نيساان ... وقصتي مع ابو رواش وصيانه 50 الف

**SonaSteel** · 15-10-2011 09:16 PM

اديك سمعتنا كلمتين مالهومش لازمة يا دوك
انا مش عارف هو انا بيتهيألي ولا ايه ..... العربية ماشاء الله لاقوة الا بالله ... ناس معانا عملوا بيها 1200 كيلو في يوم واحد وتاني يوم نصهم ...... انا مش عارف ليه التحامل ده ؟؟ ... العربية علي قد فلوسها اوووووي ..... واكتر ماشاء الله
هاتلي عربية نفس الصني بس ادي كل حاجة حقها ... هاتبقي بكام؟؟؟؟
يعني لما تدفعلك 100000 في عربية طيارة وبتتقلب زي الورق علي الطريق ومفيهاش امان احسن ؟؟؟
واستهلاك بنزين في شركات بتعلب عليها ولما تعمل 220 / الصفيحة جوه البلد كتيييييييييير؟؟؟
والصني ايه اللي فاشلة ... حضرتك مشفتش فيديوهات اليويتوب للصني المعدلة واللي بيعملوا بيها سباقات قدام التويوتا؟؟
وربنا يكرم ونطير من البلد ديه اللي بيبعولنا اشباه عربيات ...... بتحويشة العمر

**Dr.M.Mowafy** · 17-10-2011 01:31 AM

انا والله مش عارف اقولكم ايه لوقفتكم وردودكم دي
وبجد انتم اكتر من اخوه
والاخ الي بعتلي رساله علشان خاطر المقابله انا والله اخويا احمد هو الي قراها وهو لسه قايلي ان كان اتبعتلي رساله
فمعلشي بعتزرلك

انا الحمد لله نزلت امبارح بليل والحمد لله كان فيه كذا عربيه زميلي محضرهملي والحمد لله بعت النيسان وجبت عربيه تانيه

انا بس الرد الي هعلق عليه الرد ده

QUOTE=lonedoctor;3873870464]مع كامل احترمى لصاحب الموضوع انا لى بعض التعليقات
واضح انه متخيل انه علشان دفع 100000 فى سيارة تحمل كلمة نيسان انه راكب سيارة من الفئة الرفيعة ذات الرفاهية والتحمل ...الخ وهذا موضوع غير صحيح وللاسف النيسان الصنى بالذات من السيارات ذات السمعة السيئة جدا عندنا فى السعودية وكثيرة الاعطال وسحبها ضعيف واستهلاك بنزين غير مبرر مع السعة اللترية ومع كل المصائب دى كمان قطع غيارها غالية
انا كان لى واحد طبيب جارى ادبس فى نيسان صنى ومن يوم ما جابها وهو بيصرف عليها مصاريف كتير وبالذات موضوع عداد الار بى ام ده غير تقريبا كل الحساسات اللى فى العربية بدون فائدة وكان بيكشف عليها بالكمبيوتر يعنى شغل موش بلدى ولا فهلوة ولا حاجة : بالنسبه لكون هي عربيه مش رفاهيه ومش بتتحمل فده لا يمنع انها عربيه يكون توكيلها بالشكل ده ...
ثانيا انا حاسس انه الموضوع مبالغ فيه شوية وهناك اشياء يصعب تصديقها بدءا من طالب فى اخر سنة فى طب وبيعمل عمليات الى الذهاب بالسيارة لدبى الى غير ذلك (بالمناسبة انا طبيب استشارى باطنة وعمرى 45 سنة)يعنى الكلام ده مبالغ فيه شوية : اعتقد مش مطالب مني اني اوضح تفسير الي حضرتك شاكك في مبالغته بس طبعا احتراما ان حضرتك استاذي في الطب وما شاء الله في الباطنه وانا بحترم جدا دكتره الباطنه فانا تعليمي حضرتك برا مش في مصر وعلشان اشتغل في مصر كان لازم اعيد اخر سنتين لانهم رفضوا يشغلوني هنا حضرتك فانا في عرف مصر انا طالب لكن الحقيقه اني طبيب جراحه اورام ومنهم لله بقي الحكومه السابقه وفيه مجهودات اني اخد ترخيص المهنه بالعمل هنا في مصر بالنسبه بقي موضوع دبي حضرتك بردوا انا مسافرتش بالعربيه لكن العربيه ختها في الطياره كشحنه عاديه او امتعه وبتتنقل عادي لدبي وهناك بتحرك بيها ده عادي جدا حضرتك لكن مختهاش سواقه من مصر لهناك
الصنى دى اخرها القاهرة المنصورة وبالعكس وتريح على كدة اسبوع : كلام حضرتك متحامل حبتين يعني بس الصني صدقني زيها زي اي عربيه جديده مينفعشي تهينها مش زي العربيات القديمه بهدل فيها براحتك
المهم انصح صاحب الموضوع انه يعرف انه راكب سيارة على ما تفرج وامكانياتها محدودة وتصميمها سئ جدا وثباتها ما يعلم بيه الا الله فيمشى على مهله علشان ربنا يستر طريقه لغاية ما يشترى عربية تناسب رغباته وطموحاته ودى موش هتقل عن 200000 جنيه فى مصر زى الباسات او الاوكتافيا : علي فكره يادكتور الحاجه الوحيده الحلوه في الصني هي ثباتها اللا متناهي وده عن تجربه
تقبل تحياتى[/QUOTE]

وطبعا اول مقابله قادمه هحضرها علشان بجد نفسي اشوفكم واقدم هديه بسيطه كده لكل واحد بجد جميل هنا في المنتدي الراقي ده

**Youssef.Awad** · 17-10-2011 02:17 AM

الحمد لله انها جت على قد كده
وربنا يكون فى عون اللى اشتراها منك وما قولتلناش جبت ايه بعد الصنى ؟

**Youssef.Awad** · 18-10-2011 08:51 PM

المشاركة الأصلية كتبت بواسطة maher75

بص عشان تبقى عارف مودرد موتورز ده توكيل سىء وماينفعش حتى يصلح عربيات كارو ولازم كل اللى معاه نيسان يشتكيه حتى لو وصل الامر الى الشكوى للشركة الام باليابان لان مايصحش نتعامل بالشكل ده وازاى شركة كبيرة زى نيسان سايبة ناس بالشكل ده تتعامل فى عربيتها بجد لازم يشوفوا لينا حل فى التوكيل الزبالة ده اذا كان مودرن ده كره الناس فى سوزوكى يبقى اذاى نيسان تتعامل معاه اصلا . وبعدين نفسى اسأل نيسان ليه العربيه دى مالهاش مركز صيانة باسمها ذى اى شركة تانية ( هايونداى - كيا - جينرال موتورز وغيرها لازم ادارة نيسان تنتبه لنقطة مهمه ان مركز صيانة سىء مثل مودرن موتورز كفيل يبوظ سمعة العربية واحنا لما صدقنا انها تبدأ تكتر بس احن فى مصر ذى مالحاجة بتكتر بسرعة ممكن تنزل بسرعة اكتر يعنى انا عندى اشترى عربية اقل فى الجودة من نيسان بس توكيلها يكون محترم احسن من انى اجيب عربية المفروض انا كويسة وصيانتها مع ناس تعبانه ذى مودرن ماتشوفوا اسبرانزا بتبيع اذاى على حس ابو الفتوح مع انها عربية متواضعة ولكن بصراحة الراجل مش مقصر مع الناس وبيتعمالوامع العملاء بشياكة وذوق مش ذى شوية الكمسرية اللى فاهمين انهم مهندسين انا اعرف انهم حتى يداروا خيبيتهم حتى ويعاملوا الناس كويس

موافقك مليون المية فى كل حرف عدا انك ما تركبش نيسان عشان مودرن عندك السبع نضيف ومحترم وناس على مستوى عالى

**Elshennawy** · 18-10-2011 11:50 PM

المشاركة الأصلية كتبت بواسطة wesam_salom

حضرتك جبت المعلومات دى منين
انا معايا صنى خليجى
موتور صنى يابانى
صالون صنى نفس المصرى (كنبه تخنق )
تابلوه صنى (العدادات السودا زى الموديلات السابقه)
نفس العفشه مع اختلاف الطنابيرالخلفيه مكتوب عليها من الداخل Renault Samsong لكن نفس المقاس والتيل
ممكن حاجات تكون مختلفه اللى هى نسبه ال 40 % اللى بتتصنع هنا فى مصر
ما اظنش حد هيقول الضفيره المصرى او الكاوتش او الكراسى المصرى احسن (ولو انها مش مريحه برده)
ولو على موضوع التقفيل انا اعرف ان الناس بتدفع مبالغ اكبر فى العربيات علشان تشترى التقفيل المستورد ومحدش يقول ان التقفيل المصرى احسن من الكورى

فى الخليج بيشتكوا منها لانها كورى وهما اتعودوا على اليابانى
انما هنا احنا مشفناش التقفيل اليابانى علشان نعرف الفرق
وكمان علشان بيقارنوها بعربيات تانيه خالص بتظهر حقيقه الصنى مش بيقارنوها بلانوس وفيرنا وعيوب هيونداى اللى برده مشكله تقفيل

تقبل احترامى
والاختلاف فى الرأى لا يفسد للود قضيه

بالنسبه للمعلومات اللي انا بقولها فدي معلومات عرفتها بسبب اني كنت عايش في الكويت لفتره كبيره
فلو حضرتك قصدك على الشكل الطبيعي للصني فانا معاك ان الخليجي الشكل العادي الموتور ياباني
ولكن مازال التقفيل كوري

ولن الشكل الجديد (اللي هو الرينو الاسكالا) فده كوووووررري بالكامل زي ما قولت قبل كده وبيتصنع في خطوط انتاج شركه سامسونج اللي اشترتها شركه نيسان في اواخر التسعينيات بعد تحالفها مع رينو

يعني نيسان بعتت نسخه كامله من خط انتاج الصني لكوريا وبدأت بتجميع السياره ثم تصنيع بعض القطع زي ما حضرتك اضفت بالنسبه للطنابير مثلا وعام 2007 قامت الشركه الكوريه بانتاج السياره بشكل معدل بعد اكتسابها الخبره الكافيه وتواجد المعدات وبدء التصنيع بالكامل (من المسوجر للموتور)

ودي صوره النسخه المجمعه في كوريا
[img2]http://www.valuemd.com/attachments/auc-medical-school-classifieds/10841d1252207101-car-sale-2004-samsung-sm3-img_0067.jpg[/img2]

ودي صوره النسخه المصنعه بالكامل

[img2]http://www.fannat.com/news/2469_files/image003.jpg[/img2]

interior

[img2]http://www.cars-directory.net/pics/renault_samsung/sm3/2007/renault_samsung_sm3_a1236408035b2514924_5.jpg[/img2]

وفي موديل بينزل في السعوديه وقطر بجانب الكوري والحقيقه لا اعرف مصدره بس طبعا مش ياباني اسمه كلاسيك ودي صوره

[img2]http://www.qatarliving.com/files/imagecache/page_480/2010/9/29/P1011006.JPG[/img2]
[img2]http://www.qatarliving.com/files/imagecache/page_480/2010/9/29/P1011001.JPG[/img2]
[img2]http://www.qatarliving.com/files/imagecache/page_480/2010/9/29/P1011003.JPG[/img2]
[img2]http://www.qatarliving.com/files/imagecache/page_480/2010/9/29/P1011002.JPG[/img2]

اتمنى اكون وضحت انا اقصد ايه استاذي الفاضل والاصل انا بتكلم على الكوري

هدانا الله واياكم لصالح الاعمال

**wesam_salom** · 19-10-2011 12:47 AM

انا اقصد دى

دى اللى انا بتكلم عليها
تقبل تحياتى

**maher75** · 19-10-2011 09:00 PM

هو ده اخر امكانيات مودرن ( مايعرفوش يعملوا حاجة وكمان معملة سيئة ) بس معلش سمعت ان اوتو ايجيبت فتح مركز منافس ليهم بابو رواش عايزين نجربة ان شاء الله يبقى كويس ويخلى الناس ميعتبوش مودرن ده

-

الموضوع: نيساان ... وقصتي مع ابو رواش وصيانه 50 الف

LinkBack

أدوات الموضوع

عرض

-

-

-

-

-

المواضيع المتشابهه

عايز حد متخصص فى بيع وصيانه عجل الاطفال والاكسسوارات

افضل مركز خدمه وصيانه

اول تجربه ليا مع التوكيل فرع ابو رواش وصيانه 1000

برسونتي وصيانه ال1000 وتقيمي للعربيه

الحمدلله طلعت رخصتي امبارح ,,, وقصتي مع مرور عين الصيرة

الكلمات الدلالية لهذا الموضوع

المفضلات

المفضلات

ضوابط المشاركة