حى على الاستثمار الحقيقى (دعوة للتفكير خارج الصندوق)

**mfarag** · 13-09-2011 01:30 PM

المشاركة الأصلية كتبت بواسطة abou_ruqi

مداه اللي حيغظني ايه مصلحة المخترع في كده؟ انا لو مخترع حاخد العربية واروخ ايلات وسجل اختراعي في اسرائيل على الاقل حينشروه ومش حيمنعوا رزقي

كلمة السر : الفساد و البروقراطية

انا شايف انا لو اى حكومة مصرية قضت عليهم بس بدون اى مجهود اخر مصر هتتنقل نقلة نوعية

كم الناس اللى عندة استعداد و فلوس تعمل مشروع صغير بس طبعا مستحيل لانة هيدخل الدائرة الجهنمية من الاتاوات و الرشاوى ( تراخيص - حى - دفاع مدنى - ضرايب ......)

كم الناس اللى بتحلم بمزرعة صغيرة و خصوصا ان 96 % من ارضنا فاضية بس طبعا مافيا الاراضى ووزارة الزراعة و .........

كم المستثمرين العرب و الاجانب اللى ممكن يجيوا لو فية دولة قانون بس الشاى بالياسمين

**abou_ruqi** · 13-09-2011 02:00 PM

انا الظاهر جبت احباط للناس !
يا جماعة نفس البلد المحبطة دي الناس طلعت منها فلوس واستثمارات ، والنجاح بيجي من مجرد فكرة حلوة ، يالا فكروا مع بعض وانا معاكوا

**MaZaGAngeE** · 13-09-2011 02:58 PM

موضوع رائع .... خد عندك مجموعة أفكار و لو مهتم بحاجة منهم نناقشها بتفصيلاتها مع بعض

خط انتاج موتوسيكلات و فزبة صيني ( المساحة المطلوبة 5000 متر , الخط ب 33000 دولار , انشاءات 600 ألف تقريبا , الانتاجية 100 ألف قطعة سنويا )

مصنع مقطورات جرارات زراعية و محاريث و ماكينات حصد ( التكلفة الاجمالية 200 ألف للمعدات و الانتاجية 24 مقطورة شهريا)

خط انتاج مسمار خشابي و سلك رباط ( المعدات تكلفتها 200 ألف , الانتاجية 100 طن شهريا تقريبا , تكلفة الانشاءات 150 ألف )

خط انتاج طوب طفلي ( الطوب الأحمر بتاع المباني )

و فيه افكار تانية كتير بس مش في بالي حاليا , اللي هيجي في بالي هضيفه

http://www.nilemotors.net/Nile/189935-a.html
http://www.nilemotors.net/Nile/195317-a.html

**MaZaGAngeE** · 13-09-2011 03:02 PM

المشاركة الأصلية كتبت بواسطة abou_ruqi

انا الظاهر جبت احباط للناس !
يا جماعة نفس البلد المحبطة دي الناس طلعت منها فلوس واستثمارات ، والنجاح بيجي من مجرد فكرة حلوة ، يالا فكروا مع بعض وانا معاكوا

و الله عندك حق
المشكلة اننا بنزهق بسرعة و بالنا قصير و الصناعة محتاجة بال طويل جدا