الموضوع: الفرق بين محرك ياباني و ألماني

المشاركة الأصلية كتبت بواسطة Ahmed Anwer

بخصوص نقطة السبائك دي ،،

ممكن تشوف اللينك ده ،،

عن أحد مواتير ميتسوبيشي اليابانية

http://en.wikipedia.org/wiki/Mitsubishi_8A8_engine

و هتقرأ فيه الكلام ده ،،

However, the two vehicles were developed in partnership with the Hyundai Motor Company of South Korea, with whom Mitsubishi has had a longstanding relationship.[2] While Mitsubishi makes the cylinder heads and other GDI-related equipment, Hyundai casts the aluminium block, and other major internal components


يعني بياخدوا سبيكة الموتور نفسها من هيونداي

ماهو ممكن يكون الكلام ده نتيجة لوجود اتفاق بين الشركتين.. في تصنيعها
از ان السبيكة دي نتيجة ابحاث مشتركة بين الشركتين..

يا جمعه ازاي تقارنهن سي سي قليل بسي سي عالي على حساب بلد الصنع يعني انا اعرف انه مواتير الدايو فيها تكنولوجيا الماني على حساب انها جينرال موتورز الكلام السليم انك تقارن موتور بنفس السي سي يعني مثلا كوري 1600 بياباني 1600 بنفس سنة الصنع كمان
يعني عن كلام واقعي انا مره شديت مع لانسر 1300 موديلها مش قل من 2005 وكان فاتح الشبابيك وانا معايا نوبيرا 2004 وكنت مشغل التكييف وماشاء الله التكييف عندي تلاجه ........ مش عايز اقولكم اني طلعت عنه براحه وانا مشغل التكييف كمان حتى عداد الار بي ام عندي ما وصلش 5,5 كمان .............. وده اكبر دليل على كلامي

المشاركة الأصلية كتبت بواسطة د/ خالد

يا جمعه ازاي تقارنهن سي سي قليل بسي سي عالي على حساب بلد الصنع يعني انا اعرف انه مواتير الدايو فيها تكنولوجيا الماني على حساب انها جينرال موتورز الكلام السليم انك تقارن موتور بنفس السي سي يعني مثلا كوري 1600 بياباني 1600 بنفس سنة الصنع كمان
يعني عن كلام واقعي انا مره شديت مع لانسر 1300 موديلها مش قل من 2005 وكان فاتح الشبابيك وانا معايا نوبيرا 2004 وكنت مشغل التكييف وماشاء الله التكييف عندي تلاجه ........ مش عايز اقولكم اني طلعت عنه براحه وانا مشغل التكييف كمان حتى عداد الار بي ام عندي ما وصلش 5,5 كمان .............. وده اكبر دليل على كلامي

عايز اقول لحضرتك علشان هو فاتح الشباك انت تسبقه لكن هو لو قافله صدقني مش هتعرف تشوفو تاني لأن الهوا اللي داخل العربيه من الشباك بيقلل عزم العربيه ولو تلاحظها وانت بتجري وفاتح الشباك هتلاقي العربيه بتعوم عن ما انت قافله

فاتح شباك مش فاتح الفرق واضح قووووووي يا اخ اب نيمو ............... والا انته عشان معاك لانسر هههههههههههههههههههههههه انا بصراحه كان نفسي بدل النوبيرا ..... لانسر لكن الفكه ما كملتش معايا ان شاء الله اقدر اجيبها لاني من هوات الانسر بصراحه

السلام عليكم ورحمة الله وبركاته

انا شايف الموضوع اخد اكتر من حقه
ومع احترامي الشديد ..
مفيش حاجه اسمها اقارن بين

عربية ألماني 1300و قوتها مثلا 85 حصان و عربية تاني كوري1600 و قوتها مثلا 110 حصان

لان كلمة مقارنة دي المفروض تكون بين حاجتين متقاربتين على الاقل ..
او بين حاجتين فرق السما والارض .. هل احنا بنقاون بين حاجتين فرق السما والارض؟؟ معتقدش

الموضوع ببساطه لو موتور بس فيه فئات مخصصة لكده وفيها مواتير أقوى ومزودة بتربو وغيره وعزم أقوى .. ودي سيارات رياضية لمحبي القوة والسرعة ..

زي بردو ما فيه سيارات تانيه مصممه للرفاهيه وموتور معتدل (كويس) .. يناسب احتياجات اسرة يعني مش رب اسرة هيحرق ع الموتور وياخد غرز ويطلع يخمس وكده .. ولا ايه ؟؟

يعني ..

الكوري (كويس) كموتور و(ممتاز) في انواع منه ..
مع ثبات الاوبشن العالي في الكوري عموماً ..
وده الي بيدفع الناس الي معاها مبلغ معين لشراء سيارة كوري ..

مع العلم ان الي مش فارق معاه الفلوس وعايز يشتري سيارة كوري ممكن يشتري سيارة (محترمة) ككل بس كله بثمنه .. واعتقد ان ده نجاح للكوري ..

من ناحية تانيه الياباني بصفة عامه او اجمالاً (ممتاز) كموتور ومعمر .. واوبشن جيد .. وتكييف فوق الممتاز .. واسعار متفاوته اقلها بسعر يوازي الكوري ممكن يكون اقل سعة لترية منه لكن مش معنى كده انه اضعف هو بيناسب احتياجات الي معاه المبلغ ده .. ارجو اني اكون قدرت اوصل فكرتي

وبالنسبة للالماني ..
دي ناس بتصنع عربيات محترمة جدااااااااا .. ونقدر نقول انها بتجمع كل الاشياء المطلوبة في سيارة من قوة موتور ورفاهية وثبات وغيره .. ودي بتسعى لفئة معينة من الناس ..

الموضوع سياسة شركة ..
ممكن الكوري يصنع عربية 5000 سي سي بس لمين ؟؟
هو سوقه عربيات معقوله واوبشن عالي .. ده سوق ومبيعات عالية لفئة وطبقة معينه

زي ما الياباني لفئة أخرى
زي ما الالماني لفئة مختلفة ايضاً
وارجع واقول

كل شركة لديها موديلات عااااااااااااااالية جداااااااا
مهما كانت كوري او ياباني او الماني لكن لطبقة معينة والي موافق يشتريها ..

وبردو هرد على السؤال

على أساس
عربية ألماني 1300 سي سي و قوتها مثلا 85 حصان و عربية تاني كوري و قوتها مثلا 110 حصان مع إن الكوري 1600
يبقى مين الأقوى

مع ثبات سنة الصنع والحالة العامة للسيارة ..
ومع اني معرفش ان فيه عربية الماني 1300 سي سي اساسا :)

بس اعتقد الكوري هتطلع في البداية ولو فضلوا على سرعة الالماني ممكن تسبق
لكن اكيد موتور اكبر عزم اكبر .. بدون تدخل تربو او توين كام او غيره

موتور 1300 ياباني أقوى من موتور 1600 كوري أو ماليزي
وإن الموتور 1000 سي سي ألماني أقوى من موتور 1600 ياباني
ده مش صحيح بالاحتفاظ بلفظ (أقوى) .. اكيد السعة اللترية الاكبر اقوى ..
بس انا عايز اسأل سؤال معلش

هو ايه الفايدة من المقارنة دي ؟؟؟؟؟؟
هنطلع منها بإيه ؟؟


تحياتي