الفرق بين محرك ياباني و ألماني

**mecho_392** · 30-03-2009 07:19 PM

بص يا باشا اللى اعرفه ان القدرة المقاسة بتكون Brake Power يعنى القدرة الخارجة على عمود الكرنك اللى انت بتستفيد منها.. و القدرة دى بتساوى القدرة المولدة داخل المحرك (تسمى Indicated power) مطروح منها القدرة الضائعة فى الاحتكاك (Friction Power) اللى هى القدرة الضائعة فى التغلب على الاحتكاك بين الشنابر و جدار الاسطوانة و....
و الطبيعى انك تقرأ فى الكتالوج ال Brake Power و انا كل قياساتى على المحركات بتكون Brake Power لانى بقيس من الكرنك و الجهاز المستخدم اسمه Dynamometer و ليه انواع كتيره ابسطها نوع اسمه Friction Dynamometer بتفرمل بيه الكرنك عن طريق اوزان لحد ما يقف تقوم تسجل قراءة السرعة و القدرة المناظرة (Horse Power).. ف الطريقة دى لقياس خرج المحرك و انت فى معمل و المحرك متثبت قدامك..
لكن اعتقد فى انواع قياس اخرى (اللى حضراتكم تقصدوها او الالمان بيستعملوها) زى اللى بنشوفه فى عربيات كامله واقفة على جهاز و بيقيس من العجل فى النوع ده ممكن اتفق معاكم ان خرج المحرك هيقل علشان فى Rolling Resistance و تحميل اكتر على المحرك.

اما بالنسبة لل PS دى وحدة قياس للقدرة لا تعتمد على نوع القدرة ان كانت Brake او Indicated او اى حاجه.. يعنى زى ما تقول كيلومتر و متر الفرق بينهم هو معامل تحويل يعنى..

PS = 0.98632 HP

يا رب اكون افدتكم و شرحى كان مبسط.

**ابوهاشم** · 03-04-2009 10:45 PM

انا عن نفسى مقتنع جدا بالمنطق ده ان 1300 المانى اقوى من 1600 كورى لان ال1300 المانى
لو بعد 20 سنه هتلاقيه لسه بمتانته ونفس قوته تقريبا لكن ال1600 كورى لو بعد سنتين كشفت عليه
هتلاقيه بقوة 600 سىسى بس ويفضل بس كلمة 1600 مكتوبه فى الرخصه ومحسوبه عليك وخلاص

**1.8Tee** · 03-04-2009 10:53 PM

المشاركة الأصلية كتبت بواسطة hashem1999

انا عن نفسى مقتنع جدا بالمنطق ده ان 1300 المانى اقوى من 1600 كورى لان ال1300 المانى
لو بعد 20 سنه هتلاقيه لسه بمتانته ونفس قوته تقريبا لكن ال1600 كورى لو بعد سنتين كشفت عليه
هتلاقيه بقوة 600 سىسى بس ويفضل بس كلمة 1600 مكتوبه فى الرخصه ومحسوبه عليك وخلاص

الكلام دة بناء على اية ؟ اية مصدرة ؟.

**mecho_392** · 03-04-2009 11:05 PM

المشاركة الأصلية كتبت بواسطة hashem1999

انا عن نفسى مقتنع جدا بالمنطق ده ان 1300 المانى اقوى من 1600 كورى لان ال1300 المانى
لو بعد 20 سنه هتلاقيه لسه بمتانته ونفس قوته تقريبا لكن ال1600 كورى لو بعد سنتين كشفت عليه
هتلاقيه بقوة 600 سىسى بس ويفضل بس كلمة 1600 مكتوبه فى الرخصه ومحسوبه عليك وخلاص

طيب انا معايا ماتريكس من 1/2007 و عامله 57600 كم عمرى ما غيرت اى حاجه غير زيت و فلتر كل 10,000 كم فقط بدون تغيير فلتر هواء او بنزين او بوجيهات و لسه مطلع فلتر الهواء انهارده لقيته اسووووووووووووووووووووووو وووووووووووووووووووود و الحمدلله العربية زى الفل و سحبها ممتاز و عملت بيها من 0-100 قريب و كانت فى رقم افضل من ال stock و من 0-80 فى 7.5 ثانيه..
و من كلام حضرتك ده ان لو محرك المانى بعد مثلا 10 سنين هتلاقى كفائته كااااام؟؟؟ 100% انا لى اصحاب اشتروا المانى و عربيات حالتها ممتازه و كفاءة الموتور كانت حوالى 85% و اقل.
ممكن العربية تفرق من ناحية ال build quality و انه تبقى معمرة اكتر لكن مش بالصورة اللى حضرتك موضحها دى و يا ريت لو كان ليها اساس تقولهلنا.

**mecho_392** · 03-04-2009 11:06 PM

المشاركة الأصلية كتبت بواسطة Mohamed_SlvrLan99

الكلام دة بناء على اية ؟ اية مصدرة ؟.

+100000000000000000000000000000000000

**Mostafa Hessen** · 03-04-2009 11:26 PM

اعتقد ان المقياس واحد مبيختلفش يعنى فعلا ال 1600 هى واحده فى كل مكان بس تختلف فى تكنولوجيا الصناعة

وقوة الموتور فعلا ليس لها علاقة بمكان الصناعة

**crazylambada** · 04-04-2009 01:05 AM

بص يا احمد
انا من الناس المتعصبين جدا للمواتير الالماني
يكفي مواتيرجولف القديمة بس
لكن موضوع العمرة ده مش شرط
لان انتا ممكن تخلي عربيتك تعمل عمرة للموتور في مشوار لو العربية ايه
الماني الماني
عاوز اقولك ان فيه 3 عربيات اوكتافيا A4 استيشن بتوع البوليس
جم التوكيل بعد شراؤهم باسبوع عاوزين عمرة
؟؟؟؟؟؟؟؟؟؟؟؟؟؟؟؟؟؟؟؟
و ده علشان اللي بيسوقوها غشم على دواسة البنزين
ليس عيب في العربية و لكن عيب فيهم
ياريت تكون فهمت وجهة نظري

**Ahmad Allawy** · 04-04-2009 01:42 AM

المشاركة الأصلية كتبت بواسطة crazylambada

بص يا احمد
انا من الناس المتعصبين جدا للمواتير الالماني
يكفي مواتيرجولف القديمة بس
لكن موضوع العمرة ده مش شرط
لان انتا ممكن تخلي عربيتك تعمل عمرة للموتور في مشوار لو العربية ايه
الماني الماني
عاوز اقولك ان فيه 3 عربيات اوكتافيا A4 استيشن بتوع البوليس
جم التوكيل بعد شراؤهم باسبوع عاوزين عمرة
؟؟؟؟؟؟؟؟؟؟؟؟؟؟؟؟؟؟؟؟
و ده علشان اللي بيسوقوها غشم على دواسة البنزين
ليس عيب في العربية و لكن عيب فيهم
ياريت تكون فهمت وجهة نظري

بص..
هو في حاجات كده مفيش موتور يستحملها حتي لو كان ايه..
زي انك تمشي بالعربية من غير زيت مصلا.. او زيت قليل جدا او زيت محروق..
لكن الكلام ف الظروف العادية.. و الاستهلاك العادي.. و القرص العادي الطبيعي علي العربية.. مش الاستخدام الغبي..

**crazylambada** · 04-04-2009 01:45 AM

كلامك مظبوط يا احمد

-

مشاهدة نتائج الإستطلاع: أيه رأيك في المحركات التالية

الموضوع: الفرق بين محرك ياباني و ألماني

LinkBack

أدوات الموضوع

عرض

-

-

-

-

-

المواضيع المتشابهه

اية الفرق بين محرك 1500 و 1600 سى سى ؟؟؟

الفرق محرك ميجان 2005 و 2007

صراع ألماني ألماني أوبل سنترا وبي أم

الفرق بين محرك الديزل ومحرك البنزين

للبيع لاب توب سيمنز ياباني وليس ألماني

الكلمات الدلالية لهذا الموضوع

المفضلات

المفضلات

ضوابط المشاركة