الموضوع: حى على الاستثمار الحقيقى (دعوة للتفكير خارج الصندوق)

المشاركة الأصلية كتبت بواسطة abou_ruqi

انا بس كنت عاوز الاخ تامر يعدل الثلاثة اللي مش استثمار حقيقي ويخليهم المضاربة في البورصة / المضاربة على العملة / التسويق الشبكي او الهرمي
دول بيسموهم الاستثمار الوهمي لان مالهمش عائد اقتصادي حقيقي على المجتمع

انما العقارات استثمار حقيقي وربنا خلق الانسان علشان عمارة الارض وهو من وجهة نظر تانية هي صناعة لانك بتضع قيمة مضافة على الارض البور وتجعلها عقار
اما الاستيراد والتصدير فده تجارة وتسع اعشار الرزق في التجارة زي ما قال الحديث الشريف ومتنساش ان رسول الله كان تاجر وتقدر تقول انه وكل القريشيين بيستورد من اليمن ويصدر للشام والعكس

انا موافقك ميه فى الميه فى رايك لانه رايى صحيح جدا وربنا يفتح عليك

المشاركة الأصلية كتبت بواسطة a_taamer

الاخ ابو روقه تحيه طيبه
شاكر مشركتك بس انا مصر على انعقارات لا تمثل قيمة مضافه الى الاقتصاد وفى بحث وادله كثيرة على هذا الموضوع
ليس هذا مجال الكلام عنه
بخصوص االتجارة احبها جدا ولكن من جانب الاتصدير وليس الاستيراد الذى اصبح مهنة ما ليس له مهنة يروح الصين ويجب كونتر اى حاجة ويبيع وخلاص

الاخ ايجبشن درايف كلامك منطقى جدا بس لاتنسى ان الازمات تصنع المليونيرات

باقى الاخوة شكرا للحماس بس مفيش مشاركات كتير ليه

بالنسبه لتقييم حضرتك لاختيارات ابو رقيه فانا شايف انها خاطئه مع احترامى لحضرتك

اول حاجه بالنسبه للعقارات فديه ناس كتير شغاله فيها وبتعمل بيزنس كويس اوى
الاستيراد والتصدير مفيش حاجه اسمها مهنه لمن ليس له مهنه لان هو فى الاساس ادام الناس راجل له مهنه وبيبع وبيتاجر وبيقدر يحصل على الىل يعيشه ومبيشتغلش عند حد فاكيد احنا نظرتنا المجتمعيه دايما بنقيم الناس انه ملوش مهنه وللاسف هما دول الى معاهم فلوس هنا فى مصر واحنا نايمين فى العسل

بالنسبه للاستصلاح الزراعى فانت بتتكلم فى استثمار ضخم جدا وفيه حيتان فى السوق شغالين فيه هيتعبوك جدا والموضوع اتوقع انه مش سهل زى مانت متخيل

شوفلك تجاره بسيطه تكبرها وتكون بتفهم فيها وماشيه فى البلد ويسلام لو فكرت فى حاجه جديده افضل من حاجه معروفه وليها منافسين كتير

ده رايى المتواضع واتمنى تتقبله بصدر رحب

اشكرك اخي الحبيب شوقي
لكن يبدو ان الاخ الكريم توجهه صناعي وده كلام كويس

موضوع الصناعة بتواجهه مشكلة رهيبة في مصر و في العالم كله ، اسمها الصين
تقدر على الصين هو ده السؤال

في الحقيقة تقدر على الصين بس عاوزة شوية ذكاء ودراسة عميقة للموضوع ، والصناعة عاوزة شوية عناصر

اولا السوق ، فين السوق اللي محتاج صناعتك ، والاهم هو عاوزها بكام ؟
لو عرفت تعمل حاجة الناس عاوزاها وبسعر منافس للي موجود منها ، توكل على الله

في صناعات الصين مغزتناش بيها ومش حتعرف وهي المواد الغذائية
انا معرفش اكل في مصر صيني غير التفاح والمشروم ! يا ريت.اللي يعرف حاجة تانية يقولنا

في مجالات تانية ولا تفكر تدخلها وهي الالكترونيات ، العالم كله رمى الموضوع ده على اسيا ، زلو كان فيها امل كانت فيليبس فضلت هولاندي

يعني انا بحاول اعمل brainstorming معاك علشان نوصل لحلول

هات اللي في دماغك بقه علشان نمشي على نفس التراك

المشاركة الأصلية كتبت بواسطة eng/muhamad

اهلااااااااااااااااااااا
انا نفسى او فى مشروع و بما ان ابو رقيه هنا فانا هقول اللى نفسى فيه
انا نفسى اعمل مشروع مش موجود فى مصر زى ما صاحب الموضوع بيقول توشيبا العربى اول ما اشتغل مكنش فى مصانع تقريبا فى مصر
فانا نفسى اعمل مشروع اكون اول واحد فى المجال اللى هعمله عشان ده بيساعد كتيييييييير ان الواحد يفضل له سمعه طول الوقت زى مثلا طارق نور اول واحد دخل فكر الاعلان فى مصر
انا بقول امثال مش اكتر الفكره بقى ان انا مش لاقى حاجه تكون موجوده بره مثلا و مش موجوده فى مصر عشان اعملها
فانا نفسى ابو رقيه يقول لنا ايه اللى شافه فى ماليزيا و مش موجود فى مصر ممكن يتنفذ فى مصر و يكون مشروع ناجح؟

اهلا بيك يا باشمهندس

اللي في ماليزيا مش موجود في مصر كتير ، وده تفكير جميل بس في تفكير احسن

انت ليه تاخد فكر غيرك وتعيده في مصر ؟ طيب ما اللي عمله في ماليزية او اللي صدره لماليزيا في يوم من الايام حيجيبه مصر

ما تفكر زي ما هما فكروا اول مرة ؟
ما تعمل حاجة تصدرها لماليزيا او للعالم ، ما بيعملهاش غيرك

مجنون انا صح ؟ ايه الهبل اللي بقوله ده ؟ مستحيل طبعا !

بس ايه رايك انه سهل ومش مستحيل ولو فكرنا بالطريقة دي حنقلب مصر دي حاجة تانية خالص

المشاركة الأصلية كتبت بواسطة eng/muhamad

كلام كويس جدا و انا فعلا شغال على ده بحاول افكر فى حاجه جديده مش موجوده اكون انا اول واحد يعملها بس لو مقدرتش اوصل يكون البديل ان انا اشوف حاجه موجوده بره و مش موجوده هنا و اكون اول واحد يعملها فى مصر
فياريت حضرتك تقترح عالينا اى مشاريع حضرتك شوفتها فى ماليزيا و تنفع ( و حط تحتها مليون خط ) فى مصر

طب واذا كانت الافكار الجديدة تحت ايديك وانت مش شايفها ، تعمل ايه للي يدلك عليها ؟