استهلاك البنزين على الغيارات

**ahmedtunning** · 18-09-2011 11:13 PM

يا شباب مش ار بي ام 2.5 مثلا علي الغيار التاني هو هو 2.5 علي الغيار التالت ,السرعة المسئول عنها الفتيس وعلي كلامكوا احسن استهلاك للبنزين علي اقل ار بي ام و اعلي غيار و السرعه المتوسطة اللي هي 90

**MMamdouh** · 19-09-2011 02:48 AM

استهلاك البنزين مفهوم نسبى مش مطلق... يعنى لازم تنسب البنزين اللى بتستهلكة الى المسافة اللى بتقطعها

يعنى مثلا عند 2500 لفة انت بتستهلك قدر معين من البنزين... سواء انت على الاول او الخامس مش فارقة... المهم انت قطعت كام كيلو بالبنزين اللى حرقتة و انت على 2500 بالتالى من الافضل انك تقطع اكبر مسافة ممكنة باقل RPM

الموضوع برضة مش بالسهولة دى لان مقاومة الهوا بتزيد بشكل مضاعف بعد سرعة 90 لان بعد السرعة دى الهوا بيكون دوامة فراغ ورا العربية و دى بتزود من مقاومة السير بشكل كبير

اذا معنى كدة ان السرعة الامثل للحصول على افضل استهلاك بنزين هى سرعة 90 كيلو فى الساعة بشرط استخدام اعلى نقلة فى الفتيس لتحقيق السرعة دى على اقل RPM

MMamdouh

**amrelsaqqa** · 19-09-2011 03:54 AM

كمان لازم تخلى بالك ان الار بي ام مش هو لوحده اللى متناسب مع كمية البنزين زي مانت فاكر !!

هديك مثال

وانت واقف سلانسيه وممور لو دست الدواسة لربع مشوارها لمدة ثانيتين مثلا هتلاقيك جمعت على الاقل 5000 rpm

انما وانت ماشى طبعا لا
حسب الحمل اللى على الموتور وعزم العربية ككل ، بيختلف مقدار الدوسة اللى توصل الموتور لار بي ام معين
ومع السرعة الحمل ده بيخف والعربية بتبقى محتاجة عزم اقل وده اللى بيخلينا ننقل على نقلة اعلى في السرعة بدون ما الموتور يتعب التعب اللى كان هيتعبه لو كنا نقلنا النقلة دى على سرعة لسه ما خليتش العربية خفيفة

يعنى كدة نقدر نقول ان الار بي ام الفلانى عشان توصل له ، بتختلف كمية البنزين المطلوبة له حسب الحمل الناتج عن سرعة العربية والنقلة واي حمل اضافى (مطلع مثلا)

من الاخر اللى بيحكم موضوع كمية البنزين للوصول لار بي ام معين

الحمل اللى على الموتور اللى بيخلينا ندوس بنزين اكتر او اقل

حيث يتأثر ذلك الحمل بسرعة العربية والنقلة وقوى الاحتكاك والمقاومة (بعد سرعة 90 بتزيد مقاومة الهوا بعلاقة تربيعية بعد ما كانت علاقة خطية قبل سرعة 90 )

-----------

انت اه بتقول انك بتبقى ماشى على نفس الار بي ام في المرتين
بس المرة الجاية بص لرجلك وشوفها دايسة قد ايه في كل مرة
وشوف الاختلاف ده جه منين

ولو بفرض ان الحمل كان ثابت وكمية البنزين كانت ثابتة في الحالتين ، هل انت لمدة دقيقة مثلا (على نفس الار بي ام ) بتمشى نفس المسافة لو كنت على التانى زي ما لو كنت على الخامس عشان تقارن معدل الاستهلاك بالنسبة للمسافة ؟

يبقى اخر كلام :

عند نفس الار بي ام :
لا هى نفس المسافة ولا هى نفس كمية البنزين اصلا عشان نقارن :D

وعلى فكرة الموضوع ده داخل فيه عوامل اكتر من كدة ومعقد لو هنقعد نسرد العلاقات بين العوامل المختلفة لأنها غير منتهية و بتلف على بعضها زي قصة البيضة والفرخة ومين اللى بيأثر في مين

انما لو فهمناه هيبقى سهل جداا اسهل بكتير من اننا نشرحه

**aboharb** · 19-09-2011 11:55 AM

انا شاكر لكل من ساهم فى شرح الموضوع لى وبالعكس انا عرفت حاجات اكتر من اللى كنت عايز اعرفها ولا اخفيكم سرا ان سبب سؤالى انا ليه طريقين بامشى بالعربيه فيهم وانا خارج من بيتى طريق زحمه موت وسرعه بالكاد تصل الى 40 وتوقفات وفرامل كتير وشغال اولانى تانى حوالى 3 كيلو بالشكل ده ممكن يخدو وقت 30 دقيقه وطريق تانى 7 كيلو بس بياخد وقت 10 دقائق وسالك ممكن تصل الى انك تمشى 60 طبعا بالاضافه الى الاشارات من هنا حبيت افهم الموضوع
وشكرااا للجميع واتمنى ان الموضوع يظل مفتوح اكيد هيفيد ناس تانيه مثلى

**mohamed_rhem** · 19-09-2011 12:11 PM

المشاركة الأصلية كتبت بواسطة mmamdouh

استهلاك البنزين مفهوم نسبى مش مطلق... يعنى لازم تنسب البنزين اللى بتستهلكة الى المسافة اللى بتقطعها

يعنى مثلا عند 2500 لفة انت بتستهلك قدر معين من البنزين... سواء انت على الاول او الخامس مش فارقة... المهم انت قطعت كام كيلو بالبنزين اللى حرقتة و انت على 2500 بالتالى من الافضل انك تقطع اكبر مسافة ممكنة باقل rpm

الموضوع برضة مش بالسهولة دى لان مقاومة الهوا بتزيد بشكل مضاعف بعد سرعة 90 لان بعد السرعة دى الهوا بيكون دوامة فراغ ورا العربية و دى بتزود من مقاومة السير بشكل كبير

[gdwl]اذا معنى كدة ان السرعة الامثل للحصول على افضل استهلاك بنزين هى سرعة 90 كيلو فى الساعة بشرط استخدام اعلى نقلة فى الفتيس لتحقيق السرعة دى على اقل rpm[/gdwl]

mmamdouh

استاذ ممدوح انا متفق معاك تمام في كل اللي قولته بأستثناء الجزئية الاخيرة

بالتجربة لاقيت انسب استهلاك للبنزين للسرعات من 80 الي 90

كان علي الرابع وليس الخامس عند rpm 3

ده اداني نتائج علي كمبيوتر العربية افضل من الخامس وعلي rpm 2.5

انا الصراحه مش خبير ميكانيكا زي حضرتك

بس عندي استنتاج وهو ان بالرجوع للكتالوج

لاقيت ان الربع بيغطي منطقه ال 90 وبيوصل لحد 140

اما الخامس المفروض بيتقاطع مع منطقه ال 90 علي نطاق اقل لانه بيوصل لنهاية سرعة الموتور

مستني تعليق حضرتك

**Dr_ahmedrady** · 19-09-2011 02:26 PM

السؤال بشكل تانى ؟؟
امشى على التانى بار بى ام 3
ولا على التالت بار بى ام 2

و الاتنين بيكونو تقريبا نفس السرعة
بس صوت الموتور بيكون اهدى طبعا وانا عالتالت

فايهما افضل؟؟؟

**mohamed_rhem** · 19-09-2011 04:34 PM

المشاركة الأصلية كتبت بواسطة dr_ahmedrady

السؤال بشكل تانى ؟؟
امشى على التانى بار بى ام 3
ولا على التالت بار بى ام 2

و الاتنين بيكونو تقريبا نفس السرعة
بس صوت الموتور بيكون اهدى طبعا وانا عالتالت

فايهما افضل؟؟؟

شوف انا عربيتي ماشيه لحد دلوقت 34.000 كم في سنه وشهر

انا مفوق الموتور بتاعها فوق ما تتخيل

فاللي حاصل معايا ان علي rpm منخفض العربية بتستهل اكتر ما اديها غيار اقل وrpm اعلي

طبعا ده بيبان قدامي علي كمبيوتر العربية

[gdwl]نصيحه بلاش تخلي موتورك كسلان[/gdwl]

**MMamdouh** · 20-09-2011 01:10 AM

المشاركة الأصلية كتبت بواسطة mohamed_rhem

استاذ ممدوح انا متفق معاك تمام في كل اللي قولته بأستثناء الجزئية الاخيرة

بالتجربة لاقيت انسب استهلاك للبنزين للسرعات من 80 الي 90

كان علي الرابع وليس الخامس عند rpm 3

ده اداني نتائج علي كمبيوتر العربية افضل من الخامس وعلي rpm 2.5

انا الصراحه مش خبير ميكانيكا زي حضرتك

بس عندي استنتاج وهو ان بالرجوع للكتالوج

لاقيت ان الربع بيغطي منطقه ال 90 وبيوصل لحد 140

اما الخامس المفروض بيتقاطع مع منطقه ال 90 علي نطاق اقل لانه بيوصل لنهاية سرعة الموتور

مستني تعليق حضرتك

معلش اشرحى ازاى اسنهلاك البنزين قل بالرغم من ان الRPM زاد؟؟؟؟

منطقيا الكلام دة مينعش لانك ماشى بنفس السرعة لكن الموتور بيلف لفات اكتر فى نفس المدة... بالتالى مش من المنطقى خالص ان الموتور يلف اسرع و يستهلك بنزين اقل....

MMamdouh

الموضوع: استهلاك البنزين على الغيارات

LinkBack

أدوات الموضوع

عرض

-

-

-

-

-

المواضيع المتشابهه

استهلاك البنزين

استهلاك البنزين ...........

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة