الموضوع: الي مدخلش كيونت .. مدخلش دنيا

المشاركة الأصلية كتبت بواسطة a_h_m_a_d

كنت مرة زمان فكرت أدخل في حوار زي كده , شركة صيني بتبيع جهاز مساج بيعالج أمراض الدنيا و تمنه 1000 جنيه , وفي الأخر هربوا بره البلد و كل الناس خسرت فلوسها

تحب اصدمك وااقلك بيتباعو بكام جمله واتعرضو عليا بعد الشركه ماهربت من مصر ب 50 جندى لو زبون و لو شكه هتاخدهم السعر هيختلف يعنى كانو بينصبو فى بتاع 980 جنيه

المشاركة الأصلية كتبت بواسطة Bonanza

يااااااااااااه

الموضوع ده من زمان اوي و انا بسمع عنة

كان من سنة 2000 تقريبا في شركة اسمها بيزناس و فاتحة مكتب في اركاديا
و كان ليا واحد صاحبي عمال يقنعني اني اشترك معاهم
ساعتها كانوا بيبيعوا فصوص الماظ باين
اقل اشتراك كان تقريبا 900 جنيه
طبعا كان مبلغ هلامي بالنسبالي في الوقت ده
كنت في اولي جامعة و باخد مصروف من ابويا 80 جنيه في الاسبوع
يعني 900 جنيه دول يقضوني مصاريف لحد ما اتخرج و اتجوز بيهم كمان

نصب في نصب اساسا
و عمري ما شوفت او سمعت عن حد كسب من وراهم
كل اللي بيحاولو يقنعوك تلاقيهم بيشاورولك علي واحد ماشي هناك و يقولك اهو ده معاه عربية مرسيدس و كان من سنه واحدة جزمتة مقطعة
اي كلام في رغيف

المهم يا ريس سيبك انت

اسلوبك في الكتابة ظريف جدا

كل واحد في الجامعة لازم يقع في الفخ ده ، مع أحلام الربح والثراء السريع

وشهادتك دي يا باشا أعتز بيها .. تسلم

المشاركة الأصلية كتبت بواسطة khaledgub

اللي بيدخل فيها بيكون خسر فلوسه وهو عارف كدة لكن بيحاول يحسن صورة الشركة ادام "اصحابه" عشان يعوض خسرته وفي الاخر مش هيعوض خسرته المادية وكمان هيخسر اصحابه

بس الشركة دي يا باشا فيه ناس بقت أثرياء منها ثراء فاحش
والناس الي تحتهم بيبصلهم نظرة قد تصل إلى التقديس
الحمد لله الذي عافانا

المشاركة الأصلية كتبت بواسطة a_h_m_a_d

كنت مرة زمان فكرت أدخل في حوار زي كده , شركة صيني بتبيع جهاز مساج بيعالج أمراض الدنيا و تمنه 1000 جنيه , وفي الأخر هربوا بره البلد و كل الناس خسرت فلوسها

ما كل الي ورا الشركات دي نصابين وتجار مخدرات وسلاح وغسيل أموال
لو دورتوا في تاريخ ملّاك الشركة دي هتلاقوا عليهم قضايا بالعبيط

المشاركة الأصلية كتبت بواسطة ahmedsamir5edr

الحمد لله انك خرجت منهم و بعدت عن المكسب الحرام

يا رب لك الحمد كما ينبغي لجلال وجهك وعظيم سلطانك

الحمد لله معرفتش توقعنى فى الفخ ده معا انها البنت الى كانت ماليا عليا دنيتى

المشاركة الأصلية كتبت بواسطة حماده عزو

الحمد لله معرفتش توقعنى فى الفخ ده معا انها البنت الى كانت ماليا عليا دنيتى

انت كنت رقم 3 في القايمة
ربنا نجّاك بقى .. قوم صلي ركعتين شكر
واحشني جداً والله

المشاركة الأصلية كتبت بواسطة ashouhdy

اسمحولى اقول رأيى فى الموضوع دة

دايما اللى بيهاجم الشركة دى بيكون واحد مقدرش يتابع فيها ويجيب عملاء تحتة وهكذا

الأساس فى الشركة دى انك يكون ليك علاقات جامدة و معارف كتير ذو دخل اقتصادى و مادى مرتفع

وللامانة

الشركة مش نصب ولا الكلام الفاضى دة

بالعكس انا اعرف 3 من اول مادخلوا فيها من 3 سنين تقريبا لحد النهاردة وهم بياخدوا مرتب شهرى من الشركة و شيكات بمبالغ خرافية بجد وعمرها مانصبت عليهم ولا حاجة

الفكرة انك تكون متفرغ ليها تماما و عندك علاقات

غير كدة اللى يقولك نصب اعرف انة معرفش ... وهما منصبوش لأ هم من الأساس قايلين على المنتجات بتاعتهم وبالعكس صادقين جدا فى التعاملات المالية مع العملاء

أخيراً رأي مضاد .. أنا مستني رد حضرتك ده من أول الموضوع
هو كلام حضرتك ينطبق أكيد على ناس كتير
لكن أنا مش فخراً بنفسي أو حاجة
عندي قدرة عالية على الكلام والإقناع بفضل الله ، وده الي شجعني في البداية إني أدخل الموضوع ده
يعني أول واحد كلمته اقتنع 100 % وكان فعلاً هيبيع عربيته عشان يدخل وأنا الي منعته
وتاني Presentation ليا كانت جماعي ، وفيه 3 منها تقريباً عملوا Apply مع الـ Upline بتاعي عشان أنا قلت مش مكمل
يعني الموضوع بالنسبة لي مكنش عدم القدرة على الاستمرار
الموضوع بالنسبة لي حرام وحلال ، وكل علماء الدين والاقتصاد في كل البلدان العربية أفتوا بحرمانية التسويق الشبكي
وده سبب كافي جداً بالنسبة لي عشان مكملش
تقبل تحياتي واحترامي