الموضوع: التنتيش من الكاربراتير و لا الاسبراتير ..

المشاركة الأصلية كتبت بواسطة smsm_cato

بصراحة انا مقرتش ردود الاخوة الاعضاء لان اصلا موضوعك طويل شوية بس اللى اقدر افيدك بيه التنتيش ده مشكلة كهرباء وليس لها علاقة بالكاربيتير اكيد الكوندنسر اللى ركبتة مش كويس بعد ما وصلة كهرباء اتحرق واتبرجلت العربية وهو كان بينزل من العربية يعلى الكهرباء شويه علشان يحاول يظبطها وشكله من الاساس كان صبى وفتح ورشة وملوش فيها انت تروح لواحد ميكانيكى بيفهم يغيرلك طقم الكهرباء ابلاتين وكوندنسر بس يكونوا اصلى والمشكله ان شاء الله تتحل تماما وده عن تجربة سابقة

شكرا للتواصل
ايوه الموضوع طويل شوية علشان انا حطيت كل التفاصيل المتوافرة
بس اللى مجننى العربية بعد ما مشيت من مطرح ما كانت عطلانة لغاية ورشة الراجل ده كانت ماشية اكس و 100 100 و مفيهاش اى مشكلة
هو كان فتح العمة و شغل العربية و حط ايدوه و عمل امباليه و شكرا
لما روحنا عالورشة و فتح الكاربيراتير نفسوه بدأت المشاكل على ما اعتقد
هو فعلا شكلوه مفكر كبير علشان قالى مفيش فلتر بنزين
و امبارح و انا قاعد بفكر قولت ازاى عربية مفيهاش فلتر بنزين
البنزين منيل بنيلة و لازم فلتر ينضفوه قبل ما يدخل على الماتور زي ما فى فلتر هوا علشان ينقى الهوا

عرفت انى وقعت مع واحد ميكانيكي مش عارف مع انوه مش صغير عندوه بتاع 28 سنة
المهم ربنا يسهل و ان شاء الله من غدا ابدأ فى صيانتها

شكرا للتواصل

أنا كمان أتعرضت لمشكلة التنتيش والفرقعه من الشكمان وخروج نار منه علي السرعات العاليه وبعد ماشيل رجلي من علي دواسة البنزين.........وغسلت الكاربيراتير وغيرت أبلاتين وكوندنسر وبوجيهات وأسلاك بوجيهات وظبط تاكيهات وبرضوا مافيش فايده
وطلع في الأخر مسمار نسبة الخليط اللي هوا مسمار الهوا في الكاربيراتير وطلع عندي الخليط كان غني جدا بالبنزين وبالتالي مش كل البنزين بيتحرق أحتراق كامل والزيادة كانت بتنزل تتحرق في الشكمان وتعمل فرقعه
وكمان الكوندنسرات اللي في السوق اللي هيا الفرنساوي وأسمها أوتو موتورز دي معظمها مضروب وزي الزفت
ورسيت علي أني ركبت أتنين كوندير قدام كانوا عندي عشان لو واحد قطه التاني يشيله
ومن ساعتها والعربيه بأت زي الفل وموفره جدا في البنزين