الموضوع: استطلا ع هام ارجو التصويت عليه

شكرا للتوضيح على فكرة االارقام اللى انا جايبها بالنسبة لابعاد الالنترا دى من ال user manual بتاعى (انا عندى النترا 2008) و بالنسبة للياريس الارقام دى للهاتش باك و من ال prochure بتاعها اللى اخذتة من التوكيل اثناء رحلة البحث عن سيارة

بيانات الالنترا اللى حضرتك جايبها دى غالبا لمودبل 2006 لان كلها متغيرة عن اللى عندى بيانات الالنترا 20007 كالاتى الموتور فثة جاما dohc cvvt وسعتة 1591 سى سى و نسبة الانضغاط 10.5 و العزم الاقصى 15.6 نيوتن متر عند 4200 دورة فى الدقيقة و القوة القصوى 121 كيلو وات عند 6200 دورة فى الدقيقة و ايضا الطول و العرض و المساحة الداخلية كلها مكتوبة فى user manual , prochure السيارة و ايضا على موقع هيونداى الامارات. كما تم ذكرها فى المشاركة السابقة اما( بيانات اليارس و هى للهاتش باك) فانا اسف لعدم توضيح ذلك سابقا

يابشمهنديس وليد عاوز اقولك ان العربيه الياريس بتاعتك جميله وكل حاجه وربنا يباركلك فيها واي واحد معاه عربيه بيحبها بيحس ان هيا الاحسن في كل حاجه بس نيجي للمهم....................
انت راجل مهندس ومع احترامي ليك كلامك ملوش علاقه باي حسابات هندسيه في مقارنتك ان الياريس موتورها اقوي واوسع من الالنترا بصراحه كلام فعلا ميدخلش العقل
مش معني ان الياريس سعرها متفارب من الالنترا يبقي الاتنين يتقارنو ببعض ومع ذلك انا لو وقف القرار لشراء عربيه من الاتنين بالنسبه ليا هقول الاتي....
*وسع العربيه من الداخل والشنطه بشكل كبير وملحوظ
*موتور ناعم وقوي 1600 سي سي قدرته 121 حصان يعني عاوز سحب وشد
*سياره شكلها الخارجي يوحي بالفخامه والكبر
*ثبات افضل وباور كهربائي ممتاز
بغض النظر عن.....
*وكيل سئ
*استهلاك بنزين اعلا
*سعر العربيه ايضا مبالغ فيه
*قطع غيار غاليه
يبقي اكيد هختار الالنترا

لكن .....
*لو عاوز اسم ياباني محترم
*وكيل افضل
*توفير في البنزين
*مكنه ناعمه وعفشه مريحه
*عزل كويس
*عربيه عاليه عن الارض
*عربيه معمره
بغض النظر عن.....
*الثبات مش حلو
*قطع غيار اغلي
*صاج ودهان ضعيف واكصدمات ضعيفه جدا بشهاده مالكيه
*شكل السياره الخارجي اللي بيوحي بصغر حجمها نظرا لصغر حجم الكبوت
*ابعادها صعبه شويه
*محتاجه لحرص شديد اثناء القياده
*العربيه لو لقدر الله عملت حادثه من الصعب رجوعها زي الاول بشهاده مالكيها
يبقي اكيد هختار الياريس

كدا اعتقد ممكن تكون المقارنه مقبوله
لكن مينفعش اقول ان الياريس عشان ياباني يبقي موتورها اقوي من الالنترا
لكن ممكن اقول ان الياريس عشان ياباني يبقي موتورها معمر عن الالنتراا

شكرا ياتوت باشا انت اخبارك ايه ياقائد واحشنا:)

الثبات مش حلو
*قطع غيار اغلي
*صاج ودهان ضعيف واكصدمات ضعيفه جدا بشهاده مالكيه
*شكل السياره الخارجي اللي بيوحي بصغر حجمها نظرا لصغر حجم الكبوت
*ابعادها صعبه شويه
*محتاجه لحرص شديد اثناء القياده
*العربيه لو لقدر الله عملت حادثه من الصعب رجوعها زي الاول بشهاده مالكيها

تعالي نمسك كلامك واحده واحده
ثبات مش حلو :
يا ريت تقولي عملت معاك ايه لو كنت سوقتها و وصلت بيها لسرعه كام؟؟؟

قطع غيار اغلي :
جبت منين حضرتك المقوله دي و ايه اللي خلاك تقول كده
يا تري سالت علي اي قطع غيار للاتنين و لقيت الياريس اغلي؟؟؟؟؟؟

صاج و دهان ضعيف و اكصداماتها ضعيفه جدا:
الاكصدامات انا معاك انها ضعيفه لكن يا تري انت جربت اكصدام الالنترا عامل ازاي ؟؟؟
و الصاج زيه زي اي عربيه حديثه
زمن ال 504 و ل 132 دا عدي خلاص و كل الجديد معظمه ضعيف
اما بالنسبه للدهان فياريت تقولي لو كنت لقيت عربيه ياريس مقشره او البويه فيها بقع او اي شئ من هذا القبيل يثبتلك انها ضعيفه!!!!!


*ابعادها صعبه شويه
*محتاجه لحرص شديد اثناء القياده
و الله لو واحد سواق كويس حيتعود علي ابعادها بسرعه و انا عن نفسي اول ما جبتها
بعادها كانت صعبه +رهبه اني راكب عربيه جديده اخدت في ايدي 3 ايام و بقيت بسوقها زيها زي السويفت و حفظتها بالمللي الحمد لله.
اما حكايه محتاجه لحرص ف انا مش فاهم منها حاجه الا لو كنت حضرتك بس بتعدد نقاط ضعف الياريس.
و برضه حرجع و اقولك اركب الاتنين و شوف الالنترا حتبقي حريص ولا لاء
دا انا بتكلم باعتبار انك سايق ياريس و معاك و ركبتها فوق ال 3 شهور علشان تطلع كل الملاحظات دي فيها و ان كان معظمها خطأ.


*العربيه لو لقدر الله عملت حادثه من الصعب رجوعها زي الاول بشهاده مالكيها:
يا تري مين من مالكيها قال كده.
ابن خالي معاه ياريس 2006 من اول دفعه نزلت
اتخبطط في الباب الامامي الايسر الاسبوع اللي فات
عربيه لانسر خارجه من اشاره غلط دخلت فيه
اللانسر اكصدامها و الردياتير بقي علي الارض
تعالي بقي عنده شوف ايه اللي حصل؟
الباب بتاعها اتدمر
ودينا العربيه لسمكري نضيف و قولنا له نغير الباب
قال لاء و سمكر الباب بنضافه و رشه و العربيه مش باين فيها حاجه نهائي
لا فروقات و لا الباب مزرجن و لا اي حاجه ......

استاذ حازم انا مبهجمش الياريس واعتقد اني قولت في كلامي في بعض العيوب انها ذكرت من مالكيها واللي هما بردو معانا في المنتدي اما موضوع الثبات ده مع احترامي الشديد ليك انا فعلا جربتها عن نفسي وبعد 130 بحس ان العربيه هتطلع جناح وتطير
بمعني ان في عربيات بتكون ماشي بيها بسرعه كبيره بس انت مش حاسس بالسرعه دي وبتكون مطمن وفي عربيات بتحسسك انك لو دوست علي طوبه ممكن تتقلب حتي لو مجرد احساس وده انا حساته لما عديت بيها 130 وبعدين العربيه دي فعلا في المقام الاول عربيه مدن مش عربيه جري وثبات علي طرق سريعه

سيدي الفاضل موضوع سئلت علي الاتنين دي اكيد انا مرحتش توكيلات الاتنين واو حتي محل قطع الغيار عشان اعرف من اغلي من مين بس معروف قطع غيار التويوتا غاليه
بالاضافه لاراء الزمله في المنتدي .............وبعدين انت لو لاحظت ان قولت علي غلاء قطع الغيار للعربيتين يعني مخصصتش غلاء قطع الغيار بالياريس بس
وذكرت ايضا ان العربيتين سعرهم غالي عليهم .
انا مقلتش من المستحيل رجوعها زي الاول انا قولت من الصعب ترجع زي الاول
بمعني ممكن تحتاج شغل اكتر يعني مصنعيه اكتر يعني فلوس اكتر

موضوع الحرص الشيديد اثناء القياده ده مش كلامي ده كلام ناس كتير اوي مالكين الياريس وده طبعا نسبي بيختلف من واحد لواحد تاني

لكن انا بردو بقول مقارنه الياريس بالالنترا مش عادل لاني فعلا دي فئه ودي فئه
واذا كان الكارت اللي معظم مالكي الياباني بيلعبو بيه وهو ان الياباني يدخل في اي مقارنه مع اي عربيه كوري مهما كانت فئتها وفاكرين انه هيكسب هيكسب بمجرد ذكر عربيه ياباني قصاد عربيه كوري ....الكلام ده كان زمان ...علي فكره عشان محدش يتهمني بكره الياباني او اني بهاجم الياريس بالعكس ان املك عربيه ياباني وبحي جدا الياريس واحترو جدا الصناعه الكوري اللي ثبت نفسه علي الساحه العالميه بجداره
اسف جدا لاطالتي عليكم ....