الموضوع: الي مدخلش كيونت .. مدخلش دنيا

المشاركة الأصلية كتبت بواسطة yasserelsayad

انا الحمد لله مدخلتش qnet زى ما بقيت صحابى دخلوا .. مع انى روحت معاهم لواحد عملنا presentation بس انا مكنش فارق معايا الفلوس اللى بيقولها ولا الارقام وكنت بسمعه وبفهم هو بيقول ايه بس بالعقل مش من ناحية نفسك تحقق ايه او نفسك تشترى ايه اللى هى اول حاجة بيسألهالك دى.

وبعدين هى حرام لان انت بتدخل وتدفع الـ 600 دولار مثلا مش عشان الـ product زى القلادة دى مثلا ولا بتاع السفر .. لكن عشان تاخد مكان فى الشجرة بتاعت الشركة .. انت مجرد بتاخد المنتج كدا شكليات يعنى مش اكتر لانه سعره الطبيعى لا يسوى المبلغ اللى بتدفعه طبعا.

وبعدين ما انا بعد لما بدخل بجيب ناس واقعد اقولهم على حلاوة الشركة والفلوس اللى بتيجى منها .. مع ان ممكن اكون مثلا مدخلتش حد تحتى لسه ولا شوفت فلوس ولا حاجة .. واقولهم شوية الكلام اللى انا سمعتهم فى التدريب عشان ادخلهم تحتى فى الشجرة و اخد عمولتى من الشركة .. بصراحة انا بسميها نصب عشان كدا انا بلبس الزبون لانه مش هيعرف الحقيقة الكاملة غير لما يدفع ويبقى راجل من رجالة الشركة وان هوا لازم يلبس ناس تانية زى ما اتعمل معاه عشان يكسب او على الاقل يسترد الفلوس اللى دفعها.

ربنا يوسع لك رزقك في الحلال يا رب
وهيا دي سياسة الشركة ، يا نعيش عيشة فل ، يا نموت إحنا الكل