الموضوع: مركز الصفا لتحليل و معالجة العوادم وصيانة الكربراتير والانجكشن

المشاركة الأصلية كتبت بواسطة ashrafnoby

بسم الله الرحمن الرحيم

انا انهارده كنت فى مركز الصفاء للانجيكشين ورحت المركز الساعه 10.15 صباحا وكان دورى ال15 وتم اكشف عن طريق المهندس المسئول الساعه 11.00 ووضع العربيه على الجهاز واعطى قراء 10% للعادم وانسبه المفروض من 0:1 % وتم فك الكربيراتير بالكامل وعمل صيانه له وتم وضع العربية على الجهاز مره اخرى والنسبه نزلت الى 6.6 % وبعد كده فك تم تغير الماب بتاع العربيه والنسبه لم تقل را ح فك الراداخ ونضفه والنسبه نزلت الى 5.5 بعد كده بقى الرشاش هو المشكله راح جابلى رشاش لونه اسود وه من معلومه قديمه من طنانى انه بتاع ال1200 المهم قالى ان سعره 350 جنيه بس بصراحه شكله معجبنيش حسيت انه مستعمل قبل كده مش جديد بس راح الفنى ركب الرشاش ودور العربيه والحمد لله والشكمان نزل ماء لونه اسود بس كتيييير والنسبه نزلت الى.0.3% بس انا بصراحه قولت احسن ابقى اجيب رشاش استعمال يتاع ال1200 وهيبقى فى حدود100 الى 120 وعلى تجربه وللعلم انا خلصت العربيه الساعه 2.45
اهم ملحوظه لى على المكان انه مش منظم بمعنى الساعه 10.15 تلاقى الفنيين والمهندسين بشربوا الشاى فى اى وقت مع العلم ان العماله كتيير مش قليله مع ان المفروض فى اى مكان يحدد وقت للشاى والافطار للعامليين مش فى اى وقت وايضا شرب السجاير متاح فى اى وقت للعاملين
اما مدير المركز فعلا راجل كويس جدا فى المعامله وفاهم احسن من ناس كتييير عنده وانا كلمته وحسيت انه فاهم مش زى اى حد
-العربيه بتاخد وقت طويل جدا للفحص من الساعه 11: 2.45 مع انى متواجد من الساعه 10.15 وكمان فى وقت الصلاه حوالى 45 دقيقه
- اهم حاجه المصنعيه اخد 150 جنيه ومفيش اى خصم لعضاء نيل موتورز

السلام عليكم و رحمة الله و بكاته
عميلنا العزيز ردا على ملاحظاتكم اولا قوة المركز 10 فنيين و 10 مساعدين و 4 مهندسين 2 مدير بالتناوب 1 استقبال و نظام المركز اولا تحديدالعطل و الاتفاق على المصنعية ثم الانتظار لتحديد احد الفنيين على السيارة وحيث ان رقم الدور 15 و عدد الفنيين الحاضرين فى هذا اليوم 7 فقط كان يجب توزيع السارات باولاوية الحضور لاكن عن تعيين اى فنى على السيارةلا يتركها الا عند الانتهاء من اصلاحها مع المراجعة عليه
ثانيا شرب الشاى داخل المركز متاح للعاملين فى اى وقة بسبب ضيق الوقت و كثرة السيارات و التدخين غير مسموح له بداخل المركز على الاطلاق و لايوجد عندنا وقت لفترة راحة على الاطلاق
ثالثا المصنعيات محددة بلستة اسعار معلقة ولا يمكن عمل خصم الا فى حالات ابراز استيكر نايل موترز للحسابات عند الانهاء من العمل فعزرا لسيادتكم اذا كان النسيان منك او منا
وشكرا للمشاركة ادارة المركز

المشاركة الأصلية كتبت بواسطة ahmedpro2004

السلام عليكم ورحمة الله وبركاته
معى سيارة لانسر موديل 98 الموتور بيعلى لوحده( ال rpm بيوصل 20 وأعلى فى السلانسيه ) و بتنتش و بتطلع عادم اسود وصوت الموتور عالى ( السياره كاربيراتير )أرجو من سيادتكم توضيح العيب مع معرفة القيمة التقديرية للاصلاح وجزاكم الله خيرا

وعليكم السلام سيدى العميل قيمة الاصلاح الكامل بقطع الغيار 250 جنيه تقريبا و هذا العيب ممكن يكون سببه الاتشوك و لاكن يجب الكشف اولا لتحديد العطل و احتمال يكون حاجة بسيطة وشكرا للمشاركة