الموضوع: موضوع مخصص عن اعطال او الشكوى من اصوات فى السيراتو.و ان شاء الله اجبلكم حلها .

المشاركة الأصلية كتبت بواسطة moha4tec

<p></p>
<p>&nbsp;</p>
السلام عليكم
1- التسقيف

a-ممكن من بنزين مخلوط او وحش ,
b-او ممكن فلتر البنزين عاوز يتغير او الرشاشات عوزه تتنضف و الله اعلم .
c- بتبقى عاوزه ينزلها سوفت وير تحديث,و تربيط لبعض الاجزاء فى العازل.او تغيير انبوبه.
d-و ممكن حضرتك تشوف كده فى الكبوت العازل الالمونيا اللى عند الشكمان هتلاقيه سايب شويه و بيعمل صوت ,و كمان ترفع العربيه ممكن تلاقى العازل اللى تحت العربيه اللى فوق الشكمان عاوز يتربط او الشكمان نفسه محتاج يتربط,
e-و حضرتك جرب مره تروح تمون من بنزية اللى قدام مجلس الدوله و حط منظف دورة البنزين او الاوكتان ,فول التنك لحد ال 3 ارباع و حط الاوكتان و بعد كده كمل تفويل للاخر ,كده العبوه هتتخلط مع البنزين كله ,و جرب و شوف,
f-و التسقيف سعات بيبقى من البوجيهات لما تكون باظت ,ممكن تسقف او تنتش او غيرها من اعراض تلف البوجيهات.
g-و ممكن اسباب تانيه حد من اعضاء المنتدى يذكرها.

2-الصفاره الغلسه ممكن تكون من كذا حاجه:

a-,ممكن يكون عندك الزجاج مبيقفلش كويس و ده بسبب الكاوتش بتاع الباب او اى سبب مشابه,
b-و ممكن تكون الصفاره دى من جزء مكسور فى مرايه مثلا الفبر بتاعها .

3- الزنه اللى بتيجى من ناحية اليمين دى حلها

a- زى المشاركه اللى فاتت كده ,من خرطوم زيت الباور ستيرنج ,
b-او فى حاجه تانيه :ممكن تكون جايه من مكان الميك اللى فوق السواق
c- او من عند اللمض بتاعة الكابينه و زرار فتحة السقف ,بيبقوا عوزين يتفكوا و تحطلهم حتة كوتشه تحشرها بيها بس متكنش كبيره عشان تقفل كويس و ان شاء الله الصوت يروح.
d-و فى كمان زنه بتيجى من الكرسى اللى جنب السواق,بيبقى عاوز يتربط و يترش على الصواميل wh4d و انا متاكد من دى لانها حصلت معايا .(او ممكن تروح لاى سروجى و تقوله يربطلك الكراسى كويس,


4- فى سعات بتلاقى الباب بيزيق بعد فتره كده ,اثناء الفتح و الغلق:حلها هترش wh4d على مفصلات الابواب او شحم.

5- فتحة السقف هتلاقيها مره وحده بتعلق منك و مش راضيه تقفل اوتوماتيك مره وحده و عشان تقفل محتاج تسايسها وحده وحده و ده لما تكون فاتحها كلها لجوه و عاوز تقفلها لحد ما تقفلها:

a- بتاعها اللى غلبنى شهر كامل و افتكرت ان فتحة السقف باظت :الحل حصل بالصدفه .كنت بغسل العربيه فى البنزينه و كنت ناسى فتحت السقف مفتوحه و كنت بغسلها جوا ,العامل نضف الفتحه بالهواء المضغوط .,و المفاجاة انها بقت بتقفل عادى جدا ,
*و كان واحد كهربائى قالى انهاممكن تكون
a- متوسخه ,
b-او كلب اعد فوق العربيه بوظ فتحة السقف,
c-او فى مشكله فى العربيه و لازم تتشاف بالكمبيوتر فى التوكيل .و كلها بصراحه اسباب معقول لعطل فتحة السقف.
و من هنا نتعود اننا لما نغسل العربيه نحلى العامل ينفخ بالهواء المضغوط فتحة السقف لانها فعلا بتتنسى خالص فى وسط الغسيل و التراب فعلا بيعلقها لان السنسور بتاعها حساس اوى و من حوالى ملى او اتنين ملى تراب ممكن متقفلش خالص زى ما ذكرت,و كمان خلى العامل ينضفلك فلتر الهوا بتاع الموتور بالهواء المضغوط و ينضفلك الموتور بالهواء المضغوط ايضا و كمان ينضفلك التيل بالهوا و مسدس الميه ,لانه سعات الفرامل بتصفر من التراب و الاتساخات ,و كمان بتلاقى الفرامل مش تمام ,فبعد التنضيف بالهواء و مسدس الميه هتلاقى الاداء عموما اختلف .
و السلام ختام
و الله اعلم
ارجوا من كل من لديه علم ان يعدل على او يضيف حتى تعم الفائده على الجميع ,و ربنا يكرم و كل المشاكل تتحل ان شاء الله .

تشكر جدا علي ردك بس هقولك شرح اكتر في التسقيفه دي متبقاش موجوده غير عالاول وبالكتير التاني وعلي فكره شفتها في سيراتو كتير في مدينه السويس وقالو بنزين السويس كله مغشوش قمت رايح علي بنزينه وطنيه قولت اكيد الجيش مش هيغش وبرده التسقيفه موجوده وروحت التوكيل كتيرررررررررررررررررررررر ررررر اوي وكل مره ينضفو الحساسات والبخاخات ولا حياه لمن تنادي لغايه ماخدت بالي من حاجتين لما نضفولي الحساسات وادوهاني قولتلهم زي مهي مفيش نتيجه خدها مني المهندس وعمل كيك داون وهدي بيها وبعدين كيك داون تاني وهدي وتالت مره جيت انا ركبتها لقيتها اتعدلت والحاجه التانيه انا كنت بسخن العربيه حوالي 3 دقايق كده فلما قللت التسخين لدقيقه كده لقيت التسقيف قل برده بس انت حضرتك لو جيت السويس هتلاقي فيها عربيات كتير فيها حكايه التسقيفه دي مش عارف السبب وعلي فكره ادتها 95 ولا حياه لمن تنادي برده الي فيها فيها بالنسبه للصفاره الغلسه انا عربيتي زيرو مكملتش شهر ومفيش عندي مشكله ولا حاجه لحقت تتكسر وحتي التوكيل استغرب وقالي ده يمكن عشان ماشي في اتجاه هوا جامد بس اكتشفت ان دي جوه البلد برده

مساء الخير
انا عندي كيا سيراتو 2010 توكيل جنط 17 عند الضغط على بدال الفرامل في السرعات العالية و قرب وقوف السيارة تحدث رجة في البدال
ارجو الافادة و شكرا

المشاركة الأصلية كتبت بواسطة abouleila

لو عندك abs يبقى منها ...وده طبيعى مفيش مشكلة

+111111111111

هو ال abs هتلاقيه كانه بيزق رجلك علشان تسيب البدال. بس لا تستسلم