الموضوع: سحبوا مني سيارتي الزيرو بعد نصف ساعة من استلامها

فرأت حكايتك لأني ظللت ماشي بالسيارة بدون ترخيص وبدون نمر أكثر من اسبوع وانا اصرخ وأقول ياعالم ياهو اعمل ايه مافيش نمر ، الورق ماجاش والسيارة ماشية بدون ارقام ، يقولوا لي ولا يهمك ، معاك الأوراق لكن بق ربنا سترها معايا وماحدش قابلني لأنها كانت في اعقاب الثورة والله يااخي قلبي معاك الكلام ده مش موجود غير في مصر بس ومش عارفين نعمل ايه يعني في كل بلاد العالم يااما يوجد قسم للمرور داخل التوكيل ياإما مندوب ياخد الأوراق ويحيب لك اللوح في خلال نصف ساعة وماتخرجش إلا وأنت مرخص ومعلق نمر
والله العظيم والله العظيم اشترينا سيارة لواحد صاحبي من اسبوع هنا في الامارات رحنا نستلم السيارة وجدناهم دافعين التأمين أكثر من 4000 درهم
ومرخصين ومركبين النمر ومادفعنا ولا درهم ثمن كل هذا وقالوا ده هدية من الوكالة نفسها انا بق اشتريت الشهر الماضي سيارة في مصر ومشيت أكثر من اسبوع بدون أرقام ورحت ارخصها الباش مهندس اللي بيأخد البصمة قال لي البصمة مش ظاهرة
و قدامك حلين اثنين فقط
1 - يا إما ترجع العربية
2 - ياإما تروح مرور الدراسة ولا مش عارف فين

طبعا انا اخترت الحل الثالث عارفين ايه هو .....................

اعطيته الحلاوة 50 جنية
كل سنة وانتم طيبين