الموضوع: استطلا ع هام ارجو التصويت عليه

المشاركة الأصلية كتبت بواسطة sa3dawy

واعتقد ان مفيش حد يقدر يشكك فى ان اليابان اقدم واعرق وخاصة تويوتا فى صناعة السيارات من هيونداى

يعني مش النقطة اللي بقت تفرق سنوات ضوئية ،، دي تاني شركة و دي خامس شركة ،،

هوا يمكن سرعة صعود هيونداي في عشر سنين بس هيا اللي مخليه الناس مش مستوعبه ،،

و حتي لو في فروق مش هتبان في فئة عربية السوبر ماركت زي الياريس ،،

بعد كده بقه في اللكزس و العربيات العالية ممكن يظهر فروق واضحة و قوية بين الشركات

أولا لصاحب الموضوع واضح انك مرتاح للياريس و هى الصراحة عربية جميلة جداااا شكلا و لو فيها abs-ebd-airbags و الالنترا اللى بنفس سعرها مفيهاش يبقى انصحك تشتريه فورا ( اولا تيوتا اجود و افضل مركة سيارات فى العالم) و كمان امكانيات مش موجودة فى الالنترا اللى بنفس السعر و توكيل يمكن يكون احسن شوية (بس بيقلب اكتر من غبور مش فى اسعار قطع الغيار لأ فى اسعار العربيات نفسها) و فى نفس الوقت حتضحى بحاجات زى ثبات (اسمع من واحد صاحبى ان الياريس فعلا مش ثابتة خالص على السرعات العالية و تحس انها هطير و الكلام دا مجربتوش بنفسى بس صاحبى اثق فى كلامه) و هتضحى بفرق القوة الرهيييب للالنترا و دا واضح زى الشمس مش محتاجة كلام فى السحب و على الطريق و هتضحى بفخامة و جمال الالنترا.
بصراحة انا بحب العربيتين دول جدا بس الفكرة ان دى فئة و دى فئة تانية خالللص , دى بتنافس الكورولا و اللانسر و ادى الدليل

http://autos.yahoo.com/newcars/compa...4&carid2=22841

http://autos.yahoo.com/newcars/compa...2&carid2=21654

شوف الاسعار كلهم نفس السعر ماعدا السيفيك.
نيجى بقا للفتى
اولا يا جماعة لازم نتفق على حاجة بعد كده بلاش التحيز و نقول كلام فارغ يخلىنا نفقد مصداقيتنا و بلاش ذكر امثلة من الفتى الكتييير اللى قريته فى الموضوع دا.
و دا تغليقى على الموضوع

و بعدين المعلومة اللى قالها احد الزملاء ان تسارع ياريس من 0 الى 100 بياخد 12 ثانية معلومة خطأ لأن تسارعها من 0 الى 100 بياخد 8.5 ثانية

أولا انا معرفش تسارع الياريس كام ثانية بس 8.5 ثانية دى محتاجة وقفة كبييييييييييييييييييييييي يييييييييييييييييييييييرة , حضرتك واخد بالك انك بتتكلم على عربية 1300cc حاجة و تمانين حصان , دا لو كان 10 ثوانى يبقى العربية طلللللققققة؟؟؟
8.5 ثانية دى فى عربية مرسيدس و لا بى ام انما عربية 1300cc؟؟؟؟؟؟؟؟؟؟
ارجوك اقرا كويس الرقم اللى حضرتك كتبته و فكر فيه كويس و راجع نفسك
عموما انا دورت على الياريس بره لقيت 2 موتور 1300cc عرفش انى واحد اللى بينزل مصر (لو كان واحد فيهم اساسا)
دا

VVT-i
Top Speed
105 mph (170 km/h)
Acceleration 0-62 mph (0-100kmh)
11 secs (11.5 secs)
Power
64 kW (64 kW)
Torque
89 lbft (121 Nm)

و دا

VVT-i
Variable Valve Timing intelligent. Maximises performance while minimising consumption and emissions.
Top Speed
105 mph (170 km/h)
Acceleration 0-62 mph (0-100kmh)
13 secs (13.1 secs)
Power
64 kW (64 kW)
Torque
89 lbft (121 Nm)

فياريت ملقيش حد كاتب 3 ثوانى ولا ثانيتين.

الثبات ________ انا جربت الياريس وثباتها بالنسبه للطرق فى مصر ممتاز

دا عكس اللى انا سمعته , سرعت حضرتك كانت كام؟؟

احصنه اليارس ياباني و متدربين كويس

حلوة جدااا , قعدت نص ساعة اضحك على الكلمة دى , دمك خفيف جدا.

بكميه مبيعات الياريس الي في السوق و محدوديات بيع العربيه الجين 2

لو بالمبيعات يبقى البوجاتى من اسوا العربيات اللى فى العالم دا غير الرولز رويز و المايباخ و الفرارى و اللمبورجينى.
اما فى مصر معنى كده ان ال s-500 من اسوا العربيات اللى فى السوق و احسنهم الفرنا.

الياريس باي الشكل من الاشكال لا تقارن بالانترا نهائي .. و الانترا تتفوق في كل حاجة

اكييييد يعنى دى حاجة مش عايزة كلام , انا مش مصدق ان فى ناس اساسا بتقول الياريس احسن , طب قول الياريس علشان استهلاك البنزين و لا الاوبشنز المهمة اللى فيها انما موتور 1300 تعبان بيتقارن بموتور 1600 هيونداى صرفت مئات الملايين من الدولارات فى تطويره (121 حصان قصاد 85 حصان دا كلااااام يا ناس) عيب و الله الكلام دا عيب اوى اوى اوى.
و لا حتى بالنسبة لوزن العربية لان موتور الساريس ضعيف جدا جدا جدا و موتور الالنترا قوى جدا و اكتر من مناسب لوزنها.

و هو انت بقارن الالنترا بالكورولا الماذدا 3 كمان ان قلتلك المره الي فاتت احسب الكلام قبل ما تقوله

معلش انت اللى احسب الكلام , ايوه تتقارن بيها و اقرا اللينك اللى انا حتيته فوق بنفسك و شوف انها بنفس تمنها بره , عايز دليل اكتر من كدا ايه؟؟
هى رخيصة فى مصر علشان مفيهاش امكانيات اساسا يعنى الاوتوماتيك اللى ب 104 لا جنوط و لا فرش جلد و لا تكييف تتش و انذار متركب فى مصر و لا cd (على ما اعتقد ) و لا abs و لا ebd و لا حتى airbags فاضل يقولك مفيش هيكل خد الكويتس حط عليه خشبة و زحلقها , انما لو نزلت بنفس الاوبشنز اللى فى اللانسر و لا التيوتا هتنزل بتمنها بالظبط و لا مليم اقل و شوف بنفسك بره , احنا بس علشان عندنا عقدة يابانى و كورى فالتوكيل مش بيجازف بالمبيعات.

cryptonx
سعر العربيه ايضا مبالغ فيه

احييك على كلامك كله معنديش اعتراض الا على النقطة دى , بالعكس السعر ممتاز و خصوصا بالنسبة لللانسر و الكورولا و المازدا 3 اللى هى منافستهم اساسا و شوف برده بنفسك اللينكين اللى فوق.

بص يا استاذ محمد بسيوني الموضوع ده الكلام كتر عليه و أصبح الرد مكرر كتيييييييييير جدا المهم هيونداي كشركة رفعوا عليها قضية في أمريكا علشان القصة دي
ألنترا بقى 102 -104 حصان بختلاف المصادر أما 121 ده عند أكبر عزم للمحرك خارج العربية (يعني نصب ×نصب)

الكلام دا غلط خالص و موضوع القضية دا موضوع قديم جدا جدا و فعلا هيونداى كانت بتبالغ فى قوة المحركات بتاعتها و الحكومة الكورية قفشتها فهيونداى عرضت تعويضات و اعترفت بغلطها و اترفع عليها قضية فى امريكا و القضية اتحلت يالتراضى ولكن الكلام دا مش على الموتور ال121 حصان دا لسه مطورينه مبلهمش سنتين تلاتة.
و هيونداى عوضت كل اللى وقع عليهم ضرر.

انا بقولك 1300 سي سي بالنسبة لياريس افضل من 1600 سي سي بالنسبة لالنترا

لا تعليق

محركات تويوتا اقوى بكتير من محركات هيونداى يعنى ال 1300 سي سي فى تويوتا يعادل ال 1600 هو ال 2000 سي سي فى هيونداى بدون مبالغة

حضرتك كتبت بدون بدل متكتب قمة يعنى قمة المبالغة مش بدون مبالغة.
لا تعليق برده.

hero

تحية على ردك الاول

في ناس باعت الالنترا علي الزيرو او كسر زيروا....واشتروا ياريس ...بعد ما عانوة من اعطال او قلة جودة لا تليق بسيارة يتعدي سعرها الـ 100 الف جنية ...والمعاناة مع توكيل لا يهتم بخدمات ما بعد البيع

عربيات كتير اوى من مركات مختلفة ناس باعتها زيرو او كسر زيرو الصراحة انا نفسى اعرف فى عيوب ظهرت فى الالنترا و لا لأ بس موضوع البيع زيرو دا فى عربيات كتير.
التوكيل مش معاناة يعنى وحش شوية بس معاناة كلمة كبيرة اوى اوى(دا رايى الشصى و الله اعلم تجارب الناس التانيين).

انا افضل 1300 خصوصا فى ظروف البلد الجديده وفرض الاتواااااات على جميع فئات الشعب
وارتفاع سعر البنزين ما تنساش تحط ااااااستهلاك البنزين هتلاقى طبعا الياريس

من الناحية دى ممكن بس صدقنى ال1300 متعب اوى اوى فى عربية اوتوماتيك .

المحرك __________ الياريس

لا تعليق.

و تحية كبيرة للمهندس احمد انور و تحية كبيرة اوى اوى اوى للاخ توت بسبب صبره الشديد جدا و ردوده الجميلة.
حاجة اخيرة اللى بيقول ان الواحد مش محتاج 1600cc فى مصر احب ااكد حاجة الناس اللى بتقول كدا مساقتش 1600 قبل كدا و انا بأكد الكلاام دا لان انا شايف ان اقل من 1600 بيبقى صعب اوى اوى (بتكلم عن العربيات الاوتوماتيك مش المانيوال الله اعلم فى المانيوال) و كان عندا لانسر 1300 اوتوماتيك مميييييتة!!!!!!
الللى عايز يناقشنى فى اى نقطة يتفضل

المشاركة الأصلية كتبت بواسطة دموع الثلج

حضرتك متنرفز وبتخبط فى دماغك ليه موتور الياريس احسن من الالنترا يعنى كفاءه الموتور العمريه فى الياريس افضل بكثير من الالنترا سعادتك مش قصه يابانى ولا فلبينى اضافه الى اننا عمرنا ما سمعنا عن اى مشكله او عيب فى موتور عربيه تويوتا لكن سمعنا العجب العجاب فى عربيات غبور
وبعدين لو تقصد يابانى وكورى ايوه موتور الياريس افضل من موتور اى عربيه فى فئه ال 1300 سى سى وخصوصا فى الهيونداى

انما ازاى هقارن 1300 ب 1600 سى سى من ناحيه المحرك اكيد المقارنه لصالح ال 1600 لان قوه الموتور اعلى

اى واحد بيسأل عن الاحسن فى الموتورين هيكون علشان القدره الحصانيه
انما نقول ده احسن علشان مشاكله اقل من التانى الاقوى !!!
كلامك بالظبط زى اللى بيقول انا عايز اشترى تليفيزيون وحدودى كذا
واحد يقوله اشترى السونى مثلا احسن من ال LG
رغم ان ال سونى 14 بوصه وال ال جى 21 علشان نفس السعر
او عايز يشترى عربيه SUV مثلا زى ال سانتا فيه تقول له لا جيب افضل لك جولف علشان هى احسن
احسن فى ايه مش ده الكلام اللى يتقال برضه
واتمنى ان الناس عموما تبطل تشتغل بمبدا "بيب بيب الحاجه بتاعتى"
على اساس ان احسن ماركه فى الدنيا اللى معايا
واحسن حاجه هو كذا بغض النظر عن الكذا دى فى كل حاجه كويسه ولا لأ!!!
والموضوع ده معمول مخصوص علشان الاجابات اللى زى بتاعة حضرتك
http://www.nilemotors.net/Nile/showthread.php?t=24802

النترا طبعا

ممكن اجي معاكم