الفرق بين محرك ياباني و ألماني

**tutankhamoun** · 01-01-2009 09:23 PM

أولا أهلا بحضرتك و أنا متقبل كلام حضرتك طبعا و لازم أحترمه
تعالى نفصص الكلام واحدة واحدة

لما نقارن الكورسا بالالنترا يبقى دى مقارنه غير عاااااادله خالص لعده اسباب اولها ان الوزن مختلف و الكورسا اتقل من الالنترا (و مش هدخل فى تفاصيل ليه الالنترا خفيفه و الكورسا تقيله)

فعلا المقارنة ظالمة بس للكورسا مش للإلنترا

الكورسا موتور 1800 سي سي و خلي بالك مش 1400 سي سي
وزنها 1160 كجم مش لاقي وزن الموتور 1400 بس أكيد أقل من كدا
و كمان الأوبل كورسا 2200 سي سي وزنها 1330 كجم
الالنتر 1600 حوالي 1200 كجم

يعني أتقل من الكورسا أم 1800 سي سي

و مع ذلك موتور الالنتر الكوري أقوى من موتور الكورسا الألماني
أنا مش ببتكلم على الجودة نهائي
و كلام حضرتك بيثبت كلامي
أن فيه عوامل كتيرة
يعني مثلا لو أتكلمنا على عربيتين في نفس الفئة
بلاش كورسا علشان هي أصغر من الالنتر في الحجم و في الموتور

نقارن أوكتافيا اللي وزنها 1290 كجم مع النترا اللي وزنها 1200 كجم
يعني فيه فرق في الوزن 90 كجم لصالح الألنترا و ده بيقلل تسارع الأوكتافيا بالاضافة طبعا لشئ هام هو أن موتور الأوكتافيا أقل في عدد الأحصنة من موتور هيونداي النترا بحوالي 18 حصان كاملين
يبقى أنا كل كلامي و كل المناقشة اللي تمت في الموضوع أن الحكم مش ببلد الصنع نهائي من ناحية قوة الموتور

يعني مينفعش أجيب عربية أكسنت مثلا جيتز 1600 و أقارنها بأختها النترا
طبعا الجيتز هاتلطع و مرتاحة كمان
مع الأثنين فيهم موتور قوته متقاربة و يمكن بتاع الألنترا أقوى بكام حصان
إنما فارق الوزن ....... خلى الجيتز شدت جامد عن الالنترا

يبقى زي ما أغلب الأخوة قبل كدا تناقشوا في الفنيات و تم الأتفاق على عوامل هامة إذا تم تثبيتها ..... لن تفرق بلد صناعة الموتور و الفرق سيكون في قوته الفعلية و ليس بلد صناعته

العوامل هي
الموتور و أقصى قوى يخرجها
الوزن
النسبة بين التروس زي ما الأستاذ أحمد علاوي أوضح
نوعية البنزين المستخدم في الحرق

برده موضوع بقى ليه الالنترا حصانها عالى و الاوكتافيا قليل ان فى حاجه من 2 يا تعمل عزم عالى و حصان واطى او تعمل حصان عالى و عزم قليل .
الحصان بيدى سحب على السرعات البطيئه على عكس العزم الى بيدى سحب قوى على السرعات العاليه عشان كده لو بصيت على الالنترا على السرعات العاليه من بعد 130 مثلا هتلاقى سحبها ضعيييييييف و الالمانى هيعديها .

العكس صحيح يا أستاذي الفاضل
العزم هو اللي بيطلع العربية من الثبات مش الحصان
الحصان بيخرج في أي عربية في الدنيا على سرعات عالية و العزم بيخرج على سرعة أقل من سرعة القوة الحصانية العظمى
بمعنى
أقصى عزم بيكون مثلا عند 4000 لفة
و أقصى قوة حصانية بتكون عند 6000 لفة
و دي في أي عربية في الدنيا ان العزم بيكون ما بين 2500 إلى 4500 لفة و لا يزيد عن ذلك

و ليه حضرتك عممت و قلت الكوري بعد 130 هايبقى ضعيف
نرجع تاني و نقول الموضوع ملوش دعوة بكوري و لا هندي و لا حتى موزمبيقي
حسب طريقة صناعة المحرك و الهدف منه
و هل هو SOHC أم DOHC
و هل تم تصميم المحرك لأخرج العزم عند 3500 لفة مثلا أم تم تصميم المحرك لاخراج العزم عند 4500 لفة
السيارة اللي فيها محرك بيخرج عزمه عند 3500 لفة هاتبقى أحسن في الطلوع و في السرعات الصغيرة و العكس صحيح السيارة الأخرى أم عزم بيطلع على سرعة أكبر هاتبقى أحسن في السرعات العالية
و على فكرة الالنترا تقطع الاوكتافيا على اي سرعة لأن الحصان أعلى و الوزن أخف

على فكرة ......... الالنترا من العربيات اللي سحبها و شدها عالي في فئة ال 1600 ...... و من أنعمهم كمان في السحب

الموضوع مرة أخرى ملوش دعوة ببلد الصناعة .... ده حسب صناعة المحرك و التكنولوجيا اللي فيه

و عندنا أفضل مثال ..... سيارات نيسان جي تي ار بتهزم أي عربية ألماني في السرعة و لو في نفس الفئة
أهي دي ياباني و بتهزم ألماني
مش فيه ناس كتيرة مصوتين لصالح الألماني أنه بيكون أقوى حتى لو أقل في السعة اللترية !!!!!!!!!!!!!!!!!

و مرة أخرى أنا باكد
أنا مليش دعوة بالجودة نهائي ....... أنا بتكلم في قصة تانية علشان محدش يخلط الكلام
و شكرا على الحوار الجميل
و تفضل تحياتي

المشاركة الأصلية كتبت بواسطة Ahmad Allawy

شوف بس يا باشا..
القوة الفعليه لموتور الالانترا اقل بكتير من ال125 حصان دول..
الفعلي حوالي 105-106 حصان بس..

و في حاجات تانية ممكن تفرق زي الفتيس.. اللي ممكن يفرق بين عربيات ف التسارع..

بالنسبة للقوة الفعلية مش هاتكلم فيها لأني طبعا لا أستطيع قياسها
و لكن سآخذ بأرقام الشركة الصانعة و ليس أرقام التجار
و ايضا التجربة العملية

و أنا موافقك تماما في موضوع العوامل الأخرى و لكن كل الهدف من هذا الموضوع أن نثبت أن قوة المحرك ملهاش دعوة ببلد الصناعة
و لكن كما أوضحت و أوضح الأخوة قبلي في صفحات هذا الموضوع من قبل .
و شكرا يا باشا

**ramylanos** · 02-01-2009 02:15 PM

المشاركة الأصلية كتبت بواسطة venus-doom

لما نقارن الكورسا بالالنترا يبقى دى مقارنه غير عاااااادله خالص لعده اسباب اولها ان الوزن مختلف و الكورسا اتقل من الالنترا (و مش هدخل فى تفاصيل ليه الالنترا خفيفه و الكورسا تقيله) فبالتالى حتى لو الالنترا 1400 زى الكورسا الالنترا هتكسب عشان عامل الوزن .
و نفس السبب الى بيخلى الالنترا تقطع الاوكتافيا غير الحصان العالى الوزن برده موضوع بقى ليه الالنترا حصانها عالى و الاوكتافيا قليل ان فى حاجه من 2 يا تعمل عزم عالى و حصان واطى او تعمل حصان عالى و عزم قليل .
الحصان بيدى سحب على السرعات البطيئه على عكس العزم الى بيدى سحب قوى على السرعات العاليه عشان كده لو بصيت على الالنترا على السرعات العاليه من بعد 130 مثلا هتلاقى سحبها ضعيييييييف و الالمانى هيعديها .
تقبل احتراامى ووجهه نظرى

مع كلامك تمام
كل الالماني تقيل في الطلعه لكن بعد 100 سلملي بقه علي التروماي :10D5C8~1107:
عن تجربه

**KHALED AYMAN** · 02-01-2009 11:16 PM

استاذ توت (عنخامون) اولا اشكرك على اسلوب الحوار المؤدب و الى يليق بشخص محترم زيك و اختلاف الراى لا يفسد للود قضيه .
انا معاك فى ان مفيش موتور اقوى من التانى عشان ده المانى و ده يا بانى او كورى او حتى من شونبونجو !!!! السبب مش هو بلد الصنع لكن السبب فى التكنولوجى الى فى الموتور و طريقه عمله و ادائه .مثال موتور الاوكتافيا موتور غير رياضى خاااالص لانه بيطلع اقصى قدره ليه عند 3800 دوره فى الدقيقه !!! عكس موتور تانى زى استرا بيطلع اقصى قدره عند 6200 دوره فى الدقيقه فبالتالى لما اشد باوكتافيا و اوصل ل ار بى ام عالى مش هلاقى السحب الى كنت متوقعه !!!!
بالنسبه لفئه الالنترا فهى مش اوكتافيا خااااااالص لان اوكتافيا اولها ب 153 الف و الالنترا اخرها فى السعر 125 اعتقد و ده فئه سعريه انما لو بصيت لفئه الموتور ففى عربيات كتتتتتتتيييييييييير موتورها 1600 سى سى و مش معنى كده انى اقارنها باوكتافيا !!!
انا معاك فى ان الالنترا تقطع الاوكتافيا على اى سرعه و ده حصل معايا بالاسترا الى بتقطع الاوكتافيا و السبب فى ان الالنترا كسبتنى هو الوزن !!!! و ده عامل اساسى بيخلى السيارات الكورى و اليابانى سحبها حلو و دليل اهميه عامل الوزن ان شركه زى لامبورجينى لما بتنزل نسخه رياضيه او بمعنى تانى نسخه اكثر رياضيه من موديل عندها بتخفف الوزن بانها تصنع العربيه من الياف و تقلل من استخدام المكونات التقيله .
بالنسبه لموضوع ال جى تى ار طبعا عربيه رياضيه من الدرجه الاولى لكن مش معنى كده ان مفيش عربيه المانى تقدر تهزمها !!!! هل هى اقوى من بوجاتى فيرون ؟؟؟؟(فولكس هى الى عاملاها يعنى المانى و دى كانت اسرع عربيه فى العالم لحد ما فى شركه امريكيه تفوقت عليها )
فى نهايه كلامى انا احب اوضح كام حاجه :
1- الالنترا عربيه محترمه من ناحيه السحب و الشد (و انا مجرب الى عملته فيا ).
2-انا معاك فى ان الموضوع ملوش دعوه بالجوده او ببلد الصنع لان المانيا مش محتكره القوه و لا السحب خصوصا فى فئه ال 1600 فى مصر
3- الجى تى ار عربيه لا غبار عليها و كمان انا مستنى اجيب nfs under cover لانى سمعت انها فيها و عايز اجربها لانى مش طايلها فى الحقيقه .
4- و دى اهم حاجه انى كنت سعييييييييد جدا بالحوار معاك و يا رب كل الناس يكون اسلوبها فى الحوار زيك .و خلى بالك من اى عربيه المانى بعد ال 130 هههههههه.

**محمد ابراهيم 1** · 02-01-2009 11:21 PM

الفروق بتبقى بسيطه بين المواتير المتماثله فى السعه اللتريه وفكرة عملها يعنى من حيث عدد الكامات والصبابات وكده لكن العمر الإفتراضى للموتور هو اللى بيفرق على حسب البلد المصنعه له ومدى جودة الخامات لديها

**ringoo84** · 07-01-2009 05:01 PM

القوه هي هي بس انهي الي هيعيش اكثر دي الي بتفرق

**Ahmad Allawy** · 07-01-2009 05:02 PM

الموضوع فيه جانب نفسي كبير جدا..:k4::k4:

**samirayad** · 09-01-2009 10:51 AM

المشاركة الأصلية كتبت بواسطة محمد ابراهيم 1

الفروق بتبقى بسيطه بين المواتير المتماثله فى السعه اللتريه وفكرة عملها يعنى من حيث عدد الكامات والصبابات وكده لكن العمر الإفتراضى للموتور هو اللى بيفرق على حسب البلد المصنعه له ومدى جودة الخامات لديها

هو دة الخلاصة.........................:k32:

**lancerevolution** · 15-01-2009 12:33 PM

أعتقد مفيش فرق بتفرق بس فى تكنولوجيا التصنيع بس

**KHALED AYMAN** · 27-01-2009 12:33 AM

شفتو بقى c180 الجديده 1600 سى سى 156 حصان و عزم 250نيوتن يعنى تقطع اى عربيه 1600 سى سى و مش بعيد تقطع الى اكبر من 1600 كمان !!!!!!!!اعتقد ان الموتور ده كده نتيجه للتكنولوجى الى فيه احنا منبهرين بالالنترا عشان 1600 121 حصان(لو كانت 121 اساسا ) اهو المرسيدس 156 حصان يا ترى لو شدت مع النترا مين الى يكسب و ليه هيكسب؟

**Ahmad Allawy** · 27-01-2009 09:26 AM

الالانترا الفعلي بتاعها 105-106 حصان..
و المرسيدس دي الرقم ده هو الفعلي بتاعها..
يعني بنتكلم في موتور اقوي من بتاع الالانترا مرة و نص..
تكنولوجي..

مشاهدة نتائج الإستطلاع: أيه رأيك في المحركات التالية

الموضوع: الفرق بين محرك ياباني و ألماني

LinkBack

أدوات الموضوع

عرض

-

-

-

-

-

-

-

المواضيع المتشابهه

اية الفرق بين محرك 1500 و 1600 سى سى ؟؟؟

الفرق محرك ميجان 2005 و 2007

صراع ألماني ألماني أوبل سنترا وبي أم

الفرق بين محرك الديزل ومحرك البنزين

للبيع لاب توب سيمنز ياباني وليس ألماني

الكلمات الدلالية لهذا الموضوع

المفضلات

المفضلات

ضوابط المشاركة