استطلا ع هام ارجو التصويت عليه

**محمدايهاب** · 16-05-2008 01:37 AM

المشاركة الأصلية كتبت بواسطة amr bahaa el din

تغور أى عربية فمصر واى توكيل زبالة و توكيل تويوتا كدبة كبيرة أنا معايا تويوتا ياريس وعملت حادثة من شهر ومتعدب ورا قطعة الغيار بقالى 3 أسابيع ومعاملة زبللة وقرف هات خليجى وريح دماغك

أنا شامم ريحة مركز تويوتا العبور صح؟؟؟

**sa3dawy** · 16-05-2008 01:42 AM

المشاركة الأصلية كتبت بواسطة sharky

قوة المحرك ---------------------- الإلنترا أقوى
عمر المحرك ---------------------- الياريس أطول عمرا
الشركه المصنعه ------------------- ياريس
النعـــــــــومه --------------------- ياريس
الفخامه ------------------------- النترا
الامكانيات ----------------------- الياريس
الشكـــل ------------------------- دى وجهات نظر لكن رأى الياريس
الثبات -------------------------- الإلنترا
التوكيل ------------------------- ياريس
قطع الغيار ----------------------- ياريس أرخص
الأعطال ------------------------- ياريس أقل
إستهلاك البنزين ------------------- ياريس أقل
الإتساع الداخلى -------------------- الإلنترا
الأمان -------------------------- ياريس
قوة الصاج ----------------------- متساوية فى الإتنين
قوة الدهان ----------------------- متساويه فى الإتنين

إجمالى نقاط الياريس 10 نقاط
إجمالى نقاط الإلنترا 4 نقاط

جبت من الاخر

**محمدايهاب** · 16-05-2008 02:11 AM

بسم الله الموضوع ده في تحيز واضح من ملاك العربيتين و العضو الرائع توت عنغ أمون (طبعا ضد الياباني كما عودنا)
بداية كده الإلنترا طبعا أعلى من اليارس
في كلام غلط كتيير في الموضوع
أولا :الإلنترا والله مش 121 حصان ليه!!!ده كذب و اتكلمنا فيه كتيير الإلنترا 102 -104 حصان مع اختلاف المصادر طبعا الفرق 18 حصان دول يخلي العربية تنزل جامد
ثانيا :اليارس مش بالمبالغة إلي بيتقال عليها في موضوع الثبات و أنا شخصيا زهقت من الكلام في الموضوع ده و ياريت كفاية فتي و مايبتكلمش عن الثبات إلا أصحاب العربية أو إلي ساقوقها أكتر من 50 كيلو على الأقل
ثالثا:إزاي يعني كماليات اليارس أعلى يا شركي هو اليارس فيها مكيف تاتش مثلا طبعا الإمكانيات متقاربة لكن لصالح الإلنترا
رابعا:مين دخل الجين تو معلش العربية دي أقل من الإثنين بكتيير الحكاية مش ب112 حصان أو حتى ثبات(ياريت محدش يرد على النقطة دي لإن الموضوع موضوع يارس و إلنترا بس أنا مع توت عنخ أمون إش دخل الجين تو)
خامسا:كربتون أنت قللت من اليارس إلي تعتبر من أكثر عربيات العالم تقييم إزاي يعني و لا الناس كلها غلط بس كلام جضرتك عن الأرقام صحيح 100%سواء يارس أو إلنترا
سادسا : الراجل بيسأل من دواعي الشورى صحيح أنا أنصحه باليارس علشان تويوتا و وكيل و عمر و شكل و بنزين و أهم من كده راحة بال بس ده لا يعني إن اليارس أفضل من الإلنترا طبعا الإلنترا أعلى دي في فئة الكورولا و لو الوكيل اتغير و استهلاكها للبنزين قل هقول لحضرتك أكيد الإلنترا

ياريـــــــــــــــــــــ ـــــــــــــــــــت يكون في حيادية و عدم مبالغة سواء في النقد أو المدح

**محمدايهاب** · 16-05-2008 02:11 AM

صح أكبر نكتة كانت إن اليارس أوسع من الإلنترا ازاي يعني!!!!!!!!!!!!!!!!!!!!!

**sa3dawy** · 16-05-2008 02:21 AM

المشاركة الأصلية كتبت بواسطة محمدايهاب

ثالثا:إزاي يعني كماليات اليارس أعلى يا شركي هو اليارس فيها مكيف تاتش مثلا طبعا الإمكانيات متقاربة لكن لصالح الإلنترا

احنا ياباشا مش بنتكلم على اعلى موديل فى الالنترا احنى بنتكلم على الفئة الى بنفس سعرالياريس

**محمدايهاب** · 16-05-2008 02:26 AM

المشاركة الأصلية كتبت بواسطة alivara

تقييمات ميه ميه يا جماعة بس انا حقول بعض الملاحظات :
1- انا مش هدفع اكتر من 100000 جنيه يعنى كده اقدر اجيب ياريس فول اوبشن
2- انا فاكر لما كنت بدرس رياضة 2 ان قوة الموتور بتتقاس بالقدرة بالحصان بالاضافة الى كتلة السيارة و كتلة الساريس اقل بكتير من كتلة النترا و قدرة النترا اكبر من ياريس يبقى كده فى تعادل نهائى فى القوة
3- محركات تويوتا اقوى بكتير من محركات هيونداى يعنى ال 1300 سي سي فى تويوتا يعادل ال 1600 هو ال 2000 سي سي فى هيونداى بدون مبالغة
4- شكل ياريس بالنسبة لى احسن بكتير من شكل النترا اضافة الى ان ياريس اعلى من النترا و حجمها الرأسي اكبر من النترا مما يجعلها اكثر فخامة(خصوصا انها تويوتا)
5- توكيل تويوتا افضل بكثيييييييييييييييييييييي ييييير من توكيل هيونداى .. انا ليا واحد صاحبى حجز هيونداى جيتس عند غبور و بعد ما كان هيستلمها فى يومين قالوله تعالى كمان شهر و لما راح استلم العربية و اكتشف بعد كده انها اتعرضت لحادثة اثناء نقلها و صلحوها فى غبور و ادولوه العربية على انها جديدة
6- استهلاك البنزين حيروح على الفاضى فى النترا لأن قوتها نفس قوة ياريس كما ذكرت يعنى ياريس السهل الممتنع اقل استهلاك للوقود و اكبر قوة للمحرك فى نفس الوقت
7- الياريس اوسع من النترا من الداخل و لكن النترا اوسع من ياريس فى الشنطة و اطول منها
8- كماليات ياريس افضل من كماليات ياريس (تخيلو شكل السبويلر و العتب و الكساحات فى الياريس و فى النترا)
9- اجراءات الامان فى ياريس افضل من النترا (مثل الموتور ايمبوليزر و ال Abs و ال Ebd )
10- بالنسبة لموضوع الدهان لا اعرف بس اظن ان النترا دهانها اقوى من ياريس
11- بالنسبة للثبات النترا احسن
12- بالنسبة للشباب ياريس اكثر ملاءمة
13- عدد افراد اسرتى 3 بالاضافى لى و لى ابن سوف ينهى الثانوية العامة بعد شهرين و ياريس هتكون ملائمة له اكثر من النترا
14- بالنسبة لشغلى فهو فى مدينة تبعد عن مدينتى حوالى 100 كم و انا اسافر فى الاسبوع مرتين و سوف يزداد استخدام السيارة مع دخول ابنى الجامعة اى ان موضوع البنزين هام جدا و ده يعطى الافضلية لياريس
بعد الملاحظات ديه اتمنى انى اكون افدتكم و سهلت على ناس الاختيار و انا منهم و اتمنى ان ربنا يوفقنى للاختيار الصحيح و اللى انا شايف انه 90% ياريس و 10% النترا

واضح إن حضرتك معجب بالعربية

**tutankhamoun** · 16-05-2008 07:22 AM

المشاركة الأصلية كتبت بواسطة محمدايهاب

بسم الله الموضوع ده في تحيز واضح من ملاك العربيتين و العضو الرائع توت عنغ أمون (طبعا ضد الياباني كما عودنا)
بداية كده الإلنترا طبعا أعلى من اليارس
في كلام غلط كتيير في الموضوع
أولا :الإلنترا والله مش 121 حصان ليه!!!ده كذب و اتكلمنا فيه كتيير الإلنترا 102 -104 حصان مع اختلاف المصادر طبعا الفرق 18 حصان دول يخلي العربية تنزل جامد
ثانيا :اليارس مش بالمبالغة إلي بيتقال عليها في موضوع الثبات و أنا شخصيا زهقت من الكلام في الموضوع ده و ياريت كفاية فتي و مايبتكلمش عن الثبات إلا أصحاب العربية أو إلي ساقوقها أكتر من 50 كيلو على الأقل
ثالثا:إزاي يعني كماليات اليارس أعلى يا شركي هو اليارس فيها مكيف تاتش مثلا طبعا الإمكانيات متقاربة لكن لصالح الإلنترا
رابعا:مين دخل الجين تو معلش العربية دي أقل من الإثنين بكتيير الحكاية مش ب112 حصان أو حتى ثبات(ياريت محدش يرد على النقطة دي لإن الموضوع موضوع يارس و إلنترا بس أنا مع توت عنخ أمون إش دخل الجين تو)
خامسا:كربتون أنت قللت من اليارس إلي تعتبر من أكثر عربيات العالم تقييم إزاي يعني و لا الناس كلها غلط بس كلام جضرتك عن الأرقام صحيح 100%سواء يارس أو إلنترا
سادسا : الراجل بيسأل من دواعي الشورى صحيح أنا أنصحه باليارس علشان تويوتا و وكيل و عمر و شكل و بنزين و أهم من كده راحة بال بس ده لا يعني إن اليارس أفضل من الإلنترا طبعا الإلنترا أعلى دي في فئة الكورولا و لو الوكيل اتغير و استهلاكها للبنزين قل هقول لحضرتك أكيد الإلنترا

ياريـــــــــــــــــــــ ـــــــــــــــــــت يكون في حيادية و عدم مبالغة سواء في النقد أو المدح

يا أستاذ محمد أيهاب .......... أهلا بيك
أولا أنا مش ضد الياباني و أدخل على قسم الياباني و شوف المواضيع اللي أنا فاتحها هناك عن مدى جودة الياباني و تميزه

و كل الحوار الدائر كان بخصوص حاجة واحدة بس
قوة موتورين
الأخوة بيقولوا إن موتور الياريس 1300 أبو 85 حصان أقوى من موتور الإلنترا أبو 120 حصان ( أو حتى 100 حصان )
و ده كل الموضوع
أنا لم أقلل من الياريس اطلاقا و نصحت صاحب الموضوع بها لو عايز يوفر بنزين و لو عايز توكيل كويس
غير كدا الإلنترا تكسب

و أدي كل الموضوع

إنما أنا بكره الياباني و الكلام ده .......... حضرتك غلطان
لأن أنا مش بكره الياباني بل بالعكس
بس المفروض تبقى كل حاجة واخده حقها في الكلاه
مش يقولي موتور 85 حصان أقوى من موتور 100 حصان علشان خاطر إن الأول مصنوع في اليابان ؟؟؟؟؟؟؟؟؟
و أنا مش هاتكلم عن الجين 2 خالص علشان أولا هي مكنتش في الموضوع ثانيا الناس بتزعل و دائما برضه تحط كلمة بلد المنشأ في الحسبان مع ان العربية تصميمها بالكامل و صناعتها بالتعاون مع شركة انجليزية

و علشان الناس تبقى عارف إن أنا مش من أعداء الياباني

اليابان من أحسن صناع السيارات في العالم و أكبرهم إنتاجا
بس

**دموع الثلج** · 16-05-2008 10:39 AM

المشاركة الأصلية كتبت بواسطة M_HaFeZ

ازاى يعنى المحرك الياريس احسن من الالنترا

حضرتك متنرفز وبتخبط فى دماغك ليه

موتور الياريس احسن من الالنترا يعنى كفاءه الموتور العمريه فى الياريس افضل بكثير من الالنترا سعادتك مش قصه يابانى ولا فلبينى اضافه الى اننا عمرنا ما سمعنا عن اى مشكله او عيب فى موتور عربيه تويوتا لكن سمعنا العجب العجاب فى عربيات غبور
وبعدين لو تقصد يابانى وكورى ايوه موتور الياريس افضل من موتور اى عربيه فى فئه ال 1300 سى سى وخصوصا فى الهيونداى

انما ازاى هقارن 1300 ب 1600 سى سى من ناحيه المحرك اكيد المقارنه لصالح ال 1600 لان قوه الموتور اعلى

**tutankhamoun** · 16-05-2008 10:57 AM

المشاركة الأصلية كتبت بواسطة دموع الثلج

حضرتك متنرفز وبتخبط فى دماغك ليه

موتور الياريس احسن من الالنترا يعنى كفاءه الموتور العمريه فى الياريس افضل بكثير من الالنترا سعادتك مش قصه يابانى ولا فلبينى اضافه الى اننا عمرنا ما سمعنا عن اى مشكله او عيب فى موتور عربيه تويوتا لكن سمعنا العجب العجاب فى عربيات غبور
وبعدين لو تقصد يابانى وكورى ايوه موتور الياريس افضل من موتور اى عربيه فى فئه ال 1300 سى سى وخصوصا فى الهيونداى

انما ازاى هقارن 1300 ب 1600 سى سى من ناحيه المحرك اكيد المقارنه لصالح ال 1600 لان قوه الموتور اعلى

دموع الثلج .......... اختنا الكريمة
محدش قلل من تويوتا و لا مواتيرها
و بعدين هيونداي ..... درجات
يعني الفيرنا حاجة و الإلنترا حاجة تانية خالص
الإلنترا واخدة جوايز كتير جدا في أمريكا وواخدة جوايز جودة كمان

و هيونداي دلوقتي عالميا لها شهرة كويسة
و عُمر ما موتور 1300 و 85 حصان ما هياكون أقوى من موتور 1600 121 حصان أو حتى 100 حصان و ده بيبان في تحميل العربية أكتر
الموتور ال 1600 أقوى و جره أحسن لسبب بسيط أنه أقوى
الفيرنا في هونداي حاجة ........ و الماتركس و الالنترا حاجة تانية خالص من ناحية الجودة و من ناحية الموتور اللي راكب فيها و فيه تحسن كبير للخامات الموجودة في موتور الإلنترا و موتور الماتركس

و على فكرة الياريس عربية حلوة و موتورها كويس قوي لفئتها و كويس على العربية علشان العربية خفيفة و ده شئ مميز داخل المدن
و بتفقد الميزة دي على الطرق السريعة حيث يقل ثبات العربية و ذلك لا تشعرين به إلا أذا جربتي حاجة أثبت منها على الطريق

إنما في المجمل العربية حلوة
بس هو ده مربط الفرس ....... و أرجعي بالتاريخ لورا
اليابان كانت سمعتها في مصر زيها زي الكوري بالظبط أيام الفيات و البيجو
و لو كنت سألتي أي واحد في الوقت ده أنا عايز أشتري عربية
كله يقولك
عندك 504 و عند و 131 و ريجاتا و 132 و 128 و 127 و 305 و 505

و الياباني الناس كانت بتقول عليه ورق و عربيات أي كلام إلى أن أثبت الياباني نفسه و طور نفسه أيضا إلى الأفضل إلى أن أصبحت اليابان واحدة من أكبر منتجي السيارات في العالم

بس متوصلش لدرجة أن حد يقول موتور 85 حصان أقوى من موتور 100 حصان
و محدش برضه سمع عن مشكلة في مواتير ماتركس أو النترا خالص
صح و لا أيه !!!

**دموع الثلج** · 16-05-2008 02:42 PM

يا استاذ تووووووووووت لا غبار علا كلامك طبعا والرد مش دفاع عن نوعيه او عن اليابانى
انا لما كنت فى مرحله الاختيار كنت بقارن بين الالنترا والجين تو وبعدها الياريس لانى عرفت الفروق بينهم

مخدتش الالنترا ليه ؟
لاسباب شخصيه حسيت ان حجم العربيه كبير وهيزهقنى فى الركنات يمكن الياريس البودى بتاعها اصغر فى الحجم
اختارت الياريس لانها مرتفعه عن الارض اكثر من الالنترا وطبعا ده للمطبات البلوريه اللى فى القاهره
اختارت الياريس عشان استهلاك البنزين اقل
اختارت الياريس لانها 1300 سى سى وده يكفى احتياجى انا مش بشد ولا بسافر يعنى مش عاوزه موتور اقوى من كده
واختارت الياريس بشهاده الكثير عن توكيل تويوتا انه افضل ملايين المرات من غبور
وانا عشان مش خبيره لا فى ميكانيكا ولا اعطال السيارات هدور على اللى يريح دماغى لو لا قدر الله ظهر لى عطل اختارت توكيل تويوتا لقله الشكاوى منه ومخدتش الجين تو ليه لانى مش بحب الهاتشباك ةالعربيه عجبتنى جدا لكن لا تناسبنى رغم انها ارخص من الياريس واخترت الياريس لان شكلها شبابى اكثر من الالنترا شكلها رجالى جدا او عائليه اكثر
وفيه اسباب كثير طبعا غير كده خلتنى اختار الياريس مش لعيب فى الالنترا لالالا لانها انسب لى مع العلم ان فرق السعر بين الياريس الفول اتوماتيك والالنترا شى بسيط جدا

والمفروض المقارنه تكون بين فئات متساويه مش 1300 وو1600

مشاهدة نتائج الإستطلاع: ما هى السيارة الأفضل ؟

الموضوع: استطلا ع هام ارجو التصويت عليه

LinkBack

أدوات الموضوع

عرض

-

-

-

-

-

-

المواضيع المتشابهه

ارجو المساعدة و التصويت لي في مسابقة برمجيات

لكل من تكالبت عليه الهموم وضاقت عليه الدنيا وغلب عليه التشاؤم

سؤال فني ارجو الاجابه عليه

الكلمات الدلالية لهذا الموضوع

المفضلات

المفضلات

ضوابط المشاركة