الموضوع: الفرق بين محرك ياباني و ألماني

المشاركة الأصلية كتبت بواسطة Ahmad Allawy

الالانترا الفعلي بتاعها 105-106 حصان..
و المرسيدس دي الرقم ده هو الفعلي بتاعها..
يعني بنتكلم في موتور اقوي من بتاع الالانترا مرة و نص..
تكنولوجي..

تمام يا احمد باشا هو ده الى اقصده

المشاركة الأصلية كتبت بواسطة amelsahn

اللى انا اعرفو الأتى...:

- الأسيويين (يابانى أو كورى): بيكتب قدره أكبر من الفعليه - يعنى الموتور بيطلع 90 حصان يكتبها هو 100 (أو 110 - كلما صغر الأسم زاد الفارق)
السبب و الحجه: بيعمل الأختبارات فى ظروف شبه مستحيل تتحقق على الواقع (يعنى مثلاً ممكن يلغى معامل الجاذبيه أو الأحتكاك) و ده علشان يكسب زبون أو يوسع سوق

- الأمريكانى: بيكتب أقل من الفعلي - يعنى مثلاً الموتور بيطلع 145 هو يكتبها 140
السبب: عندهم مشكله (ممكن تعتبرها ميزه) فى النظام القضائى ان لو هو كتب 145 و طلعت انها 144.5 ممكن يتخرب بيتو فيها... الدليل على الكلام ده العربيات الأمريكانى لو تبص لعداد السرعه دائماً تلاقى حته فاضيه فى الأخر بعد أخر رقم فى العداد، المؤشر بيسقط فيها و ماتعرفش ساعتها انت ماشى على كام علشان ماتعرفش تمسك عليه حاجه

-الألمانى: بيكتب باظبط اللى بيطلع من الموتور فى الظروف الطبيعيه
السبب: طول عمرهم شايفين انهم أعلى من مستوى البشر و مش محتاجين يروحو لحد... الناس هى اللى المفروض تجيلهم، بالتالى هما حيكتبو الحقيقه و الناس المفروض انها ترضى و تفتخر بيها لمجرد انها ألمانى

على فكره أنا مش قصدى حاجه وحشه فى حقهم، بالعكس... أنا تعاملت مع ألمان كتير و لقيتهم ناس محترمه و ودوده جداً... بس على الثقافه العامه مش طباع الناس

كلام تمام 100%

المشاركة الأصلية كتبت بواسطة venus-doom

شفتو بقى c180 الجديده 1600 سى سى 156 حصان و عزم 250نيوتن يعنى تقطع اى عربيه 1600 سى سى و مش بعيد تقطع الى اكبر من 1600 كمان !!!!!!!!اعتقد ان الموتور ده كده نتيجه للتكنولوجى الى فيه احنا منبهرين بالالنترا عشان 1600 121 حصان(لو كانت 121 اساسا ) اهو المرسيدس 156 حصان يا ترى لو شدت مع النترا مين الى يكسب و ليه هيكسب؟

العربيه المرسيديس ال سي كلاس الـ 1600 الجديده 154 حصان مش 156. و سبب قوه الموتور مش علشان الماني... السبب انه الموتور راكب عليه كمبريسور.. يعني موتور forced induction و عادي انه يبقى بالقوه دي.

المشاركة الأصلية كتبت بواسطة Ahmed Hassan

العربيه المرسيديس ال سي كلاس الـ 1600 الجديده 154 حصان مش 156. و سبب قوه الموتور مش علشان الماني... السبب انه الموتور راكب عليه كمبريسور.. يعني موتور forced induction و عادي انه يبقى بالقوه دي.

بس انا مسمعتش عن الكمبريسور ده الا فى المرسيدس و بعدين كل شركه تعمل الى هى عايزاه فى الموتور المهم فى الاخر اداءه ايه ؟؟؟؟ يعنى ليه الالنترا بتطلع 121(حصان كما يقال)و الاوكتافيا 102 بس ؟؟؟ بتختلف من شركه لشركه مش كده ولا ايه؟؟؟

المشاركة الأصلية كتبت بواسطة venus-doom

بس انا مسمعتش عن الكمبريسور ده الا فى المرسيدس و بعدين كل شركه تعمل الى هى عايزاه فى الموتور المهم فى الاخر اداءه ايه ؟؟؟؟ يعنى ليه الالنترا بتطلع 121(حصان كما يقال)و الاوكتافيا 102 بس ؟؟؟ بتختلف من شركه لشركه مش كده ولا ايه؟؟؟

محدش قال حاجه... كل شركه تعمل اللي هيه عايزاه. كل قصدي المقارنه تكون بين موتورين متكافئين... يعني يا اما الاتنين عاديين يا اما الاتنين عليهم تربو او سوبر تشارجر

المشاركة الأصلية كتبت بواسطة Ahmed Hassan

محدش قال حاجه... كل شركه تعمل اللي هيه عايزاه. كل قصدي المقارنه تكون بين موتورين متكافئين... يعني يا اما الاتنين عاديين يا اما الاتنين عليهم تربو او سوبر تشارجر

انا معنديش اعتراض على حاجه يا باشا انا بس كان قصدى اوضح فرق القوه بين موتورين 1600 سى سى مع فرق التكنولوجى واعتقد ان الالنترا لو ركب عليها تربو مش هتطلع القوه دى !!! طبعا لانها مش هتبقى نازله بيه و كمان عشان فرق التطور بين مرسيدس وهيونداى

المشاركة الأصلية كتبت بواسطة venus-doom

انا معنديش اعتراض على حاجه يا باشا انا بس كان قصدى اوضح فرق القوه بين موتورين 1600 سى سى مع فرق التكنولوجى واعتقد ان الالنترا لو ركب عليها تربو مش هتطلع القوه دى !!! طبعا لانها مش هتبقى نازله بيه و كمان عشان فرق التطور بين مرسيدس وهيونداى

التوربو اللي راكب في المرسيدس مش تكنولوجيا تنفرد بيها مرسيدس
هات أي عربية في الدنيا بتطلع حصان عالي
و ركب عليها تربو
هاتلطع نفس الللي بيطلع من المرسيدس

فيات لينيا 1400 سي سي
و راكب عليها توروبو .......... بتطلع 125 حصان

جين 2 CPS مش موجودة في مصر و مش راكب عليها توروبو بتطلع 127 حصان و لو ركبت عليها التوربو ......... اللي هو مخطط له يطلع للوجود السنة اللي جاية ......... هايطلع تقريبا 160 حصان

تكنولوجيا التوربو مش حكر على حد و مش حاجة صعبة قوي
أي شركة ممكن تعملها
الأستاذ احمد حسن كان يقصد يقول
أن لما تقارن بين محركين ......
يا إما يكون الأثنين عاديين
أو راكب عليهم توربو هما الأثنين

مش هي دي التكنولوجيا اللي بنتكلم فيها علشان مش حكر على حد
أي شركة عايزة تحط توربو على عربياتها ........ هاتحط و ش محتاجة عباقرة علشان يحطوا التربو في العربية

المشاركة الأصلية كتبت بواسطة tutankhamoun

التوربو اللي راكب في المرسيدس مش تكنولوجيا تنفرد بيها مرسيدس
هات أي عربية في الدنيا بتطلع حصان عالي
و ركب عليها تربو
هاتلطع نفس الللي بيطلع من المرسيدس

فيات لينيا 1400 سي سي
و راكب عليها توروبو .......... بتطلع 125 حصان

جين 2 CPS مش موجودة في مصر و مش راكب عليها توروبو بتطلع 127 حصان و لو ركبت عليها التوربو ......... اللي هو مخطط له يطلع للوجود السنة اللي جاية ......... هايطلع تقريبا 160 حصان

تكنولوجيا التوربو مش حكر على حد و مش حاجة صعبة قوي
أي شركة ممكن تعملها
الأستاذ احمد حسن كان يقصد يقول
أن لما تقارن بين محركين ......
يا إما يكون الأثنين عاديين
أو راكب عليهم توربو هما الأثنين

مش هي دي التكنولوجيا اللي بنتكلم فيها علشان مش حكر على حد
أي شركة عايزة تحط توربو على عربياتها ........ هاتحط و ش محتاجة عباقرة علشان يحطوا التربو في العربية

طيب لما هو تيربو عادى (ولو انى معترضتش )ليه مرسيدس مسمياه كمبريسور ؟؟و بعدين معتقدش ان الجين 2 لو ركب عليها الكمبريسور ده هتبقى زى المرسيدس لان الموتور المفروض يكون مجهز لحاجه زى دى و انا قلت الكلام ده لما اتكلمت على الالنترا !!! و اساسا انا لما كتبت على السى هنا مكانش قصدى حاجه غير انى اوضح انها اقوى موتور 1600 سى سى فى مصر و مفيش مقارنه بينه و بين اى 1600 فى مصر !!!! و فى الاخر هرجع و اقول زى مقلت قبل كده ان الفرق بين الموتور مش بيكون عشان ده المانى و ده يابانى او حتى اسرائيلى !!!! لان كمان الشركات بقت بتختلف من بلد للتانى يعنى الجاجوار انجليزى و كانت ملك فورد لحد قريب فممكن فورد تستخدم فيها تكنولوجى امريكى عادى !!