و فى الشارك

**cameeron** · 10-09-2011 02:36 PM

بص من كل الزوايا مازدا 3 تكسب عربية روعة بكل المقاييس و عليها عرض دلوقتى ب130 الف و مميزاتها كتيرة جدا
1-المحرك 1600 و بياخد بنزين تسعين دى مش موجودة لاى عربية حديثة دلوقتى
2-التعليق ناعم و رائع
3-مشاكلها قليلة جدا جدا
4-حجمها الداخلى معقول
5-فيها كل الكماليات المطلوبة
6-يابانى مية بالمية
7-الوانها كتيرة و روعة

**SonaSteel** · 10-09-2011 02:54 PM

القشقاي محترمة وتقفيل عالي وعفشتها محترمة ....... واكيد ملهاش سوق دلوقتي علشان لسه بتتوزع الي الناس اللي حاجزة ... لسه قدامها فترة بس هي مانيوال ... واخر السنه هاتنزل الاوتو وهاتنزل الجوك ان شاء الله
وممكن تشوف السبورتاج ...... وهات الو فئة 160 الف
وممكن تشوف الداستر ... بس انا مش بحبها مع انها عفية جدا بس من جوه لوجان بالظبط.

**Hossam_Zaky** · 11-09-2011 03:41 AM

مازدا 3 عربية رائعة عن تجربة موديل 2008 و في حدود السعر وكل الأمكانيات و ياباني مافيهاش مشاكل ولا عيوب و الخليجي بتاعها كان هوه بس اللي في السوق و مسمعناش عن عيوب تصنيع بس الصالون ضيق شوية بالخلف مقارنة بعربيات تانية ( أسأل أي حد معاه مازدا بيتضايق لما يركب عربية تانية )

نيسان قشقاي رائعة و عفشتها ممتازة مقصات امامي و خلفي بس مانيوال مافيش منها أوتوماتيك و لسة جديدة في السوق من شهرين تقريبا تمنها 160 ألف و صناعة أنجلترا ده لو عاوز تركب مانيوال و توكيل نيسان ممتاز

كيا كارينز واسعة جدا و مسمعتش منها شكاوي و كمان عفشتها مش سيراتو لأنها مقصات أمامي و خلفي و مريحة في المطبات و اللي معاه بيشكر فيها جامد و كماليتها ممتازة ممكن ادائها ميكونش زي ما أنت متوقع لأنها عائلية أكتر منها رياضية

الرينو الفلوانس و الله أعلم هي البديل للميجان و صناعة تركي و علي الرغم من حجمها الرائع و كماليتها اللي بتضعها في فئة عربيات أفخم و أغلي إلا أني عن تجارب أصدقائي و معارفي مع مشاكل في الميجان السابقة بأفضل البعد عنها و ده رأيي الشخصي علي الرغم من أني شايفها أبتدت تنتشر

رأيي ياريتك تبعد عن الكيا و الكوري لتجربتك السابقة اللي أكيد حتأثر علي نفسيتك و حاول تخليك في العربيات الياباني لنفس السبب و كمان هات عربية تبع التوكيل و لها ضمان

**solid_khaled** · 11-09-2011 01:48 PM

مع احترامي لحضرتك إنت بعت السيراتو و و بتفكر تجيب إلنترا ؟ :d
ماهية نفس العفشة على ما سمعت و شفت بس الصراحة لسه مشفتهش فل مشي عملة ازاي
أخوك زميل بردو في لبست ال سيراتو جبتها سنة و سبع أشهر و طبعاً مات هنتش
بيها إلا أول شهرين تلاتة والحاجة جديدة بعد كدة عرفت انها سكوتر و طبعاً بعتها و خسرت 25 ألف الحمدلله
و مش عايز أقولك السيراتو
عملت فيا إيه خلتني مش طايق كل العربيات أنا بقالي 6

شهور منغير عربية ماشي بعربية لانوس بتاعت الوالدة معني معاية فلوس أجيب جتا أو سيفك زيرو بس قلت استنى كام
شهر ينزل الشكل الجديد من العربيات + البلد حالها يتصلح عشان حال البلد يخلي الواحد ميجبش عجلة حتة

انصح حضرتك بالمازدا 3 2011 بجد مع واحد صاحبي عربية عالمية تحكم كامل فالسيارة و عفشة مش ناشفة و مش طرية أوي برد بس حلوة جداً لا في تنطيط ولا سيراتو

تلاقيها عومت من أول زلطة

**ravenous258** · 12-09-2011 01:30 AM

المشاركة الأصلية كتبت بواسطة solid_khaled

مع احترامي لحضرتك إنت بعت السيراتو و و بتفكر تجيب إلنترا ؟ :d
ماهية نفس العفشة على ما سمعت و شفت بس الصراحة لسه مشفتهش فل مشي عملة ازاي
أخوك زميل بردو في لبست ال سيراتو جبتها سنة و سبع أشهر و طبعاً مات هنتش
بيها إلا أول شهرين تلاتة والحاجة جديدة بعد كدة عرفت انها سكوتر و طبعاً بعتها و خسرت 25 ألف الحمدلله
و مش عايز أقولك السيراتو
عملت فيا إيه خلتني مش طايق كل العربيات أنا بقالي 6

شهور منغير عربية ماشي بعربية لانوس بتاعت الوالدة معني معاية فلوس أجيب جتا أو سيفك زيرو بس قلت استنى كام
شهر ينزل الشكل الجديد من العربيات + البلد حالها يتصلح عشان حال البلد يخلي الواحد ميجبش عجلة حتة

انصح حضرتك بالمازدا 3 2011 بجد مع واحد صاحبي عربية عالمية تحكم كامل فالسيارة و عفشة مش ناشفة و مش طرية أوي برد بس حلوة جداً لا في تنطيط ولا سيراتو

تلاقيها عومت من أول زلطة

كلامك عين العقل والله انا نفسي اجيب اوكتافيا فانتازيا كامله بس خايف انا من المنصوره والبلد بتبقى زحمه وبشوف ناس بتتخبط كتير بقول لو جبتها وحصل معايه كدا هعمل ايه
انا بايع السيراتوا وفي اول رمضان لما كانت معايه واحد بتاع ربع نقل خبطني من جمب الباب مقولكش عملت فيه ايه ما بالك باوكتافيا
بس انا هروح اشوف المازدا 3 وان شاء الله تكون تمام واجيبها
وتسلم يا غالي على نصيحتك الطيبه

**hugan** · 12-09-2011 01:40 AM

الجراند تريوس
تحقق المطلوب علي الاخص الزحمه والتخبيط الموجوده في اشارع
وفي نفس الوقت عائليه لو مهتم بعددالركاب

الموضوع: رجااااءساعدوني انا خلاص اتخنقت ومش عارف اختار ..

LinkBack

أدوات الموضوع

عرض

-

-

-

-

المواضيع المتشابهه

دايو مجننانى خلاص اتخنقت

مشكله جديد اتخنقت خلاص

خلاص اتخنقت !

خلاص اتخنقت ومش عارف اعمل ايه ؟

خلاص اتخنقت

الكلمات الدلالية لهذا الموضوع

المفضلات

المفضلات

ضوابط المشاركة