الموضوع: نيساان ... وقصتي مع ابو رواش وصيانه 50 الف

سلام عليكم
انا بجد مش عارف اشكركم جميعا ازاي علي تعاونكم
وعلي سؤالكم جميعا
واعزروني لعدم التواصل بسبب سفري لدبي في مؤتمر
المهم
انا طبعا مش معايا غير العربيه دي

واختها معايا وسافرت بيها دبي المهم نزلت بيها هناك واتحركت بيها شويه مكملتش نصف ساعه

لاقيت العربيه بتاكل بنزين بغباء يعني في اللتر ميكملشي بتاع 7 ل 8 كيلو
وكمان فيه حراره طلعت من نحيه الفتيس وكانت في رجلي وكمان صوت الماتور عالي وايضا الفرامل كنت ضعيفه مش زي بتاعت كل مره
المهم حصل ظروف لوالدي فطريت اني انزله بعد سفري ب 3 ايام المهم نزلت واتطمنت عليه وعملنا الازم هو خد باله اني كنت بتحرك بعربيه غير بتاعتي فسالني عن السبب وحكتله ان دي عربيه صديق ليا وان العربيه بتاعتي فيها وفيها وفيها
المهم
قالي لا يابني كده مينفعشي كده بكره هنروحلهم
المهم رحنا وفي البدايه السكرتيره قالت لبابا المهندس هاني مجاش وكالمعتاد قالتله عايزه في ايه المهم علشان انا اعرف مكان المكتب رحتله علي طول علي المكتب وكالعاده كانت بتكدب ولما قولتلها مهو موجود قالتلي معلشي مختش بالي 0 امال سكرتريه ايه ... تقريبا عما تفرج !!!
المهم دخلناله اتعرف علي والدي وكده
وبعدين قاله بص يا بشمهندس موافي ابنك احنا عملنا معاه الواجب وكل حاجه فيالعربيه تمام ابنك الي بيجري بالعربيه والي بيحصل فيها دهب بسبب الجري ابنك علي طول ماشي علي 120 ل 140
المهم قالهم يعني استهلاك بنزين في اللتر 7 كيلو بسبب كده مع انه من شهر كان بيمشي بردوا علي السرعه دي وكانت بتعمل معاه اكتر من 10 كيلو في اللتر وبعدين سخونه الفتيس وكمان الفرامل كل ده بسبب السرعه
هو احنا دافعين 100 الف في عربيه علشان يتلعب بيها في خلال سنتين انا الي اعرفه عربيه جديده يعني بشيل هم كل حاجه لحد 4 ل 5 سنين لكن كده مينفعشي وميرضيش ربنا
المهم المهندس هاني كان بعد خلاف شديد للغايه جابلي عربيه بدل عربيتي في اخر صيانه لما قالتي هتقعد 10 ايام اتخانقت معاهم جامد جدا لان عربيتي كل 10 ايام تقعد عندهم فجبت اخري وقولتلهم عايز عربيه بدل عربيتي
ودي كانت اخر مره الي بعدها بابا راح معايا التوكيل
وراح قايل لبابا ابنك الدكتور ده عمل بالعربيه 1500 كيلو مع اني ماجرهاله والمفروض ميعملشي اكتر من 1000 وميسافرشي بيها
مع اني اقسم بالله العلي العظيم حلفان اتحاسب عليه متحركتشي بالعربيه برا القاهره وكمان معملتش غير 370 كيلو بالظبط وكله بالورق
وطبعا هو كدبني في كده ووصلت اننا زعقنا جامد
وراح قالي بص بقي يا استاذ محمد ( انا بحكلكم بالظبط )
قالي بص بقي انت اصغر مني ولما تتكلم معايا تتكلم معايا بهدوء وانت في مكتبي انا طلعلتك عربيه ومكنش من حقك وعربيتك اتعمل فيها الي مبيتعملشي في عربيه حد واعتقد انك تحمد ربنا علي كده .... واخدين بالكم من النبره ومن الاسلوب طبعا ( انا استحاله بقي اقبل حد يكلمني بكده وموضوع اكبر واصغر فهو كبير علي نفسه وبس لكن عليا يجي عندي ويقف لاني صاحب حق ولما طلبت عربيه كنت صبرت عليه 5 صيانات فاتوا وكل ممره يقولي كل صيانه هتقعد العربيه فيها بالاسبوع والاتنين فكان لازم بقي يتقرصوا مني )
المهم كان في خبطات في العربيه وكان رافض تمام انه يصلحها بحجه انها مني مش منه ووعد والدي انها تتصلح امته بقي الله اعلم والكماليات الي في العربيه لسه زي ما هي متصلحتشي
وايضا ظهرت مشاكل جديده في العربيه
استهلاك بنزين عالي والله العظيم ( من اكتوبر لحد القصر العيني رايح جي بيجلص اكتر من تلت التنك المؤشر بيبقي عند التلتين لو انا مفول للنهايه فهل ده طبيعي ) مع انها كانت بنفس الظروف هي هي مكنشي بيقل اكتر من شرتطين
فيه تزيقه في الكرسي بتاعي لما بطلع بالعربيه اكنه مفكوك وعايز يتربط
فيه تزيقه في الازاز لما بنزله الازاز بتاعي
فيه اسلاك بانت من عند الكرسي الي جمب السواق من قدام كراسي من تحت الطابلوه كده وواقعه علي الارض
صوت الماتور والله اعلي والله العظيم اعلي من ما كنت عليه ده في الطبيعي صوته عالي لما بدوس كيك داون بحس ان العربيه بتجعر بتجعر يعني
هنسيبنا بقي من احساسي ان العربيه علي احساس فيبريشن كده لانهم مصرين اصرار تام اني بيتهيالي

وعلي فكره كل الي قولته ده بيقولوا انت حاسس وخلاص لكن مش طبيعي افضل حل وده من المهندس هاني شخصيا اني اغير العربيه هاتلك حاجه تانيه بقي انت تعبت من العربيه دي ... حل عبقري الحقيقه

المهم والدي كان كلم ناس يعرفوا المهندس هاني ووصوا علي العربيه وعلينا وكده

فالمهندس هاني رد وقالهم اوكي تحت امركم بس ابعتوا مع الدكتور محمد المهندس موافي لاني الحقيقه مبعرفشي اتعامل مع الدكتور وهو صعب في التعامل وحقه عنده رقم واحد ولازم ياخده يا الدنيا تتقلب ... رد .. !!!

المهم كلمنا المهندس اسماعيل واتفق مع والدي انه هيروح يوم الاتلات الي فات قبل الساعه 9 علشان يشوف العربيه ويجربها
المهم رحنا انا ووالدي الساعه 8 هناك وكلمنا المهندس اسماعيل وقالنا اسف انتم رحتوا ليه قبل الساعه 9 ده المركز مبيفتحشي قبل 9 امال انت قلت ايه في التلفون !!! ( يمكن كان عنده برد :) ) المهم فضلنا مستنين لحد الساعه 9 ونصف وبعدين والدي كلمه تاني قاله فينك قالي نصف ساعه فضلنا مستنين ( وعلي فكره كنت بصبر والدي لان بابا من النوع الي خاف من غضب الحليم المهم كلمناه علي 10 زي ما قال قفل التلفون وفضلنا علي الحال ده لحد الساعه 10 وربع
المهم مشينا وسيبناه وحتي متكرمشي واتصل علي التلفون يسال احنا فيه ده معناه ايه بقي !!!
ولحد دلوقتي العربيه والله كل يوم بيظهر مشاكل فيها واستهلاكها كبير قوي والله العظيم التنك كله مبيعملشي اكتر من 310 كيلو والله العظيم يا جدعان ولما بفول بدفع بتاع 72 جنيه
وبجد جزاكم الله كل خير والله العظيم يعني اخوه واكتر والله
وبعتزر والله لانشغالي بس بسبب السفر وان شاء الله هحاول اتابع ان شاء الله

المشاركة الأصلية كتبت بواسطة y2y1500

حسبى الله ونعم الوكيل
ربنا يصبرك ويكون فى عونك يا اخ محمد بس ليا بعض النقاط لو سمحت اسجلها
1-موضوع النرفزة ده طبع وعشان تتغير هاتخد وقت بس نصيحتى لما تعرض مشكلتك تكون محدد فى نقاط وتفكيرك منظم وبتتكلم جد الجد ولما واحد من الافندية اللى قابلتهم واتعاملت معاه فى مركز النصب ده تتكلم معاه ومش عاجبك كلامه شد ضهرك وثبت عينك فى عينيك وغير نبرة صوتك ورد عليه بثبات انفعالى وثقة وتقل بدون عصبية ولا قلة ادب لأن كرامة المصرى بتنقح عليه بس من ابن بلده مع احترامى للجميع وكل حاجة تتعمل تثبتها فى دفتر الضمان وفاتورة المقايسة : كلام حضرتك والله معمول بالحرف الواحد ( ومعايا كل ا يثبت ما حد معي )
2- موضوع الار بى ام المعلق ده اكيد ظهر معاك قبل كده على فترات ويبدو ان حضرتك طنشت ومش متابع فى المنتدى انها عيب فى اغلب عربيات 2010 وكتير غيروها وانا منهم يعنى مش محتاجة فقاقة ولا بيات فى التوكيل عشان يعرفوه وزى ما الزملاء قالولك لازم وانت بتتكلم تبينلهم انك فاهم عربيتك اكتر منهم وبتتكلم بادلة وبراهين مش اى كلام وخلاص:ظهر معايا من صيانه ال 40 الف وفضل مستمر ولما العربيه فراملها سابت مني علي المحور في 74.660 ده الي وداني التوكيل ... يعني انا دخلت العربيه سليمه في صيانه ال 40 الف طلعت فيها العيب ده
3- انت غلطان مليون فى المية انك تروح ابو رواش وعندك مشاكل كبيرة كده دول اخرهم تركب عندهم كماليات وحتى صيانة ال5 الاف خسارة فيهم ال75 ج اللى الواحد بيدفعهم وطالما جاى من المنصورة وبتسافر يعنى مش فارقة معاك المسافات روح السبع عالاقل محترمين وعندهم ضمير شوية عن باقى مراكز الخدمة وبعدين عندك السبع فى المنصورة !!!!! ... للاسف معرفشي والله غيره انا حتي السبع معرفشي اروحله ازاي
4- حضرتك عارف ان عربيتك مش مزبوطة واول ما ترجع بيها تطلع مشوار سفر وجايب بيها 180 مش حرام !!! بغض النظر اخر عداد الصنى كام - العمر مش بعزقة وربنا يكفينا شر الطريق وكلامى هنا مش تقليل من العربية بس لأن كفاءة العربية مش لوحدها فى الامان عندك الطرق والعنصر البشرى وقبل ده وده العناية الالهية : والله هي كانت ظروف وكان علي طريق الصحراوي بسبب تعب والدي وكنت عايز الحق علشان اوديه المستشفي وفي نفس الوقت كان لازم اخرج اخواتي في العيد ولما عرفت انه تعب كان لازم انزل وبسرعه
5- ياترى حضرتك كنت مواظب على الصيانات الدورية من اول ما جبت العربية زيرو وكنت بتعملها فين ؟ مودرن ولا فين؟ اها مواظب عليها في مودرن ابو رواش من صيانه الالف لحد صيانه ال 50 الف ومفوتش ولا صيانه
6- سؤال اخير هما بجلالة قدرهم فى مودرن ابو رواش ما عندهمش جهاز اعطال كومبيوتر ولا عندهم وبايظ ومشغلين الفهلوة فى التشخيص والعلاج عشان لو كده يبقى اسطوات الحرفيين او اى حارة فيكى يا مصر انضف من عباقرة التوكيلات
حاجة تقرف بجد لما كل شوية الواحد يقرا مشكلة بالمنظر ده ودى طريقة التعامل معاها !!! لا عندهم بس الحقيقه مش عارف بقي هو مطلع العربيه سليمه بس العربيه معايا حاسس مش سليمه لاني وديتها لمكانيكي وقولتله العربيه بتستهلك بنزين جامد ممكن تطلع تجربها معايا طلع وهو الي ساق وشاف قالي لا العربيه دي بتستهل بنزين جامد جدا انا معايا اختها 2009 ومش بتعمل كده ولما قولتله طيب السبب في رايك ايه قالي يا حساسات يا رشاشات يا مشكله في الماتور ولازم يتفك علشان نعرف

---------------
تحذير للعضو :
تم تغير اللون
لان الكتابة باللون الاحمر مخالف لقواعد وقوانين المنتدى .. واللون الاحمر مخصص للمداخلات الادارية من الادارة
فى حالة التكرار المخالفة , سيتم تطبيق قواعد المنتدى بحزم

يرجى مراجعة قواعد وقوانين المنتدى

مشرف القسم
1ب

وحاليا موضوع تكته في الكرسي بتاع السواق ده زاد قوي
معرفشي ده بقي ايه فيه حاجه مكسوره ولا اساسا من من الكرسي وحاجه من تحت العربيه

المشاركة الأصلية كتبت بواسطة osama_i

السلام عليكم و رحمة الله و بركاته
معلش يا باشا إجراءات سفر العربية بره مصر ايه؟؟؟
اصل انا حاولت اسافر بيها السعودية منفعش

والله الحقيقه انا معرفشي الاجرائات ايه اصل انا اعرف ناس في مطار القاهره فهم الي بيخلصولي كل حاجه حتي التاشيرات وكل ده هم الي بيخلصوهالي ده حتي كل الي بعمله في موضوع التاشيره وكده هو المقابله وخلاص بيتحددلي معاد في السفاره وخلاص
فمعلشي والله مقدرشي افيدك بس هسألك وارد عليك من عنيا
بس عما اتعتقد بالورق الي ببقي ماسكه في اديا انها بتبقي شحنه عاديه وبتلزق علي العربيه تيكت كده حسب الدوله الي رايحها
بس هسالك علي التفاصيل وارد عليك من عنيا

مع كامل احترمى لصاحب الموضوع انا لى بعض التعليقات
واضح انه متخيل انه علشان دفع 100000 فى سيارة تحمل كلمة نيسان انه راكب سيارة من الفئة الرفيعة ذات الرفاهية والتحمل ...الخ وهذا موضوع غير صحيح وللاسف النيسان الصنى بالذات من السيارات ذات السمعة السيئة جدا عندنا فى السعودية وكثيرة الاعطال وسحبها ضعيف واستهلاك بنزين غير مبرر مع السعة اللترية ومع كل المصائب دى كمان قطع غيارها غالية
انا كان لى واحد طبيب جارى ادبس فى نيسان صنى ومن يوم ما جابها وهو بيصرف عليها مصاريف كتير وبالذات موضوع عداد الار بى ام ده غير تقريبا كل الحساسات اللى فى العربية بدون فائدة وكان بيكشف عليها بالكمبيوتر يعنى شغل موش بلدى ولا فهلوة ولا حاجة
ثانيا انا حاسس انه الموضوع مبالغ فيه شوية وهناك اشياء يصعب تصديقها بدءا من طالب فى اخر سنة فى طب وبيعمل عمليات الى الذهاب بالسيارة لدبى الى غير ذلك (بالمناسبة انا طبيب استشارى باطنة وعمرى 45 سنة)يعنى الكلام ده مبالغ فيه شوية الصنى دى اخرها القاهرة المنصورة وبالعكس وتريح على كدة اسبوع
المهم انصح صاحب الموضوع انه يعرف انه راكب سيارة على ما تفرج وامكانياتها محدودة وتصميمها سئ جدا وثباتها ما يعلم بيه الا الله فيمشى على مهله علشان ربنا يستر طريقه لغاية ما يشترى عربية تناسب رغباته وطموحاته ودى موش هتقل عن 200000 جنيه فى مصر زى الباسات او الاوكتافيا
تقبل تحياتى