موضوع مخصص عن اعطال او الشكوى من اصوات فى السيراتو.و ان شاء الله اجبلكم حلها .

**syr_eyes** · 29-02-2012 11:36 AM

بارك الله فيك

**aaet1** · 02-03-2012 02:28 PM

صوتين مجننى
1- صوت زنة من ناحية الدرج الأمامى (درج القفازات) وبيحصل لو ماشى على أرض مش مستوية ولو حتى بنسبة بسيطة، لما بفتح الدرج وأسيبه مفتوح مش بسمع الزنة دى

2- صوت تزييق من الباب الأمامى الشمال ويمكن الباب اللى ورا مش قادر اقدر وبتحصل لما آجى ادوس فرامل، ولاحظت انى لما بضغط على بلاستيك الباب بيعمل صوت تزييق برضه

تحياتى

**temo85** · 02-03-2012 04:04 PM

شوف كلبسات اللى ماسكه الدرجه من الجنبين ممكن تكون هى اللى عامله الصوت ده و بالنسبه لصوت الياب بيبقى محتاج تشحيم المفصلات وده مكتوب فى الكتالوج بتاع العربيه

**aaet1** · 03-03-2012 01:02 AM

المشاركة الأصلية كتبت بواسطة temo85

شوف كلبسات اللى ماسكه الدرجه من الجنبين ممكن تكون هى اللى عامله الصوت ده و بالنسبه لصوت الياب بيبقى محتاج تشحيم المفصلات وده مكتوب فى الكتالوج بتاع العربيه

اصوات التزييق من البيبان بسمعها وانا ماشى مش مع فتح وقفل الباب، انا برضه لما بضغط على بلاستيك الباب او المسند بسمع نفس الصوت

**moha4tec** · 07-06-2012 11:54 AM

المشاركة الأصلية كتبت بواسطة aaet1

صوتين مجننى
1- صوت زنة من ناحية الدرج الأمامى (درج القفازات) وبيحصل لو ماشى على أرض مش مستوية ولو حتى بنسبة بسيطة، لما بفتح الدرج وأسيبه مفتوح مش بسمع الزنة دى

ده صوت بيجى من المساعد الامامى و حله فى الموضوع ده و سهل جدا جدا انت اكيد عربيتك 2010 مش كده .
http://www.nilemotors.net/Nile/257636-a.html

2- صوت تزييق من الباب الأمامى الشمال ويمكن الباب اللى ورا مش قادر اقدر وبتحصل لما آجى ادوس فرامل، ولاحظت انى لما بضغط على بلاستيك الباب بيعمل صوت تزييق برضه

غالبا ده من حزام الامان هتلاقيه بيخبط فى فى القايم من جوا فى البلاستيك و الله الموضوع ده حصلى و حليته انى اشتريت البتاعه اللى بتمسك الحزام و بتكون عمله زى الجراب كده .و دى هتمنع التوكه بتاعة الحزام انها تخبط فى بلاستيك القايم مع الفرامل او الحتت المكسره فى الطرق .
تحياتى

و الله اعلم

**temo85** · 09-07-2012 01:28 PM

ده مع تشغيل التكييف ولا من غير ؟ لو مع التكييف يبقى بلية الشداد و هى اصلا فيها عيب صناعه و لو من غير يبقى روح غير بوجيهات احيانا بتكون مرطبة و مش مظبوطة

**FAREED2012** · 10-07-2012 09:13 AM

ديه مع التكيف يا باشا و بردو لو قفلو بسمعاها تفتكر ليه لحسن انا زهقان من السياره بقالي شهر بس و عندك فكرة علي 120 في صوت حاجه بتزيق من القايم اليسار

**FAREED2012** · 10-07-2012 10:07 AM

انا عشمان في حيتان السيراتو يفسرو ليا ده و كمان هما في التوكيل بيبقي عارفين كل ده و لا لازم اتابع معاهم و اقلهم انا بلية الشداد يكشفوا عليها

**ahmad--ezzat** · 10-07-2012 10:35 AM

المشاركة الأصلية كتبت بواسطة fareed2012

انا السياره جديده موديل 2012 عامله 2000 كيلو لاحظت صوت كركبه في المتور بالذات و انا برود بنزين خصوصا من 40الي 60 حد يقدر
يفيدني

هل الصوت بيرووح بعد فتره ولا موجود دايما
لو بيحصل اثناء التبريد فقط يعني الصبح بدري اعتقد انه صوت تاكيهات عادي

واستني برده رد صاحب الموضوع

الموضوع: موضوع مخصص عن اعطال او الشكوى من اصوات فى السيراتو.و ان شاء الله اجبلكم حلها .

LinkBack

أدوات الموضوع

عرض

-

-

-

المواضيع المتشابهه

حل اصوات التزييق و اى صوت من داخل الكابينه فى السيراتو .

موضوع مخصص لمشاكل الكمبيوتر

موضوع مخصص عن النيو سيراتو

موضوع مخصص للهجوم على الميجان

الكلمات الدلالية لهذا الموضوع

المفضلات

المفضلات

ضوابط المشاركة